Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 701 | 702 | (Page 703) | 704 | 705 | .... | 1898 | newer

    0 0

    mg1 
    Mratibu wa Kitaifa wa Mpango wa Taifa wa Kudhibiti Magonjwa yasiyopewa Kipaumbele, Dkt. Upendo Mwingira akielezea jinsi Serikali inavyojitahidi kupambana na magonjwa hayo, ambayo   baadhia yake  ni Matende, Mabusha, Minyoo ya Tumbo, Kichocho, Trakoma na Usubi kwa baadhi ya wahariri wa vyombo vya habari  katika ukumbi wa mikutano wa Wizara ya Afya na Ustawi wa Jamii leo jijini Dares Salaam.
    mg3 
    Mratibu wa Kitaifa wa Mpango wa Taifa wa Kudhibiti Magonjwa yasiyopewa Kipaumbele, Dkt. Upendo Mwingira akielezea jinsi Serikali inavyojitahidi kupambana na magonjwa hayo, ambayo   baadhia yake  ni Matende, Mabusha, Minyoo ya Tumbo, Kichocho, Trakoma na Usubi kwa baadhi ya wahariri wa vyombo vya habari  katika ukumbi wa mikutano wa Wizara ya Afya na Ustawi wa Jamii leo jijini Dares Salaam. (Picha na Magreth Kinabo- MAELEZO).

    ………………………………………………………………………………………….
    Na  Mwandishi wetu-MAELEZO-Dar es salaam
    Wizara ya Afya na Ustawi wa Jamii kwa kushirikiana na Ofisi za mikoa mbalimbali nchini inatarajia kuendesha zoezi la ugawaji wa dawa kwa ajili ya magonjwa ambayo yalikuwa hayapewi kipaumbele.
     
    Kauli hiyo imetolewa leo jijini Dar es salaam na Mratibu wa Kitaifa wa Mpango wa Taifa wa kudhibiti magonjwa ambayo yalikuwa hayapewi kipaumbele Dkt. Upendo Mwingira wakati wa semina ya wahariri wa vyombo vya habari mbalimbali nchini.
     
    Amesema kuwa zoezi hilo linatarajiwa kufanyika kuanzia hivi karibuni ambapo dawa za magonjwa hayo ni minyoo, matende na mabusha zitatolewa bila malipo kwa wananchi wote.Dkt. Mwingira amesema kuwa dawa  hizo zitatolewa kwenye Hospitali, Vituo vya Afya, Zahanati Masoko, Vituo vya Basi, treni , shuleni, mashirika ya umma, nyumba za ibada, kambi za jeshi na Wizarani.
     
    Ameongeza kuwa walengwa ni wananchi wote wenye umri wa miaka kuanzia mitano hadi kuendelea. Alifafanua kwamba dawa hizo humezwa kila mwaka.Dkt.Mwingira alisema kampeni hiyo itaanza katika jiji la Dar es Salaam kuanzia Desemba  mwaka huu na mikoa  ambayo  itaambatana  na kampeni hiyo ni Katavi, Rukwa, Lindi,Mtwara,Singida, Dodoma na Pwani. Mikoa iliyobakia kampeni hiyo itafanyika kwa awamu kati ya Januari na Februari mwaka huu.
     
    Aidha Dkt. Mwingira amesisitiza kuwa dawa zitakazotolewa ambazo ni Albendazolena Ivermectin hazina madhara yoyote na kuongeza kuwa ni vema wananchi wakatumia fursa hiyo kujipatia tibakinga.Magonjwa ambayo yalikuwa hayapewi kipaumbele ni mabusha,matende,usubi,trakoma,minyoo, kichocho.

    0 0

    ci1 
    Kikundi cha wanamuziki kutoka China kikitumbuhiza wakati wa Tamasha la Forbidden City Chamber Orchestra lililofanyika katika ukumbi wa maonyesho wa Makumbusho ya Taifa jana jijini Dar es Salaam.Tamasha hilo lilikuwa maalumu kufuatia kuzinduliwa rasmi kwa Kituo cha Utamaduni wa China hapa nchini.
    ci2 
    Msanii wa kundi la Zijincheng kutoka Chuo Kikuu cha Sanaa cha China Di Yang akionyesha umahiri wa kutumia vifaa vya muziki wakati wa Tamasha la Forbidden City Chamber Orchestra lililofanyika katika ukumbi wa maonyesho wa Makumbusho ya Taifa jana jijini Dar es Salaam.Tamasha hilo lilikuwa maalumu kufuatia kuzinduliwa rasmi kwa Kituo cha Utamaduni wa watu wa China hapa nchini.
    ci3 
    Msanii wa kundi la Zijincheng kutoka Chuo Kikuu cha Sanaa cha China Yang Jing akionyesha umahiri wa kutumia vifaa vya muziki wakati wa Tamasha la Forbidden City Chamber Orchestra lililofanyika katika ukumbi wa maonyesho wa Makumbusho ya Taifa jana jijini Dar es Salaam.Tamasha hilo lilikuwa maalumu kufuatia kuzinduliwa rasmi kwa Kituo cha Utamaduni wa watu wa China hapa nchini.
    ci4 
    Mkuu wa Kituo cha Utamaduni wa Watu wa China nchini Tanzania Bw. Gao Wei (watano kutoka kulia) akiwa katika picha ya pamoja na wanamuziki wa kundi la Zijincheng kutoka Chuo Kikuu cha Sanaa cha China. Kundi hilo linaundwa na wanazuoni na watafiti wa muziki wa asili nchini China.Picha na Frank Shija, WHVUM

    …………………………………………………………………………..
    Na Jacquiline MrishoMaonesho ya utamaduni wa watu wa China yalifanyika jana usiku maeneo ya Makumbusho ya TaifaJijini Dar es salaam baada ya ufunguzi rasmi wa Kituo cha Utamaduni wa watu wa China uliofanyika mchana.
     Maonesho hayo yalifunguliwa na Mkurugenzi wa kituo hicho cha Utamaduni wa watu wa ChinaTanzania Bwana GAO Wei ambapo alitumia fursa hiyo kuwakaribisha wageni waalikwakuangalia utamaduni wa wachina kupitia muziki wao.Hafla hiyo ilipambwa na wanamuziki mahiri wa kundi la watafiti wa muziki wa asili linaloitwa Zijincheng kutoka Chuo Kikuu cha Sanaa cha China kilichopo Beijing. 
     Wanamuziki hao walianza kwa kupiga vyombo vyao vya muziki kwa pamoja bila kuimbachochote na baadae kila mmoja wa wanamuziki hao alipiga chombo kimoja cha muziki ilikuwaonyesha wageni waalikwa sauti na mdundo wa kila chombo cha muziki.Mwishoni walipiga vyombo vyao kwa pamoja kwa kupiga mapigo ya wimbo wenye asili yakitanzania unaoitwa ‘Malaika Nakupenda’.
     Kituo cha Utamaduni wa China nchini Tanzania ndio kituo cha kwanza kufunguliwa kwa Afrika Mashariki. Kimefunguliwa rasmi jana saa nne kamili asubuhi.Kituo hicho kipo Barabara ya Hassan Mwinyi maeneo ya Upanga Jijini Dar es Salaam.

