JIACHIE

katibu mkuu wa uvccm taifa sixtus mapunda akiwapa maneno ya kishujaa wakazi wa mkoa wa iringa

juliana shonza akiwahutubia wananchi wa mkoa wa iringa

viongozi chama cha mapinduzi wakiwa katika meza wakifuatia mkutano unavyoendele

na fredy mgunda,iringa.

katibu mkuu wa uvccm taifa afanya ziara ya jimbo la kilolo kwa lengo la kukijenga chama na kuangalia maendeleoya chama hicho hasa ngazi vijana lakini akiwa katika ziara hiyo aliongozana na mwenyeji wake katibu wa uvccm mkoa wa iringa.

akihutubia wakati wa mkutano uliofanyika katika kijiji cha kitumbuka kata ya ilole katibu wa uvccm mkoa wa iringa elisha mwampashi aliwataka wanachama wa chama hicho kuondoa unyonge dhidi ya wapinzani wake kwa kuwaambia ukweli wananchi juu ya maendeleo yanayofanywa na chama hicho.

aidha mwampashe amesema kuwa ifike wakati viongizi wa chama hicho kuacha kujidanganya kwa kuwapa taarifa viongozi za matumaini juu ya maendeleo ya chama hicho. “tunatakiwa tubadilika sasa kwa kuwapa taarifa za ukweli viongozi wetu ili wanapoondoka wajue nini cha kufanya ili kuondoa dosari ambazo zinzkuwa zikijitokeza,tuenaelekea kwenye uchaguzi mkuu ambao utafanyika hapo “alisema mwampashe

kwa upande wake katibu wa uvccm taifa sixtus mapunda amewapongeza wananchi na wanachama wa tarafa ya ilole kwa ujumla kwa ushindi walioupata wakati wa serikali za mitaa ambao unaashilia chama hicho kuendelea kupendwa kata tarafa hiyo.

lakini mapunda aliwatoa hofu wananchi wa kijiji cha kitumbuka kwa kusema amesikia na kujionea baadhi ya matatizo yanayoikabili kata ya ilole na kuwaahidi kuyafikisha kwa mbunge wao na kutafuta njia ya kuyatatua kwa kuwa profesa petter msola ni msikivu.

“tatizo la kufikisha nguzo za umeme katika eneo hili ni tatizo dogo ambalo linatatulika kwa haraka na kuwaahidi wananchi kulifanyia kazi mapema ,suala la barabara alisema kuwa amejionea yeye mwenyewe kuwa si nzuri na inahatarisha maisha kwa kuwa pindi mvua itakaponyesha barabara hiyo itakuwa kama mto”.alisema mapunda.

ALIYEKUWA kada maarufu wa chama cha Demokrasia na maendeleo (Chadema ) Taifa Juliana Shonza ambae alijiuzulu na chama hicho na kijiunga na CCM amewataka wakazi wa jimbo la Iringa mjini kuungana kulipokea jimbo kutoka kwa mbunge Mch Peter Msigwa.

Shonza ametoa kauli hiyo leo wakati akiwahutubia wakazi wa jimbo la Iringa mjini wakati wa mkutano wa uzinduzi wa matawi unaofanywa na katibu mkuu wa Uvccm Taifa sixtus Mapunda.

Alisema jimbo la Iringa mjini ni jimbo ambalo wananchi walichagua mbunge kwa hasira na kuwa badala ya kutegemea maendeleo wamejikuta wakifanya maandamano yasiyo na kikomo kila uchwao.

Shonza alisema kuwa mbunge wa jimbo la Iringa mjini amekuwa ni mtu wa kujipigania mwenyewe kimaisha badala ya kujishughulisha kuwaletea wananchi maendeleo.

Hivyo alisema ni vema wananchi wa Iringa mjini kujipanga kwa hafla ya kulipokea jimbo hilo kutoka kwa mpangaji mbunge Msigwa aliyepanga bila kujua kama kapangishwa hivyo kushindwa kulipa kodi.

Akielezea juu ya hofu ya muungano wa vyama vinavyounda katiba ya wananchi (ukawa) alisema kuwa Chadema ni chama ambachokinataka kupanda kupitia ukawa.

Kwani alisema Chadema ndio chama kilichokituhumu CUF kuwa ni CCM B na kuwa ni chama cha kishoga imekuwa leo kuungana

Hivyo kuwataka watanzania kupima na kutoa maamuzi magumu pindi uchaguzi utakapo fika.

