Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 1533 | 1534 | (Page 1535) | 1536 | 1537 | .... | 1897 | newer

    0 0

    Na Yusuph Mussa, Korogwe

    BWENI la Mapinduzi la wanafunzi wa kidato cha pili na nne katika Shule ya Sekondari ya Wasichana Korogwe limeteketea kwa moto, huku mali zote za wanafunzi ikiwemo fedha zimeungua.

    Moto huo ulioanza 3.15 usiku jana Machi 4, 2018, uliwakuta wanafunzi 43 wa bweni hilo wote wakiwa darasani (prepo), hivyo mali zao zote kuanzia vitanda 19 vya kulala wanafunzi wawili wawili na vitanda vitano vya kulala mtu mmoja vimeteketea kwa moto.

    Akisoma taarifa kwa Mkuu wa Mkoa wa Tanga Martin Shigela, Katibu Tawala wa Wilaya ya Korogwe Rehema Bwasi, alisema mali nyingine zilizoteketea ni magodoro 43, ambapo kati yao 26 ni ya shule na 17 ya wanafunzi. Pia vyandarua 43, shuka 86, blanketi 43, masanduku ya bati 43, mabegi 43 na fedha taslimu za wanafunzi mmoja mmoja sh. 336,500.

    "Vitu vingine vilivyoungua ni pamoja na nguo za wanafunzi, miswaki, sabuni, vikombe, sahani pamoja na vitabu vya wanafunzi na vya shule. Ila tathmini inaendelea ili kuweza kujua hasara iliyotokana na moto huo" alisema.

    Bwasi alisema kutokana na kadhia hiyo, baadhi ya wanafunzi walipata mshtuko, huku wengine wakiwa na magonjwa mbalimbali kama pumu na kifua, hivyo wanafunzi 41 walipelekwa Hospitali ya Wilaya na saba Zahanati ya Majengo.

    "Baada ya muda, afya za wanafunzi 38 ziliimarika na waliruhusiwa kurudi shuleni. Mpaka saa mbili asubuhi ya leo Machi 5, 2018 wanafunzi 10 walikuwa bado wapo hospitali wakiendelea na matibabu, kati yao tisa wapo Hospitali ya Magunga na mmoja Zahanati ya Majengo" alisena Bwasi.

    Mkuu wa Mko,a Shigela, alisema kwa haraka sana Serikali itatoa bati 400, godoro 150 na milioni sita kwa ajili ya kununua shuka na vitu vingine vidogo vidogo ili kuweza kurudi kwenye hali ya kawaida. Shigela amepongeza kazi nzuri iliyofanywa na Mbunge wa Jimbo la Korogwe Mjini Mary Chatanda na Kamati ya Ulinzi na Usalama ya Wilaya, kwani waliweza kushirikiana na wananchi kuzima moto huo.

    Naye Chatanda amelia na umeme akisema huenda ndiyo chanzo cha kuteketea bweni hilo, kwani umeme kwa sasa hivi ni changamoto kwa Wilaya ya Korogwe, unaweza kuwaka dakika moja na dakika nyingine ukazima.

    Mkuu wa Kikosi cha Zimamoto na Uokoaji Wilaya ya Korogwe Inspekta Said Akilimali alisema wamechelewa kuzima moto huo kutokana na changamoto za maji na miundombinu ya kuyafikia mabweni.

    "Moto huu ulioanza saa 3.15 tulijitahidi kufika mapema, lakini tumeshindwa kuzima moto kwa wakati kutokana na miundombinu ya barabara ya kuingia kwenye mabweni. Pia tulikosa ushirikiano na Idara ya Maji, hivyo badala ya maji tuchukue mjini, tukaenda Mtonga.

    " Na chanzo cha moto huo huenda ni umeme, kwani muda huo umeme ulikuwa mdogo, halafu ukarudi ukiwa mwingi" alisema Akilmali. Meneja wa Mamlaka ya Maji Mji wa Korogwe (KUWSA) Sifaeli Masawa alisema hawakukataa kuwapa maji taasisi ya zimamoto, bali hawakwenda kwa utaratibu unaoeleweka kwenye eneo la maji.

