Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 779 | 780 | (Page 781) | 782 | 783 | .... | 1904 | newer

    0 0

     Bondia Mtanzania Francis Cheka (kulia) akichapana na mpinzani wake bondia kutoka nchini Serbia, Geard Ajetovic, wakati wa pambano lao la raundi 12 la ubingwa wa Mabara , uzito wa Super Midle wa WBF lililofanyika usiku wa kuamkia leo kwenye Viwanja vya Leaders Club Kinondoni jijini Dar es Salaam.

    Katika raundi ya kwanza bondia Cheka alionekana kuanza kwa woga na kumfanya mpinzani wake kumshambilia kwa ngumi za kushitukiza na kumpeleka chini, jambo lililomfanya Cheka kuchanganyikiwa na kuhesabiwa na mwamuzi na kisha kuendelea na pambano.

    Baada ya kwenda chini katika raundi ya kwanza raundi ya pili cheka alionekana kucheza kwa tahadhari kubwa kwa kupiga na kukimbia huku mpinzani wake akionekana kujigadi muda wote na kupiga ngumi za kushitukiza zilizokuwa na madhara kwa Cheka.Katika pambano hilo Bondia Francs Cheka, aliibuka na ushindi kwa pointi.

     Cheka, alichanika katika raundi ya nane baada ya mpinzani wake kumbananisha kwenye kona iliyokuwa na utelezi ambapo aliteleza na kupoteza mwelekeo na kushambuliwa mfululizo. Na Mafoto Blog.
     Cheka akitangazwa mshindi kwa pointi na mwamuzi kutoka chama cha ngumi WBF....
     Cheka akishangilia ushindi wake.....
     Mashabiki wakimbeba cheka kwa furaha.......
     Cheka akivishwa mkanda wa ubingwa.....baada ya kutangazwa mshindi....


     Cheka akijitahidi kupangua konde la mpinzani wake....
     Cheka akijibu mapigo....
     pambano likiendelea....
     Wakiliana taimingi.....
     Mimi sijui hapa Cheka alikuwa akifanya kitu gani sijui alikuwa akikwepa konde ama akijihami kwa kutoka nduki....
     Muda wote Mserbia alionekana kujihami kwa staili hii.....
     Cheka akitupiamo ......
     Hapa sasa hata mimi sijui ilikuwa ni kitu gani kwamba ni konde zito, mieleka ama nini.....
     Cheka sijui alikuwa akifanya nini hapa....
     Mserbia akitupiamo....

     Mwamuzi akimhesabia Cheka baada ya kuanguka katika raundi ya kwanza.....
    Mabondia wa kike, Lulu Kayage wa Dar es Salaam (kushoto) akichuana na mpinzani wake Mwanne Haji wa Mbeya, wakati wa pambano lao la utangulizi...Katika pambano hilo Mwanne aliibuka kidedea kwa pointi.
     Sehemu ya mashabiki waliohudhuria mapambano hayo wakifuatilia kilichokuwa kikiendelea ulingoni...
     Mwanne (kulia) akimwadhibu Lulu....
     Sehemu ya wanahabari waliokuwepo kuripoti pambano hilo....
     Mabondia Mohamed Matumla (kushoto) na Bakari Mohamed, wakipambana katika moja ya pambano la utangulizi...katika pambano hilo,Matumla alishinda kwa pointi.
     Cosmas Cheka (kulia) akichapana na Mustapha Dotto katika pambano lao la utangulizi, Katika pambano hilo, Cosmas alishinda kwa pointi.
     Mwenyekiti wa Club ya Simba, Godfrey Nyange 'Kaburu' akimvisha mkanda wa ubingwa wa WBF Cosas Cheka baada ya kumchapa mpinzani wake kwa pointi.
     Cosmas akipiga picha na mapromota wake baada ya kutangazwa mshindi...
     Dullah Mbabe wa Dar es Salaam (kulia) akichapana na Bakari Mwakansope, Katika pambano hili Dullah mbabe, alishinda kwa K/O katika raundi ya Nne.
     Mawe yakiendelea.....
     Mawe......
     Wakiendelea kuchapana....
     Mwakansope akipelekwa chini kwa konde zito......
     Mwakansope akipata maelekezo kutoka kwa msimamizi wake, Karama Nyilawila........
     Pamoja na maelekezo kibao lakini aliporudi tu ulingoni alikutana na konde zito lililompeleka chini kama hivi..
    Mwamuzi akimhesabia Mwakansope...

    0 0

    Waziri wa Habari,Utamaduni,Sanaa na Michezo Bw.Nape Nnauye akiwa anakazia jambo kwa wafanyakazi wa kampuni ya magazeti ya serikali ya TSN kuhusu kuboresha kazi zao na kuandika habari zinazofichua maovu katika jamii na kusimamia haki bila kumuonea mtu.
    Mhariri wa magazeti ya Daily News Bw.Charles Masele akimweleza jambo Waziri wa Habari,Utamaduni,Sanaa na Michezo Bw.Nape Nnauye(hayupo pichani) mapungufu mbalimbali ya kampuni ya TSN na kumwomba waziri uyo awasaidie kuiboresha kampuni hiyo.
    Mwenyekiti wa RAAWU tawi la Tanzania Standard Newspaper(TSN) Bw.Oscar Mbuza akimweleza waziri Nape(kulia) changamoto mbalimbali ya wafanyakazi.
    Sehemu ya wafanyakazi wa kampuni ya magazeti ya serikali(TSN) wakimskiliza Mhe. Waziri wa Habari,Utamaduni,Sanaa na Michezo Nape Nnauye(hayupo pichani).
    Waziri Nape nnauye akipiga “Selfie” na mfanyakazi wa magazeti ya kampuni ya serikali ya TSN baada ya mkutano na wafanyakazi hao katika ofisi za kampuni hiyo.
    Baadhi ya wafanyakazi wa kampuni ya magazeti ya Serikali(TSN) wakifurahia picha ya pamoja na Waziri wa Habari,Utamaduni,Sanaa na Michezo Bw.Nape Nnauye.Picha na Daudi Manongi.
    ……………………………………..

    Waziri wa Habari,Utamaduni,Sanaa na Michezo Mhe.Nape Nnauye amewaasa wafanyakazi wa kampuni ya magazeti ya serikali ya Habari Leo,Daily News,SpotiLeo na Sunday News kuwa mstari wa mbele katika kufichua maovu katika jamii,kwani kwa kufanya ivyo watajijengea heshima katika jamii na kuongeza idadi ya watu kuwaletea kazi zao kwa ukaribu zaidi.

    Waziri nape ameyasema hayo leo hii jijini Dar es Salaam katika ofisi za magazeti ya serikali(TSN) kwenye kikao na wafanyakazi wa kampuni hiyo.

    “Acheni kumumunya maneno,msaidieni Rais katika kufichua maovu ya nchi yetu ila tu msimuonee mtu bali mtende haki na hasa mkosoe ili kujenga na kwa namna hiyo mtajijengea heshima kubwa katika jamii”.

    Waziri nape pia aliitaka menejimenti ya kampuni iyo kubadilisha fikara zao kwa kutengeneza mazingira mazuri ya kufanya biashara ili kampuni iyo ijitegemee vyema katika mambo yake.

    Pia aliitaka menejiment ya kampuni iyo kukaa chini na RAAWU ili wahakikishe wafanyakazi wanafata taratibu za kazi na kuwaasa kushughulikia vipaumbele vya wafanyakazi hao ambavyo ni vifaa vya kazi ambavyo kutokuwa navyo inapelekea kushuka kwa morali ya kazi na pia madai ya wafanyakazi yashughulikiwe ndani ya mwezi mmoja.

