Rais wa Jamhuri ya Muungano wa Tanzania, Samia Suluhu Hassan, amemteua Afisa Mtendaji Mkuu wa Benki ya NMB, Ruth Zaipuna, kuwa mmoja wa wanawake watakaoshiriki mchakato wa kujadili na kupatia ufumbuzi Haki za Wanawake Kiuchumi.

 Rais Samia ameyasema hayo  jana , wakati akihutubia Mkutano wa Wanawake uliofanyika kwenye Ukumbi wa Jakaya Kikwete jijini Dodoma, ulioshirikisha takribani wanawake 10,000, wakiwemo wabunge wanawake, madiwani, wajasiriamali na Mama Lishe, waliowawakilisha wanawake wote nchini.

 Akizungumza katika mkutano huo, Rais Samia alieleza mikakati mbalimbali ya Serikali yake inayolenga kuleta Usawa wa Kijinsia, moja ya eneo ambalo yeye aliposhiriki Mkutano wa Afrika na Ufaransa kwa njia ya video, alilichagua baada ya kupewa heshima ya kuchagua eneo la Kumjenga Mwanamke wa Afrika.

 "Wakati wa Mkutano wa Afrika na Ufaransa, uliofanyika kwa njia ya video, kwenye suala la Usawa wa Kijinsia, nilipewa heshima ya kuchagua eneo moja la Kumjenga Mwanamke ili tulisimamie na tuwe 'championi' wa eneo Hilo.

 "Tanzania tumepewa heshima hiyo na Mimi nikachagua eneo la Haki za Kiuchumi kwa Mwanamke, kwa kutambua kuwa eneo hilo ni nguzo muhimu sana katika kuleta Usawa wa Kijinsia. 

 "Hivyo basi, naomba wadau tushirikiane katika hilo. Najua kati yetu hapa, nina vijana wazuri kwenye mabenki, wakiongozwa na ndugu yangu wa NMB (Afisa Mtendaji Mkuu, Ruth Zaipuna). Huyu ni mmoja kati ya Wanawake niliowachagua watakaoshiriki jambo hili, sambamba na wengine walio kwenye Sekta ya Uchumi," alisema Rais Samia.

 Alibainisha kuwa, Zaipuna na wanawake wengine aliowachagua, jukumu lao kuu litakuwa ni kumsaidia Rais kufanya uchambuzi yakinifu na wa kina juu ya hali halisi ilivyo katika suala zima la Haki za Kiuchumi kwa Mwanamke ndani ya Tanzania na Afrika kwa ujumla wake.

 Aliongeza kuwa, jopo hilo litapaswa kuangalia ni maeneo gani yana mapengo na maeneo gani Serikali za Afrika zingependa zisaidiwe na Ufaransa na mipango yao ni kwenda umbali gani, ambayo watayawasilisha kwa nchi hiyo ya Ulaya ili ione namna ya kuisaidia Afrika kufikia Usawa wa Kijinsia kupitia Haki za Kiuchumi kwa Mwanamke.

Afisa Mtendaji Mkuu wa Benki ya NMB – Bi. Ruth Zaipuna akipongezwa baada ya kuteuliwa na Mhe. Rais wa Jamhuri ya  Muungano wa Tanzania, Samia Suluhu Hassan kuwa mmoja wa wanawake watakaoshiriki mchakato wa kujadili na kupatia ufumbuzi Haki za Wanawake Kiuchumi.

Afisa Mtendaji Mkuu wa Benki ya NMB – Bi. Ruth Zaipuna akiwa miongoni mwa wanawake zaidi ya 10,000 walioshiriki katika mkutano wa Rais uliofanyika katika ukumbi wa Jakaya Kikwete jiini Dodoma. 

MENEJA wa Huduma za Wakala wa Meli Tanzania (TASAC), Nelson Mlali amesema shirika hilo lipo kwenye utaratibu wa manunuzi ya boti ambayo itapita maeneo mbalimbali kuelimisha jamii ikiwa ni mkakati wa kuzuia vitendo vya uchafuzi wa mazingira kwenye bahari. MENEJA wa Huduma za Wakala wa Meli Tanzania (TASAC), Nelson Mlali akizungumza na waandishi wa habari mjini Tanga hivi karibuni wakati wa maonyesho ya biashara.

