Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 235 | 236 | (Page 237) | 238 | 239 | .... | 1898 | newer

    0 0


    0 0

     Mgombea ubunge Jimbo la Kalenga kupitia CCM, Godfrey Mgimwa (32), akiwapungia wananchi huku akiwa amebebwa alipowasili kwenye mkutano wa kampeni katika Kijiji cha Mangalali,  Kata ya Ulanda, Iringa Vijijini leo mchana.
     Naibu Katibu Mkuu wa CCM, Mwigulu Nchemba akiongoza msafara wa mgombea ubunge wa Jimbo la Kalenga, Godfrey Mgimwa aliyebebwa walipowasili kwenye mkutano wa kampeni katika Kijiji cha Mangalali.
     Mgimwa akiungana na wanakijiji kucheza ngoma ya asili ya kabila la Wahehe alipowasili kwenye mkutano wa kampeni katika Kijiji cha Kibebe, Kata ya Ulanda mchana leo.
     Naibu Katibu Mkuu wa CCM, Nchemba (kulia), Mwenyekiti wa CCM Mkoa wa Iringa, Joyce Msamba tavangu (katikati) na mgombea ubunge kupitia CCM, Mgimwa wakicheza walipofika kwenye kampeni katika Kijiji cha Kibebe.PICHA ZOTE NA KAMANDA WA MATUKIO BLOG
     Vijana wakimkaribisha kwa kucheza kijana mwenzao Godfrey Mgimwa katika mkutano huo wa kampeni
                                                                           Nani zaidi?
     Mama mkazi wa Kijiji cha Kibebe, Venanzila Kihaga akiwa ameshika kipeperushi cha Mgombea Ubunge Jimbo la Kalenga, Godfrey Mgimwa, alipoteuliwa na wanakijiji kumuombea kimila Mgimwa ashinde uchaguzi huo utakaofanyika Machi 16, mwaka huu.
     Mchungaji wa Kanisa la Kiinjili la Kilutheri Tanzania Usharika wa Kalenga Tosamaganga,Kisabugo Mkemwa akitoa mahubiri ya kumuombea Mgimwa (kushoto) ili ashinde uchaguzi huo. Katikati ni Naibu Katibu Mkuu wa CCM, Nchemba.
     Mjumbe wa Mkutano Mkuu wa CCM Wilaya ya Iringa, Aloyce Mgongolwa akisikiliza kwa makini wakati Nchemba akihutubia katika mkutano huo wa kampeni katika Kijiji cha Kibebe.
     Balozi wa CCM Tawi la Kibebebe, Julius Kihaga akiwa makini kusikiliza hotuba ya Mgimwa
     Ofisa Mwandamizi wa Mawasiliano wa Chama Cha Mapinduzi (CCM),  Gabriel Athuman akinywa maji ya kisima ambayo aliyasifia kuwa ni matamu wakati wa mkutano wa Kampeni za CCM Jimbo la Kalenga katika Kijiji cha Kibebe
     Akina mama wakisikiliza kwa makini wakati Mgimwa akijinaji katika mkutano wa kampeni katika Kijiji cha Kibebe leo mchana.
     Mwenyekiti wa CCM Mkoa wa Iringa, Joyce Msambatavangu akimnadi mgombea ubunge Jimbo la Kalenga, Mgimwa.
    Aliyewahi kuwa Mgombea ubunge Jimbo la Mbozi Mashariki kupitia Chadema,  na Ofisa wa Chadema Makao Makuu, Mwampamba akielezea jinsi alivyoamua kujiondoa kwenye chama hicho bhaada ya kufanyiwa mabaya na uongozi wa Chadema ambacho alidai hakifai wananchi kujiunga nacho.PICHA ZOTE NA KAMANDA WA MATUKIO BLOG

    0 0

     Meneja Kampeni wa Chama cha Deokrasia na Maendeleo (CHADEMA), kwenye uchaguzi mdogo wa Jimbo la Kalenga, Alphonse Mawazo, akicheza ngoma ya jamii ya kimasai baada ya kufanya kampeni ya nyumba kwa nyumba kumnadi mgombea ubunge wa chama hicho, Grace Tendega Mvanda

