Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 794 | 795 | (Page 796) | 797 | 798 | .... | 1897 | newer

    0 0

    Mhe.Paul Makonda siku ya leo (jana) alikuwa anatimiza mwaka mmoja tangu ateuliwe kuwa mkuu wa Walaya Kinondoni,asubuhi ya leo katika Ibada Kanisani Living Water Center Ministry Kawe alipolelewa kiroho na anapo abudu alikuja kumshukuru Mungu na kutoa sadaka ya shukrani kwa hatua ambayo amefika.

    Katika Ibada hiyo Mh Paul Makonda aliongozana na Mkee wake alipopewa kuzungumza alisema anamshukuru Mungu kwa kutimiza mwaka tangu ateuliwe kuwa Mkuu wa Wilaya Kinondoni,alisema haikuwa raisi kwake ila Mungu amemuwezesha,akaongeza kwa kusema "usishindwe kufanya mambo ya kimaendeleo kwa changamoto za kimazingira au chochote kama kwake ambavyo imekuwa ikionekana".

    Mapema akimkaribisha kuzungumza Mhe.Paul Makonda Kiongozi wa Kanisa hilo Apostle Onesmo Ndegi alikuwa anaelezea jinsi ambavyo amemlea kiroho Mh.Makonda hata kabla ya kuingia kuwa mtumishi wa serikali jinsi alivyokuwa mbunifu wa shughuli mbalimbali hivyo kinachofanyika leo sio kipya kwake.

    Baada ya Ibada hiyo ya shukrani Bwana akatenda zaidi kwa kumfanya kuwa Mkuu wa Mkoa wa Dar es salaam.

    Hongera Mkuu wa Mkoa Paul Makonda kwa kuteuliwa kuwa Mkuu mpya wa Mkoa wa Dar es saam 
    Maombi yalifanyika kwake na mke wake ili Mungu amtangulie katika utumishi wake serikalini .
    Mh. Paul Makonda akiwa na Mke wake akimshukuru Mungu 
    Apostle Onesmo Ndegi,Mke wake Lilian Ndegi na Mch. Peace Matovu wakifanya maombi kwa Mh. Makonda .

    0 0

    Afisa uhusiano na matukio wa Airtel, Dangio Kaniki (katikati), akijaribisha moja ya mashine mashine walizomkabidhi kijana Fikiri Chinji (kushoto), anayejishughulisha na ufundi seremala, kupitia mpango wa Airtel ‘Fursa Tunakuwezesha’, katika hafla fupi iliyofanyika kwenye karakana yake iliyojengwa na Airtel katika Mtaa wa Ng’ong’ona manispaa Dodoma mwishoni mwa wiki hii. Anayeshuhudia (kulia) ni Meneja mauzo manispaa ya Dododma Hendrick Bruno.
    Kijana Fikiri Chinji anayejishughulisha na ufundi seremala, akionyesha jinsi mashine yake mpya aliyokabidhiwa na Airtel Tanzania, kupitia mpango wa Airtel ‘Fursa Tunakuwezesha’, inavyofanyakazi katika hafla fupi iliyofanyika kwenye karakana yake iliyojengwa na Airtel katika Mtaa wa Ng’ong’o na manispaa Dodoma mwishoni mwa wiki hii. Anayeshuhudia ni Meneja masoko manispaa ya Dodoma Saidimu Ngalesoni (kulia) akifuatiwa na Meneja mauzo manispaa ya Dodoma, Hendrick Bruno (wa pili kulia)
    Afisa uhusiano na matukio wa Airtel, Dangio Kaniki (wa nne kulia), akimkabidhi kijana Fikiri Chinji (wa tano kushoto), anayejishughulisha na ufundi seremala, msaada wa vifaa mbali mbali vya ufundi na kujengewa karakana mpya kupitia mpango wa Airtel ‘Fursa Tunakuwezesha’, katika hafla fupi iliyofanyika kwenye karakana yake iliyojengwa na Airtel katika Mtaa wa Ng’ong’ona manispaa Dodoma mwishoni mwa wiki hii. Wanaoshuhudia ni wanakijiji wa Ng’ong’ona na wafanyakazi wa Airtel waliofika kushuhudia tukio hilo.
    Wanakijiji wa Mtaa wa Ng’ong’ona manispaa Dodoma wakiangalia banda alilokabidhiwa Kijana Fikiri Chinji (hayupo pichani) anayejishughulisha na ufundi seremala, pamoja na msaada wa vifaa mbali mbali vya ufundi kupitia mpango wa Airtel ‘Fursa Tunakuwezesha’, mwishoni mwa wiki hii. 



    Airtel kupitia mpango wake wa Airtel FURSA umeendelea na utekelezaji wa  ahadi yake ya kuwawezesha wajasiliamali wawili kila wiki nchini kwa kutoa  misaada yenye thamani ya hadi shilingi milioni 10 kwa kikundi au kijana atakaeotoa mchanganuo na kusimamia biashara itakayoweza kusaidia kuongezea kipato na kupunguza umasikini katika jamii .

    Wiki hii Airtel FURSA imeingia mkoani Dodoma na kukabidhi vitendea kazi vyenye dhamani ya shilingi milioni 9 kwa  kijana mjasiliamali Fikiri Chinji anaeishi katika kijiji cha Ng”ong”ona ili aweze kuendeleza shughuli zake za useremala na kuweza kuajiri vijana wengine wanaomzunguka.

    Akizungumza wakati wa hafla fupi ya makabidhiano katika kijiji cha Ng”ong”ona Dodoma  Afisa Uhusiano wa Airtel Bi Dangio Kaniki alisema “vifaa alivyoomba ndio tunavyomkabidhi ni pamoja na mashine yakupiga msasa, mashine kwaajili ya kutobolea na kutengeneza urembo pamoja na nyingine yakuranda mbao. Pia tumejenga kalakana yake hapa kijijini ili apate mazingira mazuri ya kufanyia kazi zake kwa ustadi  na kufundisha vijana wengine kujiajiri kupitia mradi huu”

    “Airtel Fursa tumeona ni muhimu kumuwezesha kijana huyu  aweze pia kuongeza thamani ya vitu anavyotengeneza na  kuviuza kwa bei nzuri, vile vile tumejipanga kuja tena Dodoma hivi karibuni na tutasaidia kikundi cha ujasiliamali kiitwacho PAMBANA cha Dodoma Mjini chenye jumla ya vijana 30 ambapo wasichana ni 20 na wavulana 10 na kinajishughulisha na usafi wa mazingira na kutengeneza sabuni” alieleza Dangio
      
