Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 346 | 347 | (Page 348) | 349 | 350 | .... | 1897 | newer

    0 0

    Naomba kutambulisha kwenu tovuti mpya ya www.kariakootz.com inayofahamika kama Kariakoo Digital ambayo imejikita katika kukusanya orodha ya maduka ya wafanyabiashara wa Kariakoo pamoja na bidhaa wanazouza, mawasiliano yao na mitaa wanayopatikana na kuyaweka sehemu moja ili kukupa urahisi wa kutafuta bidhaa unayohitaji.

    Sasa unawaweza kuokoa muda na pesa zako kwa kutumia tovuti hii mpya ya www.kariakootz.com kupata orodha ya maduka mengi yanayouza bidhaa kariakoo kisha unaweza kuwasiliana moja kwa moja na mwenye duka/biashara hiyo kujua/kulinganisha bei na hata kuagizia bidhaa unayohitaji ukiwa nyumbani au mikoani.

    Kariakoo Digital inalenga kuwaunganisha wafanyabiashara wa Kariakoo na wateja wao ndani na nje ya nchi.

    Karibuni sana!



    0 0

    Uchaguzi Mkuu wa Wabunge na Rais unataraji kufanyika hapo mwakani, Wabunge na wanaotaka kuwania Ubunge katika majimbo mbalimbali nchini hata urais mnakaribishwa kuandaa TAARIFA YA UTEKELEZAJI WA ILANI YA VYAMA VYENU. Kitabu kama hicho kitakuwezesha wewe Mgombea kuto tumia nguvu kuubwa ya kujinadi badala yake utavigawa kwa wananchi mbalimbali jimboni kwako nawe kuelewa nini umewafanyia katika kipindi ambacho ulikuwa madarakani. 

    Pia wagombea wapya pia wanaweza andaa vitabu kama hivi kuonesha yale ambayo wameshiriki kuyafanya na wanataraji kuyafanya chini ya ilani za vyama vyao husika. 

    Mawasiliano zaidi kwa wenye uhitaji: Mroki Mroki (pichani juu) 
    +255 717 002303/0755 373999/0788207274 
    au barua pepe: mrokim@gmail.com.

    0 0


     Waziri wa Nchi Ofisi ya Waziri Mkuu, Uwekezaji na Uwezeshaji, Dkt. Mary Nagu (katikati) akiingia katika kongamano la majadiliano kuhusu changamoto za kufikika kwa huduma za fedha kwa wajasiriamali wadogo na wa kati Tanzania jijini Dar es Salaam Jumanne wiki hii.  Wengine ni Katibu Mtendaji wa Baraza la Biashara la Taifa (TNBC), Bw. Raymond Mbilinyi (kushoto) na  Mkurugenzi Mtendaji wa Taasisi ya Sekta Binafsi Tanzania (TPSF), Bw. Godfrey Simbeye (Kulia).  Kongamano hilo lilitayarishwa na TPSF pamoja na Mfuko wa Kuendeleza Sekta ya Fedha Tanzania (FSDT).
    Mkurugenzi Mtendaji wa Taasisi ya Sekta Binafsi Tanzania (TPSF), Bw. Godfrey Simbeye (Kushoto) akitoa hotuba yake wakati wa kongamano la majadiliano kuhusu changamoto za kufikika kwa huduma za fedha kwa wajasiriamali wadogo na wa kati Tanzania jijini Dar es Salaam Jumanne wiki hii.  Kulia ni Waziri wa Nchi Ofisi ya Waziri Mkuu, Uwekezaji na Uwezeshaji, Dkt. Mary Nagu; Katibu Mtendaji wa Baraza la Biashara la Taifa (TNBC), Bw. Raymond Mbilinyi (wa pili kushoto) na Mkurugenzi wa VICOBA na Mbunge Viti Maalum, Bi. 
    ========  ========  ==========
    Taasisi za fedha nchini zimeshauriwa kulegeza masharti ya utoaji mikopo ili wajasiriamali nchini waweze kupata fursa zaidi ya kupata mitaji kuendeleza biashara zao na kushiriki katika ujenzi wa uchumi wa nchi.
    Waziri wa Nchi Ofisi ya Waziri Mkuu, Uwekezaji na Uwezeshaji, Dkt. Mary Nagu alisema hayo wakati akizungumza na waandishi wa habari mara baada ya kufungua Kongamano la majadiliano kuhusu changamoto za kufikika kwa huduma za fedha kwa wajasiriamali wadogo na wa kati Tanzania jijini Dar es Salaam. Waziri huyo alisema Jumanne wiki hii kuwa taasisi za fedha nchini zilegeze masharti ili wajasiliamali waweze kupata mitaji ya biashara zao.
    Kongamano hilo lilitayarishwa na Taasisi ya Sekta Binafsi Tanzania (TPSF) kwa kushirikiana na Financial Sector Deepening Trust (FSDT). “Ninayo furaha kubwa kuona TPSF na wadau wengine wameandaa kongamano hili ambalo linalenga kutafuta suluhisho la wajasiliamali kupata mitaji kutoka taasisi za fedha,”alisema.
    Alisema moja ya changamoto ambazo wajasiriamali wanakumbana nazo ni namna ya kupata mitaji kutoka katika taasisi hizo, jambo ambalo linarudisha nyuma maendeleo ya biashara. Alisema mikopo kutoka benki inatolekewa kwa masharti makubwa na riba kubwa jambo ambalo ni kikwzo kwao na taifa pia.
    “Sera ya nchi inaruhusu sekta binafsi kuendesha uchumi kupitia kampuni ndogo, za kati, na wajasilimali, sasa mitaji kwa wajasiriamali ni jambo ambalo haliepukiki,”alisema. Alisema serikali inashirikiana na TPSF kuhakikisha mazingira ya biashara yanaimarika na kongamano hilo ni moja ya hatua muhimu katika kuondoa vikwazo hivi.
    Aidha alisema wakati nchi inasubiri kuingia katika uchumi mkubwa kutokana na gesi na mafuta ni lazima wajasiriamali wadogo wawezeshwe ili pia wawe na uwezo wa kutoa huduma kwa kampuni kubwa. Kwa upande wake, Mkurugenzi Mtendaji TPSF, Bw. Godfrey Simbeye alisema kongamano hilo ni la muhimu katika kutafuta ufumbuzi wa mitaji  kwa wajasiliamali ambao ni tegemeo kubwa katika kuendeleza nchi.
    “Nchi zilizofanikiwa zimewekeza katika maendeleo ya wajasiriamali wao, hatuna budi kufanya hivyo,” alisema. Alifafanua kuwa wajasiriamali wakipatiwa huduma za fedha na kukuza mitaji yao, wana nafasi kubwa ya kuleta maendeleo.“Tumeshuhudia ukuaji wa mitaji na uchumi wetu unakwamishwa na mambo mengi mojawapo ni namna ya kupata mitaji,”alisema.
    Alisema mitaji mingi inatoka benki lakini kwa  mazingira yaliyopo ni vigumu kwa biashara inayoanza kupata mitaji kutokana na masharti ambayo siyo rafiki. Alisema sekta hiyo lazima iwezeshwe sababu ndiyo yenye uwezo wa kutoa jira kubwa na kuleta mapinduzi ya uchumi.
    Naye Mtaalamu wa Maswala ya Wajasilimali, kutoka FSDT, Bw. Peter Kingu alisema kuna kila sababu taasisi za fedha kupanua wigo kwa wajasilimali kupata mitaji bila ya kuweka masharti magumu. “Taasisi yetu inafanya kazi kwa kushirikiana na wadau mbalimbali ikiwemo TPSF katika kuhakikisha wajasiriamali wanaimarika kibiashara,” alisema.
    Kongamano hilo lilishirikisha wadau mbalimbali toka sekta binafsi, sekta ya umma, taasisi za utafiti, kampuni mbalimbali pamoja na benki miongoni mwa wadau wengine. Kampuni ya simu za mkononi ndiyo iliyodhamini kongamano hilo. Inatarajiwa kuwa maazimio ya kongamano hilo yatasaidia katika juhudi za kurahisisha upatikanaji wa huduma za fedha miongoni mwa wajasiriamali wadogo na wa kati hapa nchini.