Nae mjumbe wa kamati ya utekelezaji Uvccm Taifa Secky Kasuga alisema wananchi wa jimbo la Iringa walianzimisha jimbo hilo na sasa mwenye Nyumba anahitaji Nyumba Yake hivyo lazima mpangaji kuondoka.

"Tunalazimika kuchukua Nyumba yetu baada ya mpangaji kushindwa kufagia nyumba"

Katibu mkuu wa UVccm Taifa Sixtus Mapunda alisema kilio cha maendeleo kwa jimbo la Iringa kimetokana na mchanganyo uliofanywa na wananchi kwa kumchagua mbunge mrudisha nyuma maendeleo.

Alisema mbunge amekuwa kikwazo kikubwa kwani bungeni wakati wa vikao vya bajeti yeye anatoka nje ya bunge na wakati wa vikao vya kupanga shughuli za maendeleo halmashauri yeye anashiriki kuita maandamano.

" Tunawaombeni wana Iringa mtusaidie kurejesha jimbo kwa kumtoa mbunge mpinga maendeleo katika jimbo la Iringa mjini ambalo maendeleo yanaletwa kwa nguvu na ccm"

Bw Mapunda asema anawashangaa wapinzani kwa kuikataa katibu inayopendekezwa ambayo unazungumzia pia Haki ya kuishi hivyo kupinga Kwao wanapinga hadi haki ya wao kuishi.

Alisema kuwa hoja Yao ni kutaka serikali tatu na si vinginevyo na kuwa wananchi lazima wapigie kura ya ndio katiba hiyo na pindi muda wa serikali tatu utakapofika basi itafanyika hivyo na si sasa.

Kuwa kuutaka utanganyika ni kuutaka ukoloni hivyo lazima kujitambua kuwa wakati wa kuongozwa na wakaloni umepita.

Mkuu wa Mkoa wa Dar es Salaam Said Meck Sadiki akiongea na wananchi mbalimbali wakati wa Maadhimisho ya Wiki ya Chanjo Tanzania Mkoa wa Dar es Salaam ambapo aliwataka wananchi kujitokeza kwawingi kupata chanjo hiyo.

Mkuu wa Wilaya Sophia Mjema akiongea na wananchi mbalimbali wakati wa Maadhimisho ya Wiki ya Chanjo Tanzania Mkoa wa Dar es Salaam

Wasanii wa kikundi cha Hamasa wakimsikiliza Mkuu wa Mkoa alipokuwa akiongea na mananchi walio jitokeza katika Maadhimisho ya Wiki ya Chanjo Tanzania Mkoa wa Dar es Salaam katika viwanja vya Zakhiem.

Mtoto Mbahi Simon (Miezi 2), aliyepagatwa na mama yake Joyce Joseph(30), mkazi wa Charambe akipatiwa chanjo na Mkuu wa Mkoa wa Dar es Salaam Said Sadick katika maadhimisho ya wiki ya chanjo Tanzania, yaliyofanyika viwanja vya Mbagala Zakhiem Jijini Dar es Salaam.
Mtoto Najath Husein akishikwa kwa uangalifu na mama yake Asia Omary wakati alopokuwa akipatia Chanjo ya Pepopunda na Muuguzi.

Baadhi ya Wananchi waliojitokeza

Mganga Mkuu wa Mkoa Dar es Salaam, mama Mugisha kulia.akiwaongoza Viongozi malimbali kwenda katika Banda maalumu lililo andaliwa kwa Mkuu wa Mkoa kuwapatia chanjo watoto waliofika katika maadhimisho hayo kupatiwa chanjo.

Mjomba Band ikitoa burudadani wakati Maadhimisho hayo (PICHA ZOTE NA KHAMISI MUSSA).

……………………………………………………………..