    Akipokea Vifaa hivyo huku akishangiliwa na wanakijiji wenzake, kijana Fikiri  ameishukuru Airtel fursa kwa kuona umuhimu wa  kumpiga jeki kwa kumwezesha vifaa na sehemu ya kufanyia shughuli zake,

    “Sasa nitafanya kazi zangu kwa ufanisi mkubwa ikiwa ni pamoja na kutengeneza bidhaa zitakazokubalika sokoni, naishukuru sana Airtel Fursa kwa kunishika mkono” Alisema Fikiri

    Mradi wa Airtel FURSA uko katika msimu wa pili ambapo tokea kuanzishwa kwake umefanikiwa kuandaa na kufanya semina za ujasiliamali 17 na kukutana na vijana wenye umri kati ya miaka 18 hadi 24 zaidi ya 3000, pia hadi sasa imeweza kutoa misaada kwa vijana na makundi ya vijana  hao wajasiliamali zaidi ya  108 kwa lengo kuwaongezea uzalishaji na kipato.

    0 0

     Kocha wa timu ya taifa ya riadha Fracis John (kulia) akiwa na wanariadha wanaounda timu ya taifa ya riadha wakitizama msaada wa Track Suit ulitolewa na GSM Foundation kwa ajili ya wanariadha hao. 
     Rais wa Shirikisho la riadha Tanzania (RT) Anthony Mtaka akitizama msaada wa track suit zilizotolewa na kampuni ya GSM Foundation. 
     Rais wa Shirikisho la riadha Tanzania ,Anthony Mtaka akikabidhi msaada wa track Suit zilizotolewa na GSM Foundation . 


    0 0

    Ndugu watanzania na wote wanaofuatilia kazi zangu nasikitika kuwajulisha kuwa kuna Jennifer Mgendi feki kaibuka Facebook kafungua akaunti kwa jina langu kachukua na picha zangu ambazo zinapatikana mtandaoni kaziweka kwenye akaunti yake ili kuwaaminisha watu kuwa ni Jennifer Mgendi.

    Mtu huyu ambaye naamini hana lengo lingine zaidi ya kunichafua amekuwa akipost vitu anavyojua mwenyewe na kuwasiliana na watu mbalimbali ambao baadhi wamekuwa wakinipigia kufuatilia mambo ''tuliyoongea facebook''!! 

    Cha ajabu amekuwa akiwapa namba yangu ya simu ambayo ipo kwenye cd zangu ili kufanya watu wazidi kuamini kuwa wanachat na Mimi.

    Napenda kuujulisha umma kuwa sipo Facebook wala sichat na mtu yoyote Facebook. Mawasiliano ninayotumia ni ya simu ya mkononi na email kama zinavyoonekana kwenye dvd zangu.

    Kwa ujumbe huu natoa onyo kwa mtu huyo kuacha mara moja kwani mamlaka husika inalifanyia kazi jambo hili na hatua kali za kisheria zitachukuliwa.

    0 0

    Kaimu ofisa Mkuu wa Kitengo cha Wateja Wadogo  wa Benki ya NMB,  Abdulmajid Nsekela akizungumza kuhusiana na huduma mbalimbali zitolewazo na benki hiyo kwa wateja katika mkutano mkuu wa nane wa mwaka 2015 wa wanachama wa  mfuko wa Pensheni wa Serikali za Mitaa (LAPF)  jijini Arusha, juzi. Pamoja na wasilisho hilo, pia NMB ilizindua akaunti maalumu kwa ajili ya kukopesha wanachama wapya wa mfuko huo fedha kwa ajili ya kuanzia maisha.

    0 0

    Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamisi Kigwangalla ameagiza uongozi wa Hospitali y teule ya rufaa ya Mkoa wa Pwani-Tumbi kuanza kutumia jokofu moja lenye uwezo wa kuchukua miili nane (8) katika chumba cha kuhifadhi maiti (Mochwari) ya Hospitali hiyo baada ya kuridhishwa na hatua iliyofikiwa baada ya kutembelea kwa mara ya pili kuikagua, tokea alipoipa masaa 72 ifungwe na ifanyiwe matengenezo.

    Dk. Kigwangalla alifika hospitaalini hapo majira ya saa nane mchana na kisha kwenda moja kwa moja kwenye jingo hilo la Mochwari na kukuta mafundi wakiendelea na matengenezo kwa upande wa majokofu ambayo yalikuwa hayafanyi kazi na kusababisha matatizo hata Naibu Waziri kuagizwa kufungwa ma siku tatu ili uongozi huo ufanyie matengenezo.

    “Nilitoa masaa 72, muwe mumefanyia kazi tatizo hili. Na leo hii nimerudi tena kukagua kuona utekelezaji wa agizo langu kama mumelifanyia kazi. Hivyo kwa kuwa tayari ili jokofu moja limeanza kutengamaa nalifungulia lianze kazi mara moja na la pili lianze kazi pia litakapokamilika mutujulishe haraka sana” alieleza Dk. Kigwangalla wakati wa kutoa maagizo hayo kwa uongozi wa Hospitali hiyo ya Tumbi.

    Ziara hiyo katika kukagua utekelezaji wa Mochwari hiyo ya Tumbi, ameifanya jana Machi 13.2016 akiambatana na maafisa wa Wizara yake hiyo ambapo pia alipata kutembelea Hospitali nyingine ya Jijini Dar es Salaam ya Sanitas ambayo imefungiwa kutoa huduma kwa upande wa chumba cha Upasuaji kutokana na kutokidhi vigezo.

