Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 615 | 616 | (Page 617) | 618 | 619 | .... | 1896 | newer

    0 0


    0 0

    Daktari Mwandamizi Dharura na Maafa kutoka Wizara ya Afya na Ustawi wa Jamii Dkt. Mary Kitambi akitoa mada jana jijini Dar es salaam wakati wa semina ya waandishi wa habari jinsi ya kukabiliana na mlipuko wa ugonjwa wa kipindupindu. 
    Mmoja wa waandishi wa habari akiuliza swali jana jijini Dar es salaam wakati wa semina ya waandishi wa habari jinsi ya kukabiliana na mlipuko wa ugonjwa wa kipindupindu.
    Mtaalamu wa Ufuatiliaji na udhibiti wa magonjwa kutoka Wizara ya Afya na Ustawi wa Jamii Dkt.Vida Mmbaga akitoa ufafanuzi kwa waandishi wa habari jinsi ya kukabiliana na mlipuko wa ugonjwa wa kipindupindu katika Semina iliyoandaliwa na Wizara hiyo kwa wanahabari. 
    Mkurugenzi Mtendaji wa Kampuni ya Gain Marc Van Amengen (kulia) akitoa ufafanuzi kwa waandishi wa habari(hawapo pichani ) jana jijini Dar es salaam juu ya kuweka madini joto kwenye vyakula. Kushoto ni Kaimu Katibu Mkuu wa Wizara ya Afya na Ustawi wa Jamii Michael John.
    Kaimu Katibu Mkuu wa Wizara ya Afya na Ustawi wa Jamii Michael John(kushoto)  akijibu maswali ya wanahabari (hawapo pichani ) jana jijini Dar es salaam juu ya kuweka madini joto kwenye vyakula. Kulia ni Mkurugenzi Mtendaji wa Kampuni ya Gain Marc Van Amengen.
    Mkurugenzi Msaidizi huduma ya lishe kutoka Wizara ya Afya na Ustawi wa Jamii Dkt. Vincent Assey (kushoto) akifafanua kwa wanahabari juu ya umuhimu wa madini joto jana jijini Dar es salaam .Kulia ni Mkurugenzi wa Kinga kutoka Wizara ya Afya na Ustawi wa Jamii Dkt. Neema Rusibimayila.
    Mmoja wa waandishi wa habari David John  swali jana jijini Dar es salaam wakati wa semina ya waandishi wa habari jinsi ya kukabiliana na mlipuko wa ugonjwa wa kipindupindu.

    Picha zote na Anitha Jonas -MAELEZO-Dar es salaam.

    0 0

     Afisa Masoko wa Mfuko wa Pensheni wa LAPF Bi. Rehema Mkamba akikabidhi msaada wa vifaa vya ujenzi vilivyotolewa na LAPF kwa Mwalimu Mkuu wa shule hiyo.
     Mwalimu mkuu wa shule ya Sekondari Dodoma Ndugu Marco Masala akizungumza wakati wa hafla ya makabidhiano ya msaada wa vifaa vya ujenzi  vilivyotolewa na LAPF.
     Afisa Masoko wa Mfuko wa Pensheni wa LAPF Bi. Rehema Mkamba akizungumza wakati wa hafla ya makabidhiano ya msaada wa vifaa vya ujenzi vilivyotolewa na LAPF
          Baadhi ya Wanafunzi wa Dodoma Sekondari waliohudhuria hafla hiyo.
     Mwanafunzi wa kidato cha sita Sabina John akitoa neon la shukurani kwa niaba ya wanafunzi wa shule ya Sekondari Dodoma. 

    Mfuko wa Pensheni wa LAPF leo hii unakabidhi msaada wa vifaa vya ujenzi vyenye thamani ya shillingi millioni mbili kwa uongozi wa Shule ya Sekondari Dodoma kwa ajili ya ujenzi wa uzio,baada ya kupokea ombi la kuchangia ujenzi huo.

    LAPF inaamini kuwa msaada huu utasaidia kuchangia gharama na hatimaye kufikia lengo la kukamilisha ujenzi huo na kuhakikisha usalama wa wanafunzi. Msaada huu utawanufaisha si  tu Wanafunzi na  Walimu wa Shule ya Sekondari Dodoma bali pia wadau wengine mbalimbali ambao wamekuwa wakitumia viwanja vya Shule hii kwa michezo mbalimbali ikiwa ni pamoja na watumishi wa LAPF.

    LAPF imekua ikitoa misaada mbalimbali ya kijamii hasa kwa wadau muhimu kama Shule za Msingi na Sekondari,Vituo vya Afya, Vituo vya Watoto yatima , kuchangia michezo nk.
    LAPF ni Mfuko wa Pensheni ambao  pamoja na majukumu mengine, jukumu lake kuu ni kutoa mafao ya Pensheni kwa wanachama wake. Mafao yanayotolewa na LAPF ni pamoja na;
    ·         Pensheni ya Uzeeni.
    ·         Pensheni ya Ulemavu.
    ·         Pensheni ya Urithi.
    ·         Fao la Uzazi.
    ·         Mikopo ya kujikimu.
    ·         Mikopo ya elimu .
    ·         Mikopo ya nyumba.
    ·         Mikopo kwa wanachama wa kupitia Saccos.
    ·         Mikopo kwa Wastaafu.na
    ·         Msaada wa mazishi.
    Kwa sasa Mfuko wa pensheni wa LAPF unaandikisha wanachama kutoka sekta zote kama vile Waalimu, Watumishi wa Afya, Wajasiliamali nk.

    MAISHA POPOTE NA LAPF

    0 0

     Mkuu wa usalama Barabarani Kanda Maalum Dar es Salaam, Peter Sima  katikati akizungumza na waandishi wa habari hawapo pichani juu ya Maonesho ya usalama barabarani ya yatakayofanyika tarehe Agosti 24 na 25 mwaka huu katika viwanja vya mashujaa Mnazi Mmoja  jijini Dar es Salaam, kulia ni Mrakibu Mwandamizi wa Polisi na  Mkuu wa Trafiki Mkoa wa Kinondoni, Awadhi Haji na kushoto ni Mwenyekiti wa Kamati ya Usalama barabarani, Elifadhili Mgonja.
    Waandishi wa habari wakimsikiliza Mwenyekiti wa Kamati ya Usalama barabarani, Elifadhili Mgonja.
      Picha na Emmanue Massaka.

    Na Chalila Kibuda,Globu ya Jamii 
    AJALI za barabarani jijini la Dar es Salaam zimepungua katika kipindi cha nusu ya kwanza ya 2015 ikilinganishwa na kipindi kama hicho kwa 2014.