(Picha na Ofisi ya Makamu wa Rais) 

Makamu wa Rais wa Jamhuri ya Muungano wa Tanzania Mhe. Dkt. Philip Isdor Mpango akizungumza na Rais wa Burundi Mhe. Evariste Ndayishimiye Ikulu Gitega Nchini wakati Makamu wa Rais Mhe. Dkt. Philip Isdor Mpango amemuwakilisha Rais wa Jamhuri wa Tanzania Mhe. Samia Suluhu Hassan kwenye kumbukizi ya kutimiza Mwaka mmoja wa kifo cha aliyekuwa Rais wa Burundi Hayati Pierre Nkurunziza iliyofanyika jana katika Mji Mkuu wa Serikali Gitega Nchini Burundi.

Rais wa Burundi Mhe. Evariste Ndayishimiye akimkaribisha Makamu wa Rais wa Jamhuri ya Muungano wa Tanzania Mhe. Dkt. Philip Isdori Mpango Ofisini kwake Ikulu Gitega Burundi kwa ajili ya Mazungumzo. Makamu wa Rais Mhe. Dkt. Philip Isdor Mpango amemuwakilisha Rais wa Jamhuri wa Tanzania Mhe. Samia Suluhu Hassan kwenye kumbukizi ya kutimiza Mwaka mmoja wa kifo cha aliyekuwa Rais wa Burundi Hayati Pierre Nkurunziza iliyofanyika jana katika Mji Mkuu wa Serikali Gitega Nchini Burundi.

Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akimsikiliza Katibu wa Dini mbalimbali Zanzibar Askofu Dickson D.Kaganga, walipofika Ikulu kwa mazungumzo yaliofanyika katika ukumbi wa Ikulu Jijini Zanzibar na (kulia kwa Rais) Mufti Mkuu wa Zanzibar Sheikh.Saleh Omar Kabi, Katibu wa Mufti.Sheikh. Khalid Ali Mfaume na Fr.Damas Mfoi wa Kanisha Katoliki Zanzibar. Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akizungumza na Viongozi wa Dini mbalimbali Zanziubar wakiongozwa na Mufti Mkuu wa Zanzibar Sheikh.Saleh Omar Kabi (kulia kwa Rais) waipofika Ikulu Jijini Zanzibar kwa mazungumzo yaliofanyika katika ukumbi wa Ikulu leo.9-6-2021.

Mkurugenzi wa Uchaguzi wa Tume ya Taifa ya Uchaguzi, Dkt. Wilson Mahera akizungumza na viongozi wanawake kutoka vyama vya Siasa 14 vyenye usajili wa kudumu, waliotembelea Ofisi za Tume, Njedengwa jijini Dodoma juzi kujionea shughuli zinazofanywa na Tume hiyo. Ujumbe huo uliratibiwa na Ofisi ya Msajili wa vyama vya Siasa nchini kewa lengo la kuwajengea ufahamu wadau wake. (Picha na NEC).

Rais wa Jamhuri ya Muungano wa Tanzania Mheshimiwa Samia Suluhu Hassan akitoa heshima za mwisho katika Jeneza lenye mwili wa Mwanasiasa Mkongwe Marehemu Mzee Chrisant Majiyatanga Mzindakaya mara baada ya Misa ya kumuombea Marehemu iliyofanyika katika Kanisa Katoliki la Mtakatifu Petro Oysterbay mkoani Dar es Salaam leo tarehe 09 Juni 2021.

 Rais wa Jamhuri ya Muungano wa Tanzania Mheshimiwa Samia Suluhu Hassan akiondoka katika Kanisa la Mtakatifu Petro Oysterbay mkoani Dar es Salaam mara baada ya kutoa Heshima za mwisho katika Jeneza lenye mwili wa Mwanasiasa Mkongwe Marehemu Mzee Chrisant Majiyatanga Mzindakaya leo tarehe 09 Juni, 2021.

*Ameshauri kwa baadae Wajumbe wa Mkutano Mkuu wa TFF kupiga asilimia 50, Vyombo vya Habari asilimia 25 na Wadau wa Mpira wa miguu asilimia 25.


Na Bakari Madjeshi, Michuzi TV


Mchambuzi wa Soka nchini, Oscar Oscar rasmi ameingia kwenye kinyang’iro cha kuwania urais wa Shirikisho la Soka nchini (TFF) baada ya leo kujitokeza katika Ofisi za Shirikisho hilo kuchukua Fomu ya kuwania Urais huo.

Akiongozana na Wachambuzi wengine, Jeof Leah, Tunu Hassan, Oscar Oscar aliingia kwenye Ofisi za Shirikisho hilo majira ya Saa 7 mchana akiwa na imani, furaha tele kuchukua fomu hiyo ya Uongozi wa juu wa TFF.