    0 0

    Kaimu Mkurugenzi Mkuu wa Mfuko wa Taifa wa Bima ya Afya (NHIF), Michael Mhando akizungumza na vyombo vya habari wakati wa uzinduzi wa Kituo cha Mawasiliano na Huduma Kwa Wateja (Call center) ambacho kitahusika na kupokea na kujibu hoja za wadau mbalimbali zitakazowasilishwa katika Mfuko kupitia Namba ya simu 0800 110063, barua pepe info@nhif.or.tz na mawasiliano kwa njia ya mtandao (Mitandao ya kijamii na simu za mkononi), uliofanyika leo kwenye makao makuu ya Mfuko huo, jijini Dar es salaam.Picha na Michuzi Blog
    Mkurugenzi wa Masoko na Utafiti Mfuko wa Taifa wa Bima ya Afya (NHIF), Rehani Athumani (kushoto) akifafanua jambo kwa waandishi wa habari, wakati wa uzinduzi wa Kituo cha Mawasiliano na Huduma Kwa Wateja (Call center) ya NHIF, uliofanyika leo kwenye makao makuu ya Mfuko huo, jijini Dar es salaam.
    Kaimu Mkurugenzi Mkuu wa Mfuko wa Taifa wa Bima ya Afya (NHIF), Michael Mhando akionyesha kipeperushi chenye namba ya mawasiliano ya moja kwa moja na kituo hicho.
    Kaimu Mkurugenzi Mkuu wa Mfuko wa Taifa wa Bima ya Afya (NHIF), Michael Mhando (kulia) na Mtendaji Mkuu wa Kampuni ya SoftNet Tech, Nuru Yakub Othman wakishirikiana kuzindua rasmi Kituo cha Mawasiliano na Huduma Kwa Wateja (Call center) cha Mfuko wa Taifa wa Bima ya Afya, uliofanyika leo kwenye makao makuu ya Mfuko huo, jijini Dar es salaam.
    Kaimu Mkurugenzi Mkuu wa Mfuko wa Taifa wa Bima ya Afya (NHIF), Michael Mhando (kushoto) akimuangalia Ofisa Uanachama wa Kituo cha Mawasiliani ya Huduma kwa wateja, Eva Mkwizu wakati akiwasiliana na wateja wa njia ya simu. Katikati ni Mkurugenzi wa Utawala wa Mfuko wa Taifa wa Bima ya Afya (NHIF), Beatus Chijumba
    Baadhi ya Maofisa Uanachama wa Mfuko wa Taifa wa Bima ya Afya wakiendelea kutoa huduma katika kituo hicho.


    0 0


    Katibu wa Itikadi na Uenezi CCM Taifa Ndugu Nape Nnauye akisisitiza jambo wakati wa kikao na wahariri wa magazeti ya Raia Mwema na Raia Tanzania.

    Katibu wa Itikadi na Uenezi CCM Taifa Ndugu Nape Nnauye akizungumza huku Mhariri Mkuu wa Magazeti ya Raia Mwema na Raia Tanzania Ndugu Godfrey Dilunga akimsikiliza kwa makini.
    Mhariri Mkuu wa Magazeti ya Raia Mwema na Raia Tanzania Ndugu Godfrey Dilunga akiwatambulisha baadhi ya viongozi wa kampuni ya Magazeti ya Raia Mwema.

    Mkurugenzi wa kampuni ya Raia Mwema Ndugu Mbaraka Islam pamoja na Meneja wa Matangazo wa kampuni ya Raia Mwema Ndugu John Daniel wakimsikiliza Katibu wa NEC Itikadi na Uenezi CCM Taifa Ndugu Nape Nnauye.


    Katibu wa Itikadi na Uenezi CCM Taifa Ndugu Nape Nnauye akizungumza na Wahariri wa gazeti la Raia Tanzania na Raia Mwema katia ofisi za magazeti hayo jijini Dar es Salaam.

    KATIBU wa NEC (CCM) Itikadi na Uenezi, Nape Nnauye leo ametembelea ofisi za kampuni ya Raia Mwema inayotengeneza magazeti ya Raia Mwema na Raia Tanzania, kwa lengo la kushukuru na kueleza mikakati ya chama chake

    Itakumbukwa miezi kadhaa iliyopita kabla ya uchaguzi mkuu Nape, alitembelea vyumba vya habari akianzia na Raia Mwema kueleza pamoja na mambo mengine namna walivyojipanga na uchaguzi ikiwemo kupata mgombea urais.

    Akizungumza jana katika ofisi hizo alipokutana na wahariri pamoja na viongozi mbalimbali wa kampuni hiyo alisema, wanafurahishwa na kasi ya Rais John Magufuli, kwa sababu kinachotendeka sasa walikipanga hata kabla ya uchaguzi.

    “Tulitaka mtu wa aina hii, haya mabadiliko tuliyarataji hivyo hatushituki kuyaona, tunachotaka kuwaambia wananchi tu ni kuwa baada ya kumaliza serikalini mabadiliko yatahamia kwenye chama,” alisema Nape.

    BOFYA HAPA KWA PICHA ZAIDI

    0 0

    MKUU wa Mkoa Kilimanjaro, Amos Makalla, amefanya ziara katika kiwanda cha Sukari cha TPC kilichopo Moshi, mkoani Kilimanjaro ili kujionea hali ya uzalishaji wa sukari kwenye kiwanda hicho. RC Makalla alijionea hali halisi ya kiwanda hicho ambacho sasa kinazalisha sukari tani 105,000 baada ya kubinafsishwa, tofauti na uzalishaji wa tani 35,000 tu hapo zamani.
    Ziara inaendelea kiwandani hapo.
    Akizungumza katika kiwanda hicho, RC Makalla alisema kwamba amefurahishwa na hali ya uzalishaji wa sukari kwenye kiwanda hicho, huku akiahidi kushirikiana na uongozi wa Mkoa wa Tanga kudhibiti sukari inayoingia kutoka nje ya nchi. Alisema atashirikiana na serikali ya Mkoa wa Tanga kudhibiti sukari hiyo ya nje, akiamini kuwa kutasababisha kiwanda hicho kupiga hatua kwa kuuza sukari yao nchini.
    Majadiliano yanaendelea kiwandani hapo dhidi ya RC Makalla
    “Kilio cha kiwanda hiki ni uingizwaji wa sukari kutoka nje, hivyo Kilimanjaro tutashirikiana kwa karibu na wenzetu wa Tanga ili kuweka ulinzi mkali kwa ajili ya kudhibiti sukari inayoingia kutoka nje kwa kupitia mkoani Tanga.