    Nae Mwenyekiti wa RAAWU katika kampuni iyo Bw.Oscar Mbuza alimweleza waziri nape kuwa wanatambua haki na wajibu wa kila mfanyakazi na kwamba kumekuwa na ukiukwaji wa sheria,taratibu na kanuni kwa mtizamo wao na ivyo wanaomba yafanyiwe kazi ili kurudisha imani yao kwa viongozi wao.

    Nao wafanyakazi mbalimbali wa kampuni iyo walieleza changamoto wanazokabiliana nazo ikiwemo kutokuwepo kwa bima ya afya,hawapandishwi cheo na kulipwa malimbikizo mbali mbali wanayoidai kampuni hiyo.

    Mhe.Nape pia amehaidi kufanya vikao vya mara kwa mara na wafanyakazi wa kampuni iyo ili kuboresha mambo mbalimbali ya kampuni hiyo.

    Story na Daudi Manongi.

    0 0
  • 02/28/16--02:29: Arobaini ya Mzee George Sebo


  • 0 0

    Naibu Waziri wa Afya Dk. Kigwangalla ahimiza Jamii kuwa na utamaduni wa kupima afya zao
    Naibu Waziri wa Afya, Maendeleo ya Jamii, Jinsia, Wazee na Watoto, Dkt. Hamisi Kigwangalla amehimiza Jamii kuwa na utaratibu wa kupima afya mara kwa mara katika hali ya kubaini matatizo yanayowakabili ilikuchukua hatua ikiwemo kupata tiba mapema
    Dk. Kigwangalla ametoa kauli hiyo mapema leo Februari 28.2016, jijini Dar es Salaam, wakati alipokuwa mgeni rasmi katika kambi maalum ya kupima afya bure kwa wananchi mbalimbali wakiwemo wa Jimbo la Ilala kwa kuandaliwa na Care Foundation na wadau wengine wa afya ikiwemo Hospitali ya Ebrahim Haji Chartable Health Centre ambao wanasimamia kutoa huduma za matibabu kwa kushirikiana na taasisi zingine.

    Akitoa hutuba yake fupi, kwa wananchi mbalimbali walifika katika tukio hilo la kupatiwa matibabu hayo ya bure, Naibu Waziri, Dk. Kigwangalla amesema Jamii wanatakiwa kuwa na maisha yenye afya hivyo zoezi la kupima afya mara kwa mara ni bora zaidi kaika kuimalisha afya ya mwili.

    “Wananchi wapo na wakati mwingi wakifanya shughuli zingine na hata muda kupima afya inakuwa ngumu. Kukinga ni bora Zaidi kuliko tiba. Zoezi hili litasaidia sana wananchi wengi na tunaomba muendelee na maeneo yote ya nchi yetu.” Ameeleza Dk.Kigwangalla.

    Aidha, Dk. Kigwangalla amempongeza Mbunge wa Jimbo la Ilala, Mussa Hazan Zungu kwa kuwezesha kuandaa zoezi hilo kwa kushirikiana na wadau hao kwani ni mfano bora wa kuigwa na wabunge wengine pindi wapatapo nafasi ya kutumikia jamii iliyowachagua.

    Pia katika zoezi hilo, Mbune wa jimbo la Ilala, Mh. Mussa Zungu na Naibu Waziri Dk. Kigwangalla walipata wasaha wa kupima afya zao pamoja na kutembelea maeneo ya kutolea huduma na kushuhudia namna huduma zinavyotolewa kwa wananchi.

    Kambi hiyo ya matibabu, inatoa matibabu hayo bure kwa wananchi wote wanaofika hapo ambapo pia mbali na matibabu wanatoa huduma ya dawa huku wakitoa pia mawani kwa watu wenye matatizo ya macho. Watu mbalimbali wamekaribishwa kupatiwa matibabu hayo ambayo pia yanatolewa na madaktari bingwa wa magonjwa husika.
    Tazama MO TV Online, kuona video ya tukio hapa:
    Imewekwa na Andrew Chale,modewjiblog
    dk hkNaibu Waziri wa Afya, Dk. Kigwangalla akitoa hutuba fupi wakati wa tukio hilo la kambi maalum ya matibabu ya bure kwa wananchi wote iliyoandaliwa na Care Foundation kwa kushirikiana na wadau wengine akiwemo Mbunge wa jimbo la Ilala, Mh. Mussa Hazan Zungu.
    yiTukio likiendelea
    DK KIGWANGALLA 65Naibu Waziri wa Afya, Dk. Kigwangalla akiwa katika meza ya kupima afya ya mwili ikiwemo magonjwa yasio ambukiza kama vile Magonjwa ya moyo, sukari, shinikizo la damu na mengine mengi katika zoezi linaliendelea katika viwanja vya Bustani ya jiji iliyopo mkabara na Ukumbi wa Karimjee.
    Dk. KigwangallaNaibu Waziri wa Afya. Dk.Kigwangalla akiwa katika vipumo hivyo..
    DKMbunge wa Ilala, Mh. Mussa Hazani Zungu, akipima afya katika zoezi hilo..

    TIBA 3Dk. Efrahim Mika Zaky wa Msimbazi Eyes Vision Center, (kushoto) akimpima macho mmoja wa wananchi waliojitokeza katika zoezi hilo linaloendelea leo jijini Dar es Salaam katika viwanja vya Bustani ya jiji, mkabara na Ukumbi wa Karimjee.
    TIBAUchunguzi wa macho ukiendelea..
    TIBA3
    Dk. Efrahim Mika Zaky wa masuala ya macho, akimpima macho Naibu Waziri wa Afya, Dk. Kigwangalla wakati wa zoezi hilo..
    TIBQ667Naibu Waziri wa Afya Dk. Kigwangalla akiwa katika kupima macho kwenye kambi maalum ya kutoa huduma za matibabu ya bure yaliyoandaliwa na Care Foundation na wadau wengine katika viwanja vya Bustani ya Jiji, Posta Jijini Dar es Salaam.
    TIBA222Naibu Waziri Dk.Kigwangalla akiwa katika moja ya sehemu ya kutolea dawa na miwani kwa watu watakaobainika kuwa na matatizo katika macho..
    DK KIGWANGALLA 685Naibu Waziri akipokea ua maalum kama ishara ya kukaribishwa katika ufunguzi huo wa kambi maalum ya matibabu ya bure yaliyoandaliwa na CARE Foundation na wadau wengine akiwemo Mbunge wa jimbo la Ilala, Mussa Hazzan Zungu.(Picha zote na Andrew Chale, modewjiblog/Mo tv).

    0 0


     Waziri wa Habari, Utamaduni, Sanaa na Michezo Mhe. Nape Nnauye akisalimiana na wakazi wa mji wa Moshi waliojitokeza kwa wingi kushiriki mbio za Kilimanjaro Marathon 2016 ambapo mwaka huu zaidi ya watu elfu 8 walishiriki kutoka nchi mbali mbali ambapo kati ya hao 200 walitoka nchini Kenya. 
    Waziri wa Habari, Utamaduni, Sanaa na Michezo Mhe. Nape Nnauye akikimbia kwenye riadha ya Kilimanjaro Marathon 2016 ambapo alikimbia kilomita 5 pamoja na Mkuu wa Wilaya ya Hai Mhe. Anthony Mtaka, mashindano hayo ya riadha yameshirikisha zaidi ya nchi 40.
     Mshindi wa kwanza wa kilometa 42.2 Kiprotich Kirui akiinua mikono juu kama ishara ya kushangilia ushindi wa mbio za Kilimanjaro Marathon 2016.
    Waziri wa Habari, Utamaduni, Sanaa na Michezo Mhe. Nape Nnauye akisoma risala mara baada ya kuhitimisha mbio za Kilimanjaro Marathon ambapo aliwapongeza wahiriki wote, wadhamini na kuwataka Watanzania kutumia mbio hizo kama fursa ya kuutangaza utalii uliopo nchini.


