Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 280 | 281 | (Page 282) | 283 | 284 | .... | 1897 | newer

    0 0


    Na Denis Mlowe,Kilolo

    JUMLA ya walimu wapya 248 wa shule za Msingi na Sekondari wameripoti wilayani Kilolo kati ya walimu 261 waliopangwa kufundisha Wilayani humo.

    Akizungumza kwenye maadhimisho ya siku ya wafanyakazi duniani (Mei Mosi) iliyofanyika kiwilaya katika uwanja wa shule ya msingi Kilolo B,Mwenyekiti wa Halmashauri ya wilaya ya Kilolo, Joseph Muhumbaalisema walimu walipangiwa kufundisha wilayani humo walikuwa ni 261 kati ya hao 127 wa Shule za sekondari na waliobaki ni shule za msingi.
     
    Alisema wanategemea walimu wasioripoti kufanya hivyo muda wowote na kisha kukabidhiwa posho zao za kujikimu kama walivyofanya kwa walimu waliokwisha kuripoti na kupangiwa vituo vya kazi.
     
    Aliongeza kuwa kulingana na maelekezo waliyopokea kutoka Tawala za Mikoa na Serikali za Mitaa (Tamisemi), Aprili 10 ndiyo mwisho wa walimu hao kuripoti lakini kutokana na sababu zilizo nje ya uwezo wao wameshindwa kujua kwanini wameshindwa kuripoti hadi sasa.
     
    Kuhusu mishahara kwa walimu wapya kama itachelewa au la Muhumba aliweka bayana kuwa haitachelewa kwa vile baada ya taratibu kukamilika wataingizwa kwenye orodha ya kulipwa, hivyo kuondoa usumbufu kwa walimu wapya.
     
    Alisema idadi ya walimu waliowapata ni nzuri ingawa imeshindwa kutosheleza idadi ya walimu waliowahitaji kuja kufundisha katika wilaya hiyo na kuishukuru serikali kwa kuwapatia walimu hao.
     
    “Niishukuru sana serikali kwa kutupatia walimu ambao ingawa hawatoshelezi shule zote lakini kwa sasa kuna unafuu kidogo ukilinganisha na mwanzo ambapo shule nyingi zilikuwa hazina walimu wakutosha hivyo nawaomba sana walimu wote mfanye kazi kwa bidii na maarifa kuweza kuinua kiwango cha elimu katika wilaya yetu na kumbukeni serikali inawajali walimu wote nchini hivyo juhudi na maarifa zitaikomboa wilaya yetu katika janga la elimu” alisema Muhumba.
     
    Muhumba aliwashukuru walimu waliokwisha kuripoti katika wilaya hiyo na kuwataka kufanya kazi kwa juhudi na maarifa na kuwaahidi kuwa serikali imeweka mkakati maalumu wa kuhakikisha walimu wanalipwa mafao yao bila bughudha.
     
    Pia alitoa wito kwa kwa serikali kujenga nyumba bora na rafiki kwa walimu hususan vijijini ili kusaidia watumishi wanaopangwa huko kwa huduma za jamii zikiwemo Elimu na Afya kutokana na mazingira ya kusomea kutokuwa yenye mvuto.
     
    Kwa upande wao watumishi wa wilaya hiyo kupitia risala ya vyama vya wafanyakazi iliyosomwa na Mariam Daudi wameitaka serikali kuongeza mishahara na kuboresha hali ya mazingira ya wafanyakazi nchini.

    Aidha wameitaka serikali kuwalipa wafanyakazi wanaofanya kazi baada ya muda wa kazi kulipwa malipo ya ziada na ucheleweshaji wa malipo ya malimbikizo baada ya kupandishwa vyeo.

    “Wafanyakazi kufanya kazi  baada ya saa za kazi bila malipo ya ziada ni sawa na unyanyasaji ambao sisi wafanyakazi wa wilaya ya Kilolo kwa pamoja tunaupigia kelele na tunataka ukomeshwe mara moja”  alisema Daudi.

    0 0

    Jinsi wanafunzi wa chuo kikuu cha Iringa wanaosoma shahada ya sheria mwaka wa tatu waliadhimisha uhuru wa habari kwa kuwatembelea watoto yatima wenye shida katika kituo cha Teresia Sister kilichoko Tosamaganga na kuwakabidhi msaada mbalimbali yenye thamani ya shilingi milioni 1na kucheza nao (picha zote na Denis Mlowe)
    =======  ========
    Na Denis Mlowe,Iringa

    KITUO cha kulelea watoto yatima na wenye shida cha Teresia Sister kilichoko Tosamanga mkoani Iringa kimepatiwa msaada wa vitu mbalimbali vyenye thamani ya shilingi milioni 1 na wanafunzi wa mwaka wa tatu wanaochukua shahada ya sheria kutoka chuo kikuu cha Iringa(Tumaini)
     
    Akikabidhi misaada hiyo mkufunzi wa sheria wa chuo hicho Penina Manyanki akiambatana na wanafunzi hao,alisema kuwa wamehamua kutoa misaada hiyo kwa watoto hao wenye mahitaji kutokana na kusahalika katika jamii na kwamba misaada hiyo itawasaidia  kuwafanya wafurahi na kutambua jamii ipo pamoja nao.
     
    Alisema imekuwa kasumba kwa watu wengi kuwasahau watoto yatima na wanaohitaji msaada hivyo waliamua kuchangishana wanafunzi wa mwaka wa tatu na kuwapeleka misaada hiyo kwa watoto hao wenye umri wa miezi miwili hadi miaka sita wanaolelewa katika kituo hicho.