    “Naamini tukifanya hivyo tutaweza kukiweka kiwanda hiki katika hali nzuri, ukizingatia kuwa viwanda vyetu ili viweze kujiendesha vinapaswa kuuza bidhaa zao vizuri na si kupata changamoto zinazoweza kuwaathiri kama suala hili la sukari nyingi kuingia kutoka nje wakati wao pia ni wazalishaji,” alisema Makalla.


    Kwa wiki kadhaa sasa RC Makalla amekuwa akifanya ziara mbalimbali mkoani Kilimanjaro pamoja na kufanya vikao muhimu vyenye lengo la kuhakikisha kwamba wanaenda mchaka mchaka ili kwenda sambamba na kauli ya hapa kazi ya Dr John Magufuli, Rais wa Jamhuri ya Muungano wa Tanzania.
    Mkuu wa Mkoa Kilimanjaro Amos Makalla akiwa kwenye ukaguzi wa kiwanda cha sukari cha TPC kilichopo Moshi, mkoani humo, kama sehemu ya kuangalia hali ya uzalishaji wa sukari kwenye kiwanda hicho. Picha na Mpigapicha wetu.

    0 0

    Mmiliki wa Lukaza Blog, Josephat Lukaza akiwa ameshikilia Tunzo aliyoshinda katika Kipengele cha Blog Bora ya Siasa katika Shindano la African Blogger Awards 2015 lililofanyika nchini Africa Kusini .Tutembelee kwa kufuata link hii http://www.josephatlukaza.com.
    Shindano la African Blogger Awards linaloendeshwa na Kampuni ya Webfluential ya Nchini Afrika Kusini lilianzishwa mnamo mwaka 2014 huku Lukaza Blog ikishiriki Kwa Mara ya Kwanza na kuibuka kuwa mshindi wa Pili wa Blog bora ya Kuelimisha kwa mwaka 2014.
    Kwa Awamu ya Pili ya Shindano la African Blogger Awards liliofanyika mwaka 2015 Lukaza Blog pia iliweza kushiriki katika Vipengele vitatu huku ikiibuka Mshindi katika Kipengele Kimoja tu cha Blog Bora ya Siasa ambapo ushindi huo ulitangazwa tarehe 5 May 2015 kupitia Kurasa ya Twitter ya African Blogger Awards.
    Katika Kinyanganyiro hiko Cha African Blogger Awards nilikua nikichuana na bloggers wengine kutoka Mataifa mbalimbali ya Africa na kuweza kuwagaragaza na hatimaye kuibuka Mshindi wa Kipengele cha Blog bora ya Siasa huku mshindi wa Pili akitokea Afrika Kusini.
    Uendeshaji wa Shindano hili ulifanyika kwa kutumia njia ya Kitaalamu zaidi ijulikano kama Impartial Judgement ambapo hakuna kupiga kura wal kutaja jina la blog bali ni mfumo wenyewe wa mtandao ndio unaoweza kutoa majibu.

    Ni mara ya Kwanza kabisa nchini Tanzania Mmiliki wa blog ya Lukaza, ndg Josephat Lukaza kuweza kuleta tunzo kutoka Kwenye mashindano yanayohusu blogs ambapo Kwa Tanzania hakuna shindano lililowahi kufanyika Wala kuandaliwa zaidi ya mashindano kama hayo kufanyika Nchi nyingine Duniani.
    Sisi Kama Lukaza Blog tunajivunia kuibuka na Ushindi huu ambapo Kiukweli umetupa changamoto sana na kutuonyesha kuwa kumbe Blog zetu hata nje ya nchi zinatembelewa na zina wapenzi wengi sana lakini pia imetupa hali ya kujituma zaidi na zaidi na kuhakikisha tunafanya kile tunachoweza kuhakikisha tunaipasha Dunia kuhusiana na kile kitokeacho Duniani, Hususani Tanzania.
    Lukaza Blog imeweza kuandika historia kwa kushinda katika shindano hilo la Africa Blogger awards na kufanikiwa kuleta Tunzo Nyumbani.
    Tunzo hii iwaendee Wasomaji wangu wote kwa maana bila nyie Lukaza Blog isingeweza Kunyakua tunzo hii katika Shindano la African Blogger Awards lililomalizika Mnamo mwezi May 2015 huko Afrika ya Kusini. Lukaza Blog iliweza Kuibuka Mshindi wa Kwanza katika Kipengele cha Blog Bora ya Siasa na kuwashinda wapinzani wake ambapo Mshindi wa Pili akiwa ni Blogger kutoka Afrika Kusini.
    Vilevile Napenda kuchukua nafasi hii kuwashukuru sana wafuatiliaji wa Lukaza Blog kwa sapoti yao kwangu na timu nzima kwa maana Mafanikio haya Madogo tu yaliyopatikana wao pia wamehusika.
    Shukrani zangu za Dhati kabisa Ziwaendee pia Bloggers Wenzangu Kiukweli Ushirikiano wao Kwangu napo kumeongeza tija na msukumo wa hali ya juu katika Kushinda tunzo hii hatimaye Tunzo hii imekuwa sio ya Lukaza Blog tu bali ni Kwa Tanzania Nzima na Watanzania Wote.
    Asanteni sana na hapa sio mwisho tunaendelea kupambana na Changamoto ambapo sisi kama Lukaza Blog kwetu changamoto ni nafasi ya mafanikio.
    Asanteni sana Bloggers, Wasomaji, Taasisi za Ndani ya Nchi na Hata Barclays Africa kwa kuona tija na kutuamini Lukaza Blog Kuweza Kufanya kazi na Nyinyi kwa Kipindi chote cha Miezi Sita kuanzia July hadi December yote hii ni njia ya kuelekea Kwenye kilele cha Mafanikio huku Juhudi, Heshima, Busara na ushirikiano vikitawala kichwa kwangu.
    Tunzo hii ni heshima pia Kwetu Tanzania kwasababu tumeanza kuonyesha Dunia kuwa na Sisi Tupo tumeanza kwenye Muziki, Filamu na Sasa ni Blogs. Pia unaweza kututembelea kwa Kubofya hapa

    0 0

    Mwenyekiti wa Muda wa Jumuiya ya Wanafunzi waliowahi kusoma katika shule ya Sekondari Enaboishu Renalda Shirima akizungumza na waandishi wa habari leo jijini Dar es salaam juu mkutano wao wa kwanza utafanyika katika matawi mawili ya mkoa wa Arusha na Dar es salaam kwa ajili ya kuangalia fursa mbalimbali ambazo wanaweza kushirikiana katika kuleta maendeleo ya taaluma katika shule yao ya zamani kwa kuboresha mazingira ya wanafunzi na walimu ya kujifunzia na kufundishia. Kushoto ni Afisa Habari wa Idara ya Habari Zawadi Msalla na kushoto ni Mjumbe wa Jumuiya hiyo George Msonde.