SALHA MOHAMED

“KINGA ni bora kuliko tiba,”. Hii ni moja ya misemo ambayo watanzania wengi hupenda kuitumia pale ambapo kuna tahadhari au uhitaji wa jambo fulani kufanyika ili kuepusha janga fulani.Hali hiyo inakuja pale tu mtu huyo kushindwa kupata huduma za afya hadi anapozidiwa kwa ugonjwa fulani ndipo apate tiba kwa daktari.Chanjo ni silaha kali katika kinga na udhibiti wa magonjwa ya maambukizi,
Kutumia chanjo kwa kinga na udhibiti wa magonjwa ya maambukizi kwa kutumia chanjo ni mafanikio makubwa waliyoyapata binadamu katika mapambano dhidi ya magonjwa ya maambukizi.Naweza kusema kuwa chanjo ni dawa inayotengenezwa kwa kutumia vijidudu au virusi vinavyosababisha magonjwa ya maambukizi, na virusi hivyo vikiingia kwenye mwili wa binadamu, mwili huo utatoa kitu fulani ambacho kinaweza kuzuia virusi hivyo visiingie tena mwilini.

Watu wengi wamekuwa wakisema chanjo husababisha magonjwa mbalimbali, hiyo siyo kweli, chanjo haisababishi magonjwa katika mwili wa binadamu bali inaweza kulinda afya ya binadamu kutokana na maradhi mbalimbali kutokana na maradhi.

Kutokana na umuhimu wa chanjo katika kinga ya mwili na udhibiti wa magonjwa ya maambukizi, nchi mbalimbali duniani zinatilia maanani sana kazi ya kutoa chanjo.

Tanzania ni mojawapo ya nchi hizo ambapo hivi karibuni Mkuu wa Mkoa Dar es Salaam, Said Sadick, ameadhimisha kilele cha wiki ya chanjo Tanzania ambayo huadhimisha Afrika nzima na lengo ni kuhamiasha jamii kutumia huduma za chanjo.

Hakika ni jambo la kujivunia kwani mikakati na juhudi zinazofanywa na Wizara kupitia mpango wa Taifa wa chanjo katika kupunguza magonjwa na vifo vya watoto vinavyozuilika kwa chanjo.

Sadick anasema Kiwango cha matumizi ya chanjo kwa watoto ni zaidi ya asilimia 100 kwa sababu watumishi wamekuwa wakichanja watoto hata nje ya mkoa wa Dar es Salaam.

Kauli mbiu ya maadhimisho hayo inasema chanjo ni zawadi ya maisha, pia imethibitika kuwa chanjo ni mkakati muafaka katika kutokomeza magonjwa na kupunguza vifo vya watoto na kupunguza gharama za matibabu.

“Takwimu za kitaalamu zimethibitisha kuwa chanjo huzuia takribani vifo milioni 2 hadi 3 kila mwaka vinavyotokana na maradhi yanayozuilika kwa chanjo duniani,

“Mtakumbuka 1990, tulishuhudia wodi za surua zikifungwa na vifo kupungua na pia kupooza kutokana na polio kutoweka, hivi leo, kuna watu hawajawahi kuona mgonjwa wa polio alivyo,” alisema

Anasema mafanikio hayo ni matokeo ya kuwekeza katika chanjo ambapo jumla ya watoto 1,682,015 kati ya 1,733,967 ambayo ni sawa na asilimia 97 ya watoto walio na umri wa chini ya mwaka mmoja kwa 2014 walipata chanjo.

Anafafanua kuwa mafanikio hayo yametokana na serikali kufanikiwa kutoa chanjo kwa watoto walengwa kiasi cha kufikia asilimia 90 ya kiwango cha chanjo kinachokubalika kitaifa na kimataifa kwa watoto walio chini ya mwaka mmoja.

Anaongeza kuwa bado kuna changamoto ya watoto ambao hawajapata au hawajakamilisha ratiba ya chanjo kulingana na umri wao, ambapo watoto hawa wapo kwenye hatari ya kupata maambukizi ya magonjwa na kuhatarisha afya ya jamii nzima.

“Magonjwa yanayolengwa na mpango wa Taifa wa chanjo kwa sasa ni Kifua kikuu, Dondakoo, Kifaduro, Polio, Surua, Rubella, Pepopunda, Homa ya ini, Homa ya uti wa mgongo, Kichomi, Kuhara na Saratani ya mlango wa kizazi,” alisema Sadick

Ili kulinda vizuri afya ya binadamu, hivi sasa, wanasayansi na wataalam wa tiba zimepatikana chanjo mpya za kuzuia magonjwa ya shingo ya mlango wa kizazi na kuzuia ugonjwa wa polio ambapo zingine bado zipo katika hatua ya mbalimbali za majaribio zikiwemo za Ukimwi na Malaria.

Hatua hiyo ya serikali kwakushirikiana na wizara ya afya imejitahidi katika kuhakikisha chanjo za magonjwa hayo zinapatikana na kutolewa bila malipo kwa watoto wanaostahili chini ya miaka mitano.