    Hata hivyo kwa upande wa Hospitali Dk. Kigwangalla alieleza bayana kuwa, alipata taarifa juu ya uongozi wa Hospitali hiyo kuendelea na huduma za upasuaji lakini hakukuta hali hiyo na kuendelea kusisitiza huduma hiyo isifunguliwe mpaka hapo watakapokamilisha vigezo vya Wizara juu ya Chumba chaa upasuaji kinavyotakiwa kiwe.
    Imeandaliwa na Andrew Chale.
    Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamisi Kigwangalla (katikati) akipatiwa maelezo kutoka kwa Mganga Mkuu wa Hospitali ya Tumbi, Dk Dastan juu ya maendeleo ya majokofu hayo yanayofanyiwa ukarabati.
    Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamisi Kigwangalla akiangalia moja ya majokofu ambalo limeharibika kwa muda mrefu kuona namna ya kuweza kulitengeneza ilikusaidiana na majokogu yaliyoppo sasa ambayo yanapokea miili 16.
    Ukaguzi..
    Fundi anayesimamia utengenezaji wa majokofu ya Hospitali ya Tumbi, Bw. Josiah Kulwa akimuonesha Naibu Waziri Dk. Kigwangalla jokofu hilo ambalo limeharibika muda mrefu. Hata hivyo Dk. Kigwangalla ametaka kuona uongozi wa Hospitaali hiyo unachukua hatua ya kufanyia matengenezo ililiweze kusaidia na majokufu mengine ilikuendana na hali halisi.
    Baadhi ya mafundi wakiendelea na ukarabati wa majokofu hayo.
    Ukarabati ukiendelea.
    Ukarabati..
    Kifaa ambacho awali kilikuwa hakisomi kabisa na kubakia namba sifuri, baada ya ukarabati huo sasa kifaa hicho kimeanza kusoma kama kinavyoonekana pichani
    Naibu Waziri Dk. Kigwangalla akipata maelezo kutoka kwa fundi anayesimamia ukarabati huo
    Ufuatiliaji ukiendelea..
    Naibu Waziri Dk. Kigwangalla akiwa ameingiza mkono ndani ya jokofu hilo kama linafanya kazi ipasavyo. Hata hivyo jokofu hilo limeweza kutengamaa na kufanya kazi ipasavyo ambapo ameagiza lianze kufanya kazi.
    Fundi anayesimamia utengenezaji wa majokofu ya Hospitali ya Tumbi, Bw. Josiah Kulwa akitoa maelezo namna ukarabati huo unavyoendelea.
    Naibu Waziri, Dk. Kigwangalla akiangalia namna utengenezaji huo unavyoendelea kwa upande wa nje wa majokofu hayo.
    Eneo la vifaa vya majokofu hayo ya Mochwari panavyoonekana wakati wa matengenezo hayo.
    Complesa ya zamani ambayo imeharibika ikiwa pembeni wakati wa matengenezo hayo.
    Matengenezo yakiendekea..
    Fundi anayeshughulikia matengenezo hayo akimwelezea jambo, Dk Kigwangalla wakati alipowasili katika eneo hilo la Mochwari.
    Mtaalam wa upande wa Mochwari hiyo ya Tumbi akitafakari jambo wakati wa ujio huo wa Naibu Waziri Dk. kigwangalla.
    Naibu Waziri Dk. Kigwangalla akipokea taarifa na namna ya hatua zinazochukuliwa na Hospitali hiyo ya Tumbi, kutoka kwa Mganga Mkuu wa Hospitali, Dk. Dastan.

    0 0

     Kaimu Katibu Mkuu wa Wizara ya Afya Maendeleo ya Jamii, Jinsia, Wazee na Watoto, Michael  John  akizungumza na wandishi wa habari (hawapo pichani) juu ya  Takwimu za ugonjwa  wa Kipindupindu  zinaonyesha kuwa mikoa ambayo ilikwishakupata ugonjwa imeongezeka na kufikia 23 baada ya  Mkoa wa Mtwara kuripoti wagonjwa wawili kuanzia jana tarehe 13 Machi mwaka huu,   katika wilaya ya Masasi. Mikoa ya Njombe  na Ruvuma  ndio pekee hapa nchini ambayo bado haijaripoti mgonjwa wa Kipindupindu, jijini Dar es Salaam leo, kushoto ni Mkurugenzi wa Huduma za Kinga, wa Wizara ya Afya Maendeleo ya Jamii,Jinsia, Wazee na Watoto,Dk,Neema Rusibamayila.
     Mkurugenzi wa Huduma za Kinga, wa Wizara ya Afya Maendeleo ya Jamii, Jinsia, Wazee na Watoto, Dk. Neema Rusibamayila akizungumza na wandishi wa haari (hawapo picha)  juu ya Wizara inatoa wito kwa wadau wote katika ngazi zote kushirikiana kwa pamoja katika jitihada za kutokomeza ugonjwa wa kipindupindu, leo jijini Dar es Salaam.kulia ni Kaimu Katibu Mkuu wa Wizara ya Afya Maendeleo ya Jamii,Jinsia, Wazee na Watoto, Michael  John.
    Wandishi wa habari wakimsikiliza  Kaimu Katibu Mkuu wa Wizara ya Afya Maendeleo ya Jamii,Jinsia, Wazee na Watoto, Michael  John, jijini Dar es Salaam leo.
    (Picha na Emmanuel Massaka wa Globu ya jamii)

    Na Chalila Kibuda, Globu ya Jamii.
    INAKADIRIWA kuwa Sh.bilioni Mbili zimetumika katika harakati za kupambana na ugonjwa wa kipindupindu tangu uliporipotiwa  kwa mkoa wa Dar es Salaam.

    Akizungumza na waandishi habari jijini Dar es Salaam,kwa Niaba ya Naibu Waziri Afya, Maendeleo ya Jamii, Jinsia, Wazee na Watoto, Kaimu Katibu wa Wizara hiyo, Michael John, amesema kuwa serikali imeweka nguvu zaidi katika kukabiliana na ugonjwa huo.

    Amesema fedha hizo zimetumika katika kuunda tume mbalimbali katika kutoa elimu juu ya ugonjwa,vifaa pamoja na vitanda katika hospitali ambazo zilipatwa na wagonjwa wa jamii hiyo.

    Kaimu Katibu Mkuu amesema Mikoa ya Kanda Ziwa imekuwa na imani potofu juu ya kuchemsha maji ya kunywa kwa kudai kuwa ugonjwa huo unatokana na hali ya hewa pamoja na wavuvi wa kanda hiyo kuwa wakinywa maji yaliyochemshwa wanazma katika mitumbwi yao au wasiweze kuvua samaki hizo.

     Amesema ugonjwa wa wa kipindupindu hapa nchini umedumu kwa takribani miezi saba (7) sasa tangu uanze mwezi Agosti,   2015.   

     John amesema hadi  kufikia  Machi  13 mwaka huu  jumla ya   watu 18,399  wameugua   ugonjwa   huo, kati   yao  watu  292  wamepoteza maisha.   