    Na Zawadi Msalla-MAELEZO
    WANAFUNZI waliowahi kusoma katika shule ya Sekondari Enaboishu ya jijini Arusha wanatarajia kukutana tarehe 5 Desemba 2015 ili kujadili masuala mbalimbali ikiwemo namna ya kuisaidia shule hiyo katika kuboresha maendeleo ya taaluma.

    Akizungumza na waandishi wa habari leo jijini Dar es salaam, Mwenyekiti wa Muda  wa Jumuiya hiyo ya Enaboishu Renalda Shirima alisema mkutano huo wa kwanza utafanyika katika matawi mawili ya mkoa wa Arusha na Dar es salaam. 

    Ambapo katika mkoa wa Dar es salaam utafanyika katika ukumbi wa Triple Seven eneo la Kawe  na Arusha katika club ya AICC Kijenge. 

    Renalda alisema jumuiya hiyo ina malengo mbalimbali ikiwa ni pamoja na kuangalia fursa mbalimbali ambazo wanaweza kushirikiana katika kuleta maendeleo ya taaluma katika shule yao ya zamani kwa kuboresha mazingira ya wanafunzi na walimu ya kujifunzia na kufundishia.

    “Tutaweza kufahamiana kwa karibu zaidi kwa watakao hudhuria na pia kupata mawasiliano ya wale ambao hawata hudhuria, hii pekee ni chachu ya kuleta maendeleo” alisema Renalda.

    Aliongeza kuwa kwa sasa zipo changamoto mbalimbali katika sekta ya elimu ambazo kwa pamoja kama Taifa ni lazima kuungana ili kuweza kuisaidia Serikali katika kuzitatua. Jumuiya hiyo ya wana Enaboishu imedhamiria kwa dhati kulipa fadhila katika shule yao ili kuondoa changamoto hizo.

    Aidha alisema wanatajaria kuweka mkakati wa kuishauri Serikali namna ya kuwatumia wahitimu wa zamani wa shule mbalimbali nchini ili kuboresha miundombinu ya shule walizo soma.
    “Tungependa utamaduni huu sasa ujengeke na uenee nchi nzima” Alisema.

    Mwenyekiti huyo wa muda alisema katika kikao hicho pia wanatarajia kuchagua uongozi wa kudumu  wa umoja huo.

    Shule ya Sekondari ya Enaboishu imeanzishwa mwaka 1966. Mpaka sasa shule hiyo imeshatoa wahitimu ambao wako katika nyadhifa mbalimbali za uongozi ndani na nje ya nchi. Baadhi ya viongozi wakubwa walio wahi kusoma katika shule hiyo ni pamoja na Katibu Mkuu Wizara ya Habari,Vijana,Utamaduni na Michezo Prof. Elisante Ole Gabriel. 

    0 0

     Mkuu wa kitengo cha Mawasiliano Serikalini kutoka Wizara ya Maendeleo ya Mifugo na uvuvi Bi Judith Mhina akifafanua kwa waandishi wa habari kuhusu mradi wa udhibiti wa uvuvi na maendeleo shirikishi Kusini Magharibi mwa bahari ya Hindi “SWIOFISH” leo jijini Dar es salaam wakati wa mkutano na waandishi wa habari. Kulia ni Mkurugenzi  Msaidizi Wizara ya Maendeleo ya Mifugo na Uvuvi   Bi Fatma Sobo.
     Afisa Uvuvi kutoka  Wizara ya Maendeleo ya Mifugo na Uvuvi Bw. Silas William akitoa ufafanuzi kwa waandishi wa habari kuhusu hatua zinazochukuliwa na Serikali katika kuwainua wavuvi wadogo hapa nchini ili kushiriki katika kukuza uchumi wa Taifa. Kushoto ni Mkurugenzi  Msaidizi Wizara ya Maendeleo ya Mifugo na Uvuvi   Bi Fatma Sobo.mwisho kushoto ni Mkuu wa kitengo cha Mawasiliano Serikalini kutoka Wizara ya Maendeleo ya Mifugo na uvuvi Bi Judith Mhina.
     Baadhi ya Maafisa kutoka Wizara ya Maendeleo ya Mifugo na Uvuvi wakifuatalia mkutano wa Wizara hiyo na waandishi wa habari uliofanyika leo Jijini Dar es salaam.
    Waandishi wa habari kutoka vyombo mbalimbali vya habari wakifuatilia mkutano kati yao na Wizara ya Maendeleo ya Mifugo na Uvuvi ambao pamoja na mambo mengine ulibainisha kuwa Serikali imejipanga kukomesha uvuvi haramu hapa nchini hasa kwa kutumia mabomu kwa kushirikiana na Ofisi ya Rais,Wizara ya Mali asili na Utalii, Wizara ya Nishati na Madini,Wizara ya mambo ya Ndani na ile ya Katiba na Sheria.

    (Picha na Frank Mvungi-Maelezo)

    0 0


    Mabondia Thomas Mashali kushoto na Fransic Cheka wakitunishiana misuli wakati wa kutambulisha mpambono wao utakaofanyika katika uwanja wa jamuhuri Morogoro Desemba 25 Picha na SUPER D BOXING NEWS

    Mabondia Thomas Mashali kushoto na Fransic Cheka wakitambiana mbele ya wandishi wa habari wakati wa kutambulisha mpambano wao wa desemba 25 utakaofanyika katika uwanja wa jamuhuri Morogoro .
    Bondia Thomas Mashali kulia akizungumza na waandishi wa habari awapo pichani wakati alipokuwa akitambulisha mpambano wake na Fransic Cheka kushoto utakaofanyika katika uwanja wa jamuhuri Morogoro siku ya Desemba 25 .