    0 0

     Timu ya Airtel wakiongozwa na Emanuel Rafael zone Businnes Manager mara baada ya uzinduzi wa mnara wa kampuni ya mawasiliano ya airtel katika kijiji cha Sigunga wilaya ya Uvinza mkoani Kigoma hafla ya uzinduzi imefanyika jana kijijini humo
     Mkuu wa wilaya Khadija Nyembo akiongea wakati wa uzinduzi wa mnara wa airtel katika kijiji cha Sigunga wilaya ya Uvinza mkoani kigoma hafla ya uzinduzi imefanyika jana kijijini humi
     Kikundi cha Ngoma kikiburudisha katika sherehe za uzinduzi wa mnara wa Airtel kijiji SIGUNGA wilaya ya Uvinza mkoani  Kigoma.


    =======  =======  =========
    Airtel yawafikishia Wanakijiji wa Sigunga Kigoma huduma za mawasiliano
    ·         Yazindua mnara wa mawasiliano katika kijiji cha Sigunga mkoani Kigoma, wanakijiji Kunufaidika na huduma za mawasiliano ya simu za mkononi toka Airtel
    Kampuni ya simu ya mkononi ya Airtel leo imezindua rasmi huduma za mawasiliano katika kijiji cha Sigunga wilaya ya  Uvinza mkoani Kigoma

    Uzinduzi huo unafatia jitihada za kampuni ya Airtel kuendelea kuboresha mawasiliano ya huduma za simu za mkononi katika maeneo mbalimbali nchini husasani katika maeneo ya vijijini huku lengo likiwa ni kuzifikia jamii zinayoishi pembezoni mwa nchi huduma bora ya Airtel Money.

    Akiongea wakati wa uzinduzi wa huduma za mawasiliano Sigunga,  Meneja Mauzo kanda ya Ziwa bwana Raphael Daudi alisema “ Airtel inatambua adha wanayoipata wakazi wa kijiji cha Sigunga na maeneo ya jirani katika kupata huduma za mawasiliano kwa muda mrefu sasa,  hivyo tumeonelea ni vyema basi tukachukua hatua ya kuboresha huduma hizi muhimu kwa kuwafikishia wanakijiji hawa  mawasiliano yatakayowawezesha kufanya shughuli zao za kila siku kwa ufanisi zaidi

    Kupitia mnara huu sasa tunaweza kuwaunganisha wanakijiji hawa na maeneo mengine ya nchi, tutawawezesha kupata masoko ya kuuza biashara zao kwa urahisi, tumewawezesha kupata huduma za kifedha kupitia huduma yetu ya Airtel Money ambapo sasa wataweza kupokea na kutuma pesa kwa ndugu jamaa na marafiki pia kupokea malipo ya biashara zao na kuweza kufanya malipo mbalimbali ya huduma muhimu wakiwa majumbani mwao. Sambamba na hilo mawasiliano jijini hapa yamekuwa chachu ya maendeleo na ukuaji wa shughuli za kiuchumi kwa ujumla.

    Kwa upande mkuu wa wilaya ya Uvinza Khadija Nyembo alisema” Tunawashukuru sana Airtel kwakutambua kwa vitendo umuhimu wa mawasiliano kwa kutufikishia mawasiliano kijijini hapa. Kupitia mawasiliano ya Airtel tumeweza kuboresha usalama wa raia na mali zao, kuwezesha kufanyika kwa  shughuli za kiuchumi kiufani , wakulima sasa wanauhakika wa kupata masoko na kupata malipo kwa kupitia simu ya mkonono.  sambamba na hilo mawasiliano hayo yamewezesha huduma muhimu za  kijamii kuboreshwa zaidi.

    Natoa wito kwa wakazi wa Sigunga Na vijiji vya jirani kutumia mawasiliano haya katika kukuza uchumi wao na wa jamii kwa ujumla.