    0 0

    Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Viongozi wa Mkoa wa Tanga baada ya kupokea Taarifa ya Mkoa huo kutoka kwa Mkuu wa Mkoa wa Tanga Mhe. Mwantumu Mahiza leo Februari 28, 2016. Makamu wa Rais yupo Mkoani Tanga kwa ajili ya ziara ya kikazi ya siku mbili.
    Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza jambo na Mkuu wa Mkoa wa Tanga Mhe. Mwantumu Mahiza leo Februari 28, 2016. Makamu wa Rais yupo Mkoani Tanga kwa ajili ya ziara ya kikazi ya siku mbili.(Picha na OMR).
    Makamu wa Rais wa Jamhuri ya Muungano wa Tanzania Mhe. Samia Suluhu Hassan, akisalimiana na Mkuu wa Mkoa wa Tanga Mhe. Mwantum Mahiza alipowasili uwanja wa ndege wa Tanga kwa ajili ya kuanza ziara ya kikazi ya siku Mbili Mkoani humo leo Februari 28, 2016.
    Chipukizi wa Umoija wa Vijana wa CCM Mkoa Tanga akimvisha Skafu Makamu wa Rais wa Jamhuri ya Muungano wa Tanzania Mhe. Samia Suluhu Hassan alipowasili uwanja wa ndege wa Tanga kwa ajili ya kuanza ziara ya kikazi ya siku mbili Mkoani hum oleo Februari 28,2016.
    Makamu wa Rais wa Jamhuri ya Muungano wa Tanzania Mhe. Samia Suluhu Hassan akikagua Gwaride la Vijana wa Chipkizi wa Umoja wa Vijana wa CCM Mkoa Tanga alipowasili uwanja wa ndege wa Tanga kwa ajili ya kuanza ziara ya kikazi ya siku mbili Mkoani humo leo Februari 28,2016.

    0 0


    0 0

    Mkuu wa Wilaya ya Kinondoni Mh. Paul Makonda akizungumza na waandishi wa habari leo jijini Dar es salaam leo wakati alipozungumzia mpango wa kuwasafirishwa walimu bure jijini Dar es salaam wakati wa kwenda na kurudi kazini huku akiwa ameongozana na viongozi wa vyama vya usafirishaji wa abiria jijini Dar es salaam pamoja na viongozi wa Madereva wa Daladala jijini Dar es salaam.(Picha na Geofrey Adroph wa Pamoja Blog)
    Mwenyekiti wa Chama Chama Wamiliki wa Daladala Mkoa wa Dar es salaam, Said Mabrouk(wa kwanza kushoto) akizungumzia mwitikio wa wamiliki hao kuhusu kuwasafirisha walimu ili kuunga mkono juhudi za Mkuu wa Wilaya ya Konondoni Mh. Paul makonda na Rais Dk. John Pombe Magufuli katika kutoa elimu bure hapa nchini, kutoka kulia ni Makamu mwenyekiti wa Umoja wa Madereva, Shabani Mdemu, wa pili kutoka kulia ni Mwenyekiti wa Umoja wa Wasafirishaji abiria Dar es Salaam, (UWADAR),William Masanja.
    Mwenyekiti wa Umoja wa Wasafirishaji abiria Dar es Salaam, (UWADAR),William Masanja akizungumza na waandishi wa habari leo jijinni Dar es Salaam.
    Baadhi ya waandishi wa habari wakiwa kazini

    Na Chalila Kibuda, Globu ya Jamii.
    WALIMU wa Shule ya Msingi na Sekondari Mkoa wa Dar es Salaam watasafiri na Daladala bure kuanzia Machi  7 mwaka huu.

    Akizungumza na waadishi wa habari jijini Dar es Salaam, Mkuu wa Wilaya ya Kinondoni, Paul Makonda amesema kuwa kutokana na changamoto za walimu ameona kuna umuhimu wao kusafiri bure waweze kupunguza makali ya nauli za kila siku wanapopanda daladala hizo.

    Amesema kuwa walimu watasafiri kwa  usafiri huo kuanzia saa 11:30 hadi saa 2 kwa muda wa asubuhi na baada ya muda huo kupita watalipa nauli zao na nyakati za jioni watarudi majumbani mwao kwa kupanda daladala hizo kuanzia saa 9 hadi saa 12.Makonda amesema kuanzia kesho watatengeneza vitambulisho vya walimu wote wa serikali wa mkoa wa Dar es Salaam ambavyo wataonyesha kwa makondakta wa daladala vikiwa na saini ya mkuu mkuu wa Wilaya.

    Amesema utaratibu huo utakuwa ukitumika kwa siku za kazi tu kwa walimu kupanda bure na sio vinginevyo na walimu wanaoishi mikoa mingine na wanafundisha Dar es Salaam watalipa nauli zao kufika katika vituo vyao vya kazi.

    Aidha amesema kuwa walimu wataingia katika Daladala wasiopungua wawili na wengine watasubiri daladala zingingine kutokana na maoni ya wamliki wa vyombo vya usafiri.Nae Mwenyekiti wa Umoja wa Wamiliki wa Daladala Mkoa wa Dar es Salaam, Sabri Mabroock amesema kuwa wanaunga mkono sera ya elimu ya Rais  Dk.John Pombe Magufuli.

    Amesema walimu wamekuwa na changamoto wakati mwingine wanashindwa kulipa hata nauli hivyo kupanda  bure watakuwa wamerahisisha maisha.

    0 0

    WAZIRI MKUU Kassim Majaliwa amepokea misaada mbalimbali kwa ajili ya wakazi wa vijiji vya Mtondo na Nanjaru wilayani Ruangwa mkoani Lindi ambao nyumba zao ziliezuliwa na upepo Januari mwaka huu.

    Akizungumza na wananchi wa vijiji hivyo leo (Jumapili, Februari 28, 2016), Waziri Mkuu alisema maafa huwa yanakuja bila kutarajiwa na akatumia fursa hiyo kuwashukuru wadau waliotoa misaada ya chakula, magodoro, mashuka, vitenge, mabati na mbegu za mazao.


    Aliwataja wadau hao kuwa ni benki ya NMB, NSSF, wakazi wa Ruangwa na marafiki wa Ruangwa waishio Dar es Salaam ambao walifika kukabidhi misaada hiyo.

     
    Waziri Mkuu ambaye yuko kwenye ziara ya siku mbili katika mikoa ya Mtwara na Lindi  kukagua athari za mafuriko, hatua zinzochukuliwa za utoaji misaada kwa waathirika na kuwapa pole wananchi walioathirika na mafuriko hayo, alitumia fursa hiyo kuwataka wananchi waishio mabondeni wahame kwa sababu mvua kubwa bado zinakuja.


    "Jambo hili si mipango ya mtu binafsi na sote tunajua kwamba tunahitaji mvua kwa ajili ya mazao lakini safari hii zimekuja zaidi ya kiwango cha kawaida. Mamlaka ya hali ya hewa imeshasema kuwa mvua kubwa zaidi zinakuja ifikapo Machi mwaka huu", alisema.