    Mabondia Fransic Cheka kushoto na Thomas Mashali wakiangaliana kwa usongo wakati wa kutambulisha mpambano wao wa desemba 25 utakaofanyika katika uwanja wa jamuhuri Morogoro
    KOCHA WA MCHEZO WA MASUMBWI NCHINI RAMADHANI UHADI KULIA AKIWA NA PROMOTA KAIKE SIRAJU PAMOJA NA BONDIA THOMAS MASHALI Mabondia Thomas Mashali kushoto na Fransic Cheka wakitambiana mbele ya wandishi wa habari wakati wa kutambulisha mpambano wao wa desemba 25 utakaofanyika katika uwanja wa jamuhuri Morogoro
    Na Mwandishi Wetu

    MABONDIA Thomas Mashali wa Dar es salaam na Fransic Cheka wa Morogoro wamendelea kutambiana kuelekea mpambano wao wa desemba 25 utakaofanyika katika uwanja wa jamuhuri Morogoro uzito wa kg 76

    akiongea na waandishi wa habari Mashali amesema kuwa hii ni vita ya Dar na Moro hivyo kawaomba wapenzi wa mchezo wa masumbwi wa Dar es salaam waweze kuhamia morogoro kwa muda kwa ajili ya kumsapoti

    siku hiyo ambayo kwake atakuwa na kibaruwa kigumu ambapo atapigana na Cheka pamoja na wakazi wa Morogoro nae Chaka alijibu mapigo hayo kwa kusema siku zote anamweshimu bondia anaetaka mpambano wa marudiano hata hivyo dozi ya mashali ipo pale pale na nitampiga katika raundi za awali tu kwa kuwa nipo vizuri na naendelea na mazoezi

    nae kocha wa Mashali Ramadhani Uhadi amesema kuwa cheka ni bondia wa kawaida sana hivyo wapenzi waje waone mchezo mzuri utakaochezwa na Mashali atakavyo msambalatisha Cheka siku hiyo mjini Morogoro na kocha wa bondia Cheka Abdallah Salehe amesema Cheka yupo vizuri sana kwa sasa nimempika ameshaiva ata kama mpambano utakuwa leo Mashali atapigwa mapema sana

    katika mpambano huo kutakuwa na mipambano mingine ya bondia Ibrahimu Class 'King Class Mawe' atapambana na Twaha Kassimu kg 63 na Vicent Mbilinyi kg 63 atakumbana na Deo Njiku wakati Pius Kazaula kg 66 atamenyana na Seba Temba mpambano mwingine utawakutanisha mabondia Epson John kg 57 na Sadiq Momba na wana dada Lulu Kayage kg 51 atapambana na Mwanne Haji kugombania ubingwa wa taifa

    0 0

    Jacquiline Mrisho.

    RAIS wa Jamhuri ya Muungano wa Tanzania Mhe. Dkt. John Pombe Magufuli amesema Serikali ya Tanzania inatekeleza mikakati ya kuweka mazingira bora ili sekta isiyo rasmi iweze kuchangia vizuri katika maendeleo ya Taifa.

    Mhe. Magufuli aliyasema hayo wakati akifungua Maonesho ya Wajasiriamali ya Juakali/Nguvu Kazi kwenye viwanja vya Mnazi Mmoja Jijini Dar es Salaam.Akifungua kwa niaba ya Rais, Mkuu wa mkoa wa Dar es Salaam Mheshimiwa Said Meck Sadiki alitaja mikakati hiyo kuwa ni pamoja na kuweka mpango maalumu wa kurasimisha shughuli za Sekta isiyo rasmi (MKURABITA).

    Alisema mpango hu unatoa fursa ya mikopo nafuu kuwawezesha wajasiriamali na kuwapa elimuya namna bora ya kufungasha bidhaa zinazozalishwa.Mkuu wa mkoa wa Dar es Salaam Mheshimiwa Said Meck Sadiki maonesho hayo yameshirikisha wajasiriamali zaidi ya 700 kutoka nchi za Jumuiya ya Afrika Mashariki. 

    Pia maonesho hayo wamehudhuriwa na Mabalozi kutoka nchi wanachama, Makatibu Wakuu,Wakurugenzi, Wenyeviti wa Wajasiriamali hao kutoka Nchi wanachama.Maonesho hayo pia yameshirikisha Taasisi mbalimbali zikiwemo Taasisi za Fedha,Taasisi ya Mifuko ya Jamii na Mamlaka ya usajili (BRELA).Kabla ya kufungua maonesho hayo, Mheshimiwa Said Meck  Sadiki  alitembelea baadhi ya mabanda ili kuona kazi za wajasiriamali hao.


    Mwenyekiti wa Shirikisho la Wajasiriamali Wasiorasimishwa Afrika Mashariki, Josephat Rweyemamu alisema madhumuni ya maonesho hayo ikiwemo kuwawezesha wajasiriamali kupanua masoko ya bidhaa zao pamoja na changamoto wanazozipata wajasiriamali hao.Alieleza baadhi ya changamoto kuwa ni ukubwa wa kodi, pia aliiomba Serikali kufungua kiwanda cha Urafiki  ili kuwasaidia wajasiriamali pia kuwatengea maeneo maalum kwa ajili ya kufanyia biashara zao.Katibu Mkuu wa Wizara ya Ushirikiano wa Afrika Mashariki Mhe. Dkt Joyce Mapunjo alieleza kufurahishwa na bidhaa za wajasiriamali.

    “Nimefurahishwa sana na  bidhaa  mbalimbali toka kwa wajasiriamali wa Afrika Mashariki na Serikali zetu za Afrika Mashariki zinatambua mchango wa Sekta isiyo rasmi na ndio mana tukawa na maonesho haya”.alisema Mhe. Dkt. Mapunjo.Hata hivyo, alisema pamoja na mafanikio hayo, Serikali za nchi wanachama zinatambua kwamba Sekta isiyo rasmi inakabiliwa na vikwazo na changamoto nyingi ambazo zinadumaza maendeleo ya Sekta hii isiweze kukuwa na kuwa Sekta rasmi. 

    Rais John Pombe Magufuli amewahakikishia wajasiriamali wa Tanzania kuwa wameshayajadili na kwasasa wanayafanyia kazi.“Kuna hatua ambayo Serikali ya Tanzania inatekeleza katika kuweka mazingira bora ili Sekta isiyo rasmi iweze kuchangia vizuri katika maendeleo ya Taifa letu” aliongeza.Maonesho hayo yalianzishwa tangu mwaka 1999 na hufanyika katika Nchi  za Jumuiya ya Afrika Mashariki kwa mzunguko.

    Kwa Tanzania haya ni maonesho ya Tano kufanyika na kauli mbiu ya mwaka huu ni “Nunua bidhaa zilizozalishwa na Afrika Mashariki ili kukuza uchumi wa Afrika Mashariki”.