    Akizungumza na waandishi habari jijini Dar es Salaam, Mwenyekiti wa Kamati ya Usalama Barabarani Mkoa wa Dar es Salaam, Elifadhili Mgonja amesema kuwa takwimu zinaonyesha kupungua kwa ajali za barabarani 2,731 katika kipindi cha Januari -Juni 2015 zilitokea ajali za vifo 1,731 ikilinganishwa na ajali 4,462 zilizotokea kipindi cha Januari-Juni ,2014 ambayo ni sawa na upungufu wa asilimia 61.

    Amesema kuwa ajali za vifo 87 katika kipindi cha Januari hadi juni mwaka 2015 zimeripotiwa  kwa ajali za vifo 165 ikilinganishwa na ajali za vifo 252 zilizotokea katika mwaka uliopita  ambayo sawa na asilimia 34.5.
    Mgonja amesema idadi ya watu waliokufa 93 kwa 2015  katika na idadi ya ajali zilizokuwa 187 kwa ikilinganishwa  na watu waliofariki 280 katika mwaka uliopita  sawa na asilimia 33.2.

    Amesema upungufu  waliojeruhiwa  1, 801 kwani mwaka huu ,waliojeruhiwa walikuwa 1,650 ukilinganishwa na mwaka uliopita wa mwaka 2014 uliokuwa na majeruhi 3,451  sawa na asilimia 52.18.
    Aidha amesema kuwa wataandhimisha wiki ya usalama barabarani mkoa wa Dar es Salaam kuanzia Agasti 24 hadi 28  katika viwanja vya Mnazi Mmoja jijini Dar es Salaam.
     

    0 0

     Balozi wa Ireland nchini Tanzania, Bi. Fionnuala Gilsenan, akizungumzia kuhusu ufadhili kwa Watanzania wanaokwenda vyuo mbalimbali vya ndani na nje ya nchi. Sherehe hizo zimefanyika Alhamisi, Agosti 20, 2015 kwenye ofisi za ubalozi huo Masaki jijini Dar es Salaam. (Picha na habari na Daniel Mbega wa www.brotherdanny.com).
    Baadhi ya wanufaika wa ufadhili huo wakimsikiliza Balozi wa Ireland (hayuko pichani).
     Baadhi ya wafanyakazi na wageni waalikwa wakimsikiliza Balozi Gilsenan.
     Deogratias Gabriel Rugarabamu, Ofisa Tabibu wa Wilaya ya Kilindi, akipokea cheti cha shukrani baada ya kuhitimu shahada ya uzamili ya Medical Entomology and Clinical Parasitology katika Chuo Kikuu cha Tumaini, KCMC .
    Balozi Fionnuala Gilsenan wa Ireland akimpongeza Rubea Mohammed Ali, Mkuu wa Idara katika Wizara ya Kilimo na Maliasili, Zanzibar baada ya kuhitimu shahada ya uzamili katika Chuo Kikuu cha Sokoine katika Elimu ya Kilimo na Ushauri (Agricultural Education and Extension).
    David Eliatosha Lekei, Ofisa Kilimo Wilaya ya Hai akipokea cheti cha shukrani kutoka kwa Balozi wa Ireland nchini, Bi.Fionnuala Gilsenan baada ya kuhitimu shahada ya uzamili kutoka Chuo Kikuu cha Sokoine katika Elimu ya Kilimo na Ushauri (Agricultural Education and Extension).
     Mshereheshaji akisoma majina ya wanufaika.
    Stella Zakayo Munisi, Meneja Rasilimali Watu na Utawala wa Shirika la Sikika, akipokea hati ya ufadhili kwenda kusomea shahada ya uzamili kuhusu Organizational Development and Change katika Chuo Kikuu cha Dublin, Ireland. 

    Na Daniel Mbega

    SERIKALI ya Ireland kupitia Ubalozi wake nchini Tanzania, leo Agosti 20, 2015 imekabidhi scholarship kwa Watanzania 14 ambao watakwenda kusomea kozi mbalimbali za shahada ya uzamili (masters) ambapo wanne kati yao wakienda kusoma vyuo vikuu nchini Ireland.

    Akikabidhi hati hizo za ufadhili wa masomo, Balozi wa Ireland nchini Tanzania, Bi. Fionnuala Gilsenan, alisema utaratibu wa kutoa ufadhili kwa wataalamu mbalimbali ni jambo la msingi kutokana na ukweli kwamba ujuzi watakaoupata unaweza kuliletea taifa maendeleo.

    “Ufadhili huu ni sehemu ya Mpango wa Mafunzo wa Kila Mwaka (Fellowship Training Programme), katika sukuma mbele maendeleo ya nchi washirika wetu, tunadhani tunao wajibu wa kusaidia pia kuwaelimisha watalaamu wao,” alisema.

    Aliwataja wanufaika wanne waliobahatika kwenda ng’ambo kuwa ni Stella Zakayo Munisi, Meneja Rasilimali Watu na Utawala wa Shirika la Sikika, ambaye anakwenda kusomea shahada ya uzamili (Organizational Development and Change) na Cosmas Joseph Mworia, Ofisa Ushirika na Ofisa Ufuatiliaji na Ukadiriaji katika Kilimo wa Halmashauri ya Wilaya Kondoa anayekwenda kusomea shahada ya uzamili katika Kilimo Endelevu na Maendeleo Vijijini (Sustainable Agriculture and Rural Development). Wawili hao wanakwenda katika Chuo Kikuu cha Dublin.

    Flavian Majenga Lihwa, Mratibu Programu ya Elimu wa Shirika la Care Tanzania yeye anakwenda Chuo Kikuu cha Dublin Institute of Technology kuchukua shahada ya uzamili katika Maendeleo Endelevu (Sustainable Development) na Zabron Elias Masatu, Mganga Mkuu wa Wilaya (DMO) ya Misenyi yeye anakwenda Chuo Kikuu cha Taifa cha Ireland Maynooth (NUIM) kuchukua shahada ya uzamili ya Immunolojia na Afya (Immunology and Global Health).

    Wanufaika wengine 10 wa mwaka huu, kozi na vyuo wanavyokwenda vikiwa kwenye mabano ni, Siwajibu Ally Selemani Malenge, Kaimu Ofisa Kilimo/Umwagiliaji na Ushirika wa Wilaya ya Kigoma (Chuo Kikuu cha Sokoine – Elimu ya Kilimo na Ushauri ‘Agricultural Education and Extension’); Edita Byangwamu Rutatora Kokwijuka, Ofisa Kilimo Daraja la Kwanza kutoka Wilaya ya Muheza (Chuo Kikuu cha Sokoine – Kilimo); Doreen Elias Mangesho, Mhasibu Mkuu wa CCBRT (Chuo Kikuu cha Dar es Salaam – Utawala wa Fedha); Elinlaa Michael Kivaya, Mchumi wa Kilimo wa Wilaya ya Ngorongoro (Chuo Kikuu cha Sokoine – Kilimo na Uchumi Mtambuka ‘Agriculture and Applied Economics’); na Joshua Julius Musimu, Mkufunzi wa Kilimo Daraja la Pili kutoka Wizara ya Kilimo, Chakula na Ushirika (Chuo Kikuu cha Sokoine – Uchumi wa Kilimo ‘Agricultural Economics’).