    “Huu ni mwanzo tu wa kuwasaidia watoto hawa na naomba sana jamii iweze kuwasaidia watoto hawa misaada mbalimbali watambue kuwa kuna watu wako nyuma yao na wanawapenda sana na kama unavyoona watoto wamefurahi sana kuungana na dada na kaka zao “ alisema Manyanki
     
    Aidha Manyanki aliyataka mashirika na watu binafsi kujitokeza kutoa misaada kwa watoto hao ili kujengea imani ya kutoona kama wanatengwa katika jamii inayowazunguka
     
    Manyanki alivitaja vitu vilivyotolewa kuwa ni pamoja na Sukari,Mchele,Mafuta ya Kula,Sabuni ya kufulia,unga wa ngano,juisi na maharage kwa ajili ya kuwasaidia watoto hao.
     
    Akizungumza kwa niaba ya mkuu wa kituo Sister Mlezi wa Kituo hicho Sr. Hellen Kihwele aliwashukuru wanafunzi hao kwa misaada kama hiyo ambayo imekuwa ikisadia watoto kujikimu katika mahitaji yao ya kila siku.
     
    Sister Hellen alitaja changamoto zinazowakabili kuwa ni pamoja na ukosefu wa chakula,madawa,mavazi ambapo aliomba serikali kusaidia kutatua kero hizo ikiwa ni pamoja na kuwajenga watoto mazingira mazuri ya kuishi.

    Alitoa wito kwa wanawake kuacha tabia ya kuwatupa watoto wasio kuwa na hatia na kuisababishia jamii malezi ingali wazazi wao wapo na wanaendelea kuponda raha.

    0 0

    Pichani kati Mgeni rasmi,Mh.William Ngelleja akizindua albamu mpya ya nyimbo za injili ya muimbaji Grace Mwikwabe (pichani shoto) na kulia ni Mkurugrenzi wa Msama Promotions ambao ndio waandaji wa matamasha hayo ya pasaka na Xmass.
    Mgeni rasmi katika muendelezo wa tamasha la Pasaka,ambaye ni Mbunge wa jimbo la Sengerema,Mh.William Ngereja akizungumza machache mbele ya umati mkubwa wa wakazi wa jiji la Mwanza waliojitokeza kwenye tamasha hilo,Ngeleja aliwataka viongozi mbalimbali kuliombea Taifa wakati likipita katika kipindi hiki kigumu cha mchakato wa kuipata Katiba, na pia aliwataka Wananchi nchini Kote kuwa watulivu,kwani Mungu ni mwema mchakato wa kuipta katiba mpya utakwisha tu katiba mpya itapatikana.
    Mkurugenzi wa Msama Promotions,Alex Msama akitoa neno la Shukurani kwa viongozi wa dini mbalimbali pamoja na wakazi wa jiji hilo waliojitokeza kwa wingi kwenye tamasha la mwendelezo wa Pasaka,lililofanyika ndani ya uwanja wa CCM Kirumba hapo jana,Wakati huo huo katika tamasha hilo mgeni rasmi alikuwa ni Mh.William Ngeleja.
    Mwanamuziki Rebecca Malope na skwadi lake zima wakiimba jukwaani ndani ya uwanja wa CCM Kirumba jijini Mwanza hapo jana.
    Rebecca Malope akiimba kwa hisia jukwaani

     Mambo ya Facebook na Twitter hayo live
    Mwimbaji nyota wa nyimbo za kiroho kutoka nchini Afrika Kusini,Rebecca Malope akitumbuiza jana jioni katika uwanja wa CCM Kirumba jijini Mwanza,ikiwa ni sehemu ya mwendelezo wa tamasha la Pasaka huku likiwa limebeba kauli mbiu maridhawa kabisa isemayo Tanzania Kwanza,Haki Huinua Taifa.
    Sehemu ya umatii wa watu wakifuatilia tamasha hilo.
    Mwimbaji nyota wa injili hapa nchini Rose Muhando akiwaimbisha washabiki na wapenzi wa nyimbo za injili ndani ya uwanja wa CCM Kirumba jijini Mwanza hapo jana wakati wa mwendelezo wa tamasha la pasaka,ambalo limepokelewa vyema na wakazi wa jiji hilo.
    Wadau wakiwa kwenye mashine zao wakihakikisha kila kitu kinakwenda sawa kwenye tamasha hilo ambalo lilipokelewa vyema na wakazi wa jiji la Mwanza.
    Waimbaji mbalimbali mahiri wakishambulia jukwaa kwa pamoja ndani ya uwanja wa CCM Kirumba hapo jana wakati wa mwendelezo wa tamasha la pasaka jijini Mwanza
    Mkurugenzi wa Msama Promotions,Alex Msama akimuongoza mwanamuziki mahiri wa nyimbo za injili kutoka nchini Afrika Kusini,Rebecca Malope mara baada ya kumaliza kutumbuiza ndani ya uwanja wa CCM Kirumba jijini Mwanza,Malope alifanikiwa kwa kiasi kikubwa kuzikonga nyoyo za washabiki wa jiji hilo vilivyo.
    Pichani ni sehemu ya umati wa watu wakifuatilia yaliyokuwa yakijiri ndani ya uwanja wa CCM Kirumba jijini Mwanza hapo jana wakati wa mwendelezo wa tamasha la Pasaka.
    Mwimbaji wa nyimbo za injili kutoka nchini Kenya,Sara K akiimba kwa hisia mbele ya wakazi wa jiji la Mwanza waliolipokea vyema tamasha hilo la mwendelezo wa pasaka.
    Sehemu ya umati wa watu wakifuatilia yaliyokuwa yakijiri ndani ya uwanja wa CCM Kirumba jijini Mwanza.
    Mwimbaji wa Nyimbo za Injili,Grace Mwikwambe akiimba

    0 0

     
    Hundreds of Kinondoni residents were last Friday treated to a memorable post paid electricity bill payment ‘extravaganza’ by lead electronic payment service provider MaxMalipo when Tanzania’s electricity utility company TANESCO launched the first phase of its customer reach out electronic bill payment service at the expansive Dar es Salaam sub region.