    Takwimu   za   ugonjwa   huu   pia   zinaonyesha   kuwa  mikoa ambayo ilikwishakupata ugonjwa imeongezeka na kufikia 23 baada ya Mkoa wa  Mtwara  kuripoti wagonjwa wawili  kuanzia jana ya machi  13  katika wilaya ya Masasi.

    Mikoa ya Njombe  na Ruvuma ndio   pekee   hapa   nchini  ambayo   bado   haijaripoti   mgonjwa   wa Kipindupindu.

    Takwimu   za   wiki   iliyopita   kuanzia   tarehe   7   hadi  13   Machi   2016 zinaonyesha  kuwa,   kasi ya ugonjwa  wa   kipindupindu   imeongezeka ambapo   idadi   ya  wagonjwa   walioripotiwa   wiki   hiyo   ni  758

    Ikilinganishwa na 544 wa wiki iliyotangulia ya tarehe 28 Februari hadi 6 Machi ambapo  ni ongezeko la asilimia  40. Mkoa wa Iringa ambao haukuwa   umeripoti   wagonjwa  wiki   iliyotangulia,   wiki   hii   imeripoti

    Ugonjwa katika Halmashauri  ile ile ya  Iringa, ambayo bado imeendelea kuripotiwa ugonjwa wa kipindupindu pia imeongezeka kutoka 10 hadi 12. Mikoa hiyo   inaongozwa na   Morogoro (196), Dodoma, (142),   Mwanza(108),   Mara(86),   Manyara(77),  Iringa(77).   Mikoa mingine   ni   pamoja   na,   Dar   es  salaam(42),     Mbeya(16),   Arusha (10),Lindi (2), Mtwara (2) na Rukwa (2).

    0 0


    Mkuu wa Mauzo na Masoko wa kampuni ya G4S, Alfred Elia, (katikati), akizungumza kwenye mkutano na waandishi wa habari jijini Dar es Salaam leo Machi 14, 2016 kuhusu ushirikiano baina ya kampuni yake na taasisi ya kujitolea ya Uingereza ya Bhubesi Pride Foundation, (BPF), ambapo taasisi hiyo inaendesha mafunzo ya kuunyanyua mchezo wa Raga (Rugby), pamoja na  kusaidia jamii pamoja na maendeleo mashuleni na kwenye vituo vya kijamii. Shule sita sita za jijini Dar es Salaam zitashindana katika mchezo huo Jumamosi hii jijini. Wengine pichani, ni Meneja mradi wa BPF, Mark Cole, (kulia) na Mkuu wa masuala ya fedha wa G4S, Paul Fullers.Mkutano huo na waandishi wa habari ulifanyika jana Machi 14, 2016 (Picha K-VIS EMDIA/Khalfan Said).


     Mkutano na wahanhabari ukiendelea
     Wanahabari wakisikiliza kilichokuwa kikizungumzwa

    NA K-VIS MEDIA/Khalfan Said
    TAASISI ya kujitolea ya Uingereza ya Bhubesi Pride Foundation (BPF) kwa kushirikiana na kampuni ya ulinzi ya G4S ya jijini Dar es Salaam, inaendesha mpango wa kuunyanyua na kuuendeleza mchezo wa Raga, (Rugby), kusaidia jamii pamoja na maendeleo mashuleni na kwenye vituo vya kijamii.
    Akizungumza kwenye mkutano na waandishi wa habari makao makuu ya G4S barabara ya Ali Hassan Mwinyi jijini Dar es Salaam leo Machi 14, 2016, Mkuu wa kitengo cha Mauzo na Masoko cha G4S, Alfred Elia, amesema, tayari mafunzo hayo yamefanyika jijini Arusha na sasa yako hapa jijini Dar es Salaam na yameanza rasminleo Jumatatu Machi 14, 2016 ambapo jumla ya shule sita za msingi ziko kwenye mpango huo.
    Amezitaja shule hizo kuwa ni pamoja na shule ya msingi, Mapambano, Makumbusho, Hananasifu, Victoria, Mugabe na Shekilango.
    Kwa upande wake, Meneja wa BPF, Mark Cole, alisema, mpango huo unaendeshwa kwenye nchi mbalimbai za Afrika na ni wa mwaka mmoja. “Tayari tumefanya mafunzo haya nchini Uganda, Kenya, Tanzania, Msumbiji, Malawi, Zambia, Botswana, Namibia na Afrika Kusini, alisema Cole
    Alisema, nia ya mpango huo ni kuunganisha jamii kupitia raga, kuelimisha thamani na stadi za maisha, pamoja na kunyanyua uwezo wa walimu nchini, kulea viongozi wa jamii, wake kwa waume pamoja na kuweka uwezeshaji huu kuwa endelevu.
    Maendeleo ya matokeo ya muda mrefu kupitia miradi inayoonekana, mfano kupanda miti, kwa kushirikiana na wabia wetu katika nchi tajwa.
    Tayari shirika hili kwa kushirikiana na G4S Tanzania limeishafanya haya Arusha na Moshi ambapo watoto zaidi ya watoto 600 wa mikoa hio walipata mafunzo ya raga pamoja na stadi za maisha ambapo pia G4S ilipanda miti katika maeneno mbalimbali
    Naye Mkuu wa masuala ya fedha wa G4S, Paul Fullers, alisema, G4S kwa kutambua masuala ya usalama, ndio maana imeamua kushirikiana na BPF ili kujenga uelewa miongoni mwa wanafunzi kuhusu masuala ya usalama wawapo shuleni, mabarabarani na hata nyumbani.
    “Mafundisho haya yanafanyika kila mwaka kuanzia mwezi January mpaka Julai, ambapo shuguli za kijamii hufanyika sambamba na makampuni yanayojitolea kudhamini- G4S Africa, akiwa ni mdhamini mkuu na muhimu kwa hii taasisi.” Alifafanua Fullers.
    Mashirika yasiyo ya kiserikali (NGOs). Vyama vya raga kitaifa, idara mbalimbali za kiserikali, shule za kimataifa pamoja na makampuni mbalimbali kwenye jamii husika, kuongezea thamani katika huu uhusiano pamoja na kujengea uwezo, alisema.
     Mark Cole, Meneja mradi wa BPF
     Finn Sims, Meneja anayehusika na vyombo vya habari wa BPF
     Paul Fullers, Mkuu wa masuala ya fedha wa G4S
    Alfred Elia, akiwatambulisha wageni wake