    Wengine ni Fredrick Pius Massawe, Ofisa Kilimo Daraja la Kwanza kutoka Ofisi ya Katibu Tawala Mkoa wa Kilimanjaro (Chuo Kikuu cha Sokoine –Kilimo); Samuel Korinja Olekao, Mratibu wa Kinnapa Development Programme (Chuo Kikuu cha Sokoine – Utunzaji wa Maliasili na Kilimo Endelevu); Eva Emmanuel Mbambale, Ofisa Program wa Sikika (Chuo Kikuu cha Makerere,Uganda – Afya ya Jamii); Iddi Alfani Shekabugi, Mchumi Daraja la Kwanza katika Wizara ya Kilimo, Chakula na Ushirika (Chuo Kikuu cha Mzumbe – Uchumi na Fedha kwa Maendeleo); na Felix Lyope Lubuga, Ofisa Utafiti wa Taasisi ya Afya Ifakara (Chuo Kikuu cha Dar es Salaam – Afya ya Jamii).

    Awali, Balozi Fionnuala aliwatunuku vyeti wanufaika wengine 10 waliomaliza mwaka 2013 na 2014 katika fani mbalimbali.

    Hao ni Deogratias Gabriel Rugarabamu, Ofisa Tabibu wa Wilaya ya Kilindi (Chuo Kikuu cha Tumaini, KCMC – Medical Entomology and Clinical Parasitology);  Pudensiana Clement Panga, Ofisa Uvuvi kutoka Wizara ya Mifugo na Maendeleo ya Uvuvi (Chuo Kikuu cha Sokoine – Sayansi ya Chakula); Fatma Ally Mwasola Libaba, Ofisa Utafiti (Lishe) kutoka Taasisi ya Chakula na Lishe (Chuo Kikuu cha Sokoine – lishe ya Binadamu); Rubea Mohammed Ali, Mkuu wa Idara katika Wizara ya Kilimo na Maliasili, Zanzibar (Chuo Kikuu cha Sokoine – Elimu ya Kilimo na Ushauri ‘Agricultural Education and Extension’); na David Eliatosha Lekei, Ofisa Kilimo Wilaya ya Hai (Chuo Kikuu cha Sokoine – Elimu ya Kilimo na Ushauri ‘Agricultural Education and Extension’).

    Wengine waliohitimu mwaka 2014 ni John Nobert Kirway, Mkufunzi Mkuu wa Mifugo wa Wizara ya Mifugo na Maendeleo ya Uvuvi, Arusha (Chuo Kikuu cha Sokoine –Tropical Animal Production); Teddy Frederick Dionis Mamboleo, Ofisa Utafiti (Lishe) kutoka Taasisi ya Chakula na Lishe (Chuo Kikuu cha Sokoine – Lishe ya Binadamu); Adam Khamis Haji, Ofisa Mipango na Utawala, Wizara ya Kilimo na Maliasili, Zanzibar (Chuo Kikuu cha Sokoine – Maendeleo Vijijini); Jacob Polycarp Ngowi, Mkufunzi wa Masuala ya Mifugo kutoka Wizara ya Mifugo na Maendeleo ya Uvuvi (Chuo Kikuu cha Sokoine –Tropical Animal Production); na Mussa Said Bakari, Meneja wa Maeneo Tengefu – Pemba kutoka Wizara ya Kilimo na Maliasili, Zanzibar (Chuo Kikuu cha Sokoine – Utunzaji wa Maliasili na Kilimo Endelevu).

    Mpango huo wa Mafunzo wa kila Mwaka unahusisha Mfuko wa Misaada wa Ireland (Irish Aid) kupitia program ya maendeleo ya Ubalozi huo nchini Tanzania.

    Wanufaika wa mpango huo wameteuliwa na washirika wa maendeleo wa Ireland nchini Tanzania, zikiwemo wizara mbalimbali za Serikali, halmashauri za wilaya na mashirika yasiyo ya kiserikali, ambayo shughuli zao zinawiana na maeneo ya vipaumbele vya Irish Aid, hususan Kilimo, Afya, Lishe na Utawala.

    Aidha, wanufaika wote ni watendaji wa kati ambao baada ya kuhitimu masomo yao watarejea kwenye mashirika na taasisi zao kutumia ujuzi walioupata kwa manufaa ya jamii.

    “Kwa wanufaika watakaokwenda kusoma nchini Ireland, program inatoa fursa nzuri ya kujifunza katika hadhi ya kimataifa na kunufaika na hazina kubwa ya nyenzo za tafiti zinazotolewa kwenye Vyuo Vikuu na Taasisi za Teknolojia za Ireland,” amesisitiza Balozi Fionnuala.

    Akaongeza: “Inatarajiwa kwamba mafunzo ya wataalamu hawa yatachangia kwa kiasi kikubwa maendeleo ya Tanzania, na kuendelea kuimarisha ushirika wa kielimu baina ya Ireland na Tanzania.”


    Ireland, kupitia Mfuko wa Misaada (Irish Aid), imekuwa ikidhamini Mpango huo wa Mafunzo nchini Tanzania kwa miaka 40 sasa ambapo program hiyo imekuwa msingi wa msaada katika kuzijengea uwezo nchi zinazoendelea na inaendana na mkakati wa kupunguza umaskini wa nchi washirika wa Ireland, hasa lengo likiwa kuwapatia wataalamu elimu ya juu ili waendeleze taasisi zao.

    (Imeandaliwa na www.brotherdanny.com. Simu 0656-331974)

    PICHA ZAIDI TAZAMA HAPA

    0 0

    *Asema Tanzania kuadhimisha miaka 100 ya Maskauti mwaka 2017

    WAZIRI MKUU Mizengo Pinda amekutana na Waziri Mkuu wa Uganda, Dk. Ruhakana Rugunda na kufanya naye mazungumzo kuhusiana na masuala mbalimbali yahusuyo nchi hizi mbili.

    Akizungumza na mwenyeji wake jana jioni (Alhamisi, Agosti 20, 2015), kwenye kikao kilichofanyika Ofisi ya Waziri Mkuu wa Uganda jijini Kampala, Waziri Mkuu alisema amefurahishwa na juhudi zinazofanywa kwenye mipaka ya nchi hizo mbili na hasa mpaka wa Mutukula.