    Using the MaxMalipo PoS, the ever present MaxMalipo agents bounced into action, serving the mammoth customers who flocked the Magomeni Tanesco Grounds to share in the celebrative launch. At least 1001 customers were reached most of who rose to the occasion to pay for their post paid electricity bills.


    Hassan Abdul, a post paid electricity customer who lives in Kinondoni was overwhelmed with how easy it was paying for his electricity bill through MaxMalipo when he said: “It was particularly amazing to be issued with a receipt as prove of the transaction. However, I must say it is extremely suitable for us given the immense presence of MaxMalipo in this area.”


    While gracing the historic launch, Tanesco Managing Director Felchesmi Mramba, urged Dar es Salaam residents in the entirety to embrace the opportunity and pay for Tanesco bills at electronic payment service shops across the country, singling out Maxmalipo’s extensive network as a more convenient choice.


    He reiterated on the fact that the high presence of Maxmalipo agents in anyone’s vicinity has made it easy for Tanesco customers to pay for electricity bills nearer to their homes.


    Mr. Mramba said: “Today, we are proud to have successfully launched the first phase of electronic bill payment for our post paid customers. As we celebrate this important milestone, I would like to invite Kinondoni residents and the people of Dar es Salaam to embrace this opportunity. Electronic payment agents like Maxmalipo are all over and we can easily and conveniently pay for our post paid electricity bills anywhere anytime.”


    And Eng. Juma Rajabu, the Maxcom Africa Managing Director echoed Mr. Mramba’s sentiments saying Maxmalipo was committed to taking electronic bill payment services closer to Tanzanians.


    Eng. Juma said: “Since inception in April 2010, we have been inspired by the desire to make electronic bill payments much easier and more accessible to customers. We are particularly happy to have been associated with Tanesco in killing the once agonizing queue. On behalf of our esteemed clients, we are basically motivated to ensuring electronic bill payment service reaches the consumers in the most convenient way.”







    0 0

     Mfanyakazi wa kampuni ya Fusun Investment Co. United akifanyakazi katika moja ya mashine zinazotumika katika usagaji wa chupa chakavu za plastiki kabla ya kusafirishwa nchi za nje. Kampuni hiyo imetoa ajira zaidi ya 300 tangu ilipoanzishwa mwaka 2010, na inampango wa kujitanua katika mikoa mingine Tanzania.
     Mfanyakazi wa kampuni ya Fusun Investment Co. United Limited akikusanya chupa chakavu za plastiki kwa ajili ya kuzisaga. Zaidi ya watanzania 300 wanafanyakazi katika kampuni hiyo ya kichina ambayo ukusanya chupa chakavu zaidi ya tani 700 kwa mwezi. Kampuni hiyo imesema inampango  wa kujitanua katika mikoa mingine Tanzania.
     Lundo la chupa chakavu za plastiki zikisubiria kusagwasagwa na kiwanda cha Fusun Investment Co. United Limited kilichopo Kurasini jijini Dar es Salaam. Kampuni hiyo ya kichina ukusanya chupa chakavu zaidi ya tani 700 kwa mwezi, na kwa sasa inampango wa kujitanua katika mikoa mingine Tanzania.
    Lori lililobeba chupa chakavu za plastiki likiwa tayari kushusha chupa hizo kwa ajili ya kusagwa katika kiwanda cha Fusun Investment Co. United Limited kilichopo Kurasini jijini Dar es Salaam. Kampuni hiyo ya kichina ukusanya chupa chakavu zaidi ya tani 700 kwa mwezi, na kwa sasa inampango  wa kujitanua katika mikoa mingine Tanzania.

    KAMPUNI ya kuhuisha (recycling) plastiki ya kichina inayofanya shughuli zake jijini Dar es Salaam ina mpango wa kutanua shughuli zake kwa kuwekeza zaidi nchini na kuongeza ajira zaidi kwa watanzania.

    Kampuni hiyo, Fusun Investment Co. United Limited imesema jijini Dar es Salaam jana wakati wa ziara ya waandishi wa habari katika kiwanda cha kampuni hiyo kilichopo Kurasini, kuwa ajira zaidi ya 300 zimeshatolewa mpaka sasa.

     “Wakati biashara yetu ikiendelea kutanuka, kuna uwezekano mkubwa wa sisi kuweza kuajiri watu wengi zaidi,” alisema Bw. Jiang Jiaxing, Mkurugenzi wa kampuni hiyo.

    Alisema kuwa kampuni hiyo iliyoanzishwa tangu Desemba mwaka 2010 inakusanya tani 700 ya chupa za plastiki toka mtaani kwa wananchi kila mwezi na kuzisaga kuwa chakavu na kuzisafirisha nchini China kwa ajili ya kutengeneza vifaa vya plastiki vipya.

    Pia, alisema kuwa kampuni yake imefungua viwanda viwili vilivyopo katika maeneo ya Mabibo na Mikocheni jijini Dar es Salaam na mipango zaidi inafanyika ya kujitanua shughuli zake zaidi katika mikoa mingine vijijini.

    “Tumechangia katika uchumi wa Tanzania kwa njia nyingi kama vile kuingizia nchini fedha za kigeni, mapato kwa njia ya malipo ya kodi na ushuru pamoja na kuunga mkono jitihada za serikali za utunzaji wa mazingira kwa kukusanya plastiki zinazo zagaa ovyo kisha kuhuisha,” alisema na kuongeza:

    “Hebu tafakari, nini kingeweza kutokea endapo tani 700 za chupa chakavu za plastiki zingeachwa zikizagaa mitaani?. Ingelikuwa ni tatizo kubwa”.

    Ripoti za hivi karibuni zinaonyesha kuwa Dar es Salaam inakumbwa na tatizo kubwa la utunzaji wa takataka ngumu. Ikiwa ni jiji la tatu linalokua kwa kasi katika nchi za Jangwa la Sahara na la tisa duniani, linakumbana na changamoto kubwa ya jinsi gani ya kutunza taka zinazozalishwa. 