    "Wao hawakuwaeleza watu sahihi ili waweze kupata maji. Wamekwenda ofisi zetu za maji na kukuta walinzi ambao waliwakatalia kuingia, lakini kama wangewasiliana na mimi, ningetoa ruksa ya wao kuingia na kuchukua maji" alisema Masawa.
    Mkuu wa Mkoa wa Tanga, Martin Shigela(mwenye shati jeupe) akiangalia athari zilizosababishwa na moto ulioteketeza bweni katika Shule ya Sekondari ya Wasichana Korogwe, Wilaya ya Korogwe. moto huo ulizuka usiku wa kuamkia leo, juu pichani akiwa ndani ya Bweni hilo linaloitwa Mapinduzi lililoteketea kwa moto. Kulia ni Mkuu wa Shule hiyo Anisia Mauka. (Picha zote na Yusuph Mussa)
    Mkuu wa Mkoa wa Tanga Martin Shigela leo Machi 5, 2018 alifika Wilaya ya Korogwe kuangalia athari za moto Shule ya Sekondari ya Wasichana Korogwe. Pichani akimfariji mmoja wa wanafunzi waliopata mkasa wa kuunguliwa na bweni la shule hiyo. Kulia ni Katibu Tawala wa Mkoa wa Tanga Mhandisi Zena Said.
    Mkuu wa Mkoa wa Tanga Martin Shigela leo Machi 5, 2018 alifika Wilaya ya Korogwe kuangalia athari za moto Shule ya Sekondari ya Wasichana Korogwe. Pichani akimfariji mmoja wa wanafunzi waliopata mkasa wa kuunguliwa na bweni la shule hiyo. Kulia kwake ni Katibu Tawala wa Mkoa wa Tanga Mhandisi Zena Said.
    Bweni la Mapinduzi la Shule ya Sekondari ya Wasichana Korogwe ambalo limeteketea kabisa kwa moto jana usiku Machi 4, 2018. Bweni hilo walikuwa wanalala wanafunzi 43 wa kidato cha pili na nne.

    0 0

    Na Mwamvua Mwinyi, Chalinze.

    MADIWANI wa Halmashauri ya Chalinze, pamoja na mbunge wa jimbo la Chalinze, Ridhiwani Kikwete wamewasimamisha wakusanyaji wa ushuru kwenye baadhi ya vizuia, kutokana na kudaiwa kujihusisha na wizi na upotevu wa vifaa  ili kupisha uchunguzi .

    Pia, wameitaka halmashauri hiyo kutumia walinzi wenye silaha kwenye vizuia vikubwa vya ukusanyaji ushuru ikiwemo wa kokoto ili kukabiliana na wizi unaotokea mara kwa mara.

    Maamuzi hayo ,yamefanyika baada ya madiwani hao kulalamikia wizi na hujuma zinazofanywa na wakusanyaji kwa kushirikiana na baadhi ya watendaji wa halmashauri wasio waaminifu.

    Ridhiwani alisema ,kizuia cha Lugoba ni kero sanjali na Mpaji ,Mbwewe na Lunga ambapo kizuizi cha Lugoba kimeshavamiwa zaidi ya mara moja na matukio hayo yanaendelea kujitokeza hivyo wahusika lazima wachunguzwe.

    “Mashine za ukusanyaji wa mapato zinaibiwa kirahisi rahisi ,hakuna kinachoendelea hivyo mchezo huu unavyoendelea halmashauri inapata hasara ”alifafanua Ridhiwani.

    Aidha Ridhiwani aliitaka halmashauri hiyo kupitia mikataba mbalimbali na kufanyia marekebisho baadhi ya sheria ili kukabiliana na watu wanaotumia mianya ya mikataba na sheria hizo kufanya ubadhilifu.

    Alieleza mikataba hiyo haina makali katika kuwawajibisha watumishi ambao wamehusika na upotevu wa vifaa ama mali za halmashauri.

    “Vifaa viwili vimepotea lakini hakuna hatua za kuwawajibisha watumishi hao,“limetokea tukio la wizi kwenye kizuizi cha Lugoba hakuna hatua zilizochukuliwa badala yake wahusika wanaendelea na kazi ,”Na waliopoteza vifaa vinavyotoa taarifa za makusanyo kwenye vyanzo hivyo ,” alisisitiza Ridhiwani.

    Alisema kuwe na vipengele vya mtumishi endapo anatuhumiwa kwa upotevu wa fedha ama mali achukuliwe hatua stahiki ili kuongeza uwajibikaji kazini.

    Nae mwenyekiti wa halmashauri hiyo, Saidi Zikatimu alisema matukio ya wizi kwenye kizuia cha Lugoba yamekithiri kwani tukio la kwanza wezi walifanikiwa kuiba kiasi cha sh. mil 2.5#.