    Wakiongea kwa wakati tofauti wakazi wa Sigunga wameishukuru Airtel kwa kuwafikishia  mawasiliano hayo nakusema , tumekuwa na adha kubwa ya huduma za simu kabla ya mawasiliano haya kufikishwa kijijini hapa lakini kwa sasa kero hiyo imekwisha kabisa hivyo tunaipongeza sana kampuni ya simu za mkononi ya Airtel kwa juhudi zao.

    0 0


     Warembo watakaoshiriki mashindano ya Redd's  Miss Temeke, wakiwa katika picha ya pamoja na Msanii wa muziki wa kizazi kipya, Khalid Mohamed (TID), anayemiliki bendi ya  Top in Town,itakayotoa burudani katika mashindano hayo.
    Msanii wa muziki wa kizazi kipya, Khalid Mohamed (TID), anayemiliki bendi ya  Top in Town, akielezea katika mkutano na waandishi wa habari, katika  klabu ya City Sports & Lounge jinsi alivyojiandaa kutoa burudani katika mashindano ya Redd's Miss Temeke yatakayofanyika ijumaa ndani ya TCC Club,Chang'ombe, Dar es Salaam. Kulia kwake ni Mwandaaji wa mashindano hayo, Benny Kisaka.Nyuma yao ni baadhi ya warembo watakaoshiriki mashindano hayo. 


    MALKIA wa kanda ya Temeke, Redds Miss  Temeke 2014 anatarajiwa kupatikana Ijumaa   Agosti 22, mwaka huu kwenye ukumbi wa TCC  Club Chang'ombe.Jumla ya warembo 17 kutoka vitongoji vya Mbagala, Kurasini na Chang;ombe watapanda  jukwaani jukwaani kuwania taji hilo.

    Akizungumza Dar es Salaa jana Mkurugenzi   BMP Promotions, Benny Kisaka, alisema kuwa  katika shindano hilo, warembo watatu wa  kwanza watapata tiketi ya moja kwa moja   kushiriki shindano la Taifa la Miss Tanzania,  litakalofanyika baadaye mwaka huu.Kisaka alisema kuwa taji linaloshikiliwa na  mrembo kutoka kanda ya kati, lakini mwaka huu .Temeke imejizatiti kutoa si tu Miss Tanzania,  mbali warembo watatu wa kwanza wa Taifa  kutokana na viwango vya warembo wa mwaka  huu.
    Alisema kuwa mbali ya shindano hilo kubwa, kulifanyika shindano dogo la awali  lililoandaliwa na Michuzi Media Group la Miss  Photogenic ambalo mshindi wake atazawadiwa  kitita cha Sh. milioni 1 taslimu, shindano ambalo lililsimamiwa na jopo la wapiga picha wa kampuni hiyo ambao watamtangaza na  kumpa zawadi mshindi siku ya shindano.

    Kisaka aliwataja Warembo wanaotarajiwa Subira  Ally, Hellen Yughin, Catherine Alex, Dalina  David, Winfrida Guntram, Salama Salehe, Grace  John, Lilian Lothy, Amina Salim, Rebecca  Mdamu, Sitti Mtemvu, Hellen Sule, Neema Mollel,  Lucy Lewis, Esther Mnahi, Pauline Nkini na  Patricia Ponsian ambao walikuwa chini ya  ukufunzi wa Super Bokilo, Shadya Mohamed na  Sweet Remmy.

    Alisema mkali wa bongofleva, Khalid Mohamed  TID almaarufu kama Top in Dar, sanjari na  Wanne Star, Makirikiri wa Tanzania, Young  Suma, Super Bokilo na wasanii mbalimbali  wanatarajia kupamba shoo hiyo ambayo Dj John  Peter Pantelakis atalisindikiza. 
    Wadhamini wa shindano hilo ni TBL Kupitia  Redds wamedhamini shindano hilo sanjari na kinywaji cha Zanzi, Michuzi Media Group, Radio  EFM 93.7 Cash & Carry Distributors, Kitwe General Traders, Rio Gym & Spa, CXC Africa, 88. 5 Clouds FM, City Sports Lounge, Gazeti la  Jambo Leo, Kiwango Security na 100.5 Times FM.

    BMP Promotions imeshakamilisha shindano hili  la 19 tangu kuanzishwa Miss Temeke chini ya undaaji wake kwa asilimia kubwa, hivyo  washabiki wa Kanda ya Temeke na vitongoji  vyake watarajie mabadiliko makubwa katika aina  ya shindano la urembo litakavyokuwa Ijumaa. 

    1996- Asela Magaka 1997- Miriam Odemba 1998- Khamisa Ahmed (Miss Temeke  anayeendea kujiita hivyo huko Marekani) 1999- Ediltruda Kalikawe 2000- Irene Kiwia 2001- Happyness Sosthnes Magesse super model  Millen( Miss Tanzania) 2002- Regina Mosha 2003- Hawa Ismail ( Sylvia Bahame first runner  up and Miss Tanzania same year) 2004- Cecylia Assey ( mrs Agrey Marealle), first  runner up Miss Tanzania

    2005- Seba Aggrey 2006- Jokate Mwegelo (Miss Tanzania fisrt  runner up), Irene Uwoya 1st  runner Temeke &  3rd runner up Miss Tanzania
    2007- Queen David ( Miss Tanzania second runner up)
    2008- Angela Lubala (top five Miss Tanzania) 
    2009- Sia Ndaskoy (top five Miss Tanzania)
    2010- Genevieve Mpangala ( Miss Tanzania)
    2011- Husna Twalib
    2012- Edda Sylvester

    2013- Svetlana Nyameyo ( Latifa Mohamedsecond runner Temeke and  first 
    runner up  Miss Tanzania)

    0 0


    0 0

     Mkurugenzi Mtendaji wa SOS Children Tanzania, Anatory Rugaikamu (katikati) akiongea na waandishi wa habari leo katika Hoteli ya Serena wakati wa Uzinduzi wa Kampeni ya Kuchangisha Pesa kwaajili ya Kuwasaidia Watoto wanaoishi kwenye mazingira magumu, Kampeni hiyo inafanywa na SOS Children kwa kushirikiana na Kampuni ya Montage Ltd.
      Mkurugenzi Mtendaji wa Kampuni ya Montage Ltd, Bi Teddy Mapunda akiongea na waandishi wa habari (hawapo pichani) leo wakati wa Uzinduzi wa Kampeni ya Kuchangisha fedhaa kwa ajili ya kuwasaidia watoto wanaoishi kwenye mazingira magumu. Kampeni hiyo inafanywa na SOS Children kwa kushirikiana na Kampuni ya Montage Ltd.
    Baadhi ya waandishi wa Habari wakiwa Katika mkutano huo uliofanyika katika hotel ya Serena mapema leo.