Amezitaka halmashauri kuhakikisha kuwa wanapoandaa mipango, huduma za chanjo zipewe kipaumbele zikiwemo huduma za mkoba ili kumfikia kila mtoto, upatikanaji wa mitungi ya gesi kwenye vituo.

Uhamasishaji jamii kuhusu umuhimu wa huduma za chanjo, mafuta kwa ajili ya usambazaji wa chanjo, Usimamizi elekezi na mafunzo ya chanjo kwa watumishi wapya yanatolewa kwa wakati muafaka.

Pia, anaongeza kuwa wazazi walezi na familia kupeleka watoto wanaostahili kupata chanjo vituoni ili wakapate chanjo hizo stahiki kwa ratiba ili kujikinga na maradhi kama polio ambao ni hatari kwa watoto.

“Kila mmoja anawajibu anawajibu kuhakikisha mtoto wake, mtoto wa jirani au mototo yoyote yule anapewa haki ya kupata chanjo na asiwe hatari kwa wengine dhidi ya magonjwa ya mlipuko, ambapo walengwa ni watoto wote walio chini ya umri wa miaka mitano ambao hawajapata au hawajakamilisha ratiba ya chanjo kulingana na umri,”anasema.

“Napenda kuihakikishia jamii kuwa chanjo zote zinatolewa nchini ni salama na zimedhibitishwa na Shirika la Afya Duniani na nchi zote za dunia ikiwemo Tanzania,” anasema

Aidha mamlaka ya chakula na dawa imekuwa ikikagua chanjo zote zinazoingia nchini ili kuhakikisha kuwa chanjo zote zinazoingia ni zile tu zenye ubora na zimepitiwa na Shirika la Afya Duniani.

Kwahali hiyo jamii inapaswa kujua umuhimu wa kupeleka watoto wao kupata chanjo kwani tayari serikali imetuhakikishia usalama wa chanjo hizo kwa watoto.


muongoza watalii Julius Mwenda akiuliza swali juu ya mfuko huo, utakavyowasaidia wakiwa nje ya mkoa. Mfuko wa Taifa wa bima ya Afya(NHIF), umeshauriwa kuanzisha utaratibu wa kuingia ubia na hospitali za nchi jirani, ili kuwawezesha wanachama wake, kupata huduma bora za matibabu wakiwa nje ya nchi. Wito huo, ulitolewa na wanachama wa chama cha waongoza watalii Tanzania(TTGA),katika semina ya kupatiwa elimu juu huduma za mfuko huo, kuhusiana na fao jipya la wanavikundi. Raphael Njavu alisema, wao kama waongoza watalii wamekuwa wakifanyakazi hadi nje ya nchi, hasa nchi jirani hivyo mfuko huo, utazame uwezeno wa kuingia ubia na hospitali za nje. "kama sio ubia basi NHIF ijitahidi kuboresha hospitali za wilaya za mipakani ni ili wanachama waweze kupata huduma bora badala ya kulazimika kurudi mijini"alisema. Hata hivyo, Afisa matekelezo mfuko wa NHIF mkoa wa Arusha, Desderius Bushiye akijibu hoja hiyo, alisema mfuko huo unaendelea kuboresha huduma za afya na sasa hospitali nyingi hata za mipakani zimekuwa zikitoa huduma za bima. "kwa wale ambao wanasafiri wilaya zote mfuko unatoa huduma na hata Zanzibar kuna hospitali kubwa ambazo zinatoa huduma kwa wanachama wa mfuko wa taifa wa bima ya afya"alisema. Alisema mfuko wa Taifa ya bima ya afya, umeanzisha utaratibu wa kuwapa uanachama wanachama wa vikundi, kwa kulipia Tsh 76,800 kwa mwaka ili kuhakikisha watanzania wengi wanakuwa na uhakika wa kupata huduma bora za afya popote walipo nchini. Awali Katibu Mkuu wa TTGA Emmanuel Mollel alisema wanachama wake, wamekubali kujiunga na mfuko huo, ili kuwa na uhakika wa kupata huduma za afya popote walipo nchini. "sisi kama chama tumekubali kujiunga na NHIF na tunauhakika sasa wanachama wetu watatoa huduma bora kwa watalii wakiwa na afya njema"alisema.

Latest Images