    Alielezea kwamba, wezi hao walirudia kuiba mara ya pili lakini hata hivyo hawakuweza kufanikiwa kuiba baada ya kudhibitiwa.

    “Kutokana na hilo, madiwani wameshtuka na kuamua kulalamika kuwa inawezekana kuna mchezo unaofanyika baina ya wakusanyaji na baadhi ya watendaji wa halmashauri” alisema Zikatimu.

    Zikatimu alisema, atakaebainika kuhusika na wizi huo na kusababisha hasara na kushuka kwa mapato ya halmashauri baada ya uchunguzi kukamilika atachukuliwa hatua za kisheria.

    Alisema watakaobainika watafukuzwa kazi na kufikishwa mahakamani kujibu tuhuma zitakazowakabili.

    Diwani wa Kata ya Lugoba, Rehema Mwene alifafanua ili kudhibiti hali hiyo haina budi kukawekwa walinzi wenye silaha badala ya kutumia walinzi wasio na silaha.

    Alisema wapo walinzi katika baadhi ya vizuizi wanalinda na silaha za jadi ikiwemo marungu ,kwa hali hiyo haiwezekani watu walinde mamilioni ya fedha kwa rungu.

    “Wezi wanacheza na wakati ,wanatumia silaha za kisasa,sasa endapo walinzi wetu wakiendelea kulinda na mapanga na marungu ni hatari na tutaibiwa kila siku”alisema Rehema.

    Kwa upande wake, diwani wa Kata ya Pera, Lekope Laini alieleza ,ziwepo sheria zitakazowabana watendaji wanaokwenda kinyume na sheria na taratibu ili kunusuru mapato yanayopatikana.

    Kwa mujibu wa mkurugenzi wa halmashauri ya Chalinze, Edes Lukoa amepokea maamuzi yote  na kuahidi kuyafanyia kazi.

    Alisema halmashauri imeshaanza kutumia walinzi toka Suma Jkt kwenye kituo cha Msata hivyo wataendelea kuangalia uwezekano wa kuweka walinzi walio waaminifu na wenye silaha kwenye meneo mengine.

    Lukoa ,alisema lengo la halmashauri ni kuinua mapato na sio kudidimiza mapato ,ili hali kutatua kero za kijamii zinazowakabili wananchi wa halmashauri hiyo.
     Mwenyekiti wa halmashauri ya Chalinze Saidi Zikatim akuzungumza jambo wakati wa baraza la madiwani la Chalinze lililofanyika ukumbi wa mikutano wa halmashauri ya Chalinze
    Mbunge jimbo la Chalinze, Ridhiwani Kikwete akuzungumza jambo wakati wa baraza la madiwani la Chalinze lililofanyika ukumbi wa mikutano wa halmashauri ya Chalinze.
     Baadhi ya madiwani wa halmashauri ya Chalinze ,wakionekana pichani kusikiliza kwa makini jambo wakati wa baraza la madiwani.

    0 0

    TAARIFA KWA UMMA
    Kama mnavyofahamu Serikali inaendelea na Mchakato wa kuunganisha Mifuko ya Hifadhi ya Jamii baada ya Sheria kupita Bungeni. Hivi karibuni kumeibuka taarifa ambazo si sahihi kuhusiana na usalama wa michango na mafao ya Wanachama. Taarifa hizi zimepelekea baadhi ya Wanachama na Wastaafu kuwa na wasiwasi kuhusu hatma ya michango na mafao yao. 

    Mamlaka inapenda kuwaondoa wasiwasi Wanachama na Wastaafu wote wa Mifuko ya Hifadhi ya Jamii kuwa mafao na michango yao iko salama. Waajiri wanapaswa kuendelea kupeleka michango ya wafanyakazi katika Mifuko ya Hifadhi ya Jamii husika. Vile vile Wanachama na Wastaafu waendelee kufuatilia mafao yao katika Mifuko kama kawaida hadi hapo itakapotangazwa vinginevyo.