    0 0

     Mwenyekiti wa Kamati ya maandalizi ya mashindano ya michezo kwa Shule za Sekondari za Jumuiya ya Afrika Mashariki(FEASSSA) Mhe. Mwantumu Mahiza akizungumza na waandishi wa habari (hawapo pichani)leo jijini Dar es Salaam kuhusu uzinduzi wa mashindano hayo yanayotarajiwa kuanza tarehe 22 na kuzinduliwa rasmi tarehe 24 na Rais wa Jamhuri ya Muungano wa Tanzania Mhe. Dkt. Jakaya Mrisho Kikwete.
     Kutoka kushoto ni Katibu Mkuu wa TAMISEMI Jumanne Sagini, Mkurugenzi Msaidizi wa Maendeleo ya Michezo kutoka Wizara ya Habari, Vijana, Utamaduni na Michezo Bibi. Juliana Yassoda, Mkuu wa Uhamasishaji wa Shirikisho la Michezo kwa Shuleza Sekondari Afrika Mashariki (FEASSSA)Bw. Felix Shija wakifuatilia maelezo ya : Mwenyekiti wa Kamati ya maandalizi ya mashindano ya michezo kwa Shule za Sekondari za Jumuiya ya Afrika Mashariki (FEASSSA) Mhe. Mwantumu Mahiza akizungumza na waandishi wa habari leo jijini Dar es Salaam.
    Mkurugenzi Msaidizi wa Maendeleo ya Michezo kutoka Wizara ya Habari, Vijana, Utamaduni na Michezo Bibi. Juliana Yassoda  Mkuu wa Uhamasishaji na Matangazo wa Shirikisho la Michezo kwa Shule za Sekondari Afrika Mashariki (FEASSSA)Bw. Felix Shija wakifuatilia maelezo ya  Mwenyekiti wa Kamati ya maandalizi ya mashindano ya michezo kwa Shule za Sekondari za Jumuiya ya Afrika Mashariki (FEASSSA) Mhe. Mwantumu Mahiza wakati akizungumza na waandishi wa habari leo jijini Dar es Salaam.

    Picha zote na Frank Shija,
    Kitengo cha Mawasiliano Serikalini,WHVUM

    0 0

     Mtaalam wa mazingira na mabadiliko ya tabianchi kutoka kituo cha mazingira cha Finland akitoa maelezo kwa baadhi ya viongozi wa Tanzania kuhusu htu zinazochukuliwa na nchi hiyo katika kukabiliana na mabadiliko ya tabianchi.
     Viongozi wa Tanzania wakiwemo mameya na wakurugenzi wa majiji sita ya Tanzania walioko nchini Finland kwa ziara ya mafunzo inayoratibiwa na taasisi ya Uongozi ya Tanzania wakipata maelezo kuhusu aina mpya ya gari inayoendeshwa kwa kutumia umeme iliyoko katika kituo cha mazingira cha Finland kiitwacho Helsinki Environmental centre.


    Na Vedasto Msungu wa ITV Finland


    Viongozi wa wa Tanzania wakiwemo mameya na wakurugenzi wa majiji sita ya Tanzania walioko katika ziara ya mafunzo nchini Finland wametembelea kituo cha mazingira cha nchi hiyo kiitwacho Helsinki Environmetal centre kujifunza kuhusu hatua zinazochukuliwa na nchi hiyo kukabiliana na tatizo la mabadiliko ya tabianchi.


    Wakongea na viongozi hao kutoka majiji sita ya Tanzania ikiwemo Dar Es salaam, Mbeya, Mwanza, Arusha, Tanga na Zanzibar, watendaji wa kituo hicho wamesema nchi hiyo imeanza kuchukua hatua mbalimbali ili kukabiliana na tatizo la mabadiliko ya tabianchi.


    Wamezitaja hatua hizo kuwa ni pamoja na kutilia mkazo suala la upandaji miti lakini pia kumeanzishwa mpango wa matumizi ya magari yasiyohitaji kutumia mafuyt ya dizeli au petrol ambayo sasa yanaendeshwa kwa kutumia umeme.


    Kwa mujibu wa wataalam wa mazingira wa kituo hicho, hatua hizo zinalenga kupunguza uzalishaji wa hewa ukaa unaotokana na ongezeko la shughuli za binadamu ikiwemo moshi wa viwanda, magari na ukataji miti ovyo.Wamesema matumizi ya magari hayo yanayoendeshwa kwa kutumia umeme yanaendelea kuongezeka na kwamba katika nchi hiyo kuna vituo zaidi ya 50 vya kuchaji magari hayo kwa umeme na pia kila raia wa Finland anaemiliki gari ya aina hiyo anaweza kuchaji gari nyumbani kwake.


    Aidha wametaja matumizi ya vioo vya madirisha au milango ambayo imewekwa vioo maalum vinavyofungwa kwenye madirisha au milango lakini wakati huo huo ni panel za sola zinazozalisha umeme na kutumika kw shughuli mbalimbali ikiwemo viwandani na majumbani.


    Wametaja mfano katika jingo lao kuwa panel za sola zilizoko kwenye milango na madirisha zinazalisha umeme mwingi ambao hutumika kwa shughuli za ofisi na unaobaki unaingizwa katika gridi ya taifa kwaajili ya watumiaji wengine.