     Mgombea Ubunge wa Chama cha Demokrasia na Maendeleo (CHADEMA) katika uchaguzi mdogo Jimbo la Kalenga, Grace Tendega Mvanda, akizungumza kuomba kura wakati chama hicho kilipofanya kampeni ya nyumba kwa nyumba na mtu kwa mtu katika Kijiji cha Mfyome
     Mgombea ubunge wa Chama cha Demokrasia na Maendeleo (CHADEMA), katika uchaguzi mdogo wa Jimbo la Kalenga, Bi. Grace Tendega Mvanda akishiriki chakula cha kimila pamoja na watu wa jamii ya kimasai katika Kijiji cha Mfyome jana asubuhi baada ya msafara wa mgombea huyo kufika kijijini hapo kufanya kampeni za nyumba kwa nyumba.
    Mzee wa Mila wa Kimasai katika Kijiji cha Mfyome, Lioper Ilmuduji, akimpatia baraka mgombea ubunge wa CHADEMA katika uchaguzi mdogo wa Jimbo la Kalenga, Bi. Grace Tendega Mvanda, wakati chama hicho kilipofanya kampeni ya nyumba kwa nyumba kuomba kura kwa wananchi katika kijiji hicho.PICHA NA KURUGENZI YA HABARI CHADEMA

    0 0

    Mtangazaji wa Channel  Salumu Mkambala, akipelekwa Theatre katika Hospitali ya Tumbi, Kibaha, Pwani.
    Msanii wa kundi la Mizengwe, Hemed Maliyaga (wa kwanza kulia) akisaidiana na ndugu pamoja na mke wa Mkambala (wa tatu kushoto) kumpeleka mgonjwa Theatre.
    ...Mkambala akiingizwa Theatre.

    STORI: DEOGRATIUS MONGELA
    Baada ya Mtangazaji wa Channel  Salumu Mkambala kupata ajali na kugongana na lori akiwa safarini kuelekea Morogoro sababu za ajali hiyo zimetajwa.

    Akizungumza na  mwandishi  wetu Hospitali ya Tumbi Kibaha, Pwani mdogo wa mtangazaji huyo, Ramadhani Mkambala alisema kaka yake alikuwa akielekea Morogoro na alipofika maeneo ya Vigwaza aligongana na lori alfajiri saa 10. 30  akiwa yeye na mtu mmoja aliyempa lifti.

    Hata hivyo, chanzo cha ajali hiyo kilitajwa na Ramadhani kuwa ni kutokana na barabara ya eneo hilo kuwa na mashimo mengi hali iliyosababisha gari la kaka yake kuhama upande wake na kulivamia lori.

    “Tulipopata taarifa tulishtuka sana lakini tunashukuru Mungu kuona kaka yangu yupo hai na amepata matibabu hapa Hospital ya Tumbi japokuwa ameumia mikononi na miguu na kuwekewa bendeji ngumu (POP) lakini tuna matumaini atapona na kuendelea na majukumu yake,” alisema Ramadhani.
    HABARI KWA HISANI YA GPL

    0 0

    Mtuhumiwa wa wizi baada ya kupewa kichapo na wananchi, hapa ni kabla hajauawa.
    Wananchi wakiwa wamemzunguka mtuhumiwa huyo wa wizi huku akiendelea kupigwa.Picha/habari na Eddy Blog Team.
    =====
    Wananchi wenye hasira katika kata ya Tandala wilayani Makete mkoa wa Njombe wameamua kujichukulia sheria mkononi, kwa kumpiga hadi kumuua kinyama mtuhumiwa wa wizi ambaye walimkamata kwa madai kuwa ni mwizi wa mifugo.

    Tukio hilo limetokea jana majira ya saa 11 jioni ambapo kwa mujibu wa mashuhuda wa tukio hilo ambao walikataa kutaja majina yao wala kupigwa picha, wamesema mtuhumiwa huyo amekamatwa katika kijiji cha Idege, ambapo kwa madai yao walimkamata na vithibitisho ambavyo ni kamba za kufungia mifugo (ng'ombe na mbuzi)

    Wamesema wamechoshwa na vitendo vya wizi katika kata yao na wilaya kwa ujumla na kusema kuwa mtuhumiwa huyo amekuwa na madai ya kuiba mifugo ya watu ambayo ni ng'ombe na mbuzi, katika maeneo ya Tandala, Ibaga, na huko Idege ambapo ndipo alipokuwa akiishi, hivyo vitendo hivyo vimewachosha

    Mwandishi wa eddy blog alipouliza kama wanauhakika kuwa mtuhumiwa huyo ndiye mwizi wa mifugo walisema ndiyo, lakini hawakutaka kuithibitisha tuhuma hiyo, na kusema ili iwe fundisho kwa wengine watawaua watuhumiwa wote wa wizi watakaowakamata!