    “Nimearifiwa kwamba juhudi za ujenzi wa one-border-post pale Mtukula zinaendelea vizuri. Tunachotakiwa kufanya kwa sasa ni kuangalia kwa kiasi gani tunaweza kutumia kituo hiki kama fursa ya kukuza biashara baina ya nchi zetu mbili,” alisema.

    Alisema masuala ya kuimarisha uchumi ni ya msingi na hayana budi kupewa kipaumbele katika kipindi hiki cha sasa. “Kikubwa ni kwa nchi zetu kuendelea kuimarisha amani iliyopo kwa faida ya wananchi wake, maana bila amani hakuna kitakachofanyika,” alisema.

    Waziri Mkuu Pinda alitumia fursa hiyo kumtakia heri yeye na wananchi wa Uganda wakati wakijiandaa kufanya Uchaguzi Mkuu ujao unaotarajiwa kufanyika Februari, 2016.

    Pia alimwalika Waziri Mkuu wa Uganda aje kutembelea Tanzania pindi apatapo nafasi ya kufanya hivyo.

    Naye Waziri Mkuu wa Uganda, Dk. Rugunda alisema nchi yake bado inatambua na inathamini mchango wa Tanzania katika kuleta amani nchini mwao.

    “Tanzania itaendelea kukumbukwa na Waganda kwa mchango mlioutoa katika harakati za kuikomboa Uganda kutoka kwenye makucha ya Iddi Amin Dada. Maneno aliyokuwa akiyasema mwalimu Nyerere bado yamo akilini mwetu na yanaendelea kuishi mioyoni mwa Waganda wengi,” alisema.

    “Waganda wengi wanaiona Tanzania kama ni nyumba yao ya pili (second home) na wanafurahia wanapokuja huko akiwemo Rais wetu, Mheshimiwa Yoweri Kaguta Museveni. Sote tunathamini mchango wa Tanzania na tutaendelea kuuezi,” alisema Dk. Rugunda.

    Alisema yeye binafsi anafurahi kwamba Tanzania na Uganda zimeunganishwa kwa njia ya kieletroniki (mtandao na mawasiliano ya simu); lakini akaongeza kuwa kiasili, nchi hizo zimeunganishwa kwa njia ya barabara na maji kupitia Ziwa Victoria na kwamba ana imani uhusiano uliopo utaendelea kudumu vizazi na vizazi.

    Wakati huohuo, Waziri Mkuu amesema Tanzania itaadhimisha miaka 100 ya Chama cha Maskauti cha Tanzania ifikapo Agosti, 2017. “Hivi sasa tunao maskauti wapatao 800,000 nchi nzima lakini lengo letu ni kufikisha maskauti milioni moja ifikapo mwaka 2017 kama sehemu ya maadhimisho ya miaka 100 nchini kwetu,” alisema.

    Waziri Mkuu Pinda aliwasili nchini Uganda Jumatano usiku kwa ziara ya siku moja akimwakilisha Rais Jakaya Kikwete kwenye maadhimisho ya miaka 100 ya Chama cha Maskauti cha Uganda (Uganda Scouts Association – USA). Amerejea nchini jana usiku.

    Rais Yoweri Museveni ndiye mlezi wa chama hicho na alikuwa amemwalika Rais Kikwete kwenye maadhimisho hayo.


    IMETOLEWA NA
    OFISI YA WAZIRI MKUU,
    2 MTAA WA MAGOGONI,
    S.  L. P. 3021,
    11410 DAR ES SALAAM.

    0 0

    Zikiwa zimebaki siku chache kuanza kutumika kwa sheria mtandao Nchini Tanzania, Mengi yame endelea kuzungumzwa ikiwa ni pamoja na kurudia mapungufu yaliyopatikana katika sheria ya awali iliyo wasilishwa bungeni na kusambazwa kwa maneno kua sharia hii mtandao ipo kuziba watanzania midomo huku wengine wakizungumzia itakiuka faragha za watanzania. Sheria hii inakuja kusaidia mambo mengi nani wazi mengi hayo yamekua hayazungumzwi kabisa

    0 0

    MSIBA WA NDUGU YETU MAREHEM BI.KHADIJA ISMAIL KUBE 

    Tunasikitika kutangaza kifo cha ndugu yetu Bi. Khadija Ismail Kube maziko yatafanyika siku ya Ijumaa 21 -08-2015,saa 4.00 asubuhi nyumbani kwao mtaa Aggrey. Kariakoo msikiti wa Qiblatein mwenyezimungu amlaze mahala pema peponi.
    Taarifa zimetolewa na Masjid Qubah,Segerea mwisho,Dar.

    Innalilahi Wainna Iilahi Rajiunn

    0 0

     Afisa huduma za ziada wa Airtel bwana Fabian Felician akiongea na mshindi aliyepatikana wakati wa kuchezesha droo ya tano ya wiki ya promosheni ya "Jiongeze na Mshiko" ambapo wateja wawili wa Airtel kutoka mikoa ya Manyara na Bukoba walipatikana (kushoto) ni mkaguzi kutoka bodi ya michezo ya kubahatisha bwana Bakari Majid (kushoto) droo hii imechezwa jana katika makao makuu ya Airtel Moroco jijini Dar es saalam.
    Afisa huduma za ziada wa Airtel, bwana Fabian Felician (kulia) akimkabidhi mshindi wa droo ya nne ya promosheni ya “Jiongeze na Mshiko”, Daudi Ali Kingonji, Mkazi wa Dar es Salaam, shilingi million moja, kwenye makao makuu ya Airtel, Dares salaam.

    0 0

      Mhe. Jaji Ferdinand Wambali (aliyesimama), Mkuu wa Chuo cha Mahakama  Lushoto (IJA),akitoa mada juu ya utendaji kazi katika Mahakama katika mafunzo yaliyoanza kufanyika mapema leo katika Ukumbi wa Mikutano wa Kimataifa (JNICC) jijini Dar es Salaam.
     Mhe. Shaban Ali Lila, Jaji Kiongozi wa Mahakama Kuu ya Tanzania (katikati) akitoa neno la utangulizi katika Semina ya Mafunzo elekezi kwa Wahe. Majaji wapya wa Mahakama Kuu ya Tanzania walioapishwa hivi karibuni, aliyeketi kushoto ni Mhe. Anold Nsekela, Jaji Mstaafu wa Mahakama ya Rufani (T) kulia ni Mhe. Salvatory Bongole, Kaimu Jaji Mfawidhi wa Mahakama Kuu Kanda ya Dar es Salaam.
    Mhe. Shaban Ali Lila, Jaji Kiongozi- Mahakama Kuu ya Tanzania (katikati) Mhe. Anold Nsekela, Jaji Mstaafu wa Mahakama ya Rufani (T), Mhe. Salvatory Bongole, Kaimu Jaji Mfawidhi-Mahakama Kuu Kanda ya Dar es Salaam wakiwa katika picha ya pamoja na Wahe. Majaji wapya wa Mahakama Kuu ya Tanzania walioapishwa hivi karibuni, Majaji hao wapo katika mafunzo elekezi yenye lengo la kuwawezesha sheria mbalimbali na taratibu za Kimahakama. Mafunzo haya yataendelea kufanyika katika Chuo cha Uongozi wa Mahakama-Lushoto (IJA) kuanzia tarehe 24.08.2015 ambapo mada mbalimbali zitatolewa ili kuwawezesha Wahe. Majaji hao kuifahamu Mahakama, ikiwa ni pamoja na misingi  na taratibu za utoaji huduma ya haki nchini. (Picha na Mahakama).