    Ili kuepusha maafa zaidi, kuanzia sasa, wale waliojenga mabondeni wanapaswa wahame. Pia nawasihi wananchi wachukue tahadhari wakiona mvua inakuja na upepo mkali wasikae ndani ya nyumba sababu hapa kijijini tumempoteza mzee wetu mmoja ambaye aliangukiwa na nyumba baada ya nyumba yake kuangukiwa na mti kutokana na mvua hizo," aliongeza.

    Kwa mujibu taarifa ya maafa iliyotolewa na Mkuu wa wilaya ya Ruangwa, Bi. Mariam Mtima, mvua zilizonyesha kati ya Januari na Februari mwaka huu zilisababisha nyumba 393 kuezuliwa na nyingine kubomoka na kuacha wakazi wa vijiji hivyo bila makazi.

    "Zahanati ya kijiji cha Mtondo iliezuliwa paa, daraja la mto Muhuru limebomoka na halipitiki kabisa na ekari 1,186 za mashamba ya wananchi zimesombwa na maji. Mazao yaliyoathirika ni mahindi, muhogo, mikorosho, mtama, ufuta, kunde, mpunga na mbaazi," alisema Mkuu huyo wa wilaya katika taarifa yake.

    Alivitaja vijiji vingine ambavyo mafuriko hayo yaliharibu mashamba ya wananchi kuwa ni Nambilanje, Mkaranga, Namkatila, Chinongwe A, Likwachu, Nauname na Mbekenyera.

    Alisema hali hiyo imesababisha upungufu mkubwa wa chakula wilayani humo na sasa hivi wanahitaji tani 1,133 za chakula aina wanga ambazo anataraji zitatosheleza mahitaji kwa mwezi Machi 2016.


    IMETOLEWA NA:
    OFISI YA WAZIRI MKUU,
    JUMAPILI, FEBRUARI 28, 2016.

    0 0

     Rais wa Jamhuri ya Muungano wa Tanzania Mheshimiwa Dkt. John Pombe Joseph Magufuli akilakiwa na Mkuu wa Mkoa wa Arusha Mhe. Daudi Felix Ntibenda mara baada ya kuwasili katika Uwanja wa Ndege wa Kimataifa wa Kilimanjaro (KIA) tayari kuongoza mkutano wa 17 wa kawaida wa wakuu wa nchi zaJumuiya ya Afrika Mashariki leo February 28, 2016.


     Rais wa Jamhuri ya Muungano wa Tanzania Mheshimiwa Dkt. John Pombe Joseph Magufuli akilakiwa na  Mwenyekiti mpya wa CCM Mkoa wa Arusha Mhe. Lekule Laizer baada ya kuwasili katika Uwanja wa Ndege wa Kimataifa wa Kilimanjaro (KIA) tayari kuongoza mkutano wa 17 wa kawaida wa wakuu wa nchi zaJumuiya ya Afrika Mashariki leo February 28, 2016.
     Rais wa Jamhuri ya Muungano wa Tanzania Mheshimiwa Dkt. John Pombe Joseph Magufuli akilakiwa na Waziri wa Mambo ya Nje na Ushirikiano wa Afrika Mashariki, Kikanda na Kimataifa, Mhe. Balozi Dkt. Augustine Mahiga baada ya kuwasili katika Uwanja wa Ndege wa Kimataifa wa Kilimanjaro (KIA) tayari kuongoza mkutano wa 17 wa kawaida wa wakuu wa nchi zaJumuiya ya Afrika Mashariki leo February 28, 2016.

    Rais Dkt John Pombe Joseph Magufuli akisalimiana na Mbunge wa Arumeru Msshariki Mhe Joshua Nassari aliyekuwa mmoja wa viongozi  na wananchi waliojitokeza kwa wingi kumpokea alipowasili Uwanja wa Ndege wa Kimataifa wa Kilimanjaro (KIA) tayari kuongoza Mkutano wa 17 wa Kawaida wa Wakuu wa Nchi za Jumuiya ya Afrika Mashariki utofanyika jijini Arusha.

     Rais wa Jamhuri ya Muungano wa Tanzania Mheshimiwa Dkt. John Pombe Joseph Magufuli akisalimiana na Mkuu wa mkoa wa Kilimanjaro Mhe. Amos Makalla  baada ya kuwasili katika Uwanja wa Ndege wa Kimataifa wa Kilimanjaro (KIA) tayari kuongoza mkutano wa 17 wa kawaida wa wakuu wa nchi zaJumuiya ya Afrika Mashariki leo February 28, 2016.
    Kwa picha zaidi BOFYA HAPA


    Rais wa Jamhuri ya Muungano wa Tanzania Dkt. John Pombe Magufuli amewasili Mkoani Arusha ambako pamoja na mambo mengine ataongoza Mkutano wa 17 wa kawaida wa wakuu wa nchi wanachama wa Jumuiya ya Afrika Mashariki utakaofanyika Jumatano tarehe 02 Machi, 2016 Mjini Arusha.

    Katika uwanja wa ndege wa kimataifa wa Kilimanjaro (KIA) Rais Magufuli amelakiwa na viongozi mbalimbali wa vyama vya siasa na serikali pamoja na vikundi vya burudani za ngoma kabla ya kuelekea Arusha Mjini.

    Rais Magufuli ndiye Mwenyekiti wa sasa wa Jumuiya ya Afrika Mashariki inayojumuisha nchi za Tanzania, Kenya, Uganda, Rwanda na Burundi.Kabla ya kuongoza kikao hicho Rais Magufuli anatarajiwa kukutana na kufanya mazungumzo ya ana kwa ana na viongozi wakuu wa nchi za Jumuiya ya Afrika Mashariki.

    Tarehe 03 Machi, 2016 Rais Magufuli na Rais wa Jamhuri ya Kenya, wataweka jiwe la msingi katika mradi wa ujenzi wa barabara ya Arusha - Holili - Taveta - Voi inayoziunganisha nchi za Tanzania na Kenya.

    Barabara hiyo ni sehemu ya miradi ya maendeleo ya Jumuiya ya Afrika Mashariki inayotekelezwa na nchi wanachama wa Jumuiya hiyo.


    Gerson Msigwa

    Kaimu Mkurugenzi wa Mawasiliano, IKULU.

    Dar es salaam

    28 Februari 2016




    0 0

    IMG_4204
    Meneja wa Volkswagen nchini, Bi. Tharaia Ahmed (kulia) akizungumza na waandishi wa habari (hawapo pichani) kuhusu mafunzo ya elimu ya usalama barabarani ambayo wanataraji kufanya katika shule 18 zilizo katika Manispaa ya Ilala.Mkurugenzi Mtendaji wa CFAO Motors Group, Eric Potin, (katikati) na Mwanzilishi wa mashindano ya mbio za magari ya Go4school, Henning Nathow.

    Katika kusaidia kupambana na ajali za barabarani kwa watoto wa shule za msingi jijini Dar es Salaam, kampuni ya CFAO Motors Group kwa kushirikiana na Alliance Autos ambao ni wauzaji wa magari ya Volkswagen wametoa msaada wa elimu na vifaa vya usalama barabarani kwa shule 18 zilizo katika Manispaa ya Ilala, Dar es Salaam.

    Akizungumzia msaada huo Meneja wa Volkswagen nchini, Tharaia Ahmed amesema kuwa lengo la kutoa elimu na vifaa hivyo ni kuwasaidia wanafunzi wa shule ambao wengi wao wamekuwa hawana uelewa mzuri kuhusu kuvuka barabara.

    Alivitaja vifaa hivyo kuwa ni alama za barabarani ambazo zinaonyesha alama za kusimamisha magari ili wanafunzi wavuke, makoti yanayowatambulisha waongozaji, kofia za kuwazuia na jua na mipira ya michezo mashuleni na watatoa elimu katika shule hizo ili kuwasaidia watoto kujua sheria za barabarani.