    Tafiti zilizofanyika katika miaka ya 1980 zilionyesha kuwa jiji la Dar es Salaam linazalisha zaidi ya tani 1,200 ya taka ngumu kila siku, lakini tafiti za hivi karibuni zinaonyesha taka zizalishwazo jijini kwa sasa zimeongeza kwa zaidi ya tani 2,500 kwa siku. Jiji halina miundombinu ya kutosha inayohitajika katika kushughulikia ongezeko la taka ngumu na wingi wa taka maji zilizopo.

    Tatizo la utunzaji taka la jijini Dar es Salaam linalenga zaidi utupaji wa taka na usafi wa mazingira, takataka zisizokusanywa zikiachwa zimezagaa mitaani,au kuchomwa moto kiholela katika kona mbali mbali za mitaa.

    Changamoto hasa ni katika maeneo ya mijini ambayo yamekuwa yakiongezeka zaidi katika miaka michache iliyopita. Kumbukumbu zinaonyesha kuwa kati ya mwaka 1965, miaka michache baada ya uhuru na leo idadi ya wakazi wa mijini nchini Tanzania imeongezeka kutoka asilimia 5.0 mpaka zaidi ya asilimia 36 kwa sasa. Mlipuko huu wa ukuaji wa miji hauendani na uwezo wa kuzikabili taka zinazozalishwa.

    0 0

    Na Father Kidevu Blog.
    SHINDANO la Miss Dar City Center limezinduliwa rasmi jana na linatarajiwa kufanyika mei 24 kwaka huu katika ukumbi ambao utatangazwa baadae, huku likishirikisha warembo 15.

    Akizungumza katika uzinduzi huo jana, mratibu wa shindano hilo, Judith Charles alisema kuwa, mwaka huu shindano hilo litapamwa na vionjo tofauti tofauti ili kulifanya kuwa la aina yake.

    Judith alisema kwamba, wameangalia changamoto zilizotokea kwa waandaaji wa waliopita wa shindano hilo, ili kuweza kulifanya kuwa na ubora wa hali ya juu zaidi kuliko ilivyowahi kutokea.

    “Tumetumia changamoto ya waandaaji waliopita wa shindano hili na sisi tumeamua kuliboresha zaidi na hivyo tunaamini kabisa kwamba litakuwa katika kiwango cha juu zaidi tofauti na uilivyokuwa hapo mwanzo,” alisema Judith.

    Aidha aliongeza kusema kwamba, ana aimani kubwa kwamba Miss Dar City Center ndiko atakakotokea Miss Tanzania 2014, kwani wamejiandaa kwa ukamilifu wa hali ya juu.

    Judith alisema kwamba ana imani kubwa na matron ambaye pia ndie mwalimu wa warembo wa shindano hilo, Eshe Rashid kuwa atawapa mafunzo mazuri zaidi yatakayowezesha kuwa bora zaidi jukwaani.

    Pia aliongeza kusema kwamba, zawadi kwa washindi wa shindano hilo zitakuwa zimeboreshwa zaidi na hivyo ana imani zitavutiwa zaidi na warembo hao.

    Aidha Judith alisema, shindano hilo kwa kiasi kikubwa linafadhiliwa na  Prima, Zanzi, Sky light band, Clouds FM, Dimond Bureu De Change LTD, gazeti la Jambo leo, Klabu Maisha ambako warembo wanafanyia mazoezi, blog ya Wananchi, blog ya Father Kidevu, Hoteli ya JB Belmont na Machapta Production

    0 0

     Mbunge wa Bunge la Afrika Mashariki, Shy Rose Bhanji katikati akipokea keki kutoka kwa ndugu jamaa na marafiki zake wakati wa tafrija maalum ya kumpongeza baada ya kutimiza miaka yake kadhaa katika ulimwengu huu Mei 3, 2014. Tafrija hiyo ilifanyika nyumbani kwake Bweni Dar es Salaam. (Photos by: MD Digital Company +255 755 373999).
     Birthday Girl! Shy-Rose akikata akijiandaa kukata keki...
     Marafiki zake wa karibu ambao pia ni Wabunge wa Bunge la Jamhuri ya Muungano wa Tanzania, Ester Bulaya (kushoto) na Halima Mdee wakimlisha keki kwa pamoja Shy-Rose.
     Shy-Rose nae aliwalisha marafiki zake ambao ni Wabunge wa Bunge la Jamhuri ya Muungano wa Tanzania, Ester Bulaya (kushoto) na Halima Mdee
     Shy-Rose pia alilishwa keki na ndugu zake.
     Alipokea zawadi kutoka kwa ndugu
      
    Keki ziliendelea 
     Shy-Rose akila pozi na keki aliyozawadiwa na mmoja wa marafiki zake.
     Shy-Rose Bhanji a.ak.a Mbunge wa Afrika Mashariki akila pozi na marafiki zake Halima Mdee a.k.a Mbunge wa Mujini na Ester Bulaya a.k.a Mbunge wa Kijijini .....ndivyo utani wao ulivyokuwa wakitaniana.

    0 0


    0 0

     Afisa Habari Kampuni ya PR Promotion Bw. Victor Mkumbo (kushoto) akitoa maelezo mbele ya waandishi wa Habari (hawapo pichani) kuhusu utambulisho wa Miss Redds kwa Kitongoji cha Mbagala kwa mwaka 2014. Katikati ni Mratibu wa Kampuni hiyo Bw. Tesha Japhet na kulia ni Meneja wa Kampuni ya PR Promotion Bw. Gervas Sinsakala.

     Baadhi ya warembo watakaoshirki kinyang’anyiro hiko wakiwa wamepozi wakati wa utambulisho wao katika Mkutano na waandishi wa habari leo jijini Dar es Salaam.