    0 0
  • 08/21/15--08:03: TAARIFA KWA UMMA


  • 0 0


    if1

    Picha ya Pamoja ya DC Makonda, Viongozi wa BASATA, Viongozi wa NHIF na Wasanii
    if2
    Baadhi ya Viongozi wa Vyama vya Wasanii waliokabidhiwa kadi za NHIF wakiwa na Mgeni rasmi DC Makonda 
    if3
    Baadhi ya wasanii wakifuatilia mada
    if4
    Mkuu wa Wilaya ya Kindondoni akihutubia wasanii
    ………………………………………………
    Awataka kutumia taaluma yao kuhamasisha wengine kujiunga:
    Mkuu wa Wilaya ya Kinondoni Paul Makonda amesema wakati sasa umefika kwa wasanii kujiunga na Mfuko wa Taifa wa Bima ya Afya, badala ya kuendelea kuchangishana fedha za matibabu kila wanapougua.

    Amesema kutokana na kupanda kwa gharama za maisha hivi sasa zikiwemo za matibabu, wasaani wana kila sababu ya kuona umuhimu wa kujiunga na Mfuko wa Taifa wa Bima ya Afya ili wanapougua watibiwe kwa kutumia kadi badala ya kuhangaika kutafuta fedha taslimu.

    Makonda alikuwa akizungumza wakati wa ufunguzi wa semina kuhusu huduma za matibabu kupitia mpango maalumu wa bima ya afya kwa wajasiliamali na vikundi vilivyosajiliwa unaojulikana kama KIKOA.

    Amesema hivi sasa wasanii wengi wanahangaika kupata matibabu katika mazingira yasiyoridhisha kwa kuwa hawana bima za afya hivyo ni muhimu kwao wachangamke fursa hiyo ambayo itawawezesha kuchangia kabla ya kuugua na hivyo kuwa na uhakika wa kutibiwa hata kama hawana fedha mfukoni.

    Naye Mwakilishi wa Kaimu Mkurugenzi Mkuu wa Mfuko wa Taifa wa Bima ya Afya, Eugen Mikongoti amesema NHIF imeanzisha utaratibu huo wa kuchangia kwa kundi la wajasiliamali ili kuwapa uhakika wa matibabu wakati wote wanapokua katika shughuli zao za kuelimisha na kuhamasisha jamii katika masuala mbalimbali ya kisiasa, kiuchumi na kijamii.

    Amesema kwa kuchangia 76,800 mwanachama wa KIKOA atakuwa na uhakika wa kutibiwa mwaka mzima katika vituo vya matibabu zaidi ya 6000 vilivyosajiliwa na Mfuko nchini nzima.Mikongoti amesema NHIF itawatumia wasanii hao katika kuelimisha umma  ili kuhakikisha kuwa ujumbe wa umuhimu wa wananchi  kujiunga na Mfuko wa Taifa wa Bima ya Afya unaenea nchini nzima.

    Katika semina hiyo iliyoandaliwa kwa pamoja na Mfuko wa Taifa wa Bima ya Afya (NHIF) na Baraza la Wasanii Tanzania (BASATA), viongozi wanne wa Shirikisho la Wasanii walikabidhiwa kadi zao za bima ya afya zinazowawezesha kupata matibabu wakati wowote watakapougua.
    Mpango wa bima ya afya kwa wajasiliamali – KIKOA- unawalenga wajasiliamali walio katika vikundi vilivyosajiliwa, ambapo hadi sasa zaidi ya vikundi mia moja vyenye wanachama zaidi ya elfu ishirini vimejiunga na Bima ya Afya.

    0 0

    in1

    Rais Dkt.Jakaya Mrisho Kikwete akipokea hati za utambulisho kutoka kwa balozi mpya wa India nchini Tanzania Mhe.Sandeep Aryai ikulu jijini Dar es Salaam leo.
    in5
    Rais Dkt.Jakaya Mrisho Kikwete akisisitiza jambo wakati akifungua Mkutano huo.
    in3
    Rais Dkt.Jakaya Mrisho Kikwete akifungua Mkutano wa 16 wa mwaka wa Chama Cha Wanasheria wa Nchi za Jumuiya ya Maendeleo Kusini Mwa Afrika SADC uliofanyika katika ukumbi wa Mikutano wa Kimataifa wa Mwalimu Julius Nyerere(JNICC) jijini Dar es Salaam leo.(picha na Freddy Maro).

    0 0



     Mwenyekiti wa UVCCM Wilaya ya Mfenesini-Unguja ndugu Mbarouk Mrakib katikati akizungumza na Waandishi wa habari huko ofisini kwake Bububu kuhusu mambo mbali mbali ikiwa ni pamoja na kuomba kupatikana kwa Kamanda Mpya wa UVCC Taifa baada ya Mzee Kingunge kuvuliwa Ukamanda huo. Kulia kwake ni Kamanda wa UVCCM Wilaya ya Mfenesini Canal Msaafu Masoud Ali Khamis na kushoto ni Mjumbe wa Kamati tendaji UVCCM Wilaya Khadija Ramadhan Abdu. Picha na Faki Mjaka- Maelezo Zanzibar.
     Mwenyekiti wa UVCCM Wilaya ya Mfenesini-Unguja ndugu Mbarouk Mrakib akizungumza na Waandishi wa habari (hawapo pichani) ofisini kwake Bububu kulia Mjumbe wa Kamati tendaji UVCCM Wilaya Khadija Ramadhan Abdu.


    Baadhi ya wanachama wa UVCCM wakimpongeza Mwenyekiti wa UVCCM Wilaya ya Mfenesini-Unguja ndugu Mbarouk Mrakib (hayupo pichani) mara baada ya kuzungumza na wandishi wa Habari ofisini kwake Bububu.


