JIACHIE

Mkurugenzi wa Uhusiano na Sheria wa Kampuni ya Bia Tanzania (TBL), Stephen Kilindo (kulia) akiwa na wafanyakazi wenzake wakifurahia maji yanayotoka katika kisima walichosaidia kijijini isnura, wilayani Mbarali, katika hafla iliyofanyika hivi karibuni kijijini hapo.

Sehemuambapo kisima kimechimbwa

Kisima chenyewe kinavyoonekana

Kilindo (kulia) akizungumza na baadhi ya wanakijiji pamoja na wafanyakazi wa TBL wakati wa makabidhiano ya kisima hicho.

Mmoja wa viongozi wa kijij cha Isnura akitoa shukrani kwa TBL kwa kuwapatia msaada huo muhimu.

Baadhi ya wanakijiji wakishuhudia makabidhiano hayo.

Mkurugenzi waUhusiano na Sheria wa Kampuni ya Tbl, Stephen Kilindo akizungumza na wakazi wa kijiji cha Isnura alipokuwa ametembelea maendeleo ya ujenzi huo ambao umekamilika kwa asilimia Tisini aliwaasa Wananchi kuutunza mradi huo ili uweze kudumu milele.

Mwenyekiti wa Kijiji cha Isnura Josphine Ndimilage amesema tatizo la maji lilianza mwaka 2008 baada ya idadi kubwa ya watu kuongezeka katika Mji wa Rujewa na kufanya maji yaliyokuwa yameletwa na kampuni ya Danida kupungua.

BAADA ya Wananchi wa Kijiji cha Isnura kata ya Mawindi Wilaya ya Mbarali Mkoani Mbeya kuteseka kwa zaidiya miaka mitano kutokana na ukosefu wa maji safi na salama hatimaye neema yawaangukia baada ya kujengewa kisima kitakachozalisha maji miaka yote.

Akizungumzia adha ya Maji iliyokuwa ikiwasumbua wananchi hao, Mwenyekiti wa Kijiji hicho Josphine Ndimilage alisema tatizo hilo lilianza mwaka 2008 baada ya idadi kubwa ya watu kuongezeka katika Mji wa Rujewa na kufanya maji yaliyokuwa yameletwa na kampuni ya Danida kupungua.

Alisema baada ya watu kuongezeka maji yalianza kusumbua na kufikia hatua ya kugawana maji ambapo kijiji hicho kilikuwa kikipata mara moja kwa wiki hivyo kluwalazimu wananchi kutumia maji machafu yaliyotwama makorongoni maji ambayo yalikuwa yakitumiwa na mifugo.

Uchimbaji wa kisima katika Kijiji hicho umefadhiliwa na Kampuni ya Vinywaji ya Tbl kwa gharama ya Shilingi milion 41 ikiwa ni pamoja na Jenereta ndogo kwa ajili ya kupandisha maji katika Tanki kubwa lenye ujazo wa Lita 45,000.

Mkurugenzi wa Mawasiliano na Sheria wa Kampuni ya Tbl, Stephen Kilindo akizungumza na wakazi wa kijiji cha Isnura alipokuwa ametembelea maendeleo ya ujenzi huo ambao umekamilika kwa asilimia Tisini aliwaasa Wananchi kuutunza mradi huo ili uweze kudumu milele.

Alisema Kampuni yake imechimba kisima hicho kutokana na Maombi ya wananchi wa eneo husika yatokanayo na mahitaji ya maji, uwepo wa magonjwa, idadi ya watu na mwitikio wa wananchi wa kupokea mradi tangu katika hatua za awali jambo ambalo liliitikiwa vizuri na wakazi wa kijiji cha Isnura.

Alisema kutokana na mradi huo ambao utawanufaisha zaidi ya wakazi 4000 unakabiliwa na changamoto ya Nishati kwa ajili ya kupandisha maji kutoka chini hadi kwenye tanki ambapo Mkurugenzi aliwataka wanakijiji hicho kuchukua jukumuhilo na siyo kutegea ili wafadhili wafanye wao wenyewe.