    Imetolewa na
    Kitengo cha Mawasiliano
    Mamlaka ya Udhibiti na Usimamizi wa Sekta ya Hifadhi ya Jamii
    S.L.P 31846
    Dar es Salaam
    05/03/2018

    0 0

     Hatimaye yule mtanzania aliyesaidiwa kupata ufadhili wa matibabu na Mkuu wa mkoa wa Dar es salaam, Mhe Paul Makonda amewasili leo hii majira ya saa 9:20 alasiri katika Uwanja wa kimataifa wa Beijing Capital. Mtanzania huyo aitwaye Ahmed Albaity alipokekewa na Maafisa waandamizi wa ubalozi pamoja na watanzania waishio hapa jijini Beijing na kusindikizwa kwenye hospitali ya kimataifa ya Puhua.

    Ndugu Ahmed Albaity  ambaye amekuwa akisumbuliwa na tatizo la uti wa mgongo ambalo limedumu kwa takribani miaka kumi na moja akiwa kitandani,tayari ameanza kupatiwa  Matibabu  katika hatua za  awali  mara tu baada ya kuwasili hospitalini hapo.

    Mapema akizungumza kwa niaba ya Wanafunzi wakitanzania Wanaosoma na kuishi nchini humo Bw. Remidius Emmanuel ambaye pia ni Katibu Mkuu Shirikisho hilo amesema wao kama watanzania wanaosoma na kuishi katika Taifa la China  wameshiriki kumpokea Mtanzania mwenzao (Ndugu. Ahmed Albaity )  na kwamba  kwa kipindi chote ambacho atakuwepo hapa Beijing China wataendelea kutoa Ushirikiano na kumjulia hali wakati wote.
     "Tunamshukuru Mwenyezi MUNGU amemuongoza Bw.Ahmed kufika salama hapa Beijing, Tumeshuhudia watanzania wakimsindikiza   uwanja wa ndege wa Mwalimu Julius Nyerere jijini Dar es Salaam na  kuongozwa na  Mkuu wa Mkoa wa Dar es Salaam Mhe.Paul Makonda, huu ni upendo wa kipekee, na sisi tumeguswa na kuwiwa kumpokea tukiongozwa na Maafisa waandamizi wa Ubalozi wetu hapa China" Alisema Bw. Remidius.

    Kwa upande wake ndugu Ahmed Albaity ameushukuru Ubalozi wa Tanzania nchini China pamoja na uwakilishi wa Watanzania wanaosoma na kuishi nchini humo kwa moyo wao wa upendo na namna walivyoweza kumpokea yeye na ujumbe alioambatana nao.

    Bw.Michael Semindu moja kati watanzania wanaosoma nchini humo aliyeshiriki mapokezi hayo  alimhakikishia Ndugu Ahmed Ushirikiano kwa kipindi chote atakachokuwa kwenye matibabu jijini Beijing "Nimefurahi kuungana na Maafisa wa Ubalozi pamoja na watanzania wenzangu kumpokea mwenzetu, tunamuahidi ushirikiano kwa kipindi chote atakachoendelea kupata matibabu  nchini China"  Alisema Bw. Michael

    0 0

    SERIKALI ya Ufaransa imeipongeza Serikali ya Tanzania kwa mapambano dhidi ya rushwa na inaamini fedha zinazotolewa kwa ajili ya utekelezaji wa miradi mbalimbali zitatumika kama ilivyokusudiwa.

    Kauli hiyo imetolewa leo (Jumatatu, Machi 05, 2018) na Balozi wa Ufaransa nchini Tanzania, Bw. Frederic Clavier alipomtembelea Waziri Mkuu Kassim Majaliwa kwenye makazi yake Oysterbay jijini Dar es Salaam.alozi Clavier amesema Ufaransa imeridhishwa na mapambano ya rushwa yanayofanywa na Serikali ya Awamu ya Tano inayoongozwa na Rais Dkt. John Magufuli wataendelea kushirikiana nayo katika uboreshaji wa miradi mbalimbali ya maendeleo.

    Pia Balozi huyo amesema Septemba mwaka huu wanatarajia kufungua ofisi ya Shirika la Kimataifa la Misada ya Maendeleo la Ufaransa (AFD) jijini Dar es Salaam ili kurahisisha utoaji wa huduma. Kwa sasa ofisi za AFD zipo Nairobi nchini Kenya.Shirika hilo limekuwa likishirikiana na Serikali, katika utekelezaji wa miradi mbalimbali ikiwemo na ya maji safi na maji taka kwenye mikoa ya Simiyu, Mwanza, Musoma na Morogoro.