    "Dawa itakuwa hii, tumechoka kuibiwa, kila mwizi tutakayemkamata dawa itakuwa hii" walisema wananchi hao kwa jazba.Mtandao huu ulishuhudia wananchi hao wakimpa kipigo cha mbwa mwizi mtuhumiwa huyo kwa mateke, fimbo, na mawe jambo lililompelekea mtuhumiwa huyo kufariki dunia baada ya kuvuja damu nyingi

    Mtuhumiwa huyo wakati akiendelea kupigwa kulikuwepo na kamba anazotuhumiwa kuwa ni za kufungia mifugo anayoiiba, nguo, begi na mablanketi pamoja na unga

    Baada ya taarifa za mauaji hayo kufikishwa kituo cha polisi Makete, polisi walifika eneo hilo na kuuchukua mwili wa marehemu ambao ulionekana kujeruhiwa zaidi sehemu ya kichwa, na kusema taarifa zaidi zitatolewa

    Endelea kufuatilia Eddy Blog kupata taarifa ya kipolisi kuhusu mauaji hayo ya kinyama, kama wapo waliokamatwa kuhusika na tukio hilo na mengine mengi

    0 0
  • 03/02/14--10:51: Kumbukumbu ya Baba Nelson!
  • Rabbiel Daniel Swai (7/3/1941 – 3/3/1997)

    Ni miaka kumi na saba (17) ya majonzi na huzuni imepita, tangu ulipo tutoka gafla katika maisha ya duniani, siku ya Jumatatu na tarehe kama hii 3 March 1997.


    Kama wakristo tunaamini, maisha ni safari na mungu ndiye aliyeamua kuwa wewe upumzike mapema.  Pamoja na kuwa umetutoka kimwili, ki roho bado uko nasi.


    Unakumbukwa sana na mkeo mpendwa wako Elly Rabbiel Swai,  watoto wako  wapendwa Doris, Nelson, Clemence, Frank na Edward. Wakwe zako  Aikael , Gloria na Tutu.


    Wajukuu zako Bradley, Dryden, Deryne, Desmond, Donavan na Ellie Reney bila kuwasahau dada yako Elly Ndosi , ndugu zako wote, jamaa na marafiki wote waliokupenda kwa moyo.

    Hakika tunakukumbuka kwa mema mengi  uliyotuachia, haswa upendo wa dhati kwa wote, tukiamini ndio taa itumulikayo katika maisha yetu.


    Tunamshukuru mungu kwa zawadi ya maisha yako, na kwa miaka mingi ya Baraka tuliyo kuwa pamoja hapa duniani. Tunakuombea mungu baba akupe mapumziko mema  mpaka pale tutakapo kutana tena.

    Tunakumbuka faraja tunayoipata katika Zaburi ya 123.


    Amen.


    0 0


    Aliyekuwa Mwenyekiti wa Chadema kata ya Nzihi akijitambulisha Rasmi kwa Wananchi wa Kijiji cha Nzihi kuwa yeye  
    ameamua kuachana na Chadema na Kujiunga na CCM kwa hiari yake baada ya kupima Uwezo wa Chadema na CCM kwenye Hoja na Matendo.Mwanachama huyu Mpya wa CCM ameahidi kuongoza timu ya Ushindi kwenye Kata ya Nzihi kuhakikisha Godfrey Mgimwa napita kuwa Mbunge.
    Pia amesema ataiweka wazi mipango ya Chadema na Watu wageni wa Chadema waliokodishwa na Kupangishwa Nyumba kata ya Nzi wanaotembea Usiku kwaajili ya Kutafuta kura na kushambulia Wanoaunga mkono CCM kwenye kata ya Nzihi.Aliyekuwa Mwanachama wa Chadema kutoka kijiji cha Kamiyu na Katibu Mwenezi wa Chadema kata ya Kamiyu akitangaza kuachana na Chadema na Kujiunga na CCM hii leo kwenye Mkutano wa hadhara uliofanyika Kijiji cha Nzihi