    0 0

     Mwakilishi Mkazi wa Shirika la Umoja wa Mataifa la Mpango wa Maendeleo ambaye pia ni Mratibu wa Mashirika ya Umoja wa Mataifa hapa nchini Bw. Alvaro Rodriguez akimweleza Waziri wa Mambo ya Ndani ya Nchi nia ya Mashirika hayo ya kuisaidia Wizara ya Mambo ya Ndani ya Nchi katika masuala mbalimbali. Bw. Rodrequez alimtembelea Mhe. Kitwanga ofisini kwake leo. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.
     Waziri wa Mambo ya Ndani ya Nchi Mhe. Charles Kitwanga akimwelezea  Mratibu wa Mashirika ya Umoja wa Mataifa (UN) hapa nchini Bw. Alvaro Rodriguez (katikati) mipango ya Wizara yake ambayo inaweza kusaidiwa na Mashirika ya Umoja wa Mataifa hapa nchini. Bwana Rodriguez alimtembelea Mhe. Kitwanga ofisini kwake leo kuelezea nia ya Mashirika hayo ya kuisaidia Wizara ya Mambo ya Ndani ya Nchi. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.
     Mwakilishi Mkazi wa Shirika la Umoja wa Mataifa la Mpango wa Maendeleo ambaye pia ni Mratibu wa Mashirika ya Umoja wa Mataifa hapa nchini Bw. Alvaro Rodriguez akimwonyesha Waziri wa Mambo ya Ndani ya Nchi Mhe. Charles Kitwanga mojawapo ya makabrasha ya Mashirika hayo yenye mipango ya maendeleo ya kuisaidia Tanzania. Bw. Rodriguez alimtembelea Mhe. Kitwanga ofisini kwake kuelezea nia ya Mashirika ya Umoja wa Mataifa ya kuisaidia Wizara ya Mambo ya Ndani ya Nchi katika kutekeleza baadhi ya majukumu yake. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.
     Waziri wa Mambo ya Ndani ya Nchi, Mhe. Charles Kitwanga akisisitiza jambo kuhusiana nia ya Mashirika ya Umoja wa Mataifa ya kuisaidia Wizara yake. Katikati ni Mratibu wa Mashirika ya Umoja wa Mataifa yaliyoko hapa nchini Bw. Alvaro Rodriguez aliyemtembelea Mhe. Kitwanga ofisini kwake leo kuelezea nia ya Mashirika hayo ya kuisaidia Wizara ya Mambo ya Ndani ya Nchi. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude.
    Waziri wa Mambo ya Ndani ya Nchi Mhe. Charles Kitwanga akimshukuru Mratibu wa Mashirika ya Umoja wa Mataifa yaliyoko hapa nchini Bw. Alvaro Rodrigues kwa kueleza nia ya Mashirika hayo kutaka kuisaidia Wizara ya Mambo ya Ndani ya Nchi. Bw. Rodrequez alimtembelea Mhe. Kitwanga ofisini kwake leo. Kushoto ni Afisa wa Shirika la Umoja wa Mataifa la Mpango wa Maendeleo (UNDP) Bi. Gertrude Lyatuu.

    (PICHA ZOTE NA KITENGO CHA MAWASILIANO YA SERIKALI– WIZARA YA MAMBO YA NDANI YA NCHI).

    0 0

     Rais wa Jamhuri ya Muungano wa Tanzania Dkt. John Pombe Magufuli akisalimiana na  Makamu wa Rais wa Kampuni ya Total Afrika Mashariki,    Javier  Rielo Ikulu jijini Dar es Salaam.
     Rais wa Jamhuri ya Muungano wa Tanzania Dkt. John Pombe Magufuli akisalimiana na mmoja wa wajumbe walioambatana na  Makamu wa Rais wa Kampuni ya Total Afrika Mashariki,    Javier  Rielo Ikulu jijini Dar es Salaam.
     Rais wa Jamhuri ya Muungano wa Tanzania Dkt. John Pombe Magufuli akizungumza na Makamu wa Rais wa Kampuni ya Total Afrika Mashariki,    Javier  Rielo Ikulu jijini Dar es Salaam.
     Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na Makamu wa Rais wa Kampuni ya Total Afrika Mashariki,    Javier  Rielo
    Rais wa Jamhuri ya Muungano wa Tanzania Dkt. John Pombe Magufuli akiagana na Makamu wa Rais wa Kampuni ya Total Afrika Mashariki,    Javier  Rielo  aliyeambatana na ujumbe wake Ikulu jijini Dar es Salaam. Picha na IKULU. 

    0 0

    Msimamizi wa mradi wa uchimbaji wa visima vya maji katika Shule ya Msingi Mbagala majimatitu kutoka DAWASA Muhandisi Abel Chibelela akiangalia maendeleo ya kisima kimoja kati ya viwili vinavyochimbwa na Wakala wa Uchimbaji wa Visima na Mabwawa (DDCA) katika shule hiyo kwa gharama ya shilingi milioni 24.5.
    Wataalam kutoka Wakala wa Uchimbaji wa Visima na Mabwawa (DDCA) wakiendelea kuchimba kisima chenye urefu wa mita 130 katika shule ya Msingi Mbagala majimatitu, Temeke jijini Dar es salaam. Msimamizi wa mradi wa uchimbaji wa visima vya maji katika Shule ya Msingi Mbagala majimatitu kutoka DAWASA Muhandisi Abel Chibelela na Mhandisi Elizabeth Kingu, Katibu Tawala Msaidizi Huduma za Maji (kushoto) wakiangalia maendeleo ya moja ya kisima kinavyochimbwa na Wakala wa Uchimbaji wa Visima na Mabwawa (DDCA) katika shule hiyo kwa gharama ya shilingi milioni 24.5.

    Na. Aron Msigwa –Dar es salaam.

    Walimu na wanafunzi wa Shule ya Msingi Mbagala Majimatitu iliyoko Temeke jijini Dar es salaam watanufaika na huduma ya maji safi kufuatia Serikali kutoa kiasi cha shilingi milioni 24.5 kwa lengo la kufanikisha mradi wa uchimbaji wa visima viwili kwa lengo la kuboresha taaluma na mazingira ya shule hiyo.
    Akizungumzia uchimbaji wa visima hivyo leo jijini Dar es salaam msimamizi wa mradi huo kutoka Mamlaka ya Maji Safi na Maji Taka (DAWASA) Muhandisi Abel Chibelela amesema kuwa kuchimbwa kwa visima hivyo ni utekelezaji wa agizo la Serikali kuitaka DAWASA kutafuta vyanzo vya maji katika shule hiyo ili kuwaondolea adha ya uhaba wa Maji.