Kilindo alisema Kampuni inafanya kazi ya kutoa misaada ili kuisaidia Serikali kupunguza matatizo yanayowakabili wananchi ikiwa ni pamoja na kurudisha shukrani kwa kile kinachovunwa katika rasilimali za nchi kwa kutoa misaada mbali mbali katika jamii.

Aliongeza kuwa mradi huo haupo kisiasa na kuwaomba wananchi wamwandae kiongozi wa kuzindua mradi huo ambye hatakuwa mwanasiasa wa chama chochote cha Siasa uzinduzi ambo utafanyika Juni 27, Mwaka huu baada ya kukamilika kabisa.

Kwa upande wake Mkandarasi anayejenga kisima hicho Moses Francis Lujaji kutoka kampuni ya Water Family Co.Ltd alisema tangu mradi huo uanze haujachukua muda mrefu kutokana na wananchi kuonesha ushirikiano na msaada kwa mafundi.

Aidha aliongeza kuwa baada ya kufanikiwa kuchimba kisima hicho chenye urefu wa Mita 80 walikuta maji mengi ambayo yakitumiwa vizuri hayataweza kukauka milele yote na kuongeza kuwa tayari Maabara ya Serikali imeshaidhinisha maji hayo kuwa yanafaa kwa matumizi ya binadamu baada ya kupimwa.

Waziri wa Nchi, Ofisi ya Waziri Mkuu, Uwekezaji na Uwezeshaji, Dkt. Mary Nagu akisisitiza jambo wakati wa mkutano wa kitaifa wa Majadiliano kwa manufaa ya wote jana jijini Dar es Salaam. Wengine katika picha ni Katibu Mkuu Kiongozi, Balozi Ombeni Sefue (kushoto) na Mkuu wa Jeshi la Polisi nchini, Saidi Mwema.

========= ======= =======

Majadiliano ya Ushirikiano kwa wote ni kwa faida ya watanzania—Dkt. Nagu

Serikali imesema Majadiliano ya Ushirikiano kwa Manufaa ya wote yanalenga kuwawezesha watanzania kumiliki uchumi wao na nchi kufikia uchumi wa kati kufikia mwaka 2025. Akiongea na waandishi wa habari jana jijini Dar es Salaam wakati wa siku ya pili ya mkutano wa Majadiliano ya Ushirikiano kwa Manufaa ya wote Waziri wa Nchi, Ofisi ya Waziri Mkuu, Uwekezaji na Uwezeshaji, Dkt. Mary Nagu alisema serikali imejipanga kuona majadiliano hayo yanaleta mapinduzi ya kiuchumi na kuifanya Tanzania kuwa kitovu cha uchumi wa viwanda katika eneo hili la Afrika.

“Serikali imedhamiria kuhakikisha majadiliano haya yanaleta manufaa kwa wananchi wake na majadiliano haya yanatoa msukumo wa kipekee kufanikisha hili,” alisema. Dkt. Nagu ambaye alikuwa Mwenyekiti wa mkutano huo kwa niaba ya ya Makamu wa Rais, Dkt. Ghalib Bilal alisema serikali inataka kuona takwimu za kukua kwa uchumi wa nchi unaendana na maendeleo ya watu wake katika kila pembe ya nchi na kwa kila mtu.

Mkutano huu wa siku mbili uliomalizika jana ni matayarisho ya mkutano wa kimataifa wa Majadiliano ya Ushirikiano kwa Manufaa ya wote au “Smart Partnership Dialogue Global 2013” unaotarajiwa kufanyika mwezi Julai mwaka huu hapa Tanzania. Baraza la Taifa la Biashara (TNBC) kama taasisi ya serikali ilipewa jukumu la kuratibu majadiliano haya kitaifa.

Akiwasilisha mada katika mkutano huo, Kamishna Msaidizi Mwandamizi wa Polisi, Bw. Lucas Kusima alisema usalama wa nchi ni mtaji wa maendeleo hivyo kila mtu hana budi kulinda usalama wa nchi ili kufikia maendeleo ya kweli.