    “Tumeamua kutoa msaada huu kwa shule 18 na tutatoa elimu na tutakabidhi vifaa … tunaamini msaada huu utaweza kuwasaidia watoto hao na tunaamini itasaidia kupunguza ajali barabarani,” alisema Bi. Tharaia.

    Akipokea vifaa hiyvo kwa niaba ya Afisa Elimu wa Ilala, Helen Peter alisema wanaishukuru CFAO Motors Group kwa kutambua umuhimu wa elimu na kutoa vifaa vitakavyoweza kusaidia kuongoza wanafunzi wavukapo barabara.

    "Tunashukuru sana kwa msaada huu na mmeonyesha ni jinsi gani mnatambua umuhimu wa elimu na sisi tupo pamoja nanyi na tupo tayari kupokea elimu hiyo," alisema Bi. Helen.
    Alizitaja baadhi ya shule ambazo zitapata vifaa hivyo kuwa ni Shule ya Msingi Msimbazi, Boma, Mnazi Mmoja, Uhuru Mchanganyiko, Tabata, Ilala, Lumumba, Muhimbili, Buguruni, Kasulu, Mkoani, Msimbazi Mseto, Hekima, Amana, Mtendeni, Buguruni Viziwi na Tabata Jeta na Mtandani.

    Pamoja na hayo pia kunataraji kufanyika mashindano ya mbio za magari yaliyo na lengo la kuchangia elimu nchini Rwanda yanayoratibiwa na kampuni ya CFAO Motors Group yanayofanyika nchini na yanataraji kumalizikia nchini Rwanda.
    Attu Mynah
    Meneja Masoko wa CFAO Motors Group nchini, Bi. Attu Mynah (kulia) akionyesha baadhi vifaa hivyo vya usalama barabarani kwa waandishi wa habari (hawapo pichani).


    Mbio hizo za kusaidia elimu nchini Rwanda zimepewa jina la The go4school Charity Rally ambazo zimeshirikisha magari 18 ambayo yameanzia jijini Dar es Salaam na yanataraji kufikia kilele chake Machi, 13 nchini Rwanda na yatapita katika nchi za Kenya na Uganda na kisha Rwanda.

    Akizungumzia mashindano hayo Mkurugenzi Mtendaji wa CFAO Motors Group, Eric Potin alisema mbio hizo za magari zimeanzishwa na taasisi ya Volkswagen kwa kushirikiana na taasisi ya Opportunity International Germany kwa kutambua kwao umuhimu wa elimu na usalama wa watoto wawapo barabarani.

    Alisema kuwa wamekuwa wakisaidia zaidi katika sekta ya elimu na sio mara ya kwanza kufanya mbio hizo za magari kwani mwaka 2013 walifanya mbio kama hizo kutokea Senegal hadi Ghana na mwaka 2015 walifanya kutokea Namibia hadi Malawi na mara zote kampuni ya CFAO Motors Group imekuwa ikihusika kufanikisha mbio hizo.
    Henning Nathow
    Mwanzilishi wa mashindano ya mbio za magari ya go4school, Henning Nathow (wa pili kushoto) akielezea dhumuni lengo lao la kusaidia upatikanaji wa elimu bora kupitia mradi wa go4school.
    “Mbio hizi zimeanzishwa na Wajerumani ili kusaidia elimu ya Rwanda na hii sio mara ya kwanza tayari yamefanyika mara mbili barani Afrika na sisi kama CFAO tumekubali kuungana na taasisi ya Opportunity International Germany ili kusaidia upatikanaji wa elimu,” alisema Potin.

    Nae Henning Nathow ambaye ndiyo mwanzilishi wa mradi wa go4school ulio na lengo la kusaidia upatikanaji wa elimu bora alisema wanafurahi kufanya mbiao hizo ambazo zina lengo la kusaidia elimu nchini Rwanda wa wanaamini elimu ndiyo njia pekee inayoweza kusaidia kupambana na umasikini.

    Alisema wanataraji kufanya mbio hizo na baada ya kufika Rwanda watayakabidhi magari yanayotumika kwa ofisi za CFAO za Rwanda na baada ya hapo watayauza na mapato yatakayopatikana watayakabidhi kwa serikali ya Rwanda ili kusaidia sekta ya elimu.
    “Elimu ni njia ambayo inaweza kusaidia kumaliza janga la umasikini na sisi tuna furaha kufanya mbio hizo kuelekea Rwanda ili kusaidia kupatikana kwa elimu bora Rwanda,” alisema Nathow.
    Helen Peter
    Afisa Elimu wa Ilala, Helen Peter akitoa neno la shukrani kwa kampuni ya CFAO Motors Group kwa msaada huo wa vifaa vya usalama barabarani kwa shule 18 zilipo ndani ya Manispaa ya Ilala.
    Eric Potin
    Mkurugenzi Mtendaji wa CFAO Motors Group, Eric Potin (wa pili kushoto) akimkabidhi Afisa Elimu ya Ufundi wa Manispaa ya Ilala, Bi. Helen Peter (wa kwanza kushoto) msaada wa vifaa vya usalama barabarani kusaidia wanafunzi wavukapo barabarani pamoja na vifaa vya michezo, Wanaoshuhudia tukio hilo ni Meneja wa Volkswagen nchini, Bi. Tharaia Ahmed na (kulia) na Meneja Masoko wa CFAO Motors Group nchini, Bi. Attu Mynah.
    Eric Potin
    Attu Mynah
    Meneja Masoko wa CFAO Motors Group nchini, Bi. Attu Mynah akifafanua jambo kwa waandishi wa habari (hawapo pichani).
    Volkswagen Tanzania
    Pichani juu na chini ni kati ya magari 18 yaliyoondoka nchini jana kuelekea Rwanda kwa ajili ya kushiriki mashindano ya mbio za magari yaliyo na lengo la kuchangia elimu nchini Rwanda yanayoratibiwa na kampuni ya CFAO Motors Group.
    Volkswagen, Tanzania
    IMG_4332
    Msafara wa magari aina ya Volkswagen yanayoelekea nchini Rwanda yakitoka kwenye 'showroom' ya Volkswagen iliyopo kampuni ya CFAO Motors Group, barabara ya Pugu jijini Dar.
    Volkswagen Tanzania

    0 0



    0 0

    Katika kuongeza morali na kuwazawadia wachezaji wanaofanya vizuri, Klabu ya Simba ilianzisha Tunzo ya Mchezaji Bora wa Mwezi kuanzia mwezi wa Septemba 2015.

    Mshindi wa mwezi wa Disemba, 2015 ni Ibrahim Ajib ambapo amepata kura nyingi zaidi zilizopigwa na mashabiki na wapenzi wa Simba na soka wa Tanzania kwa ujumla kupitia simu za mkononi ambao pia wamejiunga na huduma ya Simba News.