    0 0

     Kamishna wa Nishati na Maendeleo ya Petroli Mhandisi, Hosea Mbise akizungumza katika mkutano wa tatu wa wawekezaji na wadau wa nishati ya umeme ujulikanao kwa jina la  Powering Africa uliodhaminiwa na kampuni ya Wind East Africa. 
    Mkurugenzi wa Maendeleo ya Biashara wa kampuni ya Wind East Africa John Chaggama akifafanua jambo kuhusiana na uwekezaji wao wa Umeme wa Upepo uliopo mkoani Singida. Chaggama alisema mradi huo utatatua tatizo la nishati hiyo hapa nchini mara utakapoanza rasmi uzalishaji mwishoni mwa mwaka 2017. 
    Wadau na wawekezaji mbali mbali wa nishati ya umeme wakimsikiliza Kamishna wa Nishati na Maendeleo ya Petroli Mhandisi, Hosea Mbise hayupo pichani wakati wa ufunguzi wa mkutano wa tatu wa wawekezaji na wadau wa nishati ya umeme ujulikanao kwa jina la  Powering Africa uliodhaminiwa na kampuni ya Wind East Africa.

    Na Mwandishi wetu
    WAKATI Serikali ikibainisha kuliondoa Shirika la umeme nchini (Tanesco) katika uzalishaji wa umeme, kampuni ya kuzalisha umeme wa upepo (Wind East Africa) imesema itaanza uzalishaji wa nishati hiyo mwishoni mwa mwaka ujao.

    Wakizungumza katika mkutano wa kimataifa wa uwekezaji katika sekta ya umeme, Kamishna wa Nishati na Maendeleo ya Petroli Mhandisi, Hosea Mbise na Mwanzilishi na Mkurugenzi wa wa kampuni ya Wind East Africa, Rashid Shamte walieleza mkakati uliopo katika kuboresha sekta ya umeme nchini ambapo baada ya muda, Tanesco itakuwa na kazi ya usafirishaji tu huku kazi ya uzalishaji ikifanywa na kampuni kama Wind EA.

    Mbise alisema kuwa alisema uzalishaji wa umeme unahitaji uwekezaji wa hali ya juu ikiwamo kutoa fursa kwa kampuni mbalimbali kuanza kuzalisha umeme kwa manufaa ya Taifa.

    Kwa mujibu wa Mbise, hatua za awali za kuliondoa Shirika hilo la umeme nchini kuwa mzalishaji wa nishati hiyo umeanza na ifikapo 2022, Shirika hilo halitajihusisha na uzalishaji wa umeme zaidi ya kazi ya usafirishaji tu.

    "Kwa utaratibu huu, Tanesco sasa itaondoshwa katika mchakato wa kuzalisha umeme na kubaki kuwa msambazaji, hatua tayari zimeanza kwa kuangalia madeni yaliyopo Tanesco na jinsi ya kuyafuta sanjari na kuwachukua watumishi wa Tanesco.

    "Ifikapo 2022 hatutakuwa na Tanesco katika uzalishaji wa umeme bali umeme utazalishwa na kampuni mbalimbali na mkakati uliopo ni kwamba hadi kufikia 2030, asilimia 70 ya Watanzania wawe wamefikiwa na huduma ya umeme," alisema Mbise.

    Kwa upande wake, Shamte alieleza kuwa mradi wa umeme wa upepo wa Singida kwa sasa upo katika maandalizi ya kina kuanza na mwaka ujao watakamilisha taratibu mbalimbali kwa mujibu wa sheria za uwekezaji.

    Shamte alisema kuwa mradi huo ambao utazalisha 100 Mega Watts mbali ya kutatua tatizo la umeme, utaufanya mkoa wa Singida kubadilika kwa kupata maendeleo makubwa kiuchumi, biashara na hata kijamii.

    Alisema kuwa mkataba mikataba ya kumalizia uwekezaji wamradi huo itasainiwa mwanzoni mwa mwezi ujao (Januari 2017).
    Mkurugenzi wa Maendeleo ya Biashara wa kampuni ya Wind East Africa, John Chagama alisema, mradi wa umeme wa upepo utakapokamilika utawanufaisha Watanzania hasa wakazi wa Singida ambako mradi huo unaanzishwa.

    "Kwanza utasaidia kutoa ajira kwa wakazi wa Singida, lakini pia utawanufaisha Watanzania hasa wa kipato cha chini kwani umeme utakuwa wa gharama nafuu," alisema.
    Chagama alisema kuwa umeme wa upepo ni mradi wa kudumu na utawafanya watanzania kupunguza gharama za maisha kwani bei ya umeme itashuka.

    0 0
  • 12/03/15--04:10: TAARIFA KWA UMMA

  • 0 0

    SIMU.TV: Wakazi wa kisiwa cha Songosongo Mkoani Lindi wameiomba serikali kufuta nia ya kuwahamisha kisiwani humo na kumpa mwekezaji. 
    SIMU.TV: Serikali imesema haina mpango wa kuyafunga maduka binafsi ya dawa yaliyoko katika Hospitali mbalimbali nchini. https://youtu.be/rz9uHSFL63k 
    SIMU.TV: Shirikisho la vyama vya wafanyakazi Tanzania TUCTA limekemea na kukataa ukandamizaji unaofanywa na baadhi ya waajiri.   https://youtu.be/ERm7gZJPk6g  
    SIMU.TV: Mabondia Francis Cheka na Thomas Machali wamezidi kutunishiana misuli  zikiwa zimebaki siku chache ya pambano lao litakalofanyika Morogoro; https://youtu.be/gFa8JmmFK10
    SIMU.TV: Meli ya Mapinduzi yawasili katika bandari ya Zanzibar.Ikiwa ni agizo la Rais Shein kupunguza kero ya usafiri visiwani humo;  https://youtu.be/090PxmIefqQ 
    SIMU.TV: Timu ya vijana chini ya miaka 15 imeendelea na mazoezi Jijini Mwanza ikiwa ni maandalizi ya mechi za kimataifa https://youtu.be/h7RdV7qf2Xc
    SIMU.TV: Kutana na mtumishi wa Mungu akiwasisitiza wananchi kushiriki  katika agizo la tarehe 9 December na kufanya kazi katika hofu ya Mungu. https://youtu.be/xiduTZ5pbMk 
    SIMU.TV: Yajue mengi kuhusu changamoto mbalimbali zinazowakabili watoto na watu wenye mahitaji maalumu katika jamii ya kitanzania. https://youtu.be/6kXq10dqA9s
    SIMU.TV: Pata habari kutoka kwa Meneja mkuu wa gesi, akikujuza kuhusu sheria mpya za gesi na mafuta pamoja na faida kwa wanachi wake https://youtu.be/un8cPxVXx08
    SIMU.TV:  Ungana na msemaji mkuu wa TANESCO Badra Masoud akikuhabarisha jinsi walivyojipanga katika sekta ya umeme, gesi na mafuta.https://youtu.be/rGG3deNJxHE

    0 0
  • 12/03/15--04:27: BEI YA MADAFU LEO

  • 0 0



     
    Rais wa Jamhuri ya Muungano wa Tanzania Dkt. John Pombe Magufuli akiongea na wadau wa Sekta Binafsi na kuwaahidi kuwapa ushirikiano mkubwa kwani anatambua mchango wao katika ukuaji wa uchumi na kuwasihi kuwa wazalendo katika suala la utoaji kodi ili kulipeleka taifa katika nchi yenye uchumi wa Kati Ikulu leo Jijini Dar es Salaam.
     