    0 0

    Ofisa Mtendaji Mkuu wa Benki ya Posta, Sabasaba Moshingi akikata utepe kuzindua msaada wa vyoo na mfumo wa maji safi kwenye shule ya Msingi Kipampa, Kigoma. Wa kwanza kulia ni Meneja wa Benki ya Posta Tawi la Kigoma, Fidelis Ndahani.Ofisa Mtendaji Mkuu wa Benki ya Posta, Sabasaba Moshingi akikata utepe kuzindua msaada wa vyoo na mfumo wa maji safi kwenye shule ya Msingi Kipampa, Kigoma. Wa kwanza kulia ni Meneja wa Benki ya Posta Tawi la Kigoma, Fidelis NdahaniNaibu Mstahiki Meya wa Kigoma, Mh. Ruhomvya Rashid Ruhomvya, akisikiliza hotuba ya Ofisa Mtendaji Mkuu wa Benki ya Posta Tanzania (TPB), Sabasaba Moshingi, wakati wa sherehe ya makabidhiano ya msaada wa Vyoo na mfumo wa maji kwenye shule ya Msingi Kipampa. Wengine kutoka kulia ni Meneja Mahusiano wa TPB, Noves Moses na Meneja wa TPB, Tawi la Kigoma, Fidelis Ndahani.Naibu Mstahiki Meya wa Kigoma, Mh. Ruhomvya Rashid Ruhomvya, akisikiliza hotuba ya Ofisa Mtendaji Mkuu wa Benki ya Posta Tanzania (TPB), Sabasaba Moshingi, wakati wa sherehe ya makabidhiano ya msaada wa Vyoo na mfumo wa maji kwenye shule ya Msingi Kipampa. Wengine kutoka kulia ni Meneja Mahusiano wa TPB, Noves Moses na Meneja wa TPB, Tawi la Kigoma, Fidelis NdahaniNaibu Mstahiki Meya wa Kigoma, Mh. Ruhomvya Rashid Ruhomvya akifungua bomba la maji kwenye mojawapo wa vyoo vilivyokarabatiwa na Benki ya Posta kwenye Shule ya Msingi Kipampa, Kigoma. Wanaotazama ni Afisa Mtendaji Mkuu wa TPB Sabasaba Moshingi Mkuu wa shule ya Kipampa. 
    Naibu Mstahiki Meya wa Kigoma, Mh. Ruhomvya Rashid Ruhomvya akifungua bomba la maji kwenye mojawapo wa vyoo vilivyokarabatiwa na Benki ya Posta kwenye Shule ya Msingi Kipampa, Kigoma. Wanaotazama ni Afisa Mtendaji Mkuu wa TPB Sabasaba Moshingi Mkuu wa shule ya Kipampa.Ofisi Mtendaji Mkuu wa TPB, Sabasaba Moshingi akiwa katika picha ya pamoja na baadhi ya wanafunzi wa Shule ya Msingi Kipampa baada ya kuwakabidhi vyoo vipya pamoja na mfumo wa maji safi.Ofisi Mtendaji Mkuu wa TPB, Sabasaba Moshingi akiwa katika picha ya pamoja na baadhi ya wanafunzi wa Shule ya Msingi Kipampa baada ya kuwakabidhi vyoo vipya pamoja na mfumo wa maji safi

    0 0


    0 0



    0 0

    Waziri wa Nchi Ofisi ya Rais (Mahusiano na Uratibu) Stephen Wasira (katikati) alipokuwa akiongea na waandishi wa habari jana mjini Dodoma juu ya mkutano wa 30 utakaofanyika nchini mwishoni wiki hii. Kushoto ni Rais wa Benki ya Maendeleo ya Kusini na Mashariki ya Afrika (PTA), Admassu Tadesse na kulia ni Naibu Waziri wa Fedha Mwigulu Nchemba.
    Rais wa Benki ya Maendeleo ya Kusini na Mashariki ya Afrika (PTA), Admassu Tadesse (kushoto), akizungumza na waandishi wa habari mjini Dodoma jana kuhusu mkutano wa miaka 30 ya wanahisa na magavana utakao shirikisha nchi 18 za Afrika, mkutano huo utafanyika kesho jijini Dar es Salaam. Katikati ni Waziri wa Ofisi ya Rais (Uratibu na Mahusiano), Steven Wasira akifuatiwa na Naibu Waziri wa Fedha Mwigulu Nchemba.
    Waziri wa Nchi Ofisi ya Rais (Mahusiano na Uratibu) Stephen Wasira (kushoto) abibadilishana mawazo na Rais wa Benki ya Maendeleo ya Kusini na Mashariki ya Afrika (PTA), Admassu Tadesse mara baada ya mkutano na waandishi wa habari jana mjini Dodoma. Katikati ni Katibu Mkuu Wizara ya Fedha Dkt. Servacius Likwelile. (Picha zote na Eleuteri Mangi-MAELEZO)

    Bodi ya Magavana wa Benki ya Maendeleo ya Biashara Mashariki na Kusini mwa Afrika (PTA) itakuwa mkutano wa mwaka utakaofanyikia nchini jijini Dar es salaam tarehe 22 mwezi huu.

    Hayo yamebainishwa jana mjini Dodoma na Waziri wa Nchi Ofisi ya Rais (Mahusiano na Uratibu) Stephen Wasira alipokuwa akiongea na waandishi wa habari juu ya mkutano huo utakaofanyika mwishoni wiki hii.

    “Huu ni mkutano wa kawaida wa mwaka wa Bodi ya Magavana wa nchi wanachama pamoja na Mawaziri wa Fedha, Tanzania ni mwanachama ndio maana mkutano wa 30 unafanyika hapa” alisema Wasira.


    0 0

    Hatimaye kundi la BONGO DANSI limetimiza mwaka mmoja kamili tokea kuanzishwa kwake na kufanya sherehe kubwa za maadhimisho katika ukumbi wa Vijana Social Hall.