    Amesema shule hiyo imekuwa na tatizo hilo kufuatia kuwa na idadi kubwa ya wanafunzi wapatao 6000 inayozidi uwezo wa miundombinu iliyopo sasa ikiwemo kisima kinachotumiwa na wanafunzi hao kinachozalisha lita 8000 kwa siku wakati mahitaji halisi ya maji ni Lita 40,000 kwa siku.

    Amesema Mamlaka ya Maji Safi na Maji Taka (DAWASA) kupitia Wakala wa Uchimbaji wa Visima na Mabwawa ( DDCA) ilipewa jukumu la kuchimba visima viwili  vya shule hiyo kwa thamani ya shilingi milioni 24.5 zikiwa ni gharama za uchimbaji, usafishaji wa visima hivyo na gharama za vipimo vya maabara ili kuangalia ubora wa maji hayo.

    " Kazi ya uchimbaji wa visima hivi vyenye urefu wa mita 130 na 140 imeanza rasmi na itachukua siku 14, tunafanya haraka ili tuweze kujua wingi wa maji yaliyopo na ubora wake kama inafaa kwa matumizi ya binadamu"

    Pia amesema DAWASA itasimamia ujenzi wa minara mirefu ya matenki na kuongeza matenki makubwa yatakayokidhi mahitaji ya shule hiyo yenye uwezo wa kuhifadhi maji lita 20 kwa kila shule.

    Kwa upande wake Mtaalamu kutoka Wakala wa Uchimbaji wa Visima na Mabwawa (DDCA) ambayo ndiyo iliyopewa jukumu la kuchimba visima hivyo na DAWASA Bw. Nungwe Gwaga akizungumzia uchimbaji wa visima hivyo amesema kuwa wao kama wataalam wa kuchimba visima walifanya utafiti katika eneo hilo na kujiridhisha kuwa eneo la shule ya Msingi Mbagala Maji Matitu lina Maji ya kutosha.

    " Sisi kama wataalam tulifanya utafiti (Physical Survey) katika eneo hili ili kujua kama kuna maji na miamba inayopita pale pamoja na umbali wake, sisi tumejiridhisha tutachimba mita 130 ambazo tayari zimetupa majibu ya kuwepo kwa Maji "

    Mwalimu Mkuu wa Shule hiyo Bw. Abdul Mgomi akifafanua kuhusu visima hivyo amesema vitawezesha shule yake kuondokana na adha ya uhaba wa huduma ya maji inayowakabili wanafunzi shuleni hapo kufuatia mwitikio wa wazazi kuwaandikisha watoto wao shuleni hapo kwa mwaka 2016.

    Amesema kwa sasa shule hiyo inatumia kisima kidogo chenye uwezo wa kuzalisha lita 8000 kwa siku ikilinganishwa na mahitaji halisi ya lita 32000 kwa wanafunzi 6000 wanaosoma shuleni hapo.

    Mwalimu Mgomi ameshukuru jitihada zilizofanywa na viongozi wa mkoa wa Dar es salaam wakiongozwa na aliyekuwa Mkuu wa mkoa huo Mhe. Said Mecki Sadiki kwa kuwezesha upatikanaji wa fedha za kuchimbia visima hivyo.

    Ameeleza kuwa mara baada ya visima hivyo kukamilika  uongozi wa shule utaweka utaratibu wa matumizi ya maji hayo kwa shule na ziada itakayopatikana na maji itauzwa kwa majirani wanaoishi kuzunguka shule hiyo ili mradi uweze kujiendesha wenyewe.

    Aidha, amesema Serikali kwa kushirikiana na wadau mbalimbali inaendelea kuifanyia kazi changamoto ya uhaba wa vyumba vya madarasa shuleni hapo kwa kujenga mapya 10 ili kukidhi mahitaji ya wanafunzi 6000 waliopo shuleni hapo pamoja na ujenzi wa shule nyingine 2 zitakazoondoa kabisa tatizo la mrundikano wa wanafunzi.

    Naye mmoja wa Wazazi na Mjumbe wa Kamati ya Miradi ya shule hiyo Bi.Happiness Mgulambwa akizungumza katika eneo vinapochimbwa visima hivyo ameishukuru Serikali kwa kusikia kilio cha wazazi na wanafunzi hao kwa kuamua kuwachimbia visima hivyo huku akiongeza  kuwa upatikanaji wa huduma ya maji shuleni hapo utaongeza ufanisi kwa walimu na wanafunzi.

    Amesema wao kama Wazazi kupitia kamati ya miradi ya shule hiyo waliiomba Serikali kuwasaidia kupata maji kwa wanafunzi shule hiyo  ili kuondoa kero ya maji jambo ambalo lilikubaliwa.

    " Kweli wanafunzi wa shule hii walikua wanapata shida,uhaba wa maji hapa shuleni uliwalazimu kuja na maji kwenye madumu jambo liliowafanya wakati mwingine kufika wamechoka na hata kuchafuka, tunaishukuru sana Serikali yetu ya awamu ya tano kwa kutusaidia" Amesema Bi.Mgulambwa. 

    MIWISHO.

    0 0




    Makamu wa Rais wa Kampuni ya Total Afrika Mashariki Bw. Javier Rielo  amemuhakikishia Rais wa Jamhuri ya Muungano wa Tanzania Dkt. John Pombe Magufuli, kuwa kampuni hiyo itaanza ujenzi wa mradi wa bomba la kusafirisha Mafuta kutoka nchini Uganda hadi bandari ya Tanga hapa Tanzania haraka iwezekanavyo, kwa kuwa fedha za kutekeleza mradi huo zipo.


    Bw. Javier Rielo ametoa ahadi hiyo leo tarehe 14 Machi, 2016 alipokutana na kufanya mazungumzo na Rais Magufuli Ikulu Jijini Dar es salaam.


    Mradi huo utahusisha ujenzi wa bomba lenye urefu wa kilometa 1,410 ambalo litasafirisha mafuta ghafi kutoka ziwa Albert nchini Uganda hadi Bandari ya Tanga na utarajiwa kuzalisha ajira za moja kwa moja 1,500 na ajira zisizo za moja kwa moja 20,000.