    Rais wa Jamhuri ya Muungano Tanzania Dkt.John  Pombe  Magufuli amewapa siku saba kuanzia tarehe 03/12/2015 wafanyabiashara wote ambao waliingiza mizigo yao bila kulipa kodi wakalipe kwani baada ya hapo watachukuliwa hatua kali za kisheria.

    Hayo  yamesemwa leo Ikulu  jijini Dar es Salaam na Mheshimiwa Rais katika mkutano wake na wadau wa sekta binafsi  alipoamua kufanya mazungumzo nao pamoja na kuwasikiliza maoni  yao ikiwa ni sehemu ya ahadi zake katika kipindi cha kampeni za kuomba kura za kiti cha Urais,lengo likiwa ni kukuza uchumi wa nchi kupitia sekta binafsi.

    Mheshimiwa Rais  aliendelea kusema kuwa katika kipindi hichi cha miaka mitano amedhamiria kuijenga nchi na watu wasimuelewe vibaya kwa maamuzi anayofanya kwani ni kwania njema ya kuleta maendeleo na siyo ujeuri.

    “Tutaangalia namna ya kupunguza utitiri wa ushuru katika bidhaa mbalimbali,mfano katika kipindi cha kampeni niligundua katika Mkoa wa Kagera na Kilimanjaro wanakolima zao la Kahawa,wamekuwa wakitozwa tozo  26 kwa zao hilo na hiyo imechangia kusababisha wafanyabiashara wa zao hilo kufanya biashara haramu ya kupeleka zao hilo kwa magendo kuuza  katika nchi jirani”,alisema Mheshiwa Rais Dkt. Magufuli.


    Pamoja na hayo Mheshimiwa Dkt.Magufuli amewaahidi wadau wasekta binafsi ushirikiano mkubwa kwani anatambua mchango wao katika kukuza uchumi na pia amewataka wadau hao kuwa wazalendo na kuliacha kukwepa kulipa kodi ili tuweze kujenga taifa lenye maendeleo makubwa ya kiuchumi.

    Mheshimiwa Rais Dkt.Magufuli  ameendelea kusema kuwa kama kutakuwa na mfayabiashara yeyote  atakayetaka kuwekeza  na akakwamishwa na  mtu aliyechini ya uteuzi wake  basi mtu huyo ataondoka kwani sasa ni wakati wa wadau wa sekta binafsi kuanza kuanzisha viwanda mbalimbali vitakavyo toa ajira.

    Pamoja na hayo Mheshimiwa Rais Dkt. Magufuli amewapa mawazo ya kibiashara wadau wa sekta binafsi kuanzisha kampuni ya kutenganisha udongo unaotoka kwenye machimbo ya madini,kuanzisha viwanda vya samaki pembezoni mwa bahari pamoja na kutengeneza samani zitokanazo  na mazao ya misitu.

    Kwa upande wa Mwenyekiti wa Taasisi ya Sekta Binafsi (TPSF) Bw.Regnald Mengi amesema kuwa wako tayari kumpa ushirikiano mkubwa  Mheshimiwa Rais katika kuhakikisha uchumi watanzania unakuwa kwa haraka na pia amemuomba mheshimiwa rais kuendelea kukemea masuala ya rushwa  pamoja kusaidia kupunguza utitiri wa kodi.

    0 0


    Rais wa Jamhuri ya Muungano wa Tanzania Dkt. John Pombe Joseph Magufuli kulia akifurahia jambo na makamu wa pili wa Rais wa Serikali ya mapinduzi Zanzibar Balozi Seif Ali Iddi aliyefika Ikulu kwa ajili ya mazungumzo.
    Rais wa Jamhuri ya Muungano wa Tanzania dkt. John Pombe Joseph Magufuli kulia akizungumza na makamu wa pili wa Rais wa Serikali ya Mapinduzi Zanzibar Balozi Seif Ali Iddi aliyefika Ikulu jijini Dar es Salaam kwa ajili ya mazungumzo.
    Rais wa Jamhuri ya Muungano wa Tanzania dkt. John Pombe Joseph Magufuli kulia akiagana na makamu wa pili wa Rais wa Serikali ya Mapinduzi Zanzibar Balozi Seif Ali Iddi mara baada ya kufanya nae mazungumzo ikulu jijini dar es salaam.

    0 0

     Rais wa Chama cha Wakala wa Forodha Tanzania (Taffa), Stephen Ngatunga (kushoto), akizungumza kuhusiana na kazi inayofanywa na serikali katika kudhibiti wizi na ukwepaji wa kodi na ushuru unaofanywa na Idara ya Forodha katika Mamlaka ya Mapato (TRA) na wafanyabiashara wasiowaadilifu wakati wa mkutano na waandishi wa habari ofsini kwake, Dar es Salaam jana. Kulia ni Naibu Rais, Edward Urio.
     Baadhi ya wanahabari wakiwa katka mkutano na viongozi wa TAFFA, jijini Dar es Salaam jana. 

    Mwandishi Wetu, Dar es Salaam. 
    CHAMA cha Wakala wa Forodha Tanzania (Taffa), kimeitaka serikali kuzuia matumizi ya bandari kavu isipokuwa pale bandarini kunapokuwa hakuna nafasi ili kudhibiti wizi na ukwepaji wa kodi za serikali unaofanywa na wafanyabiashara kwa kushirikiana na wafanyakazi wa Mamlaka ya Mapato (TRA).

    Akizungumza katika mkutano na waandishi wa habari ofisini kwake jijini Dar es Salaam jana, Rais wa Taffa, Stephen Ngatunga alisema wizi na ukwepaji wa mapato ya serkali ni jambo la muda mrefu sana na serikali imeishapoteza mabilioni ya shilingi hadi hivi sasa na wizi huo unachangiwa na bandari kavu.