    Kwa upande wake, Waziri Mkuu Kassim Majaliwa amesema Serikali imeweka kipaumbele katika uwajibikaji na kupambana na rushwa ili kuhakikisha fedha zinazotolewa kwa ajili ya utekelezaji wa miradi zinatumika vizuri pamoja na wananchi kupata haki.

    Amesema mapambano dhidi ya rushwa yataiwezesha Serikali kufikia malengo yake ya kukuza uchumi kupitia sekta ya viwanda, uwekezaji, kilimo na utalii, hivyo ametumia fursa hiyo kuwakaribisha wawekezaji kutoka nchini Ufaransa ili waje kuwekeza kwenye ujenzi wa viwanda, kilimo, madini na miundombinu mbalimbali.

    Pia Waziri Mkuu amesema Serikali itashirikiana na Ufaransa katika kuandaa mikutano mbalimbali itakayowakutanisha wadau wa sekta binafsi kutoka nchi zote mbili ili kuwapa mbinu za namna ya kukuza uchumi.
     Waziri Mkuu, Kassim Majaliwa akizungumza na Balozi wa Ufaransa nchini Tanzania, Frederic Clavier, kwenye makazi ya Waziri Mkuu, Oysterbay jijini Dar es Salaam, Machi 5, 2018.
     Waziri Mkuu, Kassim Majaliwa akisalimiana na Balozi wa Ufaransa nchini Tanzania, Frederic Clavier, kwenye makazi ya Waziri Mkuu, Oysterbay jijini Dar es Salaam, Machi 5, 2018.
     Waziri Mkuu, Kassim Majaliwa akiwa kwenye picha ya pamoja na Balozi wa  Ufaransa nchini Tanzania, Frederic Clavier (katikati), kwenye makazi ya Waziri Mkuu, Oysterbay jijini Dar es Salaam, Machi 5, 2018, kushoto ni mwakilishi mkazi wa Nchi ya Ufaransa, Emanuel Baudran. (Picha na Ofisi ya Waziri Mkuu)

    0 0

    Uongozi wa Waislamu Mkoani Rukwa umepokea kwa furaha mchango wa Shilingi Milioni 5.7 uliotolewa na uongozi wa serikali ya Mkoa wa Rukwa ukiongozwa na Mkuu wa mkoa wa Rukwa Mh. Joachim Wangabo katika kikao cha maridhiano juu ya ujenzi wa msikiti uliosimama kwa muda.

    Fedha hizo zilizochangwa zilijumuisha ahadi, fedha taslimu pamoja na vifaa vya ujenzi vilivyotolewa kwa umoja wa viongozi wa serikali kuonesha mshikamano uliopo kati ya serikali na wananchi bilaya kujali itikadi, dini wala rangi huku Mh. Wangabo akichangia milioni 1.5

    Kabla ya maridhiano hayo Mh. Wangabo alitoa salamu za rais Dk. John Pombe Magufuli juu ya kuuendeleza msikiti huo na kunukuu kuwa Mheshimiwa Rais ametoa kibali cha kuuendeleza msikiti hio na yupo tayari kuweka jiwe la msingi ama kuuzindua msikiti huo.

    “Mh. Rais ameniagiza niseme yafuatayo kuwa ametoa kibali cha kuendelea kujenga msikiti huu ahdi umalizike, ameyafikiria mambo mengi sana mpaka kuja kufikia maamuzi haya, ili yalete muskabali wa maridhiano, ilete amani, ilete utulivu, mshikamano, maoelewano na umoja ili Rukwa yetu iweze kusonga mbele kama kitu kimoja., la pili alisema kuwa yupo tayari kuweka jiwe la msingi ama la kuzindua msikiti huu,”

    Kwa kuongezea hilo Mh. Wangabo aliuomba uongozi wa uislamu mkoa kuendelea kushirikiana na kudumiasha amani na kuhakikisha wanajenga Rukwa moja isiyoyumbishwa na tofauti yoyote kwani ushirikiano huo umekuwa wa muda mrefu hovyo asingependa pawepo na tofauti.

    Pia alimuagiza Mkurugenzi wa Manispaa ya Sumbawanga kuhakikisha vikwazo vyote vianondolewa na kumtaka kamishna wa ardhi nyanda za juu kusini kufanya haraka kupitisha kibali ili msikiti huo upatiwe hati.

    Kwa upande wake Shekhe Mkuu wa mkoa wa Rukwa Rashid Akilimali amesifu maamuzi ya Rais Dk. John Pombe Magufuli na kukubali ombi lake la kutaka kuja kuweka jiwe la msingi ama kuuzindua msikiti huo na kuwa waislamu wataendelea kuungana nae na kumuombea amalize vipindi vyake salama.