    0 0

     Pikipiki tisa na Baiskeli themanini na sita zilizotolewa na Mbunge wa Kibaha Kijijini Ndugu Hamoud A. Jumaa kwa Makatibu kata na viongozi wa mashina wa Kibaha Kijijini.
    Mwenyekiti wa CCM Mkoa wa Pwani Ndugu Mwishehe Shaban Mlawa akimuambia Katibu Mkuu wa CCM Ndugu Abdulrahman Kinana waanze safari kwa pikipiki mpya zilizotolewa na Mbunge wa Kibaha Kijijini Ndugu Hamoud A.Jumaa kwa Makatibu kata na wajumbe wa mashina 86 kwenye viwanja vya shule ya msingi Mtongani.
     Katibu Mkuu wa CCM Ndugu Abdulrahman Kinana akihutubia wakazi wa Kibaha Kijijini kwenye viwanja vya Shule ya Msingi Mtongani ambapo aliwaambia moja ya kazi kubwa ya viongozi wa CCM ni kutekeleza yale walioahidi kwa wananchi.
     Wanachama wapya wakila kiapo baada ya kukabidhiwa kadi za uanachama wa CCM kwenye mkutano wa hadhara uliofanyika kwenye viwanja vya shule ya msingi Mtongani ambapo mgeni wa Heshima alikuwa Katibu Mkuu wa CCM Ndugu Abdulrahman Kinana.
     Hamis Rashidi akirudisha kadi na makabrasha ya CUF kwa Katibu Mkuu wa CCM Ndugu Abdulrahman Kinana na kujiunga na CCM kwenye mkutano wa hadhara uliofanyika kwenye viwanja vya shule ya Msingi Mtongani Kibaha Kijijini.
     Mbunge wa Kibaha Kijijini Ndugu Hamoud A. Jumaa akihutubia wakazi wa Kibaha Kijijini na kuwaambia mafanikio waliyoyapata ikiwa pamoja na kufungua ofisi ya kisasa ya Mbunge kugawa pikipiki tisa na baiskeli themanini na sita kwa makatibu kata na mabalozi wa shina.
     Isha Mashauzi akitumbuiza wakazi wa Kibaha Kijijini  wakati wa mkutano wa hadhara ambao Katibu Mkuu wa CCM alikuwa mgeni wa Heshima.

     Viongozi wa CCM wilaya ya Kibaha wakicheza rusha roho wakati wa mkutano wa hadhara uliofanyika kwenye viwanja vya shule ya msingi Mtongani.
     Suleiman Jabir maarufu kama Msagasumu akiburudisha umati uliofurika kwenye mkutano wa hadhara wa CCM uliofanyika kwenye viwanja vya shule ya msingi Mtongani Kibaha Kijijini.

    0 0


     KILA SIKU WANAKUJA NA MAMBO TOFAUTI NA MAKUBWA ZAIDI.WALE MABINGWA WA COSMETICS ORIGINAL KABISA KUTOKA MAREKANI, @AK CLASSIC COSMETICS  WAMEWASHUSHIA TENA MZIGO MPYAA KABISA!!  KUANZIA PRODUCTs ZA KUPUNGUA, MAKE UPS,PRODUCTs ZA KUNG'ARISHA NGOZI ,DAWA ZA KUONDOA STRETCH MARKS, BODY SHAPERs,..NA BIDHAAA ZINGINE LUKUKI MUPYAAAAAA!!EM TUONGOZANE HAPA..

     KWA MAELEZO YA KINA NA PICHA ZAIDI WATEMBELEE BLOGUNI www.akclassic.blogspot.com
     KUWEKA ODA NA KUFIKISHIWA BIDHAA MPAKA ULIPO PIGA  0753-482909/0713-468393.
    WAPO KINONDONI KWA MANYANYA NA SINZA KUMEKUCHA.

    KARIBUNI SANA.

    0 0


    Chama cha Alliance For Change and Transparency Mkoa wa Kigoma,kimeshusha Bendera ya Chama cha Demokrasia na Maendeleo CHADEMA tawi la Ujiji  stendi ya zamani na kupandisha bendera ya (ACT) wakati wa uzinduzi rasmi wa matawi sita katika manispaa ya kigoma ujiji .