Baada ya kuchukua Fomu hiyo, Oscar Oscar amesema amefanya maamuzi hayo ya kuwania Urais wa TFF akiwa na malengo makubwa ya kuongoza Soka la Ulimwenguni lakini akianza na uongozi wa soka la nyumbani Tanzania kama atapata nafasi hiyo.

Oscar amesema anajivunia kuwania urais wa TFF akiwa tayari na uzoefu wa mpira wa Tanzania wakati akifanya kazi na timu ya Azam FC na kufanikiwa kutwaa Ubingwa wa Tanzania Bara akiwa na timu hiyo iliyoweka rekodi yake msimu wa 2013-2014 chini ya Kocha Mkuu Joseph Omog.

“Ndoto inaendelea kubaki kuwa ndoto, kuota ndoto kubwa au ndogo, inaendelea kuwa na uzito ule ule, TFF kwangu mimi ni kama mwanzo lengo kuu ni kuongoza Mpira wa Dunia”, amesema Oscar Oscar.

Amesema hatanii kuwania nafasi hiyo kutokana na umuhimu wa nafasi yenyewe katika kuongoza masuala ya Soka la Tanzania, amesema anaamini ana uzoefu wa kutosha katika mpira wa miguu.

“Hakuna Chuo kinachofundisha watu kuwa Rais wa TFF, tumewaona akina Leodgar Tenga, Jamali Malinzi na Wallace Karia wameongoza Soka la Tanzania kwa Uongozi wa miaka minne na matokeo chanya”, ameeleza Oscar.

Hata hivyo, Oscar amesema hana tatizo na Wajumbe katika Shirikisho hilo kuelekea Uchaguzi huo, amesema anaweza kuwa mshauri mzuri wa Mifumo kupitia Shirikisho.

“Kwa mfano mchakato wa kumpata Mchezaji bora wa dunia (FIFA), wadau mbalimbali wanapiga kura kumchagua Mchezaji bora, natamani hata sisi tungeweza kumpata Rais wa TFF kwa kupiga kura Wajumbe wa Mkutano Mkuu, Vyombo vya Habari na hata Wadau wa Soka”, ameeleza.

 Na. Georgina Misama- MAELEZO

Rais wa Jamuhuri ya Muugano wa Tanzania, Mhe. Samia Suluhu Hassan amesema Tanzaia itapeleka timu ya wataamu wa sekta ya madini nchini Botswana kujifunza mikakati ya namna ya kuendeleza madini  nchini kwaajili ya biashara duniani.

Akizunguma katika mkutano maalumu na waandishi wa habari uliofanyika leo Ikulu Dar es salaam wakati wa ziara ya Rais wa Botswana nchini, Mhe. Dkt. Mokgweetsi Keabetswe Masisi, Rais Samia amesema Botswana ni nchi inayofanya vizuri kiuchumi Afrika, ambapo uchumi wake unatokana na kuzalisha kwa wingi madini ya almasi na nyama.

“Botswana ni nchi yenye uchumi mzuri Afrika na inayoongoza duniani kwenye kuuza madini ya Almasi, hivyo mimi na mgeni wangu Mhe. Rais Mokgweetsi Masisi tumekubaliana Tanzaia ipeleke wataamu wa sekta ya madini kule, ili kujifunza uzoefu wao katika eneo hilo na  kuweza kufanya vizuri”, anasema Rais Samia.

Aidha, Rais Samia amesema kwamba katika mazungumzo yake ya faragha na Rais Masisi wamekubaliana kuimarisha ushirikiano wao wa kirafiki lakini pia wa kibiashara na uwekezaji ambapo uwekezaji wa Botswana nchini umekuwa ukiongezeka kutoka shilingi za kimarekani milioni 731 mwaka 2005 hadi kufikia bilioni 3.5 mwaka 2020.

Kutokana na Botswana kuwekeza kwenye miradi mbalimbali hapa nchini yenye thamani ya Dola za kimarekani shilingi milioni 31, kuna Watanzania wapatao  2,128 ambao wamenufaika na ajira kutoka kwenye miradi hiyo. Rais Samia anatoa wito kwa watanzania wote, kuchangamkia fursa za kibiashara zitakazotokana na uhusiano mzuri baina ya nchi hizo mbili.

Kwa upande wa Rais wa Botswana Mhe. Dkt. Mokgweetsi Masisi amesema kwamba Tanzania na Botswana zina uhusiano wa kihistoria tangu enzi za kupigania uhuru wa nchi mbalimbali Afrika, hivyo ushiriano baina ya nchi hizi mbili utaleta manufaa kwa pande zote mbili.