    BONGO DANSI ni kundi linalopatikana kwenye mtandao wa Facebook (kama Facebook Group) lenye lengo ya kujadili  na kuinua muziki wa dansi wa Tanzania sambamba na kuwaunganisha wadau mbalimbali wa tasnia ya muziki wa dansi Tanzania wakiwemo washabiki, wanamuziki, waandishi wa habari, mameneja na wamiliki wa bendi. Mpaka sasa kundi lina wanachama zaidi ya 3000.

    Kundi la BONGO DANSI lilianzishwa rasmi tarehe 14-Aug-2013 na mwaka huu tarehe 14-Aug-2014 lilitimiza mwaka mmoja kamili wa uwepo wake. Kundi lilifanya sherehe ya maadhimisho ya mwaka mmoja Jumapili ya tarehe 17-Aug-2014 katika ukumbi wa Vijana Social Hall, Kinondoni ambapo lilijumuika kwenye show ya bendi nguli ya Vijana Jazz Band “Pambamoto, Saga Rhumba”.

    Katika tukio hilo mwanamuziki wa zamani wa Vijana Jazz, mpiga solo Miraj Shakashia “Shakazulu” (ambaye pia ni mwana BONGO DANSI) alikuwepo kusalimia kisanii ambapo alishirika kupiga nyimbo mbili za “Ogopa Tapeli” na ”Penzi Haligawanyiki Part I”. Mwanamuziki mwingine aliyekuja kusalimia kisanii ni Alpha Kabeza wa Malaika Music Band aliyeimba wimbo wa “Acha Tamaa”, wimbo alioutunga alipokuwa FM Acadsemia “Wazee wa Ngwasuma”.

    Akiongea kwa niaba ya BONGO DANSI, mratibu wa kundi, William Kaijage alilipongeza kundi la Vijana Jazz kwa kuwa bendi pekee nchini iliyobaki inayomilikiwa kitaasisi na pia kuwa moja ya bendi kongwe zaidi zilizobakia nchini na Afrika baada ya kuanzishwa mwaka 1971 miaka 43 iliyopita.

    Mwana BONGO DANSI mwingine, Rajab Zomboko akitoa hotuba, aliwaasa wanamuziki wa muziki wa dansi kutumia mitandao ya jamii (social media) kujitangaza kama wanavyofanya wanamuziki wa bongo flava kutokana na mabadiliko ya kiteknolojia.

    Mtandao wa BONGO DANSI unapatika kwenye link hii https://www.facebook.com/groups/bongodansi/

    0 0

    Frank Mvungi-Maelezo.
     
    Serikali kutumia Euro Milioni 16 katika ujenzi wa Kiwanda cha kuzalisha viuadudu vinavyoua viluwiluwi vya mbu wanaoambukiza malaria ulioko chini ya shirika la Taifa la Maendeleo (NDC) unaotarajiwa kukamilika mwishoni mwa mwaka huu.

    Hayo yamesemwa na Meneja Uhusiano wa Shirika hilo Bw. Abel Ngapemba wakati wa mkutano nawaandishi wa habari leo jijini Dar es salaam.

    “Hivi sasa majengo yote yamekwisha kamilika katika eneo la Maili moja Kibaha Mkoani Pwani na mitambo yote imeshawasili na wataalamu wanaifunga ambapo kabla ya mwisho wa mwaka   uzalishaji  wa majaribio utaanza” Alisema Ngapemba.

    Akifafanua zaidi Ngapemba alisema kiwanda hicho kitasaidia kuzalisha ajira  za moja kwa moja zipatazo 172 kwa watanzania.

    Pia Ngapemba alibainisha kuwa kiwanda hicho kitakuwa na uwezo wa kuzalisha lita milioni sita za viadudu kwa mwaka ambapo asilimia 80 ya dawa hizo zitatumika nchini na asilimia 20 zitauzwa nchi za nje ambazo tayari zimeonyesha nia ya kuzitaka dawa hizo.

    Viadudu hivyo vinatengenezwa kutokana na vimelea ambao wanakuzwa kwa kutumia viinilishe mbalimbali na kunyinyiziwa katika maeneo yenye mazalia ya mbu ambapo viluwiluwi wa mbu wanapovila wanakufa

    Kulingana na ripoti ya upembuzi yakinifu wa mradi huu uliofanywa na NDC kwa kushirikiana na kampuni ya Labiofam ya Cuba mwaka 2010, mbali na malaria kusababisha vifo vya Watanzania wapatao 80,000 kwa mwaka,ambapo watu milioni 18 huugua ugonjwa huo kila mwaka ambapo Serikali imekuwa ikitumia kiasi cha dola za marekani zipatazo milioni 240 kwa mwaka katika kupambana na ugonjwa huu.

    Ujenzi wa Kiwanda hicho ulianza miaka miwili iliyopita na kuwekwa jiwe la msingi na Rais wa Jamhuri ya Muungano wa Tanzania, Dk.Jakaya Mrisho Kikwete October mwaka 2013 lengo likiwa kupambana na hatimaye kutokomeza mbu wanaoeneza malaria na magonjwa mengine yaenezwayo na mbu.

    0 0

     
    Rais wa Awamu ya Pili Alhaji Ali Hassan Mwinyi amesema serikali haijawahi kufuta Azimio la Arusha kama inavyodaiwa na baadhi ya wananchi, bali ilizimua azimio hilo kuwapatia viongozi wa kati uwezo wa kumudu makali ya maisha.
     