     Akizungumza na wananchi wa eneo hilo, Katibu wa ACT Mkoa Athuman Kabogo alidai lengo la kushusha bendera hiyo ni hatua ya kukataa kugeuzwa kuwa vibaraka wa watu wengine kwa kukosa haki ya kuhoji na kuwania nyadhifa za chama hicho na hivyo  kuanzisha  ACT kama chama cha  wanyonge kinachoweza kuwasikiliza na kutoa haki kwa kila mmoja.

     Kabogo aliwataka wanachama wahitaji, wachukue kadi za ACT ili chama kipate usajili kamili kwa mujibu wa sheria,kanuni na taratibu husika pamoja na kutoa michango endelevu ,ikiwa ni jitihada za makusudi kuhakikisha chama kinasonga mbele kwa maslahi ya Taifa.

     “Wananchi nyie ni chachu ya chama kuwepo kwenye mchakato wa uchaguzi mdogo wa wenyeviti wa serikali za mitaa kwa kukiamini  na kukipatia ridhaa kiweze kuleta mabadiliko ya kimaendeleo” alisema Juma Ramadhan aliyekuwa katibu kampeni wa CUF kigoma.

     Kwa upande wa Katibu ACT Kanda Magharibi Wiston Moga alisema, lengo la chama ni kuleta mabadiliko kwenye ulingo wa siasa,ambapo wao wamedhamiria kutetea maslahi  ya umma kwa lengo la kuondoa mfumo wa maslahi binafsi ambayo ni chachu ya vyama vya siasa kushindwa kuleta mabadiliko chanya kwa wananchi.

     Katika ziara hiyo ya uzinduzi wa matawi ya chama husika,ACT kimefanikiwa kufungua matawi kwenye kata sita kati ya kata 19 zilizopo katika manispaa ya kigoma ujiji,huku baadhi ya viongozi kutoka UPD,CHADEMA na CUF wakijiunga na chama hicho.kwa kudai wanahitaji chama chenye uchungu na kukabiliana na changamoto za wanyonge.

     Hata hivyo  wanachama 3500 wa chama cha Democrasia na Maendeleo Chadema katika tawi la Ujiji mkoani Kigoma wamehamia chama kipya cha Alliance For Change and Transparency (ACT).
     

     Na Magreth Magosso, Kigoma

    0 0
  • 03/02/14--20:12: Article 13


  • 0 0

    BARAZA la Sanaa la Taifa (BASATA)  mwishoni mwa wiki iliyopita lilikabidhi kibali kupitia Katibu Mtendaji wa baraza hilo, Godfrey Mngereza kwa ajili ya uendeshaji wa Tamasha la Pasaka linaloandaliwa na  Kampuni ya Msama Promotions  ya jijini Dar es Salaam. 


    Tamasha hilo ni muendelezo wa Tamasha la Pasaka lililoasisiwa tangu mwaka 2000 likiwa na lengo la kumtukuza na kumtumikia Mungu kupitia nyimbo mbalimbali za waimbaji wa Tanzania na nje ya nchi.


    Akizungumzia juu ya kupata kibali hicho,Mratibu wa tamasha hilo ambaye  pia ni mjumbe wa BASATA,Bwan Alex Msama,  alisema kuwa kibali kilitolewa wiki iliyopita kwa ajili ya tamasha hilo linalotarajiwa kufanyika Aprili 20, jijini Dar es Salaam kabla ya kuhamia katika mikoa nane itakayochaguliwa kufanyika kwa tamasha hilo kupitia mfumo wa upigaji kura kupitia ujumbe mfupi wa maandishi.


    Msama alisema taratibu za maandalizi ya tamasha hilo zinaendelea ikiwa ni pamoja na waimbaji kupigiwa kura na kufanya mazungumzo na wale watakaoshinda kwa kupigiwa kura nyingi ndio watakaotumbuiza na pia kupata mahali litakapofanyika.


    “Maandalizi kwa ujumla yanaendelea vizuri kabisa, kibali kimepatikana kinachoendelea sasa ni kwamba tumewapa nafasi watanzania wenyewe wachague mgeni rasmi na waimbaji wataoimba katika tamasha la mwaka huu, kwa mgeni rasmi tunaomba waendelee kupiga kura kwa wingi ili kuchagua mahitaji hayo,” alisema Msama.