“Ushirikiano wetu utaongoza nchi zetu kwa manufaa kila nchi. Tumekubaliana mawaziri wetu wa Mambo ya Nje ndani ya miezi mitatu wakutane na kupanga utaratibu wa kifufua Tume ya Pamoja ya Ushirikiano ya mwaka 2002 na kufanya mkutano wake wa mwisho mwaka 2009”

Rais Masisi pia alimkaribisha Rais Samia, kwenda kumtembelea nchini Botswana ili kuimarisha uhusiano wao na kupata uzoefu wa mambo mabalimbali, lakini pia alimuahidi kumuunga mkono hasa kwa kuzingatia historia ya nchi zao.

Rais wa Jamhuri ya Muungano wa Tanzania Mhe. Samia Suluhu Hassan na Mgeni wake  Rais wa Jamhuri ya Botswana Dkt. Mokgweetsi Eric Keabetswe Masisi  wakishuhudia utiaji saini Tamko la pamoja zoezi ambalo lilifanywa na Mawaziri wa Mambo ya Nje kutoka Tanzania na Botswana leo  Juni 10 ,2021 Ikulu Jijini Dar es Salaam, Rais Masisi yuko nchini kwa ziara ya siku mbili.

Mkuu wa Mkoa wa Ruvuma Brigedia Jenerali Wilbert, Ibuge akifungua kikao kazi kuhusu mfumo wa ugavi wa bidhaa za afya kwa viongozi wa serikali mkoani Ruvuma kilichofanyika kwenye ukumbi wa Manispaa ya Songea.

MKUU wa Mkoa wa Ruvuma Brigedia Jenerali Wilbert Ibuge ametoa miezi mitatu kwa wakuu wa wilaya na wakurugenzi kuhakikisha kuwa vituo vyote vya kutolea huduma za afya kwa umma vinafungwa mifumo ya kukusanya mapato (GOTHOMIS).

Brigedia Jenerali Ibuge ametoa agizo hilo wakati anafungua kikoa cha mfumo wa ugavi wa bidhaa za afya kwa viongozi wa serikali kutoka Halmashauri na wilaya zote za Mkoa wa Ruvuma ambacho kimefanyika kwenye ukumbi wa Manispaa ya Songea.

Mkuu wa Mkoa ametoa agizo hilo kutokana na vituo vingi vya serikali kukosa mifumo ya kukusanya mapato (GOTHOMIS) ambapo takwimu zinaonesha kuwa kati ya vituo 280 vya kutolea huduma za afya vilivyopo mkoani Ruvuma,ni vituo kumi tu ndivyo vimefungwa mifumo hiyo.

“Kufikia Septemba Mosi,2021,vituo vyote vya kutolea huduma za afya kwa umma,viwe vimefungwa mifumo ya GOTHOMIS bila kukosa,Septemba 2,2021,niwe nimepata taarifa ya utekelezaji na baada ya hapo,ukaguzi wa kushitukiza utaendelea na kuchukua hatua’’,amesisitiza RC Ibuge.

Mkuu wa Mkoa pia amewaagiza wakuu wa Wilaya na wakurugenzi katika Halmashauri zote,kuhakikisha mapato na matumizi ya vyanzo vyote katika Halmashauri yanajadiliwa kwenye vikao vya kisheria na amekitaja moja ya kigezo kitakachotumika kuangalia ufanisi wa ukusanyaji mapato katika Mkoa wa Ruvuma katika mwaka wa fedha wa 2021/2022 ni lazima kufikia zaidi ya asilimia 80 ya mapato ya vyanzo vya sekta ya afya.

RC Ibuge ameziagiza Halmashauri zote kuhakikisha vituo vya kutolea huduma za afya kwa umma vinatuma kila mwezi kwa wakati madai ya huduma iliyotolewa kwa wanachama wa Mfuko wa Afya Jamii ulioboreshwa(iCHF) na Mfuko waTaifa wa Bima ya Afya(NHIF).

Kutokana na asilimia ndogo ya wananchi waliojiunga na (iCHF) mkoani Ruvuma,RC Ibuge ameziagiza Halmashauri zote kufanya uhamasishaji mkubwa wa jamii kujiunga na mfuko huo ambapo hadi sasa Mkoa umeandikisha kaya zilizohai 11,820 sawa na asilimia 3.3 wakati lengo ni kufikia kaya 180,085 sawa na asilimia 50.