    Katika Mazungumzo hayo Bw. Javier amemueleza Rais Magufuli kuwa Kampuni yake inatarajia kutumia dola za kimarekani karibu bilioni 4 ambazo tayari zimeshaandaliwa.Pamoja na kuukaribisha uwekezaji huo mkubwa kwa Tanzania, Rais Dkt. John Pombe Magufuli ameitaka kampuni hiyo kuharakisha mchakato wa kuanza kwa mradi, na ameshauri muda wa miaka mitatu uliopangwa kuukamilisha mradi huo upunguzwe, ili manufaa yake yaanze kupatikana mapema.


    Kwa upande wake Waziri wa Nishati na Madini Prof. Sospeter Muhongo, amesema Wizara yake ipo tayari kuhakikisha mradi huo unafanikiwa, na itatoa ushirikiano wa kutosha kuharakisha utekelezaji wake.


    Prof. Mhongo amebainisha kuwa licha ya kwamba hali ya kijiografia, hali ya hewa na bandari ya Tanga vinatoa mazingira bora ya kufanikiwa kwa mradi huo, Tanzania pia inatarajia kunufaika na bomba hilo, kwa kuwa kuna tafiti mbili za mafuta zinazoendelea katika ziwa Tanganyika na katikati mwa Tanzania, ambazo zikikamilika kwa mafanikio inatarajiwa bomba hilo litasaidia kusafirisha mafuta yake.


    Gerson Msigwa

    Kaimu Mkurugenzi wa Mawasiliano, IKULU

    Dar es salaam

    14 Machi, 2016



    0 0
  • 03/15/16--03:42: BEI YA MADAFU LEO.

  • 0 0

     Waziri Mkuu, Kasim Majaliwa akimsalimia Pedelia Erenius na mwanwe Alia James( miezi saba) wakati alipotembelea wodi ya wanawake na watoto katika hospitali ya mkoa wa Kagera mjini Bukoba Machi 15, 2016.
     Waziri Mkuu, Kassim Majaliwa akizungumza na madaktari na waguzi wa hospitali ya mkoa wa Kagera hospitalini hapo mjini Bukoba Machi 15, 2016. 





     Baadhi ya Madaktari na Wauguzi wa Hospitali  ya mkoa wa Kagera wakimsikiliza Waziri Mkuu, Kassim Majaliwa wakti alipozungumza nao hospitalini hapo mjini Bukoba Machi 15, 2016. 
     (Picha na Ofisi ya Waziri Mkuu)

    0 0

    Makamu wa Rais wa Jamhuri ya Muungano wa Tanzania Mhe. Samia Suluhu Hassan, akizungumza na Wakuu wa Mikoa mara baada ya kula kiapo cha Utii mbele ya Sekretarieti ya Maadili ya Viongozi wa Umma Ikulu Dar es salaam leo March 15, 2016.


    0 0

    January akisalimia na mwenyeji wake Bwana Saidi Kiparu mala baada ya kuwasili ofisini kwake.
    …………………………………………
    Akiwa Jimboni Bumbuli mheshimiwa January Makamba ametembelea Msitu wa Mazumbai ulioko Jimaboni kwake bumbuli, msitu huu umehifadhiwa na serikali chini ya chuo kikuu cha sokoine kwa ajiri ya watu kwenda kujifunza .

    Msitu wa mazumbai unasifa nyingi sana za kipekee kwanza ni kati ya misitu michache ambayo haijaathiriwa na shuguli za kibinadamu na hii inatokana na ulinzi na ufadhi mzuri wa chuo cha sokoine vilevile msitu huu una aina nyingi za mimea kuliko aina za mimea iliyopo Western EUROPE (Ulaya Magharibi)
    Mh.January akizungumza jambo ndani ya ofisi na mwenyeji wake Bwana Saidi Kiparu ambae ni meneja wa msitu wa mazumbai
    Bwana Saidi Kiparu akitoa maelezo kuhusu baadhi ya mimea ipatikanayo katika hifadhi ya msitu mazumbai.
    Bwana Saidi Kiparu akitoa maelezo kuhusu baadhi ya mimea ipatikanayo katika hifadhi ya msitu mazumbai.
    January akiwa mbele ya mti unao itwa ENTANDROPHRAGMA EXCELSUM mti huu niwa ajabu nawa kipekee maana mizizi yake ni mipana na inaota kwenda juu kama ukuta.

    0 0

    Waziri Mkuu, Kassim Majaliwa akikagua shehena ya sukari wakati alipotembelea ghala la kwanda cha Sukari cha Kagera akiwa katika ziara ya mkoa wa Kagera Machi 14, 2016. (Picha na Ofisi ya Waziri Mkuu)
    Waziri Mkuu, Kassim Majaliwa akikagua shehena ya sukari wakati alipotembelea ghala la kwanda cha Sukari cha Kagera akiwa katika ziara ya mkoa wa Kagera Machi 14, 2016. (Picha na Ofisi ya Waziri Mkuu)
    Waziri Mkuu, Kassim Majaliwa akikagua shehena ya sukari wakati alipotembelea ghala la kwanda cha Sukari cha Kagera akiwa katika ziara ya mkoa wa Kagera Machi 14, 2016. (Picha na Ofisi ya Waziri Mkuu)
    Waziri Mkuu, Kassim Majaliwa akikagua eneo la mpaka kati ya Tanzania na Uganda kwenye Ranchi ya Missenyi mkoani Kagera Machi 14, 2016. Kushoto ni Mkuu wa Wilaya ya Missenyi,Festo Kiswaga. 
    Baadhi ya wananchi wa Uganda waishio mpakani wakimsikiliza Waziri Mkuu Kassim Majaliwa wakati alipotembelea kijiji cha Benkoma wilayani Missenyi akiwa katika ziara ya mkoa wa Kagera Machi 14, 2016. Wananchi hao wa Uganda walivuka mpaka ili kumuona Waziri Mkuu.
    Waziri Mkuu, Kassim Majaliwa akizungumza na wananchi wa Uganda waishio kwenye mpakani waliovuka mpaka ili kumuona wakati alipotembelea kijiji cha Benkoma wialyani Missenyi akiwa katika ziara ya mkoa wa Kagera Machi 14, 2016. 
    Baadhi ya wananchi wa Uganda waishio mpakani wakimsikiliza Waziri Mkuu Kassim Majaliwa wakati alipotembelea kijiji cha Benkoma wilayani Missenyi akiwa katika ziara ya mkoa wa Kagera Machi 14, 2016. Wananchi hao wa Uganda walivuka mpaka ili kumuona Waziri Mkuu. 