    Baadhi ya Waandishi wa Habari walioshiriki katika Mkutano wakisikiliza na kupiga picha mbalimbali kuhusu utambulisho wa Miss Redds kwa Kitongoji cha Mbagala kwa mwaka 2014. PICHA ZOTE NA BENEDICT LIWENGA.
    =====  ======

    Na Benedict Liwenga-Maelezo.


    KAMPUNI ya PR Promotion inatarajia kuleta kitongoji kipya katika mashindano ya Urembo Tanzania kupitia Wilaya ya Temeke ambayo ni Miss Mbagala kwa mwaka 2014. Hayo yamesemwa leo na Mratibu wa Kampuni hiyo Bw. Tesha Japhet wakati wa Mkutano na Waandishi wa Habari katika Ukumbi wa Habari Maelezo leo jijini Dar es Salaam uliohusu tambulisho wa Miss Redds Mbagala kwa mwaka 2014.

    “Hii ni mara ya kwanza kitongoji cha Mbagala kuandaa mashindano ya Miss Tanzania baada ya kuongezwa na Kamati ya Redds Miss Tanzania mwaka huu, hivyo wilaya ya Temeke itakuwa na vitongoji vine ambavyo ni Chango’mbe, Kurasini, Kigamboni na Mbagala”. Alisema Japhet.


    Bw. Japhet ameongeza kuwa washindi watatu wa mwanzo katika mashindano hayo watashiriki moja kwa moja katika mashindano ya Miss Redds Temeke 2014.


    Mashindano hayo ya Miss Mbagala 2014 yatajumuisha jumla ya washiriki 16 kutoka maeneo mbalimbali ya Mbagala na majina yao ni Amina Salim (20), Aquilina Paul (22), Restuta Charles (21), Suzan Paul (19), Natalia Rohath (22), Grace John (20), Neema Roman (19), Lucrecia Mushi (20), Subira Ally (23), Lucy Lyombo (20), Joyce Mkandila (20), Lulu Baraka (22), Macklina Robert (21), Sylivia Robert (24), Esther Mnahi (20) na Maureen Msangi (20).


    Aidha, Warembo wote watatambulishwa rasmi siku ya Ijumaa ya tarehe 9 Mei, 2014 sambamba na uzinduzi rasmi wa Miss Mbagala 2014 utafanyika katika Ukumbi wa Dar Live uliopo Mbagala jijini Dar es Salaam kuanzia majira ya saa 2 usiku.


    PR Promotion ni Kampuni ya burudani iliyosajiriwa na BASATA tangu mwaka 2009 imekuwa ikifanya maonesho mbalimbali ya sanaa ikiwemo urembo pamoja na kuendesha mikutano na waandishi wa habari na inajihusisha na upigaji picha za mnato na video katika matukio mbalimbali.


    0 0


    0 0

     Meneja usimamizi wa Barabara toka Wakala wa mabasi yaendayo haraka (DART) Mhandisi Mohamedi Kaganda (kulia) akielezea kwa waandishi wa Habar(hawapo p ichani)i leo  Jijini Dar Es Salaam namna mabasi hayo yatakavyofanya safari zake mara  awamu ya kwanza ya mradi huo itakapoanza mapema mwakani , Kushoto ni Afisa Habari wa Idara ya Habari Maelezo Frank Mvungi.

     Meneja Uhusiano Mradi wa mabasi yaendayo haraka (DART) Bw. William Gatambi (kushoto) akiwaeleza  waandishi wa habari leo Jijini Dar es Salaam katika ukumbi wa Idara ya Habari Maelezo kuhusu  maendeleo ya mradi huo ambao awamu ya kwanza itakamilika mwishoni wa mwaka huu. Kulia ni Afisa Habari wa Idara ya Habari Maelezo Frank Mvungi.

    Meneja uendeshaji wa DART  Bw.Peter Munuo  akieleza kwa waandishi wa habari kuhusu faida za mradi  huo ikiwemo kuondoa tatizo la foleni katika jiji la Dar es salaam na viunga vyake.mara  mradi huo  utakapoanza mapema mwakani. ( Picha zote na Georgina Misama ) 
    Na Frank Mvungi- Maelezo.

    Serikali inatarajia kuanza kutoa huduma za awali (interim services) katika mradi wa Mabasi yaendayo Haraka (DART) Kutoka Kimara mwisho hadi Kivukoni jijini Dar es salaam mwaka 2015 baada ya miundombinu kukamilika. Hayo yamesemwa na Meneja Uhusiano wa Wakala wa mabasi yaendayo haraka (DART) Bw.William Gatambi  wakati wa mkutano na waandishi wa habari leo jijini Dar es salaam.

    Gatambi alisema kuwa mara baada ya kukamilika kwa miundo mbinu ya mradi huo awamu ya kwanza mwishoni mwa mwaka 2014 itasadia kufanikisha usafiri wenye tija kwa wakazi wa jiji la Dar es salaam na vitongoji vyake. Miundombinu hiyo, inajumuisha barabara ya kilomita 20.9 kuanzia Kimara Mwisho hadi Kivukoni,Barabara ya Kawawa kutoka Morocco hadi Magomeni na Barabara ya Msimbazi hadi eneo la Gerezani Kariakoo.

     Aliongeza kuwa ina vituo vidogo 27,vituo vikuu vitano, vituo mlisho vine na karakana mbili. Pia inajumuisha njia za waenda kwa miguu na baiskeli. Akifafanua Gatambi alisema mradi wa majaribio utaanza na mabasi 20 yatakayokuwa na uwezo wa kuchukua abiria kati ya 145 hadi 160 kwa wakati mmoja hali itakayosaidia kuondoa kabisa kadhia ya usafiri kwa wakazi wa jiji la Dar es salaam.

    Aidha, katika mradi huo wa majaribio Gatambi amesema kutakuwa na mabasi mengine 10 yenye uwezo wa kuchukua abiria kati ya 50 na 60 ambayo yatatumika kuchukua abiria kutoka pembezoni mwa jiji la Dar es salaam kuja katika vituo vikuu vya mabasi yaendayo Haraka. 