Mganga Mkuu wa Mkoa wa Ruvuma Dr.Jairy Kanga ameahidi kutekeleza maagizo yote yaliyotolewa na Mkuu wa Mkoa,ikiwemo kuongeza ukusanyaji mapato kupitia mfumo wa GOTHOMIS na kuongeza uhamasishaji kwa jamii kujiunga na (iCHF).

Dr.Kanga amesema mfuko wa iCHF mkoani Ruvuma ulianza kutekelezwa mwaka 2019,ambapo kitaifa Mkoa ulishika nafasi ya mwisho ambapo hivi sasa Mkoa umepanda hadi kufikia nafasi ya 11 kitaifa na kwamba kikao kazi hicho kitaongeza ufanisi na tija.

Imeandikwa na Albano Midelo, Afisa Habari Mkoa wa Ruvuma
Juni 11,2020

Mganga Mkuu wa Mkoa wa Ruvuma Dr.Jairy Kanga akitoa taarifa ya mfumo wa ugavi wa bidhaa za afya kwa viongozi wa serikali mkoani Ruvuma.

  Shamba lenye Ekari 100  ambalo tayari limeishapimwa linauzwa .

Mahali: Shungumbweni, Mkuranga karibu na Kiwanda cha Chumvi Neel Salt

Bei: Mil.150,000,000 (mazungumzo yapo) .

Umbali: Kilomita 5 kutoka baharini, Kilomita 26 kutoka barabara kuu ya Dar-Lindi, (Unaweza Ingilia kwa njia ya Kibada-Mwasonga pia).

Shamba lina miti ya mikorosho na mianzi,kisima cha maji safi mita 72, kinatoa lita 20,000 kwa saa.

Lakini pia kwa aliye SERIOUS kununua atapewa bei ya punguzo,NAFASI ipo pia kwa anaetaka kununua kwa malipo ya AWAMU ' Installment' anakaribishwa sana.

KWA MAWASILIANO ZAIDI 📞 0763000053

Na: Josephine Majura WFM Dodoma

Serikali ya Ufaransa kupitia Shirika lake la Maendeleo la Ufaransa (AFD), imeipatia Serikali ya Tanzania mkopo wa masharti nafuu wenye thamani ya Euro milioni 130, sawa na shilingi za Tanzania bilioni 361.7  kwa ajili ya kugharamia mradi wa ujenzi wa mitambo ya kuzalisha umeme wa jua.

Mkataba wa makubaliano ya msaada huo umesainiwa Jijini Dodoma na Katibu Mkuu Wizara ya Fedha na Mipango, Bw. Emmanuel Tutuba, kwa niaba ya Serikali ya Tanzania na Balozi wa Ufaransa nchini Tanzania Mhe. Bw. Frederic Clavier Pamoja na Mkurugenzi Mkazi wa Shitrika la Maendeleo la Ufaransa (AFD) Bi. Stepanie Mouen Essombe, kwa niaba ya Serikali ya Ufaransa.

Akizungumza wakati wa kusainiwa kwa Mkataba huo, Bw. Tutuba alisema kuwa mkopo huo utatumika kujenga mitambo ya kuzalisha umeme-jua kiasi cha Megawatt 50 katika Wilaya ya Kishapu, mkoani Shinyanga.

“Ni matumiani yangu kwamba AFD wataridhia kutupatia fedha kwa ajili ya kutekeleza awamu ya pili ya mradi huo iliyopangwa kuzalisha Megawatt nyingine 100 ili kuweza kufikia kiwango cha uzalishaji kilichokusudiwa cha Megawatt 150”, alisisitiza Bw. Tutuba.

Alisema kuwa Shirika la Maendeleo la Ufaransa lilitoa pia msaada wa Euro milioni 7 kwa ajili ya kufanya upembuzi yakinifu wa mradi ambao utatekelezwaji wake utaanza Mwezi Machi 2022 hadi Machi mwaka 2023.

Bw. Tutuba alisema kuwa faida za mradi huo utaongeza uhakika wa upatikanaji wa nishati ya umeme  na kuiwezesha TANESCO kutimiza malengo yake ya kuzalisha umeme kupitia vyanzo mbalimbali kupitia nishati jadidifu, utapunguza utegemezi wa umeme wa nguvu za maji na kuzalisha umeme wa ziada utakao tumika majira ya ukame.

“Sehemu ya mkopo  uliosainiwa  utatumika kufanya maboresha na kuimarisha Grid ya Taifa ili kuifanya ya kisasa ili kupunguza upotevu wa umeme” aliongeza Bw. Tutuba

Bw. Tutuba aliishukuru Serikali ya Ufaransa kwa kuipatia Serikali ya Tanzania mkopo huo kwani utasaidia upatikanaji wa umeme wa uhakika ambapo utachochea maendeleo ya kijamii na kiuchumi katika Mkoa wa Shinyanga na maeneo mengine nchini.