    Msama amendelea kuwakumbusha watanzania namna ya kuwapigia kura waimbaji, mgeni rasmi na mikoa ambako ukitaka kumpigia mwimbaji andika pasaka acha nafsi kisha andika jina la mwimbaji unatuma kwenda namba 15327.



    Pia kwa mgeni rasmi  andika neno pasaka acha nafasi kisha andika jina la mgeni rasmi unayetaka kumpigia kura tuma kwenda 15327, wakati mikoa unaandika pasaka acha nafasi jina la mkoa unaotaka kuupigia kura tuma kwenda namba 15327 piga kura uwezavyo ili upate mwimbaji na mgeni rasmi na mkoa unaopenda tamasha lifanyike.


    0 0

     Wakati Watanzania, katika miaka ya karibuni wamekuwa wakijitahidi kuboresha maisha yao hususan katika suala zima la ujenzi wa nyumba zilizo bora na za kisasa, upande wa pili wa harakati hizi umekuwa ni wa changamoto nyingi ambazo zimekuwa zikiwakabili wananchi katika kuzifikia ndoto zao hizo, hasa kwa upande wa gharama za vifaa vya kufanikisha ujenzi huo, lakini pale ambapo wameweza kujitahidi kuweza kufikia gharama hizo.




    Katikati ya sintofahamu hii, kumekuwa na Watanzania ambao wamekuwa wakijitahidi kuwaza ni namna gani wataweza kuwasaidia wananchi wenzao katika kukabiliana na changamoto hizo, ambapo miongoni mwao ni wamiliki wa kampuni ya Mega Woodcraft Products (T) Ltd, kampuni ambayo imelenga kuleta mapinduzi makubwa katika sekta ya ujenzi nchini kwa kutambulisha mfumo wa kisasa wa ujenzi.

    Kifupi, Mega Panel, ni Mega Panel ni polystyrene (EPS) iliyoimarishwa kwa wavu wa chuma cha pua uliopakwa zinc na kuunganishwa kwa nguvu ya umeme ili kuwa kiini cha mkingiko wa waya zilizopenyeza kwenye polystyrene ambapo polystyrene iliyochomekwa katikati ya wavu wa chuma cha pua huzuia moto na umeme na ingawa panel hii ni nyepesi ina sifa ya kuifanya iwe kifaa cha ujenzi imara na kinachodumu. 

    Inaweza kufungwa na kujengwa haraka na ni imara kuliko matofali au matofali yenye uwazi.Mfumo huu wa ujenzi ilianza Marekani, licha ya kuwa kitu kigeni nchini, lakini umeshatumika katika nchi kadhaa na kuonyesha mafanikio makubwa nchi kama Japan, China ,Korea, Afrika Kusini, Msumbiju, Botswana na ata majirani zetu Kenya wanatumia mfumo huu wa ujenzi ,

    Manufaa ya ujezi huu ni ujenzi mwepesi na rahisi, hutumia asilimia hamsini (50%) tu ya ujenzi ukilinganisha na ujenzi wamatofali, hupunguza asilimia thelathini (30%) ya saruji , hupunguza gharama za usafirishaji na unajenzi (installation cost), haitaji msingi mkubwa kwa sababu Mega Panels ni nyepesi sana ukilinganisha na matofali hivyo ni rahisi kuongezea gorofa (Vertical extension),  kutoka kwenye nyumba ya chini ni rahisi kujengea maumbo maalum (design configuration), imara sana kutonana na wavu wa chuma cha pua (wire mesh reinforcement), hupunguza joto kwa asilimia ishirini(20%) kutokana na polystyrene, pamoja na mambo yote hayo  mfumo huu ni rafiki wa ikolojia.


    Aidha, paneli hizi ambazo zinapatikana katika ukubwa wa aina mbalimbali kwanzia ukuta wa nje (load bearing wall) ukuta wa ndani (pattion wall) dari (roof panels/ slab panels) kwa ukubwa wa 1.2 mtrs X 2.8 mtrs), zimethibitika kuwa pia na uwezo wa kuhami bamba, ukuta na hata paa, pale zilikotumika, huku pia zikiwa na uwezo wa kuhami sauti, kuhami msingi na vitu vingine vingi. 