    “Serikali haikufuta Azimio la Arusha. Ililizimua azimio hilo kuwapatia viongozi wa kati kumudu makali ya maisha, lakini baadhi ya viongozi wamekuwa wakitumia vibaya nafasi hiyo kuvunja sheria ya maadili ya viongozi,” amesema.
    Alhaji Mwinyi ameeleza hayo jijini Dar es Salaam katika semina ya siku moja ya maandalizi ya sheria ya kudhibiti mgongano wa maslai miongoni mwa viongozi na watumishi wa umma iliyoandaliwa na Sekretarieti ya Maadili ya viongozi.
    “Baadhi ya watu wamekuwa wakitumia vibaya nafasi hiyo kuvunja maadili ya viongozi wa umma kwa kutumia raslimali za umma kujinufaisha. Tabia hii imewafanya wananchi kutokuwa na imani na viongozi wao,” amesema.
    Kwa mujibu wa Alhaji Mwinyi, mgongano wa maslai ini tatizo kubwa nchini linalotakiwa kuangaliwa kwa umakini vinginevyo baadhi ya viongozi wataendelea kujinufaisha kwa kutumia nafasi zao kazini.
    Kwa upande wake Kamishna wa Sekretarieti ya Maadili ya viongozi Jaji Salome Kaganda amesema lengo na makusudi ya mapendekezo ya sheria hii ni kuleta amani na utulivu wan chi.
    Jaji Kaganda amesema, “mapendekezo ya sheria hii hayalengi kuwafanya viongozi kuwa maskini, bali kasi yao ya ukwasi iendane na halii halisi ya kipato chao.”
    “Sheria hii itakapopitishwa na ngazi husika, itapunguza ubinafsi wa viongozi walioko madarakani kujipendelea wenyewe na maeneo wanayotoka,” amesema na kuongeza kuwa, “Lazima kuwepo na hatua uya serikali kurejesha maadili ya maadili. Kama itazingatiwa na kuheshuimiwa, taifa litafikia maendeleoo ya haraka yaliyokusudiwa.”
     
    Na Joseph Ishengoma-MAELEZO

    0 0


    Bondia Mohamed Matumla kushoto na Nassibu Ramadhani wakitunishiana misuli 
     
    ============
     MABONDIA Nassibu Ramadhani pamoja na Mohamed Matumla wameingia makubaliano ya kuzipiga kwa mara ya pili siku ya septemba 27 katika ukumbi wa friends corner hotel manzese Dar es salaam

    Akizungumzia mpambano huo,mratibu wake Yassin Abdallah 'Ostadhi' amesema mabondia hawo wamekubaliana na kusaini mkataba wa kuzipiga siku hiyo,ambapo mabondia hao walikutana mara ya kwanza na bondia Mohamed Matumla alimshinda kwa point Nassibu Ramadhani hivyo kuufanya mchezo huu kuwa mgumu zaidi kwa Matumla kuendeleza kipigo au Ramadhani kurudisha kisasi

     katika mpambano huo siku hiyo kutakuwa na mapambano ya utangulizi, bondia Issa omari atamkabili juma fundi.kg 53 raundi nane. na Sadiq momba vs Tasha mjuaji kg 59 raundi nane. wakati Juma mustafa atamkabili Bakari dunda kg 61 raundi sita. huku kina dada Lulu  Kayage akipambana na fatma yazidu.kg 51 raundi nne.

     

    siku hiyo pia kutakuwa na huuzwaji wa 
    DVD ambazo zinatoa mwanga kwa mchezaji kujua mchezo na kufahamu zaidi mbinu mpya zitumiwazo na mataifa mbali mbali Duniani.

    Wakiwemo mabondia bingwa wa dunia kama Manny Paquaio,Floyd Maywether,Amir Khani, Mohamed Ali ,Mike Tayson na wengine wengi wanaotamba na waliotamba katika mchezo huo wa masumbwi Duniani
    kocha wa kimataifa wa mchezo wa masumbwi nchini Rajabu Mhamila 'Super D' ametoa wito kwa makampuni mbalimbali kujitokeza kutoa sapoti ya mchezo wa masumbwi kwani ndio mchezo pekee unaoweza kututoa kimasomaso watanzania tukafurahi

    0 0

     Rais Jakaya Mrisho Kikwete akikata utepe baada ya kuweka jiwe la msingi la ujenzi wa daraja la kudumu juu ya mto Kilombero  wilayani Kilombero mkoa wa Morogoro Agosti 20, 2014.
      Rais Jakaya Mrisho Kikwete akishangiliwa baada ya kuweka jiwe la msingi la ujenzi wa daraja la kudumu juu ya mto Kilombero  Agosti 20, 2014. Pamoja naye ni  Waziri wa Ujenzi Dkt John Pombe Magufuri (kushoto kwa Rais), Waziri wa Ofisi ya Rais Menejimenti ya Utumishi wa Umma na Mbunge wa Ulanga Mashariki Mhe. Celina Kombani (kulia), Mbunge wa  Mama Salma Kikwete (nyuma ya Rais), Mbunge wa Ulanga Magharibi Dkt Haji Ponda (kulia) na Mbunge wa Kilombero Mhe Abdul Mteketa (kulia kwa Rais)
     Rais Jakaya Mrisho Kikwete akipata maelezo toka Mtendaji Mkuu wa Wakala wa Barabara (TANROADS) Bw. Patrick Mfugale juu ya ujenzi wa daraja la kudumu juu ya mto Kilombero  Agosti 20, 2014. Kushoto ni Waziri wa Ujenzi Dkt John Pombe, Magufuri akifuatiwa na Mama Salma Kikwete.
     Rais Jakaya Mrisho Kikwete akipungia wananchi kwa furaha wakati akielekea ukingoni mwa Mto Kilombero kuweka jiwe la msingi la ujenzi wa daraja la kudumu juu ya mto Kilombero Agosti 20, 2014. Anaoongozana nao ni pamoja na Waziri wa Ujenzi Dkt John Pombe Magufuri (kushoto kwa Rais), Waziri wa Ofisi ya Rais Menejimenti ya Utumishi wa Umma na Mbunge wa Ulanga Mashariki Mhe. Celina Kombani (kulia), Mkuu wa Mkoa wa Morogoro Mhe. Joel Bendera (kushoto) na Mama Salma Kikwete (nyuma ya Rais).
     Rais Jakaya Mrisho Kikwete akihutubia wananchi baada ya kuweka jiwe la msingi la ujenzi wa daraja la kudumu juu ya mto Kilombero  wilayani Kilombero mkoa wa Morogoro Agosti 20, 2014
     Magari yakivuka juu ya daraja la muda la Mto Kilombero lililojengwa kurahisisha kazi za ujenzi wa daraja la kudumu katika wilaya ya Kilombero Mkoa wa Morogoro, wakati wa sherehe za uwekaji jiwe la msingi wa ujenzi wa darajan hilo na Rais Jakaya Mrisho Kikwete Agosti 20, 2014. 
     Rais Jakaya Mrisho Kikwete akijaribu madawati mapya ya shule  ya msingi ya Epauko wilayani Mahenge baada ya shule hiyo kukabidhiwa msaada wa madawati 500 na Kampuni ya Kibaran Resources Ltd inayojishughulisha na uchimbaji wa madini aina ya Graphite na Nickel mkoani wa Morogoro Agosti 20, 2014.
    Rais Jakaya Mrisho Kikwete na mkewe Mama Salma Kikwete  na mmoja wa wanafunzi wa shule ya msingi ya Epauko wilayani Mahenge baada ya shule hiyo kukabidhiwa msaada wa madawati 500 na Kampuni ya Kibaran Resources Ltd inayojishughulisha na uchimbaji wa madini aina ya Graphite na Nickel mkoani Morogoro Agosti 20, 2014.PICHA NA IKULU