Kwa upande wake Balozi wa Ufaransa hapa nchini, Mhe. Bw. Frederic Clavier, alisema kuwa Serikali yake itaendelea kushirikiana na Serikali ya Tanzania katika kutekeleza miradi mbalimbali ya maendeleo ili kuhakikisha Mpango wa Taifa wa Tatu wa Maendeleo wa Miaka Mitano (2021/22 – 2025/26 unafikia malengo yake.

Mhe. Clavier alifafanua kuwa kukamilika kwa mradi huo kutaifanya Tanzania kushika  nafasi ya 2 kwa ukubwa Afrika Mashariki katika uzalishaji wa umeme wa nguvu ya jua na kuifanya TANESCO kuwa na umeme wa uhakika kutoka katika chanzo rafiki wa mazingira.

Naye Mwakilishi Mkazi wa Shirika la Maendeleo la Ufaransa (AFD) Bi. Stephanie Mouen Essombe, alisema kuwa kati ya mwaka 2016 na 2020, Ufaransa imetoa zaidi ya Euro bilioni 6 kwa ajili ya Miradi ya Nishati sawa na shilingi za Tanzania trilioni 17 ambapo kati ya fedha hizo shilingi trilioni 2.8 zimetumika kwenye miradi ya umeme-jua.

Alisema kuwa kukamilika kwa mradi huo wa Umeme-Jua mkoani Shinyanga utaiwezesha TANESCO kuzuia zaidi ya tani 43,460 za hewa ya ukaa na kuchangia jitihada za Serikali ya Ufaransa za kuhifadhi mazingira duniani.

“Katika kipindi cha mwaka 2020, Ufaransa imetoa misaada na mikopo yenye thamani ya Euro milioni 330 sawa na shilingi za Tanzania bilioni 932 na kwamba kusainiwa kwa kiasi kingine cha Euro milioni 130, kutaifanya jumla ya mikopo yenye masharti nafuu inayotolewa na Ufaransa kupitia shirika lake kufikia Euro 580 sawa na sh. Tril. 1.6.

Alisema kuwa mwaka huu, Shirika lake linaandaa mkakati ama mpango mpya wa namna ya kushirikiana na Serikali katika kutekeleza miradi mbalimbali ya kimkakati ikiwemo hifadhi ya mazingira na kilimo endelevu kwa upande wa Tanzania Bara na Tanzania Visiwani, miradi ambayo imewasilishwa kwenye Bodi ya Wakurugenzi ya Shirika hilo.

Naye Mkurugenzi Mtendaji wa Shirika la Ugavi wa Umeme (TANESCO) Mhandisi Dkt. Titto Mwinuka, kwa niaba ya Katibu Mkuu wa Wizara ya Nishati, alisema kukamilika kwa mradi huo utachangia kufikia lengo la Taifa la upatikanaji wa umeme kufikia Megawatt 5,000 kufikia mwaka 2025.

Aliongeza kuwa mradi huo utasaidia kuwa na mchanganyiko wa vyanzo mbalimbali vya nishati kwa sababu lengo la Serikali ni kuwa na vyanzo vingi vya nishati ikiwemo maji, nyuklia na jua.

Dkt. Mwinuka aliahidi kusimamia kikamilifu mradi huo ili ikuhakikisha unakamilika kwa wakati ili kufikia lengo lililokusudiwa.

Katibu Mkuu Wizara ya Fedha na Mipango na Mlipaji Mkuu wa Serikali, Bw. Emmanuel Tutuba na Bi. Stephanie Mouen Essombe Mkurugenzi Mkuu Shirika la Maendeleo la Ufaransa (AFD) nchini Tanzania, wakisaini  hati za  mkataba wa mkopo wa masharti nafuu wenye thamani ya Euro milioni 130, sawa na shilingi bilioni 361.71 kwa ajili mradi wa kujenga mitambo ya kuzalisha umeme wa jua. Kushoto wanaoshuhudia ni Mkurugenzi Mkazi wa Shirika la Maendeleo la Ufaransa (AFD) nchini Tanzania Bi. Stephanie Mouen Essombe, Wanaoshuhudia nyuma ni Bw. Joguet Vicent Mratibu wa Miradi ya Nishati wa AFD na Bi. Loveness Msechu Mwanasheria Wizara ya Fedha na Mipango, Jijini Dodoma.

