JIACHIE

Na Greyson Mwase, Mbeya

Maafisa Mazingira katika wilaya zilizopo katika mikoa ya Iringa na Mbeya wametakiwa kuacha kuwabembeleza wawekezaji wasiozingatia sheria za uhifadhi wa mazingira.

Kauli hiyo imetolewa na Kaimu Katibu Tawala Mkoa wa Mbeya , Constantine Mushi wakati akifungua mafunzo ya siku tano yaliyoshirikisha maafisa mazingira kutoka katika wilaya 14 za mikoa ya Iringa na Mbeya ikiwa ni pamoja na Baraza la Taifa la Hifadhi na Usimamizi wa Mazingira (NEMC) na Ofisi ya Mkemia Mkuu wa Serikali.

Mushi alisema kuwa wapo baadhi ya wawekezaji katika sekta za madini na nishati wasiozingatia sheria ya mazingira ya mwaka 2004 inayotaka shughuli yoyote ya maendeleo kuendana na uhifadhi wa mazingira na hivyo kuchangia uharibifu mkubwa wa mazingira.

Alisema kuwa maafisa mazingira wanatakiwa kusimamia sheria za mazingira kwa kuhakikisha kuwa zinafuatwa ikiwa ni pamoja na kuwachukulia hatua kali wawekezaji wasiozingatia sheria hizo.

Alisema kuwa katika sekta ya nishati kuna shughuli za utafutaji wa mafuta na gesi unaoendelea sehemu mbalimbali nchini katika nchi kavu, kwenye ukanda wa bahari, katika maji ya kina kirefu baharini (deep sea) na kwenye maziwa na kusisitiza kuwa hii ni changamoto kwa maafisa mazingira katika kutoa ushauri na kuhakikisha kuwa binadamu na viumbe wengine hai hawaathiriwi na uwekezaji huu.

Alieleza kuwa uwekezaji katika sekta ya nishati ni mkubwa sana kwani nishati ya umeme ina mchango mkubwa katika ukuaji wa uchumi wa nchi, hivyo suala la mazingira linatakiwa lizingatiwe ili kuhakikisha kuwa wananchi na viumbe wengine hawaathiriwi na uwekezaji huu.

Aliongeza kuwa uwekezaji katika sekta ya madini katika miaka ya karibuni umekua kwa kasi kubwa sana lengo lake likiwa ni kuleta maendeleo na kusisitiza kuwa shughuli za uchimbaji madini zisipofuata kanuni na sheria za mazingira zinaweza kuacha nchi ikiwa jangwa na kuathiri mabadiliko ya tabia nchi.

“Ni jukumu letu sote kuhakikisha kuwa shughuli zote za maendeleo zinafanyika bila kuleta athari kubwa katika mazingira yetu kwa kusimamia sheria na kanuni za mazingira pasipokuwa na upendeleo,” alisisitiza Mushi.

Alisema kuwa kuzingatia hitaji la sheria ya mazingira, Wizara ya Nishati na Madini imeandaa mpango kazi wa mazingira wa sekta za nishati na madini (sector environmental action plan) ambao utekelezaji wake utaenda hadi katika ngazi ya wilaya.

Wakati huo huo Mkuu wa Kitengo cha Mazingira, Wizara ya Nishati na Madini Mhandisi Gideon Kasege alisema lengo la mafunzo hayo ni kuwashirikisha maafisa mazingira mpango kazi wa mazingira wa sekta za nishati na madini wa Wizara, kuwapa elimu ya mazingira na kupata michango yao ili kuwa na mkakati wa pamoja wa kuhakikisha kuwa sheria na kanuni za mazingira zinafuatwa.

Mhandisi Kasege alisema kuwa awamu ya kwanza ya mafunzo hayo yalishirikisha mikoa ya Kanda ya Pwani kama vile Dar es Salaam, Tanga, Mtwara, Morogoro na Kilimanjaro, awamu ya pili katika mikoa ya Kanda ya Ziwa ambayo ni Mwanza, Simiyu, Geita, Mara, Kigoma na Tabora na kuongeza kuwa awamu ya tatu inahusisha mikoa ya Iringa na Mbeya.