    Kwa upande wakeMeneja Usimamizi wa Barabara wa DART Mhandisi Mohamed Kuganda amesema mradi huo utasaidia kuondoa tatizo la foleni Jijini Dar es salaam na kuwafanya wananchi kupata huduma ya usafiri yenye kukidhi viwango vya Kimataifa.

    Pia Kuganda alisema DART kwa kushirikiana na Halmashauri za Jiji la Dar es salaam inafanya maandalizi ya kuboresha barabara mlisho (feeder roads) katika maeneo yatakayotumiwa na mabasi mlisho.


    Katika mradi wa mabasi yaendayo haraka kutakuwa na Vituo Vikuu (terminals) vitano 5 katika, maeneo ya Kimara, Ubungo, Morocco, Kariakoo na Kivukoni ambapo vituo hivi ndiko mabasi yatakapokuwa yanaanzia na kumalizia safari kubadilishana abiria kati ya njia kuu na njia mlisho (feeder roads) ambapo vituo hivyo vikubwa vinatoa nafasi ya kuweza kuanzishwa kwa huduma muhimu kwenye vituo hivyo kama maeneo ya kukatia tiketi na vyoo.


    Mwisho


    0 0
    0 0
  • 05/05/14--13:08: SHIMO HATARI
  • Shimo hatari lililopo katika Barabara ya Ali Hassan Mwinyi jirani na Kituo cha ITV, Mwenge jijini Dar ambalo limekuwa kero kwa watumiaji wa barabara hiyo! Ungana na Global TV Online kushuhudia tukio hilo!

    0 0

    Mkurugenzi wa Shirika la Kutetea Haki za Wanawake na Wasichana la KIVULINI akitoa historia ya shirika la KIVULINI kwa wawakilishi wa mabaraza ya watoto mara baada ya kutembelea ofisi za shirika hilo hapo jana. KIVULINI ni shirika lisolo la kiserikali linalofanya shughuli za kupinga na kutetea Haki za Wanawake na Wasichana katika mikoa yote ya kanda ya ziwa pamoja na mkoa wa Singida tangu mwaka 1999.
    Afisa Utetezi na Mitandao ya Kijamii toka Shirika la KIVULINI Bi. Khadija Liganga akifafanua jinsi KIVULINI ilivyoweza kuliinua Shirika la Mtandao la Watoto la Jijini Mwanza (Mwanza Youth and Chidren Network) na kuweza kusimamia na kutetea Haki za Watoto katika jiji la Mwanza. 
    Picha ya Pamoja ya Maafisa wa Shirika la KIVULINI, Mkurugenzi na Afisa Mradi wa NELICO, Afisa Maendeleo jamii wa wilaya ya Geita, Muwakilishi wa Plan International pamoja na Wawakilishi wa Mabaraza ya watoto wilayani Geita mara baada ya kumaliza ziara ya Kimafunzo katika ofisi za shirika la KIVULINI.

    Shirika la watoto la New Light Children Center Organization (NELICO) la mkoani Geita kwa kushirikiana na Idara ya Maendeleo ya jamii Geita, limeambatana na wawakilishi 20 toka Mabaraza ya watoto ya kata kumi na moja (11) za wilaya ya Geita kwa ziara ya kimafunzo katika shirika la kutetea Haki za Wanawake na wasichana, KIVULINI la mkoani Mwanza.


    Ziara hiyo ya kimafunzo katika shirika la KIVULINI imefanyika hapo jana ikiwa na lengo la kujifunza namna KIVULINI ilivyosaidia Baraza la watoto Mwanza kuweza kuratibu na kutekeleza shughuli zake kikamilifu na kuwa imara zaidi.


    Akizungumza wakati wa ziara hiyo Mkurugenzi wa NELICO Bi. Paulina Alex alisema kwamba ziara hiyo imelenga kutoa mafunzo kwa mabaraza ya watoto wilayani Geita juu ya mbinu za kuratibu na kutekeleza miradi mbalimbali lakini pia kujua mafanikio na changamoto za shirika la KIVULINI katika kupiga vita ukatili dhidi ya wanawake na wasichana katika mikoa ya kanda ya ziwa.


    “Mabaraza ya watoto ya  Geita bado ni machanga sana na hivyo kufanya safari hii ya mafunzo kuwa ya muhimu sana. Katika safari hii wawakilishi wa mabaraza ya watoto wameweza kupata elimu kubwa kutoka KIVULINI na Baraza la watoto la Mwanza (Mwanza Youth and Children Network) ambalo ni zao la KIVULINI” alisema Bi. Paulina.


    Ziara hiyo pia ilikuwa na Bw. Maximillian Kitigwa amabe ni mwakilishi toka shirika la Plan International ambao ni wadau wakubwa wa watoto kwa mkoa wa Geita pamoja na Afisa Maendeleo ya jamii wa wilaya ya Geita Bi. Emma Busanji. Watoto hao pia watafanya ziara katika Mkoa wa Arusha kujionea juhudi za  wadau wa maendeleo katika mkoa huo katika kuwaokoa watoto dhidi ya kufanyishwa kazi hatarishi hasa katika sekta ya madini.


    Kivulini ni shirika lisilo la kiserikali la kutetea na kulinda Haki za Wanawake na Wasichana. Shirika la Kivulini linahamasisha jamii (Wanawake, Wanaume na Vijana) kulinda, kutetea Haki za Wanawake na Wasichana kwa kupinga vitendo vyote vya ukatili wa kijinsia. Makao makuu ya shirika yapo jijini Mwanza, Wilaya ya Ilemela, Tanzania. 