    Akikabidhiwa tunzo pamoja na pesa taslim Tsh 500,000/= na Mkuu wa kitengo cha biashara na mipango kutoka EAG Group ambao ni washauri na watekelezaji wa Masoko na Biashara wa Simba, Richard Mvula, Ibrahim Ajib alisema “kila siku nimekuwa nikiendelea kujitahidi kufanya vizuri zaidi ili nami ifike siku niweze kukabidhiwa tunzo hii, kwakweli ni heshima kubwa sana kwangu, napenda kuchukua fursa hii kuupongeza uongozi mzima wa Simba kwa kuanzisha utaratibu huu, pia napenda kuwashukuru mahsbiki wangu ambao wamenipigia kura, wachezaji wenzangu kwenye kikosi cha Simba ambao kila siku tumekuwa tukishirikiana katika kazi yetu hii ya mpira, napenda kushukuru kwa sapoti kubwa ninayoipaa kutoka kwa familia yangu na mwisho napenda kumshukuru Allah kwa kuendelea kunibariki na neema zake kila siku”

    Akimakabidhi tunzo hiyo Mkuu wa kitengo cha biashara na mipango kutoka EAG Group Richard Mvula alisema “kama mtakumbuka utaratibu huu ulianzishwa kwa ajili ya kuwapa motisha wachezaji wetu na sasa umekuwa ni utamaduni wetu katika kuwapongeza na kuonesha kuthamini jitihada zinazofanywa na wachezaji wetu katika kuutafuta ushindi wa msimu huu”
    Napenda kuwakumbusha wanachama na wapenzi wa Simba kuendelea kuwapa sapoti wachezaji wetu kwani kwa sapoti yao ndio mafanikio ya timu yetu yanapopatikana, aliongeza Mkuu wa kitengo cha biashara na mipango kutoka EAG Group Richard Mvula.

    Akizungumza jinsi tunzo ya mchezaji bora itakavyoendeshwa, Mkurugenzi Mkuu wa EAG Group, Imani Kajula alisema “Wanachama na wapenzi wa Simba na wapenda michezo ndio watakao kuwa wanachagua mchezaji bora wa mwezi kwa kutuma jina la mchezaji wanayempendekeza kwenda kwenye namba 15460, Ni wale tu ambao wamejiunga na Simba News kupitia mtandao wa Voda na Tigo wataweza kupiga kura kuchagua mchezaji bora wa mwezi wa Simba”.

    Tukumbuke kuwa unaweza kumchagua mchezaji bora wa mwezi ukiwa umejiunganisha na huduma ya Simba News kwa kutuma jina la mchezaji kwenda namba 15460. Zoezi la kumchagua mchezaji bora wa mwezi wa Januari, 2016 litaanza February 29 2016. Piga kura mara nyingi zaidi kuweza kumpata mchezaji wako bora wa Mwezi Januari, 2016.

    Simba News ni huduma iliyoanzishwa na Simba ili kuwapa wapenzi wa Simba habari mbalimbali za Simba popote pale walipo ikiwemo matokeo, majina ya wachezaji wanaocheza mechi, usajili na habari nyingine za klabu ya Simba. Kujiunga na Simba News tuma neno Simba kwenda namba 15460 ni maalum kwa Tigo na Vodacom.

    0 0

     Naibu Waziri wa Nchi ofisi ya Makamu wa Rais Muungano na Mazingira Mh Luhaga Mpina, akisikiliza maelezo kutoka kwa mkuu wa soko la mjini Moshi hayupo pichani, alipokagua usafi wa mazingira sokoni hapo mapema leo. 
    Naibu Waziri wa Nchi Ofisi ya Makamu wa Rais Muungano na Mazingira Mh..Luhaga Mpina akisiliza maelezo toka kwa Mkurugenzi wa Halmashauri ya mji wa Moshi, namna ya Halmashauri ya Mji inavyojipanga kupanua Dampo la mji huo, alipolitembelea maeneo ya njoro, mapema Leo.(Picha na Evelyn Mkokoi)

    Kiwanda cha kutengeneza kinywaji maarufu cha Coke cola cha Bonite Bottles  cha mjini Moshi, kimepewa pongezi na Naibu Waziri wa Nchi Ofisi ya Makamu wa Rais Mazingira Mh. Luhaga Mpina kwa kile alichesema kuwa, kimeweza kutekeleza Sheria ya Usimamizi wa Mazingira ya Mwaka 2004 na kanuni zake.

    Mh. Mpina aliyasema hayo katika ziara yake Mjini Moshi ya Kukagua usafi wa Mazingira na viwanda, na zoezi la kupanda miti katika mji huo. Mh. Mpina alisema kuwa viwanda vingine nchini vinaweza kuiga kutoka kwa kiwanda hicho ambacho kipo chini ya makampuni ya IPP, kwani kiwanda hicho tangu kianzishwe kimeweza kutunza mazingira kwakupanda miti milioni ishirini na mbili (22) mpaka sasa, na ameelezwa kuwa kina lengo la kuongea upandaji miti milioni hamsini (50) ifikapo mwaka 2020. Kwa mwaka kiwanda hicho kinapanda idadi ya miti milioni tano.


    Pamoja na hilo Mh. Mpina amejionea namna ambavyo madhari ya kiwanda hicho yalivyo safi na mfumo wa uzalishaji wa kisasa katika kiwanda hicho wenye miundombinu rafiki kwa mazingira.


    Wakati huo huo Mh. Mpina Amekitoza faini ya shilingi milioni ishirini (20) kiwanda cha ngozi  cha Moshi lather kilichopo maeneo ya Njoro, kwa kukiuka sheria ya mazingira ya mwaka 2004 na kanuni zake kwa tiririsha maji katika mazingira, na kuwa na miundo mbinu chakavu, isiyo na ubora na ambayo si rafiki kwa mazingira na viumbe hai.


    Kiwanda hicho cha Moshi lather kinatakiwa kulipa faini hiyo ndani ya siku kumi na nne (14) na kinyume na hapo taratibu nyingine za kisheria zitachukuliwa ikiwa ni pamoja na kukifungia kiwanda hicho.



    Naibu Waziri Mpina Pia alitembelea kiwanda cha Kilimanjaro Biochem Indusrial Limited kilichopo katika wilaya ya Mwanga na kukitaka kiwanda hicho kuzingatia na kutii sheria ya Mazingira ya mwaka 2004 kwa uwangalifu katika uzalishaji wake.


    0 0


    WAZIRI wa Habari, Utamaduni, Sanaa na Michezo, Nape Nnauye (pichani) anatarajia kuwa mgeni rasmi kwenye Tamasha la Pasaka jijini Mwanza Machi 27.


    Kwa mujibu wa Mwenyekiti wa Kamati ya maaandalizi ya tamasha hilo, Alex Msama Waziri Nape amekubali kuwa mgeni rasmi katika tamasha hilo ambalo litaanzia Geita Machi 26 na kumalizia Kahama Machi 28.

    Msama alisema kamati yake inaendelea na maandalizi ya kuelekea tamasha hilo ambalo litashirikisha waimbaji mbalimbali hapa nchini.“Maandalizi kuelekea Tamasha la Pasaka yanaendelea vema, hivyo wakazi wa mikoa ya Kanda ya Ziwa wajiandae kupokea ujumbe wa neno la Mungu kupitia viongozi wa dini na waimbaji wa muziki wa Injili,” alisema Msama.

    Msama alisema baadhi ya waimbaji  waliothibitisha kushiriki tamasha hilo ambao ni pamoja na Rose Muhando, Bonny Mwaitege, Upendo Nkone, Jesca BM Honore, Christopher Mwahangila, Joshua Mlelwa, Sifael Mwabuka, Jenipher Mgendi, Kwaya ya AIC Makongoro na Kwaya ya Wakorintho Wapili.

    Aidha Msama alisema viingilio katika tamasha hilo ni shilingi 5000 kwa wakubwa na kwa watoto shilingi 2000.

    0 0

    NYUMBA TABATA SEGEREA STENDI NA KIWANJA  DEGE  MAGHOROFANI VINAUZWA.
    1.Ina vyumba 3, kimoja master.
    2. Ipo Tabata Segerea stand hapohapo.
    3. Bei milioni  78 .
    WASILIANA NAMI KATIKA 0658 772 649.
    KUONA  ZAIDI  TEMBELEA baylimited.blogspot.com 

    1.Ni  sqm  1200.
    2. Ndani  kuna  kijumba kidogo.
    3. Ni  Dege  Kigamboni  karibu  na  maghorofa  ya mradi.
    4. Bei milioni  25  .
    WASILIANA NAMI KATIKA 0658 772 649.