Alisema kuwa mafunzo haya ni endelevu na kusisitiza kuwa mikoa iliyobaki kama Katavi, Rukwa, Njombe, Ruvuma, Dodoma, Arusha ambayo bado haijafikiwa itashirikishwa katika awamu ya nne.

Alieleza kuwa mpango huo wa miaka mitano ulioanza mwaka 2011 unatarajiwa kukamilika mwaka 2016.

Naye Kamishna Msaidizi wa Madini Kanda ya Kusini Magharibi Wilfred Machumu alisema kuwa mafunzo hayo yatatumika kama fursa ya maafisa mazingira kubadilishana uzoefu na changamoto katika usimamizi wa mazingira na hatimaye kupata mkakati wa pamoja wa kuboresha usimamizi wa mazingira.

Katibu Mkuu wa CCM Ndugu Abdulrahman Kinana akikabidhi saruji kwa ajili ya kusakafia soko.

Katibu Mkuu wa CCM akifungulia maji kama ishara ya kuzindua mradi wa maji katika kijiji cha Namkongo.

Mbunge wa Jimbo la Mchinga akimtwisha ndoo ya maji mmoja wa wakazi wa Namkongo

Katibu mkuu wa CCm Ndugu Abdulrahman Kinana akimtwisha maji Bi.Rehema Anafi mara baada ya kuzindua mradi wa maji katika kijiji cha Namkongo wilaya ya Lindi Vijijini.

Mjumbe wa Halmashauri Kuu ya Taifa CCM ,Mbunge wa Jimbo la Mtama na mlezi wa wilaya Kilwa na Waziri wa Mambo ya Nje Ndugu Bernard Membe akiwasalimia wakazi wa Milola waliojitokeza kwa wingi kuja kumsikiliza Katibu Mkuu wa CCM Ndugu Abdulrahman.

Umati wa watu ukimsikiliza mbunge wao Said Mtanda kwenye mkutano wa hadhara uliofanyika Milola ambapo mgeni rasmi alikuwa Katibu Mkuu wa CCM Ndugu Abdulrahman Kinana

Mbunge wa Jimbo la Mchinga Ndugu Said Mtanda akihutubia wakazi wa Milola ambapo aliwaambia asilimia kubwa za ahadi zake zimetimia.

Msanii wa sanaa ya mashairi Farida rajabu akiimba utenzi maalum wa mkoa wa Lindi.

Sehemu ya wananchi wakifuatilia mkutano.

Katibu Mkuu wa CCM Ndugu Abdulrahman Kinana akinunua kashata kwenye soko la kijiji cha Namkongo, wengine pichani ni Mkuu wa wilaya ya Lindi vijijini Dkt. Hemid Nassoro (kulia),Katibu wa NEC Itikadi na Uenezi Nape Nnauye na Mbunge wa jimbo la Mchinga Ndugu Said Mtanda (kushoto).

Katibu Mkuu wa CCM Ndugu Abdulrahman Kinana akitoka kukagua tenk la maji kijijini Namkongo.

Katibu Mkuu wa CCM Ndugu Abdulrahman Kinana akimsikiliza kwa makini mbunge wa Jimbo la Mchinga Ndugu Said Mtanda wakati wa mkutano na wananchi wa Kilangala.

Katibu mkuu akipitia taarifa mbali mbali za utekelezaji wa ilani ya uchaguzi ya CCM 2010.

Katibu wa NEC Itikadi na Uenezi Nape Nnauye akihutubia wakazi wa kijiji cha Kilangala ambapo aliwaambia wananchi hao kuwa CCM ina viongozi bora na shupavu hivyo wasiwe na wasiwasi wajitokeze kwa wingi kupiga kura wakati wa uchaguzi wa serikali za mitaa.

Katibu Mkuu wa CCM Ndugu Abdulrahman Kinana akihutubia wakazi wa Kilangala na kuwataka wazidi kushikamana na CCM kwa maendeleo ya baadae.

Katibu Mkuu wa CCM Ndugu Abdulrahman Kinana akikabidhi baiskeli kwa viongozi wa matawi kata ya Kilangala.