    Ili kujua zaidi kuhusu mfumo huu, wasiliana na Mega Panels kupitia tovuti yao www.mega.co.tz , ikiwa ni pamoja na mbinu za ujenzi wake nk. na ikiwa bado una maswali zaidi, unaweza kuwatembelea Mega Woodcraft Products (T) Ltd ofisini kwao, mtaa wa Bungoni, kiwanja namba 508, au kwa barua pepe jonathan@mega.co.tz Tel: 0787 621 918.

    0 0



    0 0

    Waziri wa Nchi, Ofisi ya Rais Menejimenti ya Utumishi wa Umma Mh. Celina O. Kombani (Mb) katikati akiongea katika kipindi cha Jambo Tanzania kuhusu Mashirikiano katika Utumishi wa Umma katika miaka 50 ya Muungano wa Tanzania, kulia ni Mh. James Mbatia, kushoto ni Mtangazaji wa TBC Shaban Kissu.

    0 0

    Moja kati ya msanii anayefanya muziki wa bongo fleva Edson Wilison a.k.a Baby boy ambaye alipotea kwenye game ya muziki,sasa amerudi kwa kishindo kikali.
    Baby boy ambaye alipotea kwa kipindi kirefu, zaidi ya miaka miwili kwenye muziki sasa amerudi na ngoma yake mpya inayokwenda kwa jina la Funga Mkanda aliyofanya chini ya studio iliyopo maeneo ya sinza lego jijini dar es salaam inaoitwa Flexible music.

    Ngoma hiyo ambayo Baby Boy akiwa amemshirikisha Barnaba boy na  msanii anayeitwa Shazy Melody,ambaye yupo lebo chini ya Flexible Entertainment ikiwa imetengenezwa na  mtayarishaji Basmart  the next hit  wa studio hiyo.
    Baby Boy akizungumza kuhusu ujio wake mpya ameeleza kuwa unampa matumaini sana na kuwaomba mashabiki wake wampokee vizuri maana ndiyo amerudi kwa nguvu zote.
    “Hii ni ngoma yangu mpya ambayo nimefanya na Barnaba Boy na Shazy Melody na wimbo wangu unaitwa Funga Mkanda ambayo natarajia kuiachia siku yangu ya birthday yaani siku yangu ya kuzaliwa alhamisi ya tarehe 6 mwezi huu” Baby Boy alisema.
    Pia aliongeza kuwa ujio wake huo hautaweza kumfanya arudi nyuma tena kwenye muziki na alifafanua kuhusu ngoma hiyo
    “Aaah ni ngoma ambayo naelezea jinsi gani nimerudi maana najua mashabiki zangu walikuwa na hamu na mimi kwa kipindi kirefu sana kama mtu aliyekuwa na kiu jangwani”Aliongeza Baby Boy.

    0 0


    Mwakilishi wa Tanzania katika mkutano huo Ndg. Phares Magesa ambaye pia Ni Mkurugenzi wa ICT wa TPA akitoa mada katika mkutano huo unaondelea Brussels kwa kuratibiwa na Umoja wa Ulaya(EU )

    0 0


    Mwenyekiti wa Muda wa Bunge Maalum la Katiba Mh. Pandu Ameir Kifichoakisalimiana na baadhi ya wajumbe wa Bunge Maalum la Katiba alipowasili katika ukumbi wa Bunge leo Mjini Dodoma kushoto kwake ni Bw. Mohamed Mbwana, katikati ni Rufai said Rufai na Kulia kwa Mwenyekiti ni Bw. Heri Khatibu.
    Mjumbe wa Bunge la Katiba na Waziri wa Nchi Ofisi ya Waziri Mkuu Tawala za Mikoa na Serikali za Mitaa Hawa Ghasia na Naibu Waziri Wizara ya Uchukuzi Charles Tizeba wakiwasili katika ukumbi wa Bunge leo Mjini Dodoma.
    Mjumbe wa Bunge la Katiba na Waziri wa Nchi Ofisi ya Waziri Mkuu Tawala za Mikoa na Serikali za Mitaa Hawa Ghasia akitoa mapendekezo juu ya taratibu za kupiga kura katika kufanya marekesho ya kanuni zitakazotumika katika Bunge Maalum la Katiba, wakati wa Semina ya Kujadili kanuni zaitakazoongoza Bunge Maalum la Katiba leo Mjini Dodoma.
    Waziri Mkuu wa Jamhuri ya Muungano wa Tanzania Mizengo Pinda akiwaeleza jambo Waziri wa Fedha Saada Salum Mkuya (katikati) na Makamu wa Pili wa Rais, Zanzibar Balozi Seif Ally Iddi(Kushoto). Wakati wa Semina ya Kujadili kanuni zaitakazoongoza Bunge Maalum la Katiba leo Mjini Dodoma.Kushoto ni
    Mjumbe wa Bunge Maalum la Katiba ambaye ni Mwenyekiti wa Chama Cha Wananchi (CUF) Profesa Ibrahim Lipumba akitoa mapendekezo yake kuhusu taratibu za upigaji kura unaoangalia maridhiano ya misingi ya kidemokrasia .Kulia ni Waziri Nchi, Ofisi ya Rais, Kazi Maalum Prof. Mark Mwandosya na mbele niMbunge wa Jimbo la Monduli, Edward Lowassa.wakati wa Semina ya Kujadili kanuni zaitakazoongoza Bunge Maalum la Katiba leo Mjini Dodoma. (PICHA NA HASSAN SILAYO-MAELEZO)