    0 0

    Naibu Waziri wa Fedha na Mipango, Dk Ashantu Kijaji akigonga kengele kuashiria uorodheshwaji rasmi wa hati fungani za Benki ya Exim Tanzania kwenye Soko la Hisa la Dar es Salaam (DSE) wakati wa hafla fupi iliyofanyika jijini Dar es Salaam mwishoni mwa wiki (Feb 26th, 2016). Dk Kijaji alitoa wito kwa wadau wa sekta ya fedha na watu binafsi kuungana na benki hiyo katika kuwekeza kwenye hati hizo.
    Mkuu wa Fedha wa Benki ya Exim Tanzania Bw Selemani Ponda akizungumza kwenye hafla fupi ya uorodheshwaji rasmi wa hati fungani za benki hiyo kwenye Soko la Hisa la Dar es Salaam (DSE) iliyofanyika jijini Dar es Salaam mwishoni mwa wiki (Feb 26th, 2016).

     BENKI ya Exim Tanzania imefanikiwa kuorodhesha hati fungani zake kwenye Soko la Hisa la Dar es Salaam (DSE), hatua iliyoungwa mkono na serikali huku wadau zaidi wakiombwa kuwekeza kupitia hati hizo.

    Akizungumza kwenye hafla fupi ya kuorodhesha rasmi hati hizo kwenye soko hilo iliyofanyika jijini Dar es Salaam mwishoni mwa wiki iliyopita (Feb 26th, 2016), Naibu Waziri wa Fedha na Mipango, Dk Ashantu Kijaji alitoa wito kwa wadau wa sekta ya fedha na watu binafsi kuungana na benki hiyo katika kuwekeza kwenye hati hizo.

    “Nitoe wito kwa wananchi na mabenki mengine tuungane na benki ya Exim katika kuhakikisha kwamba tunawekeza na hatimaye tunaweza kupata hati hizi kupitia Soko la Hisa la Dar es Salaam …hati fungani ni muhimu kwa maendeleo yetu kiuchumi ndio maana hata serikali tupo kwenye hatua ya kufanya hivyo kwa ajili ya maendeleo ya miundombinu yetu,’’ alibainisha.

    Akizungumza kwenye hafla hiyo Afisa Mkuu wa Fedha wa Benki ya Exim Bw Selemani Ponda alisema kuja kwa hati fungani hiyo ya miaka sita sio tu maendeleo makubwa kwa sekta ya fedha hapa nchini bali pia ni maendeleo kwa ukanda mzima wa Afrika mashariki kwa kuwa benki hiyo ndio imekuwa ya kwanza kuendesha mchakato katika ukanda huo.

    “Dhamana hii itawapa wawekezaji uhakika wa kupata riba ya 15.56% kwa mwaka, kwa kipindi cha miaka 6. Benki ya Exim tulifanikiwa kukusanya jumla ya sh bilioni 19.95 ambapo kati ya kiasi hicho takribani bilioni 14.97 zilibaki benki na kiasi kilichobaki kilirejeshwa kwa wawekezaji.Hati hizi zitaboresha msingi wa benki yetu na zitatumika kwenye masuala ya mikopo,’’ alifafanua. 

    Kwa upande wake Mkurugenzi Mtendaji wa Soko la Hisa la Dar es Salaam (DSE) Bw Moremi Marwa alisema kuorodheshwa kwa hati fungani hizo za Benki ya Exim kunaleta jumla ya hati fungani za taasisi kubwa kwenye soko hilo kufikia 15 na zinahusisha taasisi 10.

    “Uzoefu unaonyesha kwamba uwekezaji wa namna hii unaweza kabisa kuendeleza biashara zetu pamoja na miradi ya maendeleo. Tunahitaji tu kuwa na watu na taasisi zilizo tayari kuona fursa za namna hii kama walivyofanya wenzetu wa Exim,’’ alibainisha.

    Akizungumza kwenye hafla hiyo, Mwakilishi kutoka Mamlaka ya Masoko ya Mitaji na Dhamana nchini (CMSA) Bw Nicodemus Makama alisema hatua hiyo iliyofikiwa na Exim ni chachu kwa taasisi nyingine nchini kufikiria namna hiyo ya uwekezaji.

    0 0

    Wadau hao wakinyoosha mikono juu kuonesha umuhimu wa kuadhimishwa kwa siku hiyo ya Magonjwa Yanayotokea kwa kundi dogo la jamii ndani ya jamii.
    Mratibu wa tukio hilo Bibi Sharifa Mbaraka akizungumza mbele ya Waandishi wa habari (hawapo pichani) kwenye moja ya ukumbi wa hoteli ya Serena leo jijini Dar,Bi.Sharifa alisema kuwa tukio hilo limedhamiria kujumuisha  vyombo vya habari na wadau wengine ili kujenga uelewa kuhusu magonjwa hayo. 

    “Yapo magonjwa tofauti yanayowasibu watu wachache takribani 7000 ambayo yameshabainishwa duniani hadi leo na Tanzania haiwezi kujitoa kwenye  hili. Hata hivyo watu wengi hapa Tanzania hawana uelewa  kuhusu magonjwa hayo”,alisema Bi Sharifa ambaye watoto wake wawili Ali Mohammed Kimara 5, na Nasreem Mohammed 3, wanasumbuliwa na magonjwa hayo.

    Alifafanua kuwa kutokana na uzoefu wake, amepata msukumo  na kuamua kuwaunganisha wazazi, wagonjwa walio na magonjwa hayo na raia wenye mapenzi mema ili kujenga uelewa muhimu na kutoa wito kwa jamii kuchukua hatua.

    Pichani wa pili kulia ni Mdau mkubwa wa sekta ya afya Monica Joseph kutoka Philips Medical Systems , akifafanua zaidi kuhusiana na huadhimishwa kwa Siku ya 'Rare Disease' Duniani ambayo inaadhimishwa leo.Monica amesema kuwa ni wakati mwafaka kwa Watanzania kuwa na tahadhari ya kuelewa kuhusu magonjwa hayo ili wanajamii waweze kufahamu mbinu za kuyadhibiti iwapo watayakuta ndani ya jamii. pichani kulia ni Dkt.Mariam Nooram kutoka hospital ya Aghakhan.
     
    Kauli mbiu ya Siku ya Magonjwa Yanayotokea kwa kundi dogo la jamii Mwaka 2016 ni ‘Sauti za Wagonjwa’ na inamaanisha kutambua mchango muhimu unatolewa na wagonjwa katika kutaka mahitaji yao na kuchochea mabadiliko ambayo yataboresha maisha yao na masiha ya familia zao na maisha ya wale wanaowahudumia.

    Kauli mbiu ya Siku ya Magonjwa yanayotokea kwa kundi dogo la wanajamii ambayo ni, “Ungana nasi kuzifanya sauti za waathirika zisikike” ikitaka jamii kwa jumla, wale wanaishi bila magonjwa hayo au wanaothirika nayo moja kwa moja kuungana na jamii ya waathirika katika kuelewa athari za magonjwa hayo. Watu wanaoishi na magonjwa hayo na familia zao mara kadhaa hutengwa. Jamii inaweza kuwaunganisha kutoka kwenye kutengwa huko.
    Lengo la jumla la Siku ya Magonjwa yanayotokea kwa kundi dogo la jamii ni kuhamasisha uelewa miongoni wa umma kwa jumla kuhusu magonwa hayo na athari zake kwa maisha ya wagonjwa ili kuyapa kipaumbele kwenye afya ya jamii ya Tanzania na kwenye bajeti ya serikali kupitia Wizara husika.