    0 0



    0 0

     
     Afisa mtendaji Mkuu Airtel Africa Christophe Soulet akikata utepe kuzindua duka la  Airtel  lililopo mlimani city  jijini Dar es Saalam.wakishuhidia,  wapili ni Andre Beyers Afisa mkuu wa masoko Airtel Afrika akiwa na meneja wa duka Wahida Saleh na Adriana Lyamba Mkurugenzi wa kitengo cha huduma kwa wateja Airtel Tanzania. 
     Afisa mtendaji Mkuu Airtel Africa Christophe Soulet na  Afisa mkuu wa masoko Airtel Afrika Andre Beyers wakiwa katika picha ya pamoja na wafanyakazi wa Airtel katika duka la mlimani City mara baada ya uzinduzi wa duka hilo baada ya kufanyiwa matengenezo na kuwa la kisasa zaidi
     Airtel yazindua duka la kisasa Mlimani City
    ·        Wateja sasa kufurahia huduma bora katika muonekano mpya na wakisasa
    ·        Sasa wateja kufaidika na bidhaa na huduma nyingi zaidi dukani hapo
    Airtel Tanzania mwishoni mwa wiki hii imezindua duka la Mlimani City baada ya kulifanyiwa  matengenezo na kulipatia sura ya kisasa zaidi. Uzinduzi huu ni kielelezo cha kampuni hiyo  kutoa huduma bora za simu kwa wateja wake.

     Akiongea wakati wa uzinduzi Christophe Soulet, Afisa Mtendaji Mkuu Africa alisema” Airtel tunaamini katika kutoa huduma bora za kisasa zinazoendana na mahitaji ya wateja wetu huku tukiwapa uzoefu wa pekee katika huduma zetu.  Mpango huu wa kuboresha maduka yetu unafanyika katika masoko yetu yote yaliyoko barani Afrika na Leo ninayofuraha kuzindua duka hili la kisasa lijulikanalo kama Express shop hapa nchini Tanzania. Duka hili la kisasa linathibitisha  dhamira yetu ya kutoa huduma bora Tanzania na Afrika kwa ujumla.

    Kwa upande wake Mkurugenzi mkuu wa Airtel Bwana Sunil Colaso  alisema” duka hilo ni la kwanza kuzinduliwa kwani tunabadilisha maduka yetu yote nchi nzima na kuyafanya yawe na mtazamo mpya na wa kisasa zaidi. Duka hili limetengenezwa na kuhakikisha mteja ataweza kupata huduma kwa haraka , kwa usalama bila usumbufu wowote.

    Aliongeza kwa kusema Airtel inapenda kuwahakikishia wateja kupata huduma bora wakati wote na pia kupata simu za aina mbalimbali ambazo zitapatikana katika duka hilo jipya la Mlimani City.

    Kwa kupitia mtandao wetu mpana ulionea zaidi tunawahakikishia wateja wetu huduma bora za kisasa, za uhakika jijini Dar es salaam.Duka la Mlimani City litaendelea kuuza bidhaa mbalimbali kama vile modem na simu za aina mbalimbali ,  wateja watapata huduma ya Airtel money kwa usalama zaidi , kuunganisha na huduma za simu za malipo ya mwenzi na ya awali , pamoja na huduma za internet na kuunganishwa na mtandao  na kuperuzi kwenye internet , kununua muda wa maongezi pamoja na huduma nyingine nyingi.

    Airtel Tanzania inaendele kuboresha huduma zake kwa wateja ambapo inaendele kuboresha maduka yake nchini nzima kwa mwaka huu wa 2014.  Mpango ni kuwafikiwa wateja wengi zaidi na kuboresha huduma zake kupitia maduka yake yote yaliyoko nchi nzima.

    0 0



    TATIZO = FURSA
    ukiijua hiyo hesabu vizuri maisha kwako yatakuwa bam bam

    Wasanii wengi kwa kipindi kirefu tumekuwa tunalalamika kuwa tunabaniwa
    kwenye MEDIA bila kuelewa kwa kifupi tu ukweli wa mambo.

    Kwa Uchunguzi nilioufanya kwa kipindi cha miaka mitatu hivi nimegundua
    haya, Watayarishaji au watangazaji wa vipindi kwa siku wanapokea zaidi
    ya nyimbo 30 kutoka kwenye studio mbalimbali hapa nchini, kwao inakuwa
    ni vigumu kucheza nyimbo zote kutokana either muda kuwa mdogo wa
    vipindi vyao au kuwa na request nyingi za nyimbo ambazo wamekuwa
    wanazicheza sana.   Swali likaja kwangu nyimbo au video ambazo hazichezwi na ni nzuri


    tufanye nazo nini ili na hawa wasanii wapate airtime?

    SULUHISHO LA TATIZO
    Baada ya kuliona tatizo nikapata idea ya kuzunguka kwanza Manispaa
    zote ILALA, KINONDONI na TEMEKE kuangalia usajili wa vituo vya
    bodaboda na bajaj zilizosajiriwa kwenye vituo ambazo pia wameweka
    radio ambazo zinatumia flash na memory cards,
    Huku nikapata idea ya kuanzisha KITAA RADIO FM ambayo itahusika na
    kuwasambazia watu hapa muziki ule ambao ulishindwa kupenya radioni
    muziki wa aina yeyote wa Kitanzania ambao mzuri kusikika na watu
    wakaupenda.

    Pili, kwenye upande upande wa video napo nikajiuliza ni mabus mangapi
    yaendayo mikoani ambayo ndani hutoa burudani ya movies , music video
    nk nikakuta ni zaidi ya mabus 2000 ,ambapo kwa siku kila bus
    linasafirisha si chini ya abiria 50.

    Huku nako nikapata idea ya kuanzisha BODA 2 BODA Television ambayo
    itakuwa inatoa burudani ya music videos zile tu zilizokosa kupewa
    Airtime kwa namna moja au nyingine

    Kwa kusema hayo machache napenda kusema KITAA RADIO FM na BODA 2 BODA
    TELEVISION imezinduliwa rasmi now chini ya kampuni ya SHOWBIZ DEFINED
    MEDIA Co LTD

    NB ; Huduma hii tutaitoa lakini kutakuwa na uchangiaji wa huduma kwa
    wale watakaokuwa tayari
    Aksanteni

    0 0


    0 0

    Meneja Uendesha kitengo cha Airtel Money Asupya Naligingwa akiongea wakati wa uzinduzi wa ofa itakayowawezesha wateja wa Airtel kupata LUKU Bonus kupitia huduma ya Airtel Money.