    0 0

    Katibu wa NEC Itikadi na Uenezi Nape Nnauye akizungumza na waandishi wa habari katika Ukumbi wa Sekretarieti Makao Makuu ya CCM Dodoma.

    Akizungumza na Waandishi wa Habari mjini Dodoma ,Katibu wa NEC Itikadi na Uenezi alisema,Kamati Kuu pamoja na mambo mengine, ilipokea taarifa na kufanya tathimini juu ya maendeleo ya mchakato wa mabadiliko ya Katiba nchini, ndani na nje ya Bunge.

    Kamati Kuu vilele imepokea na kujadili taarifa kuhusu mazungumzo na mashauriano kati ya vyama vya CUF, CHADEMA, NCCR-MAGEUZI  na CCM. Mazungumzo ambayo yalisimamiwa na Msajili wa vyama vya siasa nchini.

    Aidha Kamati Kuu ilipokea pia taarifa ya kikao cha Baraza la Vyama vya siasa na pia taarifa ya kikao cha Kituo Cha Demokrasia nchini (TCD). Vikao hivyo vyote vilihusu maendeleo ya mchakato wa Katiba nchini.


    Kuhusu mwenendo wa Bunge la Katiba, Kamati Kuu imearifiwa maendeleo ya majadiliano na upigaji kura katika kamati za Bunge hilo. Kwa ujumla Kamati Kuu imeridhishwa na namna wajumbe wa Bunge Maalum wanavyoshiriki katika kujadili na kujenga hoja na wanavyoshughulikia tofauti za kimtazamo na kimawazi katika vikao vyao na hatimaye uhutimishaji wa majadiliano kwa kura.

    Kamati Kuu inawahimiza wajumbe wa Bunge Maalum la Katiba, kuhudhuria vikao vya kamati na vile vya Bunge na kushiriki katika mijadala kwa kutanguliza masilahi mapana ya taifa na hatimae kuipatia nchi katiba inayotarajiwa na watanzania wote. Chama Cha Mapinduzi kinautakia kila lakheri mchakato huu.


    Aidha Kamati Kuu imeridhishwa na juhudi za vyama na wadau mbalimbali katika kujenga na kuimarisha maridhiano na mshikamano kwa lengo la kupata muafaka. Hata hivyo Kamati Kuu imesikitishwa na kuvunjika kwa mazungumzo kati ya CCM, CUF,CHADEMA na NCCR-MAGEUZI yaliyokuwa yanasimamiwa na Msajili wa vyama vya siasa nchini kwa kengo la kujenga na kuimarisha maridhiano na mshikamano ili kupata muafaka.


    Kamati Kuu imepokea na kuridhishwa na taarifa kuhusu juhudi zinazofanywa na Kituo Cha Demokrasia nchini (TCD) pamoja na vyama vinavyounda TCD katika kutafuta muafaka wa kisiasa kwa lengo la kuimarisha amani, utulivu, mshikamano na kuaminiana kati ya wadau mbalimbali na hasa kati ya vyama vya siasa.

    Kamati Kuu inaunga mkono juhudi za TCD za kuendeleza mashauriano kati ya vyama na ndani ya vyama kwa lengo la kupunguza mivutano, kujenga uaminifu na ustahimilivu na umoja kati yao.

    Hivyo Kamati Kuu imempongeza Katibu Mkuu wa CCM kwa namna alivyoshiriki na kukiwakilisha Chama kwenye vikao hivyo.

    Kamati Kuu imemuagiza Katibu Mkuu aendelee kukutana na vyama na wadau wengine katika kufanikisha lengo la maridhiano hayo.

    Mwisho Kamati Kuu inaendelea kuwasihi Watanzania wote kuendelea kushikamana na kuvumiliana pale wanapopishana kimtazamo juu ya hoja mbalimbali za katiba kwani Amani,  Utulivu na Utanzania wetu ni muhimu kuliko tofauti zetu za kimitazamo. Mchakato wa Katiba nchini uendelee kuwa fursa ya kuijenga nchi yetu badala ya kutumika kutugawa na kututenganisha.

    0 0

    Uiyonavyo sivyo ilovyo hadi UISIKIAPO, Cheif wa swahilivilla Ebou Shatry akutana na mtaalamu wa vichekesho, Hussein China ndani ya Jjiji la Dar,  kwa Video Clip fupi, ya WhatsApp  WADAU wetu kaeni mkao wa kula..?
    Cheif wa blog ya swahilivilla Abou Shatry kutoka Washington DC nchini Marekani akipata picha ya pamoja na Mtaalamu wa Vichekesho, Hussein China, baada ya miaka 15 kutoona kijiwezi Jijini Dar, katika mpango mzima wa kipindi cha Msakatonge na Azamtv bigwa wa vichekesho kuandaa mualiko rasmi.

older | 1 | .... | 346 | 347 | (Page 348) | 349 | 350 | .... | 1897 | newer