    Professor Kareem Manji kutoka Muhimbili akitoa ufafanuzi mbele ya Waandishi wa Habari namna magonjwa hayo yanavyoisumbua jamii kwa kiasi kikubwa na pia uzoefu wake katika suala zima la kutoa matibabu,kushoto kwake ni Dkt Nurudin Lakhan ambaye pia alielezea namna ya magonjwa hayo  Yanayotokea kwa kundi dogo la jamii yanapaswa kuangaliwa upya ili kuitaka jamii kutambua kuwa magonjwa hayo yapo na yamekuwa yakiisumbua jamii kwa muda mrefu.
    Bi.Monica Joseph kutoka Philips Medical Systems  alieleza mambo kadhaaa katika kupambana na magonjwa hayo,ameeleza kuwa ipo haja ya wadau wa sekta ya Afya na jamii kwa ujumla kuyafahamu magonjwa yasiyotambulika yapo katika jamii yetu na lazima tuchukue hatua za kushughulika nayo. Miongoni mwa hatua zinazopaswa kuchukuliwa ni pamoja na:
     
    ( a) Zifanyike juhudi za makusudi kuwapatia wataalam wa afya mafunzo maalum ya kutambua na kutibia magonjwa hayo,( b) Kuanzisha vitengo maalum vya kushughulikia magonjwa hayo hususan kwenye Hospitali za Rufaa. Vitengo hivyo havinabudi kuwa na vifaa mbalimbali vya kusaidia matibabu ya ugonjwa huo,(c) Uanzishwe mpango maalum wa kuwafanyia uchunguzi watoto wanaozaliwa ili kubaini kama wanao ugonjwa huo toka awali ili hatua zichukuliwe bila kuchelewa,(d) Serikali na wadau wengine wa Sekta ya Afya waangalie uwezekano wa kuwa na kampeni za kuelimisha umma juu ya ugonjwa huu kama inavyofanyika kwa magonjwa mengine kama cancer,malaria,kipindupindu,(e) Uangaliwe uwezekano wa kuanzisha shule maalum kwa ajili ya watoto wenye magonjwa yasiyotambulika.


    Baadhi ya wageni waalikwa mbalimbali waliofika kwenye mkutano huo.
    Baadhi ya wageni waalikwa wakifuatilia yaliyokuwa yakijiri kwenye mkutano huo.

    Baadhi ya Wanahabari wakiwa kwenye mkutano huo.PICHA NA MICHUZI JR-MMG

    0 0

    Kila mwaka Siku ya mwisho ya Mwezi Wa Pili huadhimishwa Siku ya 'Rare Disease Duniani. Mwaka huu itakuwa leo tarehe 29 Feb 2016. Sharifa Mbarak ni mama mwenye watoto wawili ambao waliathirika na magonjwa hayo yasiyotambulika. Kesho ataongea na Waandishi wa habari na wadau mbalimbali wakiwamo na madaktari wa watoto Dr. Mariam wa Agakhan na Professor Kareem wa Muhimbili pamoja na Monica Joseph , mdau kutoka Philips Medical Systems katika hotel ya Serena Dar es Salaam,Saa 4 asubuhi katika kampeni ya kuhamasisha magonjwa yasiyotambulika. Tunaomba ushiriki wako katika siku hii muhimu kwa Watoto wa Sharifa na watoto wote duniani wanaoteseka na magonjwa haya.

    0 0

     Kaimu Mkuu wa Kitengo cha Mawasiliano Serikalini Wizara ya Habari, Utamaduni, Sanaa na Michezo Bibi. Zawadi Msalla( katika) akizungumza na waandishi wa Habari (hawapo pichani) kuhusu wanachi kutoa maoni juu ya Maboresho ya Sera ya Michezo leo jijini Dar es Salaam.Kaimu Mkurugenzi wa Maendeleo ya Michezo Bw. Alex Makoye Nkenyenge na kushoto ni Afisa Uchumi Mwandamizi wa Wizara ya Habari, Utamaduni, Sanaa na Michezo Bw. Richard Kundi.

    Kaimu Mkurugenzi wa Idara ya Maendeleo ya Michezo kutoka Wizara ya Habari, Utamaduni, Sanaa na Michezo Bw. Alex Makoye Nkenyengeakizungumza na waandishi wa Habari (hawapo pichani) kuhusu wadau kutoa maoni ili kuboresha Sera ya Michezo leo jijini Dar es Salaam.Katikati ni Kaimu Mkuu wa Kitengo cha Mawasiliano Serikalini Wizara ya Habari, Utamaduni, Sanaa na Michezo Bibi. Zawadi Msalla na kushoto ni Afisa Uchumi Mwandamizi wa Wizara hiyo Bw. Richard Kundi.


    Picha na: WHUSM.





    Wizara ya Habari,Utamaduni,Sanaa na Michezo kupitia Idara ya Maendeleo ya Michezo, inapenda kuwafahamisha wananchi kwamba imefanya mabadiliko ya Sera ya Michezo ya mwaka 1995 na sasa itatoa sera mpya ya mwaka 2016 ambayo wadau mbalimbali wameshiriki kwa kutoa maoni yao ili yatumike kuboresha  Sera hii mpya. Wizara kwa mara nyingine tena inategemea kupokea maoni kupitia Tovuti Rasmi ya wananchi ambayo ni www.wananchi.go.tz ambapo rasimu ya Sera hii mpya ya mwaka 2016 inapatikana katika tovuti ya wizara ambayo ni:www.habari.go.tz,na kwa wale wanaoweza kufika ofisini kwetu Golden Jubilee Towers ghorofa ya 8 au kupitia barua pepe ifuatayo, nicholaus bulamile@habari.go.tz.

    Maoni hayo yatakuwa yamelenga katika maeneo makuu kumi ambayo ni;
    • Kuwa na jamii inayoshiriki katika michezo na mazoezi ya viungo vya mwili kwa afya endelevu na msingi wa maendeleo ya michezo.
    • Kuwa na wataalamu wa michezo wanaokidhi viwango na mahitaji.
    • Kuwa na mifumo anuai na thabiti ya uratibu, usimamizi na uendelezaji wa michezo.
    • Kuimarisha ajira na mikataba katika michezo.
    • Kuwa na uwekezaji unaokidhi mahitaji ya maendeleo ya michezo.
    • Kuwa na tafiti endelevu katika michezo.
    • Kuwa na mfumo thabiti wa utoaji huduma za bima, kinga, tiba na uthibiti wa matumizi ya dawa na mbinu haramu katika michezo.
    • Kuwa na maendeleo endelevu ya utalii wa michezo.
    • kuwa na mfumo shirikishi wa utoaji wa habari za michezo.
    • Kuwa na utaratibu wa kumlinda mwanamichezo dhidi ya maambukizi ya VVU na UKIMWI.
    Wizara inapenda kutoa wito kwa wadau wote washiriki kutoa maoni yao yenye tija ambayo yataboresha Sera ya maendeleo ya Michezo ya mwaka 2016. Ukusanyaji wa maoni utaanza leo tarehe 29 Februari hadi tarehe 5 Machi 2016.
    Imetolewa na Kitengo cha Mawasiliano Serikalini,
    Wizara ya Habari, Utamaduni, Sanaa na Michezo.

older | 1 | .... | 779 | 780 | (Page 781) | 782 | 783 | .... | 1904 | newer