    ·         Wateja kupata bonus ya LUKU pale watakaponunua LUKU kupitia huduma ya Airtel money
    Dar es Salaam, Mei 5th 2014 Kampuni ya simu za mkononi ya Airtel leo imezindua ofa mpya itakayowawezesha wateja wake kupata LUKU Bonus kila wakati watakaponunua LUKU kupita huduma Airtel Money.  ofi hii ni mwendelezo wa dhamira ya Airtel katika kuhakikisha wateja wake wanapata huduma bora nchini.

    Akiongea kuhusu ofaa hii Meneja wa kitengo cha Airtel Money  Asupya Naligingwa alisema“ ofa hii imelenga katika kuwawezesha wateja kutumia huduma ya Airtel Money kununua Luku  kwa urahisi, usalama na  haraka zaidi.  Wateja wetu watapata LUKU unit s bonus zao hapohapo pale watakaponunua luku  kwa kupitia huduma ya Airtel Money, Bonus hii wataipata mara nyingi kwa kadri watakavyonunua LUKU kwa siku. Ofa hii inaendana na ulimwengu wa maisha ya kisasa kwani inaokoa muda na kurahisha kufanya manunuzi kwa urahisi mahali popote na wakati wowote.

    Natoa wito kwa wale ambao hawajawahi kutumia huduma hii wafanye sasa“ kwani tuanishi katika ulimwengu ambao kutunza muda ni muhimu sana”

    Nalingigwa aliongeza kwa kusema huduma hii ni kwa wateja wote wa Airtel nchi nzima  hakuna haja ya kujiunga au gharama yoyote kutozwa ili kufurahia  Bonus kwa manunuzi ya LUKU kupitia huduma ya Airtel Money

    “ili kupata huduma ya Airtel Money mteja anatakiwa kupiga *150*60#  na kuunganishawa na orodha ya Airtel Money itakayokuwezesha kufanya miamala mbalimbali ikiwemo kununua LUKU


    Airtel Tanzania inatoa huduma ya fedha kwa njia ya huduma ya Airtel Money ambapo imekuwa msaada mkubwa katika maisha ya watanzania.  Jitihada  za kuwezesha upatikanaji wa huduma za Airtel Money nchini umeendelea kuwa wa mafanikia  ambapo  Airtel imeweza kuwa na mawakala wa Airtel Monye zaidi ya 35,000 nchin nzima na kuwezesha upatikanaji wa huduma za kifedha na manunuzi ya bidhaa mbalimbali kuwa rahisis na ufanisi zaidi.  Huduma hii imekuja kwa wakati muafaka hivyo napenda kuwahamasisha wateja kuendelea kufurahia huduma hii ya Airtel Money”.aliongeza Naligingwa

    Huduma ya Airtel Money inawawezesha wateja wake kufanya malipo ya ankra za bidhaa na huduma kama vile . DAWASCO, LUKU, USA visa, DSTV,  pamoja na kununua muda wa maongezi, kununua vifurushi vya yatosha , kutuma na kupokea  pesa kwa nusu gharama na Bure kupitia vifurushi vya bure pack  pamoja na huduma nyingine nyingi

    0 0

    Spika wa Bunge,Mh. Anne Makinda na watendaji wa Bunge la Jamhuri ya Muungano wa Tanzania. Wakiimba wimbo wa Taifa kabla ya shughuli za Bunge kuanza leo mei 6, 2014.
    Mbunge Mpya wa Jimbo la Kalenga,Mh. Godfrey Mgimwa akisindikizwa na wabunge wa CCM kuingia Bungeni mjini Dodoma leo Mei 2014.
    Mbunge Mpya wa Jimbo la Kalenga,Mh. Godfrey Mgimwa akila kiapo Bungeni mjini Dodoma leo Mei 6, 2014.
    Mbunge Mpya wa Jimbo la Chalinze,Mh. Ridhiwani Kikwete akisindikizwa na wabunge wa CCM kuingia kwenye Ukumbu wa Bunge Mjini Dodoma, leo Mei 6, 2014
    Mbunge Mpya wa Jimbo la Chalinze,Mh. Ridhiwani Kikwete akila kiapo Bungeni Mjini Dodoma,leo Mei 6, 2014.
    Waziri Mkuu,Mh. Mizengo Pinda akimpongeza Mbunge Mpya wa Chalinze,Ridhiwani Kikwete baada ya kuapishwa, Bungeni Mjini Dodoma leo Mei 6, 2014.
    Waziri wa Nchi,Sera na Uratibu wa Bunge,Mh. William Lukuvi akimpongeza Mbunge Mpya wa Chalinze,Ridhiwani Kikwete baada ya kuapishwa, Bungeni Mjini Dodoma leo Mei 6, 2014.
    Mke wa Rais,Mama Salma Kikwete akiwa Bungeni Mjini Dodoma Mei 6,2014 wakati mwanae,Ridhiwani Kikwete alipoapishwa . Kulia kwake ni Mkuu wa Mkoa wa Dodoma, Dr. Rehema nchimbi.
    Mke wa Rais,Mama Salma Kikwete na familia wakiwa Bungeni Mjini Dodoma leo Mei 6,2014 wakati mwanae,Ridhiwani Kikwete alipoapishwa . Kulia kwake ni Mkuu wa Mkoa wa Dodoma , Dr. Rehema Nchimbi.(Picha na Ofisi ya Waziri Mkuu) 

older | 1 | .... | 280 | 281 | (Page 282) | 283 | 284 | .... | 1897 | newer