Jiwe la msingi la ofisi ya CCM Tawi la Kilanga

Katibu Mkuu wa CCM Ndugu Abdulrahman Kinana akihutubia wakazi wa kijiji cha Mchinga II wakati wa kukagua na kushiriki ujenzi wa zahanati ya Mchinga II

Katibu Mkuu wa CCM Ndugu Abdulrahman Kinana akihutubia wakazi wa Michee ambapo aliwataka wananchi kuweka mkazo kwenye elimu za watoto kwani elimu ndio urithi pekee kutoka kwa mzazi.

Katibu Mkuu wa CCM Ndugu Abdulrahman Kinana akisalimiana na wananchi wakati akiingia kwenye uwanja wa mikutano Milola.

Katibu wa NEC Itikadi na Uenezi Nape Nnauye akihutubia wakazi wa Milola, wilaya ya Lindi Vijijini ambapo aliwaambia

Wananchi wakiwa mkutanoni Milola.

Katibu Mkuu wa CCM Ndugu Abdulrahman Kinana akihutubia wananchi wa Milola jimbo la Mchinga ambapo aliwaambia wapinzani wamekosa sera mbadala matokeo yake wamekuwa wakitumia muda mwingi kuishambulia CCM

Katibu Mkuu wa CCM Ndugu Abdulrahman Kinana akiwa kwenye picha ya pamoja baada ya kuwakabidhi vyeti vya kuhitimu mafunzo ya kuendesha boda boda.

Wananchi wa Milola wakiomba kupatiwa kadi za uananchama wa CCM kutoka kwa Katibu Mkuu wa CCM ndugu Abdulrahman Kinana.

Katibu Mkuu wa CCM Ndugu Abdulrahman Kinana akisalimiana na Mbunge wa Jimbo la Mchinga Ndugu Said Mtanda wakati wa mapokezi yake yaliyofanyika Kitomanga Mkwajuni jimboni hapo wilaya ya Lindi vijijini.

Katibu Mkuu wa CCM Ndugu Abdulrahman Kinana akisalimia wananchi wa jimbo la Mchinga waliojitokeza kumpokea.

Katibu Mkuu wa CCM Ndugu Abdulrahman Kinana akisikiliza wimbo maalum wa mapokezi kutoka kikundi cha uhamasishaji cha CCM Mchinga mara baada ya kuwasili Kitomanga Mkwajuni jimbo la Mchinga.

Katibu Mkuu wa CCM akishiriki ujenzi wa ghala la kijiji ambalo litatumika kuhifadhia chakula kwa wakazi wa Kitomanga Mkwajuni

Wananchi wa kijiji cha Namkongo wakimpokea Katibu mkuu wa CCM kwa namna yake mara baada ya kuwasili kijijini hapo ambapo alizindua mradi wa maji na kukabidhi saruji kwa ajili ya ujenzi wa soko.

Mbunge wa Mchinga Ndugu Said Mtanda akisoma taarifa ya mradi wa maji kwa Katibu Mkuu wa CCM Ndugu Abdulrahman Kinana .

Kila mtu wa kijiji cha Namkongo alikuwa na shauku ya kumuona Katibu Mkuu wa CCM Ndugu Abdulrahman Kinana.

Mbunge wa Mchinga Said Mtanda akishiriki kuimba kwaya ya Kikundi cha Changamoto wakati wa kumkaribisha Katibu Mkuu wa CCM ndugu Abdulrahman Kinana katika jimbo la Namkongo.

Katibu Mkuu wa CCM Ndugu Abdulrahman Kinana akipata maelezo kutoka kwa mbunge wa Jimbo la Mchinga Ndugu Said Mtanda namna wananchi wa kijiji cha Namkongo walivyopata tabu ya kutafuta maji

Wananchi wa Namkongo walipata shida ya kutafuta maji hii picha inaonyesha aina ya visima ambavyo wananchi walitegemea kupata maji.

Wananchi wakisoma vitabu vinavyoelezea utekelezaji wa ilani pamoja na ahadi za CCM katika kijiji cha Mchinga II vilivyoandaliwa na Mbunge wao Said Mtanda

Latest Images