    “Mh. Mkuu wa Mkoa kwa niaba ya waislamu wa mkoa wa Rukwa kwanza tunatoa shukrani za dhati kwa Mh.Rais wa nchi Mh. Dk. John Magufuli, nimeamini kama alivyosema kuwa yeye ni msikivu na yeye anatuomba kila siku tumuombee dua na sisi mwisho wa khotuba yetu kila ijumaa tunadua huwa tunaiomba, Eee Mola wetu linda amani ya nchi yetu na uwalinde viongozi wetu,” Shekh Akilimali alimalizia.

    Uongozi wa mkoa wa Rukwa uliowajumuisha kamati ya ulinzi na usalama ya Mkoa, Wakuu wa Wilaya, Mkurugenzi wa halmashauri, Mbunge wa jimbo la Sumbawanga mjini, Mwenyekiti wa CCM Wilaya ya Sumbawanga pamoja na kaimu Kamishna wa Ardhi nyanda za juu kusini.
     Mkuu wa Mkoa wa Rukwa, Mh. Joachim Wangabo akitoa salamu za Rais. Dk. John Pombe Magufuli juu ya waislamu kukubaliwa kuendelea na ujenzi wa Msikiti.
     Shekhe Mkuu wa Mkoa wa Rukwa, Rashid Akilimali akiwasihi waislamu wanedelee kumuunga mkono Rais Dk. John Pombe Magufuli na kumshukuru kwa kuwaruhusu kuendelea na ujenzi wa msikiti. 
     Mkuu wa Mkoa wa Rukwa, Mh. Joachim Wangabo (kulia) akiepeana Mikono na  Shekhe Mkuu wa Mkoa wa Rukwa, Rashid Akilimali baada ya maridhiano ya ujenzi wa Msikiti.


      Msikiti ulioruhusiwa kuendelea kujengwa.

    0 0

    Akina mama zaidi ya 200 wa kijiji cha Jomu kata ya Tinde mkoani Shinyanga wakiongozwa na Mbunge wa Viti Maalumu Mkoa wa Shinyanga Mheshimiwa Azza Hamad Hilal (CCM) wameadhimisha wiki ya Wanawake Duniani kwa kushiriki ujenzi wa jengo la wodi ya wazazi na watoto katika kituo cha afya Tinde kwa kujitolea kusomba maji.

    Akina mama hao wamejitolea kusomba maji kutoka katika bwawa la Tinde hadi katika kituo hicho cha afya leo Jumatatu Machi 5,2018 siku ambayo mafundi ujenzi wamemwaga jamvi katika jengo hilo la wodi ya wazazi na watoto.

    Ujenzi wa jengo hilo unaoendelea ni miongoni mwa majengo yanayojengwa katika kituo hicho ambapo majengo mengine ni jengo la upasuaji,wodi ya wazazi,chumba cha kuhifadhia maiti,maabara na nyumba ya mtumishi ambayo kwa pamoja yatagharimu shilingi milioni 400 zilizotengwa na serikali.

    Akizungumza kituoni hapo,Mheshimiwa Azza Hilal Hamad aliwashukuru akina mama hao kujitokeza kusaidia katika ujenzi huo ambao kukamilika kwa jengo hilo kutaondoa adha wanayopata akina mama pindi wanapofika katika kituo hicho kupata huduma za afya. 