“Kama usalama haupo hakuna wawekezaji wala watalii watakaokuja,” alisema na kuongeza kuwa usalama ni muhimu katika kukuza ushirikiano wa kimataifa. Alisema dalili za usalama kutoweka hapa nchini kama migogoro ya kidini, kisiasa, kugombea ardhi kati ya wafugaji na wakulima haina budi kutafutiwa suluhisho la kudumu kwa faida ya wananchi.

“Kuna umuhimu wa vyombo vya usalama kushirikiana na wananchi kuimarisha usalama wa taifa zima kama kweli tunataka majadiliano haya yalete manufaa,” alisema. Mkuu wa Jeshi la Polisi nchini, IGP Saidi Mwema alisema wakati umefika wa makundi mbalimbali nchini kuunda kamati za ulinzi katika maeneo yao ili kujihakikishia usalama.

Akitoa mfano alisema maeneo ya ibada kama makanisa, misikiti, maeneo ya kazi, na majirani wanaweza kuunda kamati za ulinzi na jeshi la polisi liko tayari kuwawezesha mbinu mbalimbali za ulinzi katika maeneo yao. “Jeshi la polisi linahitaji sana ushirikiano wa karibu na wananchi ili kufikia malengo ya usalama,” alisema.

Awali akifungua mkutano huo, Dkt. Bilal alipendekeza majadiliano hayo kuanza kufanyika kila mwaka hapa nchini ili kuharakisha maendeleo.

Dkt. Bilal alisema kwenye ngazi ya mikoa na wilaya majadiliano hayo yafanyike kila mwaka wakitumia mabaraza yao ya biashara ngazi husika kabla ya majadiliano ya kitaifa.

“Mabaraza ya biashara ya mikoa na wilaya yatasimamia utekelezaji wa mambo yaliyokubalika ngazi husika na kufanyiwa tathmini kila mwaka,” alisema. Makamu wa Rais alisema kuwa majadiliano haya yanatoa fursa kwa viongozi wa serikali kukutana na kada mbalimba za wananchi ili kujadiliana na kuelewa mambo yanayochangia upatikanaji maendeleo endelevu.

Alieleza kuwa uzoefu unaonesha kuwa, mtu mmoja mmoja au makundi ya watu, wakishirikishwa na kuhamasishwa katika jambo lolote, na wakiliamini na kulikubali; utekelezaji wake huwa rahisi. “Azma hii itatusaidia katika utekelezaji wa mipango yetu ya maendeleo ya miakamitano na dira ya maendeleo ya taifa ya 2025,” alisema.

Alitaja misingi ya majadiliano ambayo huleta maendeleo endelevu kama kuamini kwamba jirani wa mtu akiendelea basin a watu wote wanaendelea na kwamba maendeleo hayaji kwa kukwamishana na kulumbana bali kwa kushirikiana. Alitaja msingi mwingine kuwa ni watu wote ni sawa bila kujali nyadhifa zao kwenye jumuia wanazoishi.

“Kila mtu anao mchango mkubwa katika kuleta maendeleo katika jumuiya anayoishi,” alisema. Alisema kuna umuhimu wa kuachana na dhana potofu ambayo viongozi wa juu hutoa maagizo ngazi ya chini kwa utekelezaji na kuwa viongozi wakubali kupokea na kuthamini ushauri toka chini kwenda juu kwa utekelezaji.

Alitaja msingi mwingine kama ni kuwa na muono wa pamoja na utekelezaji wa nidhamu wa hali ya juu. Kabla ya majadiliano haya TNBC iliendesha mikutano ya kuelimisha wananchi kupitia makundi mbalimbali kupitia katika jumla ya kanda 11; tisa Tanzania bara na mbili Tanzania visiwani

mmoja Pemba na mwingine Unguja.

Mkutano huo ulihudhuriwa na watu zaidi ya 500 wakiwemo viongozi wa serikali toka mikoa yote, vikundi mbalimbali na sekta binafsi.

Latest Images