    0 0

    mkuu wa wilaya ya Arusha Fadhili Nkulu akiwa ofisini kwake anaongea na waaandishi jinsi alivyotapelewa shilingi milioni kumi na wezi wa mitandao
    Mkuu wa wilaya ya Arusha Fadhili Nkulu akiwa anaonyesha ujumbe mfupia wa maneno ambao matapeli hao walikuwa wanatuma kwa watu


    Na Woinde Shizza ,Arusha.

    Mkuu wa Wilaya ya Arusha Fadhili Nkulu ameibiwa kiasi cha shilingi milioni 10 na wezi wa mtandao ambao waliteka mawasiliano yake ya simu za mkononi kwa muda wa saa 3 na kutumia namba hizo kuomba fedha kwa watu wa karibu na kiongozi huyo.

    Akizungumza na waandishi wa Habari Ofisini kwake ,Nkulu amesema kuwa jana majira ya saa 10:00 alasiri simu zake zilikua hazipatikani hewani mpaka majira ya saa 3:00 usiku ndipo aliposhtuka na kuanza kufuatilia na kugundua kuwa mawasiliano yake yalitekwa kwa muda.

    Mkuu huyo wa Wilaya amelaani vitendo vya wizi wa mtandao vinavyofanywa na watu wenye nia ovu huku akiwataka wananchi na wamiliki wa makampuni ya simu kuwa makini juu ya wizi huo wa kimtandao ambao umeshamiri miaka ya hivi karibuni.

    Msaidizi wa Mkuu wa Mkoa Yoitham Ndembeka ambaye alitumiwa ujumbe wa kumtaka atume fedha kupitia namba ya mkuu huyo wa wilaya amesema kuwa baada ya kusumbuliwa na matapeli hao ambao hawakutaka kupokea simu aliamua kuachana nao huku akitafuta namna ya kuonana ana kwa ana na Mkuu huyo wa Wilaya.Kwa upande wake Meneja wa Kampuni ya Simu ya Airtel kanda ya Kaskazini alipotafutwa kujibu madai hayo simu yake haikupatikana hewani.


    Wizi wa mitandao umeshamiri na kushika kasi hasa katika kipindi hiki ambacho teknolojia imekua kwa kiasi kikubwa ,hivyo makapuni ya simu,mamlaka za kusimamia teknolojia ya mawasiliano TCRA pamoja na polisi wanapaswa kuchukua hatua kupambana na uhalifu huo.

    0 0




    Mkurugenzi Mtendaji  wa TPSF, Godfray Simbeye akizungumza katika mkutano wa Wafanyabiashara wa India juu ya uwekezaji nchini iliyofanyika jijini Dar es Salaam.
     Mgeni Rasmi Waziri wa Katiba na Sheria, Dk. Harrison Mwakyembe (Kulia) akizungumza katika Mkutano wa Wafanyabiashara wa India juu ya uwekezaji nchini iliyofanyika jijini Dar es Salaam.
    Baadhi ya wafanyabiashara wa India wakiwa katika meza wakati wa mkutano wafanyabiasha wa nchi hiyo juu ya kushiriki uwekezaji nchini iliyofanyika jijini Dar es Salaam.

    Na Chalila Kibuda,Globu ya Jamii
    SERIKALI imesema itaendeleza mapambano dhidi ya rushwa, ubadhilifu wa fedha za umma, urasimu, uzembe katika ofisi zote za serikali kwa lengo la kukuza na kuimarisha mazingira mazuri na rafiki kwa wafanyabiashara na wawekezaji ili kukuza uchumi na maendeleo ya nchi.

    Akizungumza jijini Dar es Salaam jana na Jumuiya ya wafanyabiashara wa India (IBF), Waziri wa Sheria na Katiba, Dk Harrison Mwakyembe alisema kwamba serikali ya awamu ya tano inafanya marekebisho makubwa ya muundo wake na utendaji kazi ili kukabiliana na changamoto za muda mrefu katika Nyanja ya biashara na wawekezaji.

    Alisema kuwa India ni mwekezaji mkubwa wa pili nchini Tanzania hivyo ni jukumu la serikali kuhakikisha kwamba mazingira mazuri na rafiki ya biashara kwa wafanyabiashara wote kutoka Asia bila kuingiliwa ovyo na watendaji wa serikali.

    “Kweli tumesikia malalamiko ya wafanyabiashara na usumbufu wa maafisa wa serikali hasa askari wa usalama barabarani kudai mpaka kadi za manjano na nimewaahidi serikali ya awamu ya tano itawashughulikia bila kuwaonea aya,” alisema Dk Mwakyembe.

    "Naweza kuwahakikishia Rais wa tano wa Tanzania, Dk John Pombe Magufuli yeye ni anatembea kwenye maneno yake dhidi ya mapambano ya rushwa nchini ambacho ni kikwazo kwa wawekezaji," alisema.

    Alifafanua kwamba mamlaka za ukaguzi kuwa nyingi nchini ni swala ambalo serikali inalitizama kwa jicho makini ili kuleta marekebisho ya kisheria kupunguza usumbufu na kukatisha tamaa wawekezaji na wafannyabiashara nchini.

    Kwa upande wake Mwenyekiti wa Jumuiya hiyo wa Wafanyabiashara India, Bw, Gagan Gupta alisema kuwa Tanzania na India kiwango cha biashara kimefikia dola za kimarekani milioni 400 na nchi hizo mbili zimeahidi kuendelea kushirikiana katika mambo ya kiuchumi na kupunguza vikwazo vya kibiashara.

    "Jukwaa hadi sasa linakaribu wanachama 108 waliosajiliwa na bado wanaendelea kujisajili na sisi jukumu letu ni kuwaunganisha na mamlaka za serikali zote mbili India na Tanzania,” aliongeza.


    Hivi karibuni, Ubalozi wa India hapa nchini ulianzisha visa kwa njia ya kieletroniki na kufuta ada kwa wafanyabiashara wa kitanzania na watanzania wanaotafuta kazi nchini India katika muendelezo wa kukuza mahusiano wa nchini hizo mbili.

    0 0



older | 1 | .... | 794 | 795 | (Page 796) | 797 | 798 | .... | 1897 | newer