    0 0

     Maafisa ufuatiliaji wa TASAF wakiwa katika picha ya pamoja na Mkurugenzi Mtendaji wa TASAF Ladislaus Mwamanga (aliyeketi katikati) baada ya kufungua semina elekezi jijini DSM
     Mkurugenzi Mtendaji wa TASAF ,Ladislaus Mwamanga akisisitiza jambo wakati alipofungua semina elekezi kwa maafisa ufuatiliaji (TA) iliyofanyika kwenye ukumbi wa CEEMI jijini DSM.
     Baadhi ya Maafisa ufuatiliaji ambao wanatarajiwa kuanza kazi katika halmashauri kadhaa za wilaya nchini wakimsikiliza mkurugenzi Mtendaji wa TASAF Ladislaus Mwamanga (hayupo pichani)alipofungua semina elelekezi .
    Mkurugenzi wa Uratibu wa TASAF Alphonce Kyariga akitoa neno la utangulizi kwa maafisa Ufuatiliaji wa TASAF ambao wameanza semina  elekezi ya siku TATU kwenye ukumbi wa CEEM jijini DSM.

    0 0

    Makamu Mwenyekiti wa CCM-Bara,Ndugu Philip Mangula akiongea na Waandishi wa Habari
     Makamu Mwenyekiti wa CCM-Bara,Ndugu Philip Mangula akiongea na Waandishi wa Habari kutoka vyombo mbalimbali mapema leo asubuhi ndani ya Ofisi za Makao makuu ya chama hicho,huku akiwaonesha picha iliyotumika kwenye moja ya gazeti la kila siku hapa nchini,kwamba baadhi ya Wapinzani wamekuwa wakitumia vibaya nafasi za kutafuta uongozi kwa kuwadhalilisha watoto kupitia umaskini wao walionao ikiwemo sambamba na watu wengine,jambo ambalo si haki na si sawa. 
     Makamu Mwenyekiti wa CCM-Bara,Ndugu Philip Mangula akiongea na Waandishi wa Habari kutoka vyombo mbalimbali mapema leo asubuhi ndani ya Ofisi za CCM mkoa wa Iringa,mara baada ya kuwasili mkoani humo.Mangula amesema kuwa amekuja Iringa kuratibu na kuhakikisha kuwa chama chake kinamaliza kampeni zake za uchaguzi mdogo wa jimbo la Kalenga kwa utulivu na amani,akaongeza kuwa ingawaje wana taarifa ya baadhi ya watu wamejiandaa kufanya fujo,lakini kwa bahati nzuri wameyapata majina ya watu hao,"Majina hayo yako ishirini ntayataja hapo baadae ili wananchi kwa ujumla wajue taarifa hizo ambazo zinapaswa kupingwa na kulaaniwa kwa namna yoyote ile" alisema Mangula kwa msisitizo..
    Pichani kati shoto ni Makamu Mwenyekiti wa CCM-Bara,Ndugu Philip Mangula akipokelewa na Katibu wa CCM mkoa wa Iringa Mjini Ndugu,Hassani Mtenga na wanachama wengine,alipokuwa akiwasili kwenye Ofisi za CCM mkoa wa Iringa, mapema leo .

older | 1 | .... | 235 | 236 | (Page 237) | 238 | 239 | .... | 1898 | newer