Katibu Mkuu Wizara ya Fedha na Mipango na Mlipaji Mkuu wa Serikali, Mhe. Bw. Frederic Clavier, Balozi wa Ufaransa nchini Tanzania, wakisaini   mkataba wa mkopo wa masharti nafuu wenye thamani ya Euro milioni 130, sawa na Shilingi bilioni 361.71 kwa ajili ya mradi wa kujenga mitambo ya kuzalisha umeme wa jua. Wanaoshuhudia ni Bw. Joguet Vicent Mratibu wa Miradi ya Nishati wa AFD na Bi. Loveness Msechu Mwanasheria Wizara ya Fedha na Mipango, Jijini Dodoma.

Katibu Mkuu Wizara ya Fedha na Mipango na Mlipaji Mkuu wa Serikali, Bw. Emmanuel Tutuba na  Balozi wa Ufaransa nchini Tanzania Mhe. Frederic Clavier, wakibadilishana hati za mkataba wa mkopo wa masharti nafuu wenye thamani ya Euro milioni 130, sawa na Shilingi bilioni 361.71 kwa ajili mradi wa kujenga mitambo ya kuzalisha umeme wa jua, katika hafla iliyofanyika Jijini Dodoma.

Katibu Mkuu Wizara ya Fedha na Mipango na Mlipaji Mkuu wa Serikali, Bw. Emmanuel Tutuba na Mkurugenzi Mkuu Shirika la Maendeleo la Ufaransa (AFD) nchini Tanzania Bi. Stephanie Mouen Essombe, wakibadilishana hati za mkataba wa mkopo wa masharti nafuu wenye thamani ya Euro milioni 130, sawa na Shilingi bilioni 361.71 kwa ajili mradi wa kujenga mitambo ya kuzalisha umeme wa jua, katika hafla iliyofanyika Jijini Dodoma.

Katibu Mkuu Wizara ya Fedha na Mipango na Mlipaji Mkuu wa Serikali, Bw. Emmanuel Tutuba na Bi. Stephanie Mouen Essombe Mkurugenzi Mkuu Shirika la Maendeleo la Ufaransa (AFD) nchini Tanzania, wakionesha hati za mkataba wa mkopo wa masharti nafuu wenye thamani ya Euro milioni 130, sawa na Shilingi bilioni 361.71 baada ya kusainiwa, kwa ajili ya mradi wa kujenga mitambo ya kuzalisha umeme wa jua, katika hafla iliyofanyika Jijini Dodoma.

Baadhi ya Wataalam kutoka Shirika la Ugavi wa Umeme nchini (TANESCO) pamoja na baadhi ya maafisa wa Wizara ya Fedha na  MIpango, wakiwa katika tukio la kusainiwa kwa Mkataba wa mkopo nafuu wa zaidi ya shilingi bilioni 361.7 kwa ajili ya mradi wa kujenga mitambo ya kuzalisha umeme wa jua, Megawati 150 wilayani Kishapu mkoani Shinyanga, kati ya Tanzania na Ufaransa kupitia Shirika lake la Maendeleo la AFD, Jijini Dodoma.

Katibu Mkuu Wizara ya Fedha na Mipango na Mlipaji Mkuu wa Serikali, Bw. Emmanuel Tutuba, akihutubia baada ya kusaini mkataba wa mkopo wa masharti nafuu wenye thamani ya Euro milioni 130, sawa na Shilingi bilioni 361.71 uliotolewa na Ufaransa kupitia Shirika lake la Maendeleo la AF kwa ajili ya mradi wa umeme-jua utakaotekelezwa wilayani Kishapu mkoani Shinyanga, tukio hilo limefanyika Jijini Dodoma.

Kamishna wa Idara ya Fedha za Nje Wizara ya Fedha na Mipango Bi. Sauda Msemo na Kamisha Msaidizi wa Idara hiyo Bw. Melkizedeck Mbise, wakifuatilia kwa makini tukio la kusainiwa kwa Mkataba wa mkopo wenye masharti nafuu wenye thamani ya sh. bilioni 361.71 uliotolewa na Ufaransa kwa ajili ya mradi wa umeme-jua utakaotekelezwa wilayani Kishapu mkoani Shinyanga, tukio hilo limefanyika Jijini Dodoma