    Na Faki Mjaka-Maelezo Zanzibar  21/08/2015
    Baraza kuu Taifa la Umoja wa Vijana CCM limeombwa kumtamfuta Mtu wa kuchukua Nafasi iliyoachwa wazi ya Ukamanda Mkuu wa UVCCM Taifa ili kuongeza kasi ya kuutafuta ushindi wa CCM katika uchaguzi unaokuja.
    Kupatikana kwa Kamanda huyo Mkuu kutachochea zaidi Kasi na ari ya mchakato wa Kampeni kuelekea ushindi wa CCM katika uchaguzi huo
    Wito huo umetolewa na Mwenyekiti wa UVCCM Wilaya ya Mfenesini-Zanzibar ndugu Mbarouk Mrakib alipokuwa akizungumza na Waandishi wa habari huko ofisini kwake Mfenesini.
    Amesema UVCCM Wilaya inapongeza kwa kuvuliwa wadhifa wa Ukamanda Mkuu Taifa Mzee Kingunge Ngumbale Mwilu kutokana na Kauli zake zinazokinzana na Chama na hivyo kushauri hatua za haraka zichukuliwe kupatikana Mrithi wake.
    Aidha ameongeza kuwa hatua iliyochukuliwa na CCM ya kumuenguwa Edward Lowasa katika nafasi ya Urais kupitia CCM inafaa kupongezwa kutokana na kasoro alizokuwa nazo mgombea huyo.
    “Sisi wenyewe Tulimuunga Mkono Lowasa kipindi kile lakini baada ya kuelezwa Mapungufu yake na Viongozi wetu tumegundua hafai kabisa na Chaguo sahihi ni Magufuli pekee”Alifahamisha Mrakib.
    Amefahamisha kuwa Siasa za Tanzania zinahitaji Viongozi Wasafi, Waadilifu na Wasiopenda Dhulma wala Ufisadi na kwamba kiongozi aliyepitishwa na CCM Dkt, John Pombe Magufuli ndio chaguo sahihi.
    Aidha amedai kuwa Chama cha Mapinduzi tayari kimeshajipatia ushindi kutokana na kutekeleza vyema Ilani yake na kwamba Wanachama na Wananchi kwa ujumla watakipigia kura za ndio bila hata chembe ya Shaka.
    Hata hivyo Mrakib ambaye aligombea nafasi ya Uwakilishi katika Jimbo la Mtoni na kushindwa alisema Mipango yake kwa sasa nikuhakikisha anatoa kila aina ya Ushirikiano ili Wagombea wote kutoka Chama hicho washinde Mrakib aliwapongoza Vijana waliojitokeza kugombea katika nafasi mbalimbali kupitia chama hicho ambapo anaamini walioshinda wataweza kukipeperusha Vyema chama hicho ili kupata ushindi wa kishindo.
    IMETOLEWA NA MAELEZO ZANZIBAR.


    0 0


     Mfamasia Mkuu wa Serikali Dkt. Habib Ali Sharif akitoa nasaha zake kwa Maafisa wa Afya (hawapo pichani) juu ya kuzitunza vyema Pikipiki tano zilizotolewa Msaada na Shirika linaloshugulikia Idadi ya Watu Dunia UNFPA kwa Wizara ya Afya.
     Waziri wa Afya Zanzibar Rashid Seif Suleiman akikabidhiwa funguo pikipiki na Afisa Dhamana wa UNFPA Zanzibar Dkt. Azzah katika hafla ya makabidhiano yaliyofanyika Bohari kuu ya Madawa Maruhubi Mjini Zanzibar.
     Waziri wa Afya Zanzibar Rashid Seif Suleiman akiijaribu moja ya pikipiki zilizotelewa msaada na Shirika linaloshugulikia Idadi ya Watu Dunia (UNFPA). Picha na Abdalla Omar-Maelezo.
    Waziri wa Afya Zanzibar Rashid Seif Suleiman akitia saini hati ya Makabidhiano ya Pikipiki tano zilizotolewa Msaada na Shirika linaloshugulikia Idadi ya Watu Dunia UNFPA,(kulia) Afisa Dhamana UNFPA Zanzibar Dkt. Azzah Nofly, kushoto ya Waziri ni Mfamasia Mkuu wa Serikali Dkt. Habib Ali Sharif na Mkurugenzi wa Bohari Kuu ya Dawa Zahor Ali Hamad. Picha na Abdallah Omar-Maelezo Zanzibar.


    Na Faki Mjaka-Maelezo Zanzibar-
    Shirika linaloshugulikia Idadi ya Watu Dunia UNFPA limekabidhi Wizara ya Afya Zanzibar Pikipiki tano zenye thamani ya Shilingi Milion 12 kwa ajili ya kusaidia huduma za Afya ya Uzazi, kwa akina Mama, Vijana na Watoto.

    Akizungumza katika Makabidhiano ya Pikipiki hizo Afisa Dhamana UNFPA Zanzibar Dkt. Azzah Nofly amesema Msaada huo ni mwendelezo wa Shirika hilo wa kuisaidia Sekta ya Afya kuimarisha afya za Wananchi wa Zanzibar.

    Amesema Pikipiki hizo zitatumika pia kusaidia usambazaji na usimamizi wa Dawa nchini ambapo Maafisa wa Afya watazitumia ipasavyo katika kutekeleza majukumu hayo.

    Amefahamisha kuwa baadhi ya Vifo vya akina Mama na Watoto vinaweza kuepukwa iwapo patakuwa na upatikanaji wa Dawa muhimu za kuokolea maisha katika Vituo husika.

    Amesema Shirika la UNFPA hamu yake nikuona kila Mimba inayobebwa inakuwa salama kwa Wazazi na Watoto wanaozaliwa wanakuwa na Afya njema zinazopelekea kutimiza matarajio yao.

    Kwa upande wake Waziri wa Afya wa Zanzibar Rashid Seif amesema uwepo wa usafiri wa uhakika ndio unaopelekea usimamizi na usambazaji wa Madawa jambo linalopelekea kuimarika kwa Sekta ya Afya Nchini.

    Ametoa wito kwa Mashirika mengine duniani kuiga mfano wa UNFPA katika kuisaidia Sekta hiyo muhimu.Awali Mfamasia Mkuu wa Serikali Dkt. Habib Ali Sharif  amefahamisha kuwa Sekta ya Afya Zanzibar inaendelea kuimarika kila siku licha ya kuwepo kwa changamoto mbalimbali ikiwemo ya usafiri.

    “Sekta ya Afya inaendelea vyema na tunashukuru sana kwa kuwa na Dawa za kutosha tatizo letu ni utaratibu usiokidhi haja wa Usambazaji na usimamizi wa Dawa hizo” Alisema Mfamasia Habib.