    Alisema haoni sababu kwanini bandari hizo zisitumike pale tu kunapokuwa hakuna nafasi bandarini na badala yake sasa imekuwa jambo la kawaida makontena na mizigo mingine kuletwa bandari kavu moja kwa moja wakati hivi sasa bandari ni tupu haina msongamano wowote kama miaka ya nyuma.
     “Wizi na ukwepaji wa mapato ya serikali huanzia hapo” alisema na kuongeza kuwa wanajua njia zote ambazo zinatumika kuiba mapato ya serikali isipokuwa hawakuwa na pa kusemea kwa kuwa hata walipokuwa wakitoa taarifa mtandao huo wa uhalfu ulikuwa una mkono mrefu.

    Alisema walitumia njia mbalimbali kujaribu kufikisha kwa serikali njama zilizokuwa zinatumika kuiba mapato ya serikali bila mafanikio na hivi sasa wapo tayari kwa lolote kwani mkombozi sasa amepatikana ambaye ni Rais John Magufuli.

    “Kutokana na kasi ya utendaji wa viongozi wapya, matuko yaliyojitokeza katika idara ya frodha ya Mamlaka ya Mapati (TRA) tukiwa wadau wakuu, baadhi ya wanachama wetu wameguswa kwa njia moja au nyingine ndo maana tunaongea leo” aisema.

    Alibainisha kipindi kirefu waipigia kelele hali hiyo lakini hawakusikiizwa na wizi unafanywa na kundi la watu wachache ambao hawafiki hata 10 ambao walikuwa wamehodhi biashara ya kuingiza na kutoa mizigo bandarini huku wakimiliki bandari kavu katika maenero mbalimbali jijini ambazo wanazitumia sivyo.

    Naibu Rais wa Taffa, Edward Urio alisema chama chao hakitakuwa na huruma kwa wakala ambaye amehusika au atakayekamatwa akihusishwa na wizi na ukwepaji kodi unaoibuliwa hivi sasa na akibainika watamfukuza katika chama na picha, jina lake na la kampuni vitachapishwa katka vyombo vya habari iwe fundisho kwa wengine.

    0 0

    Watu wanne wameuwawa kwa kukatwa na mapanga na watu wasiofahamika mkoani Geita kutokana na imani za kishirikina.

    0 0

    Mganga Mkuu wa Jiji la Arusha, Dk Bakari Salum akifungua mkutano wa Wasaa wa Mazingira (Earth Hour City Challenges) kwa watumishi wa halmashauri ya Jiji la Arusha unaowajengea uwezo kuweka mipango inayoendana na mabadiliko ya tabia nchi uliofanyika kwenye hotel ya Palace jijni Arusha kushoto ni Mratibu wa mradi wa nishati wa shirika la Utunzaji wa mazingira duniani(WWF- Tanzania)Dk Teresia Olemako.
    Mratibu wa mradi wa nishati wa shirika la Utunzaji wa mazingira duniani(WWF- Tanzania)Dk Teresia Olemako akizungumza kwenye mkutano wa Wasaa wa Mazingira(Earth Hour City Challenges).
    Afisa Uhusiano Mwandamizi wa Jiji la Arusha, Nteghenjwa Hoseah akiwasilisha mada ya namna Jiji hilo lilijipanga kuhakikisha linakua safi kwa kushirikiana na wadau na kulifanya kuwa kivutio cha watalii na wegeni wengine. 
    Watumishi wa halmashauri ya Jiji la Arusha wakifatilia kwa makini mada zilizokuwa zikitolewa zenye lengo la kulifanya Jiji kuwa la mfano barani Afrika. 
     Watumishi wa halmashauri ya Jiji la Arusha wakifatilia kwa makini mada. 
    Afisa Mawasiliano wa WWF, Michael Bwoma (kushoto) akifatilia kwa makini wengine ni waandishi wa habari mkoani Arusha. 


    0 0

     Mwenyekiti wa Bodi ya Wakurugenzi wa Benki ya DCB, Balozi Paul Rupia akimkabidhi  Mkuu wa Mkoa wa Dar es Salaam, Said Meck Sadiki sehemu ya katoni 58 za dawa za maji (Water Guard) kuajili ya kupambana na ugonjwa wa Kipindupindu  leo katika  katika a Manispaa ya Kinondoni jijini Dar es Salaam.
     Mkuu wa Mkoa wa Dar es Salaam, SaidMeck Sadiki akizungumza na watendaji wa Manispaa ya Kinondoni (hawapo pichani) juu ya kusimamia usafi wakati makadhibiano ya dawa za maji katoni 58 ilifanyika leo Katika viwanja vya Manispaa hiyo jijini Dar es Salaam.
     Mwenyekiti wa Bodi ya Wakurugenzi wa Benki ya DCB, Balozi Paul Rupia akimukabidhi  Mkuu wa Mkoa wa Dar es Salaam, Said Meck Sadiki sehemu ya katoni 58 za dawa za maji (Water Guard) kuajili ya kupambana na ugonjwa wa Kipindupindu  leo katika  katika a Manispaa ya Kinondoni jijini Dar es Salaam.


    Na Chalila Kibuda,Globu ya Jamii.
    MKUU wa Mkoa wa Dar es  Salaam,Said Meck Sadiki amewataka watendaji wa Manispaa ya Kinondoni kusimamia kikamilifu usafi katika kupambana na ugonjwa wa kipindupindu.

    Meck Sadiki ameyasema hayo  wakati akikabidhiwa dawa za maji katoni 58 zenye thamani ya Sh. Milioni Tano (5) zilizotolewa na Baenki ya DCB ,amesema umefika wakati wa kutofumbia macho watu ambao hawatimizi wajibu wao katika suala la kufanya usafi.

    Amesema watendaji wote ni lazima wawajibike katika kusimamia suala la usafi kwani kinondoni ndio ilikuwa ya kwanza kuwa na mgonjwa wa kipindupindu hivyo ni lazima kuwa ya kwanza ya kutokuwa na ugonjwa huo katika Manispaa ya Kinondoni.

    Aidha amewataka watu kufuata ushauri wa watendaji  katika masualanya afya kutokana na kuwepo kwa magonjwa ya milipuko nambayo yanatokana na uchafu katika mitaa mbalimbali katika manispaa hiyo.Meck Sadiki amesema Benki ya DCB imetoa dawa ya maji kutokana na kutambua watu wanaogua wanamchango katika taifa pamoja na benki .

    Naye Mwenyekiti wa Bodi ya Benki ya DCB, Balozi Paul Rupia amesema kuwa kutoa dawa hizo ni kutokana na kutambua wanaougua ni watu ambao wanazalisha hivyo wanawajibu kutoa msaada huo kadri ya uwezo wao.

    Rupia amesema benki itaendelea kushirikiana na serikali katika masuala mbalimbali yanayohusu jamii kuweza kwenda sambasamba na serikali katika kutatua changamoto kwa namna moja au nyingine.

older | 1 | .... | 701 | 702 | (Page 703) | 704 | 705 | .... | 1898 | newer