Mkurugenzi Mtendaji wa Shirika la Ugavi wa Umeme Tanzania (TANESCO) Dkt. Titto Mwinuka, pamoja na maafisa wake wakiwa katika tukio la kusainiwa kwa Mkataba wa mkopo wenye masharti nafuu uliotolewa na Ufaransa kupitia Shirika lake la Maendeleo (AFD) kwa ajili ya mradi wa umeme-jua utakaotekelezwa wilayani Kishapu mkoani Shinyanga, tukio hilo limefanyika Jijini Dodoma.uliotolewa na

(Picha na Kitengo cha Mawasiliano Serikalini Wizara ya Fedha na Mipango – Dodoma)

Na Dotto Mwaibale, Singida

KAIMU Afisa Vijana Mkoa wa Singida Frederick  Ndahani awewaomba vijana Wasichana ambao ni waelimisha rika kuwa chachu ya maendeleo ya kiuchumi kwa vijana wa mkoa wa singida.

Ombi hilo limetolewa na Ndahani ambaye alikuwa mgeni rasmi wakati akifunga mafunzo ya waelimishaji rika wa Mradi wa TIMIZA MALENGO unaotekelezwa na Amref Tanzania ambapo jumla ya waelimishaji rika 51  wasichana waliozalia nyumbani  kutoka Halmashauri ya Iramba, Singidana Manispaaa wamepatiwa mafunzo ya malezi bora ya watoto na familia.

Ndahani alisema kuzaa nyumbani siyo mwisho wa mafanikio katika maisha ,vijana wanapaswa kutumia changamoto walizonazo na kuzibadili kuwa fursa kwani wasichana wengi wakishazaa hukataka tamaa na mwisho kushindwa kuhudumia watoto wao na familia kwa ujumla.

Kaimu Afisa Maendeleo huyo amewashauri wasichana kuunda vikundi vya ujasiriamali katika maeneo yao ili kujipatia kipato kwani mkoa wa singida unazo fursa nyingi za kiuchumi kama vile ufugaji wa kuku wa asili, nyuki na kilimo cha mboga na mazao mengine kama Alizeti, mahindi, mpunga na dengu.

" Hatupendi kuona wala kusikia msichana au mwanamke anakuwa maskini  katika nchi hii ili  hali Rais wa Tanzania ni   Mwanamke lazima wanawake hapa nchini wawe wa mfano katika Bara la Afrika kwa sababu tunaye Rais mwanamke ambaye ni mchapakazi na makini katika uogozi ambaye anawajali wanawake na katika kuonesha hilo mapema wiki hii alikutana nao mkoani Dodoma na kuzungumza nao," ,alisema Ndahani.

Aidha amewataka maafisa maendeleo wa wilaya zote kuwasaidia vijana katika kutimiza malengo yao kwa kuwapatia mafunzo na ujuzi wa kuanzisha shughuli za kiuchumi ikiwemo usimamizi wa miradi na uandishi wa maandiko ya biashara, kilimo na ufugaji katika  maeneo yao badala ya kukaa ofisini.

Ndahani amewakikishia vijana wanawake kuwa Serikali  ya sita chini ya Rais Samia Hassan Suluhu imejipanga na   kuhakikisha inatatua changamoto zote za kiuchumi na usawa wa kijinsia kwa wanawake ikiwemo kuanzisha mifuko maalumu ya kuwawezesha wanawake ikiwemo Benki ya Wanawake na asilimia kumi ya mapato ya ndani ambayo asilimia nne huenda kwa wanawake.

Afisa huyo alisema ataendelea kushirikiana na wadau wa maendeleo ya vijana ili kutimiza malengo ya serikali   ya kuwakwamua vijana katika dimbwi la umaskini katika Mkoa wa Singida.

Aidha ameishukuru Wizara ya Afya ,Maendeleo ya Jamii, Jinsia, Wazee na Watoto kwa kuratibu vizuri mafunzo hayo kwa vijana yaliyofanyika Singida na mikoa mingine katika mradi wa TIMIZA MALENGO .

Kwa upande wake Afisa Mradi wa Amref Tanzania, Mkoa wa Singida  Johnstone John Sendama amewawataka vijana hao kwenda kuwaibua na kuwasidia wasichana wote waliozaa wakiwa nyumbani ili kuwapatia mafunzo ya malezi bora ya mtoto na familia kama walivyofundishwa  ili malengo ya mradi wa TIMIZA MALENGO yaweze kufanikiwa.

Vijana walionufaika na mradi huo wameishukuru serikali na Shirika la Amref Tanzania kwa kuwaona na kuamua kuwapatia mafunzo yatakayo wasaidia katika malezi bora ya familia na watoto wao hivyo kujenga kizazi bora katika Taifa letu.