    Hata hivyo amedai kuwa upatikanaji wa Pikipiki hizo utasaidia kwa kiasi kikubwa kupunguza Tatizo la Uhaba wa Dawa vituoni kwani Maafisa wa Afya watafanya kazi zao kwa ufanisi.

    Shirika la UNFPA limekuwa likifanya kazi zake kwa karibu na Serikali ya Mapinduzi Zanzibar  hasa katika Wizara ya Afya ambapo September mwaka jana pia lilitoa Magari manne ya kubebea Wagonjwa kwa Wizara hiyo.


    0 0

     Kaimu Katibu Mkuu wa Wizara ya Afya na Ustawi wa Jamii, Michael John akizungumza juu ya Upungufu wa vitamini na Baadhi ya Madini muhimu kama Vitamini A, folate, Madini chuma Zinki na madini joto ni chazo cha vifo kwa Watoto chini ya miaka Mitano na chanzo kikubwa cha maradhi mbalimbali kote Duniani, kulia ni Mkurungenzi Mtendaji wa Taasisi ya Global Alliance for Iproved Nutrition (GAIN) ,Marc van Amerngen katika mkutano uliofanyika  leo Jijini Dar es Salaam.
     Kulia ni Mkurungenzi Mtendaji wa Taasisi ya Global Alliance for Iproved Nutrition (GAIN), Marc van Amerngen akizungumza na waaandishi wa habari hawapo pichani juu ya Kongamano la kimataifa litakalofanyika jiji Arusha Septemba 9-10 mwaka huu  katika mkutano uliofanyika leo Jiji Dar es Salaam kushoto ni Kaimu Katibu Mkuu wa Wizara ya Afya na Ustawi wa Jamii Michael John.
    Mkurungenzi Msaidizi huduma za lishe Dr.Vincent Asey kuliani Dr. Generose Mulokozi akizungumza juu ya  Matatizo ya lishe yanamgusa kila mmoja wetu kote Duniani katika mkutano uliofanyika leo Jijini Dar es Salaam.
    Baadhi ya waandish wa habari walio hudhulia mkutano huo jijini Dar es Salaam leo.
    Picha na Emmanue Massaka.

    TAKWIMU zinaonyesha zaidi ya watoto milioni 3.1 wenye umri chini ya miaka mitano hufariki Dunia kila Mwaka huku wengine Milioni 161 kupata matatizo ya kudumaa mwili kutokana na kukosekana kwa virutubisho vya chakula.

    Madhara hayo yanaweza kudhibitiwa kwa kiasi kikubwa kwa kuongeza virutubisho kwenye vyakula ikiwemo Unga,Mafuta ya kula pamoja na Chumvi.


    Hayo yalisemwa leo jijini Dar es salaam na Kaimu Katibu Mkuu Wizara ya Afya na Ustawi wa Jamii Michael Jonh wakati wa mkutano na waandishi wa habari ikiwa lengo ni kutoa tamko kuhusu Kongamano la kimataifa la Urutubishaji Chakula litakalo septemba 9 hadi 11 mwaka huu jijini Arusha.


    Aidha amesema kuwa Chanzo cha Vifo hivyo ni upungufu wa vitamini pamoja na dbaadhi ya madini muhimu kama vile vitamin A,Folate,Madini Chuma,Zinki na Madini Joto hali inayosababisha maradhi mbalimbali katika maeneo mengi duniani.


    Kwa upande wake Mkurugezi Msaidizi wa huduma za lishe kutoka Wizara ya Afya na Ustawi wa Jamii Vicent Assey alisesema kuwa utafiti wa mwaka 2010 umebainisha asilimia 42 ya watoto ni walemavu kutokana na Lishe Duni.


    Alisema kuwa nchi ambazo zimeathirika na  tatizo la vifo kwa watoto wenye chini ya umri wa miaka mitano kutokana na ukosefu wa virutubisho kwenye chakula ni zile ambazo zipo kusini mwa jangwa la sahara Barani Afrika.


    Alizitaja nchi hizo kuwa ni pamoja na Tanzania ambayo ipo nafasi ya tatu kulingana na takwimu za vifo kwa watoto ,huku  DRC Kongo ikishika nafasi ya pili, na Ethiopia ikiwa ni ya  kwanza kutokana na sababu kubwa  ya kukumbwa na migogoro ya kivita katika nchi hizo.


    Kutokana na changamoto hizo Serikali ya Tanzania kwa Kushirikiana na Shirika la masuala ya urutubishi wa chakula duniani la Global Alliance For Improved Nutrition (GAIN) inatarajiwa kuwa mwenyeji wa kongamano hilo la kwanza la kimataifa ambalo shabaha yake kubwa ni kuzungumzia masuala ya urutubishaji chakula.                              

    0 0

     Rais Jakaya Kikwete akimuapisha Balozi mpya wa Tanzania nchini Zimbabwe, Luteni Jenerali Charles Lawrence Makakala katika hafla iliyofanyika leo Ijumaa Agosti 21, 2015 Ikulu Jijini Dar es Salaam.
      
       Rais Jakayta Kikwete akimkabidhi nyaraka za kazi Balozi Mpya wa Tanzania nchini Zimbabwe, Luteni Jenerali Charles Lawrence Makakala katika hafla iliyofanyika leo Ijumaa Agosti 21, 2015 Ikulu Jijini Dar es Salaam.

      
    Rais Jakaya Kikwete akiwa katika picha ya pamoja na Balozi Mpya wa Tanzania nchini Zimbabwe, Luteni Jenerali Charles Lawrence Makakala mara baada ya kumuapisha leo Ijumaa Agosti 21, 2015 Ikulu Jijini Dar es Salaam.
      Rais Jakaya Kikwete akiwa katika picha ya pamoja na Balozi mpya wa Tanzania nchini Zimbabwe, Luteni Jenerali Charles Lawrence Makakala (wa tatu kushoto) pamoja na familia yake mara baada ya baada ya kumuapisha leo Ijumaa Agosti 21, 2015 Ikulu Jijini Dar es Salaam.
          Rais Jakaya Kikwete akiwa katika picha ya pamoja na Viongozi Waandamizi wa Vyombo vya Ulinzi pamoja na Balozi Mpya wa Tanzania nchini Zimbabwe Luteni Jenerali Charles Lawrence Makakala mara baada ya kumuapisha iliyofanyika Ikulu Jijini Dar es Salaam leo Ijumaa Agosti 21, 2015.

         Rais Jakaya Kikwete akibadilisha mawazo na Balozi mpya wa Tanzania nchini Zimbabwe, Luteni Jenerali Charles Lawrence Makakala mara baada ya baada ya kumuapisha leo Ijumaa Agosti 21, 2015 Ikulu Jijini Dar es Salaam. Wengine pichani ni Naibu Waziri wa Mambo ya Nje na Ushirikiano wa Kimataifa, Mhe. Dkt. Mahadhi Juma Maalim na Katibu Mkuu Kiongozi, Balozi Ombeni Sefue.

     Viongozi waandamizi wa Vyombo vya Ulinzi wakibadilishana mawazo wakati wa hafla ya kumuapisha Balozi mpya wa Tanzania nchini Zimbabwe, Luteni Jerenali Charles Lawrence Makakala, leo Ijumaa Agosti 21, 2015 Ikulu Jijini Dar es Salaam.



    PICHA NA ISMAIL NGAYONGA.

    0 0

    Aliyekuwa Mkurugenzi wa Mamlaka ya Maji safi na usafi wa Mazingira mjini Moshi,( MUWSA ) ambaye kwa sasa ni Ofisa Mtendaji Mkuu wa Dawasco,Mhandisi Cyprian Luhemeja akimkabidhi Kaimu Mkurugenzi wa MUWSA,Mhandisi Patrick Kibasa ,karatasi zenye ndoto za wafanyakazi wa Mamlaka hiyo hukuakimtaka kuzifanyia kazi.
    Baadhi ya wafanyakazi wa Mamlaka ya Maji safi na Usafi wa Mazingira mjini Moshi,MUWSA,wakiwa katika kikao maalumu kwa ajili ya kuagana na aliyekuwa Mkurugenzi wa Mamlaka hiyo.
    Ofisa Mtendaji mkuu wa DAWASCO ,Mhandisi Cyprian Luhemeja akizungumza na wafanyakazi wa Mamlaka ya Maji safi na Usafi wa Mazingira mjini Moshi,MUWASA pindi alipokutana nao kwa ajili ya kuaga rasmi katika ofsi yake hiyo ya zamani aliyokuwa Mkurugenzi.
    Meneja rasilimali watu wa Mamlaka ya Majisafi na Usafi wa Mazingira mjini Moshi ,Michael Konyaki (kushoto) akiwa na Kaimu Mkurugenzi wa MUWSA,Mhandisi Patrick Kibasa wakati wa kikao cha kuagana na aliyekuwa mkurugenzi wa Mamlaka hiyo,Mhandisi Cyprian Luhemeja.
    Meneja Fedha wa Mamlaka ya Majisafi na Usafi wa Mazingira mjini Moshi ,Joyce Msiru (kulia) akiwa na Meneja Biashara  wa MUWSA,John Ndetiko wakati wa kikao cha kuagana na aliyekuwa mkurugenzi wa Mamlaka hiyo,Mhandisi Cyprian Luhemeja
    Kaimu Mkurugenzi wa Mamlaka ya Majisafi na usafi wa Mazingira mjini Moshi,MUWSA,Mhandisi ,Patrick Kibasa akizungumza katika kikao hicho.
    Baadhi ya wafanyakazi wa Mamlaka ya Majisafi na uSAFI WA Mazingira mjini Moshi,MUWSA.
    
    Mwenyekiti wa Chama cha Wafanyakazi TUICO tawi la Muwsa,Maulid Barie akizungumza kwa niaba ya wafanyakazi wakati wa kikao cha kuagana na aliyekuwa Mkurugenzi wa Mamlaka hiyo,Mhandisi ,Cyprian Luhemeja aliyehamishiwa Dar es Salaam kuwa Ofisa Mtendaji Mkuu wa DAWASCO.
    
    
    Baadhi ya wafanyakazi wa Mamlaka ya maji safi na Usafi wa Mazingira mjini Moshi,MUWSA,wakiwa katika kikao hicho.
    Meneja Biashara wa MUWSA,John Ndetiko akitoa neon la shukrani katika kikao hicho.
    Wafanyakazi wa MUWSA.
    Mhandisi Luhemeja akiagana na wafanyakazi wa MUWSA.

    Na Dixon Busagaga wa Globu ya Jamii Kanda ya Kaskazini.

    0 0


    0 0

     Mkurugenzi Mtendaji wa Kampuni ya Global Education Link (GEL) ambao ni wakala wa vyuo vya nje ya nchi, Abdulmalik Mollel akiwa ameambatana na wafanyakazi wa kampuni hiyo kuwasindikiza wanafunzi 30 wanaokwenda kusoma nchini India jana Agosti 21, 2015 katika Uwanja wa ndege wa Mwalimu Julius Kambarage Nyerere jijini Dar es Salaam.
      Mkurugenzi Mtendaji wa Kampuni ya Global Education Link (GEL) ambao ni wakala wa vyuo vya nje ya nchi, Abdulmalik Mollel akiwaita majina wanafunzi waliokuwa wanaondoka kwenda kusoma vyuo vikuu nchini India mapema jana Agosti 21, 2015 katika Uwanja wa ndege wa Mwalimu Julius Kambarage Nyerere jijini Dar es Salaam.
     Baadhi ya wafanyakazi wa kampuni ya Global Education Link (GEL) ambao ni wakala wa vyuo vya nje ya nchi, wakikagua wanafunzi vyaraka muhimu walizopaswa kusafiri nazo ikiwemo viza, vyeti, na passport.
    Mkurugenzi Mtendaji wa kampuni ya Global Education Link (GEL) ambao ni wakala wa vyuo vya nje ya nchi, Abdulmalik Mollel akiwaonyesha wanafunzi sehemu ya kwenda kukaguliwa mara baada ya kuwasili katika Uwanja wa ndege wa Mwalimu Julius Kambarage Nyerere jijini Dar es Salaam.
     Baadhi ya wanafunzi wakibadilishana mawazo mara baada ya kuwasili katika Uwanja wa ndege wa Mwalimu Julius Kambarage Nyerere jijini Dar es Salaam.
     Mkurugenzi Mtendaji wa kampuni ya Global Education Link (GEL) ambao ni wakala wa vyuo vya nje ya nchi, Abdulmalik Mollel akiwaelekeza wanafunzi jinsi ya kuingia kwenye sehemu ya ukaguzi.
     Mkurugenzi Mtendaji wa kampuni ya Global Education Link (GEL) ambao ni wakala wa vyuo vya nje ya nchi, Abdulmalik Mollel akiambatana na wanafunzi kuelekea sehemu ya ukaguzi.
     Wafanyakazi wa kampuni ya Global Education Link (GEL) ambao ni wakala wa vyuo vya nje ya nchi, wakiwa katika picha ya pamoja mara baada ya kukamilisha zoezi muhimu katika Uwanja wa ndege wa Mwalimu Julius Kambarage Nyerere jijini Dar es Salaam. Picha zote na Emmanuel Massaka.

older | 1 | .... | 615 | 616 | (Page 617) | 618 | 619 | .... | 1896 | newer