    “Halmashauri ya wilaya ya Shinyanga tumepata shilingi milioni 900 kwa ajili ya vituo viwili ya afya vya Samuye na Tinde naishukuru sana serikali ya awamu ya tano inayoongozwa na rais wetu mpendwa Dkt. John Pombe Magufuli na wasaidizi wake akiwemo Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu na Waziri wa Nchi Ofisi ya Rais-Tamisemi, Seleman Jafokwa kuweka kipaumbele huduma ya mama na mtoto”,alieleza.
    Mafundi wakiendelea na ujenzi wa jengo la wodi ya wazazi na watoto katika kituo cha afya Tinde
    Wa tano kutoka kulia ni Mbunge wa Viti Maalumu Mkoa wa Shinyanga Mheshimiwa Azza Hamad Hilal (CCM) akiwa amebeba ndoo ya maji na akina mama wenzake wakazi wa kijiji cha Jomu wakishiriki ujenzi wa jengo la wazazi na watoto kituo cha afya Tinde
    Akina mama wakiwa wamebeba ndoo za maji
    Zoezi la kusomba maji likiendelea
    Akina mama wakiendelea kusomba maji
    Kulia ni Mbunge wa Viti Maalumu Mkoa wa Shinyanga Mheshimiwa Azza Hamad Hilal akichanganya udongo
    Mbunge wa Viti Maalumu Mkoa wa Shinyanga Mheshimiwa Azza Hamad Hilal akiwashukuru akina mama kujitokeza kushiriki zoezi la kusomba maji.
    Mbunge wa Viti Maalumu Mkoa wa Shinyanga Mheshimiwa Azza Hamad Hilal akipokea kadi ya Leticia Keyu aliyekuwa mwanachama wa Chama cha NCCR Mageuzi tangu mwaka 1995 aliyeamua kurudi CCM wakati za zoezi la kusomba maji kwa ajili ya ujenzi wa jengo la wodi ya wazazi na watoto baada ya kueleza kuridhishwa na utendaji kazi wa rais Magufuli
    Mafundi ujenzi na wakazi wa Tinde wakiwa katika eneo la ujenzi

    0 0

    Waziri wa Ujenzi, Uchukuzi na Mawasiliano, Prof. Makame Mbarawa ameipongeza Mamlaka ya Usimamizi wa Bandari Nchini (TPA) kwa kukamilisha ujenzi wa gati ya Lindi na kuwataka kutafuta masoko ili bandari hiyo iweze kunufaisha Serikali na wananchi wa Mkoa huo. 

    Prof. Mbarawa ametoa kauli hiyo mara baada ya kukagua maendeleo ya ujenzi wa gati hiyo mkoani Lindi ambapo amesema mradi umekamilika kwa asilimia 92 na kukamilika kwa gati hiyo kutarahisisha biashara na kukuza uchumi kwa wananchi kwani meli kubwa zitaanza kutia nanga katika bandari hiyo. 

    “Napenda kuwapongeza sana TPA kwa kazi kubwa mliyoifanya kukamilisha mradi huu, ni wakati sasa mkatafute masoko ili mpate faida na kurahisisha usafirishaji kati ya mkoa huu na visiwa vinavyozunguka” amesema Prof. Mbarawa. 

    Waziri Prof. Mbarawa ameongeza kuwa pamoja na kukamilisha mradi huo TPA itunze miundombinu hiyo na kuifanyia ukarabati wa mara kwa mara ili iweze kudumu kwa muda mrefu. 

    Kwa Upande wake Kaimu Mkurugenzi Mkuu wa TPA, Mhandisi Karim Mattaka, amemuhakikishia Waziri Prof. Mbarawa, kuwa Mamlaka itazingatia maelekezo yake na kuahidi kusimamia sehemu ndogo iliyobaki ili iweze kukamilika kwa wakati na viwango vilivyokubaliwa. 

    Mhandisi Mattaka ameongeza kuwa ujenzi wa gati hiyo imegharimu kiasi cha shilingi zaidi ya bilioni 3 na fedha hizo zimefadhiliwa kwa asilimia 100 na Serikali ya Jamhuri ya Muungano wa Tanzania.

    Katika hatua nyingine Waziri Profesa Mbarawa, amesema Kivuko kwa ajili ya Lindi na Kitunda kitawasili mapema katikati ya wiki ili kianze kutoa huduma kwa wakazi wa mkoa huo. 

    Aidha ameauagiza uongozi wa Wakala wa Ufundi na Umeme (TEMESA), kuhakikisha wanatafuta fedha na kujenga majengo ya abiria kwa upande wa Lindi na Kitunda ili kupunguza changamoto inayowakabilia abiria hasa nyakati za mvua. 

    Naye Mkandarasi wa Kampuni ya Hematec, Emmanuel Lyimo amesema mpaka sasa ujenzi uko kwenye hatua za mwisho na ambapo ndani ya siku chache mradi huo utakamilika na kukabidhiwa kwa ajili kuanza kutoa huduma.

    Waziri Prof. Mbarawa amemaliza ziara yake ya siku mbili kwenye mikoa ya Mtwara na Lindi ya kukagua maendeleo ya ujenzi wa miundombinu ya Bandari na Vivuko. 
     Kaimu Mkurugenzi Mkuu wa Mamlaka ya Usimamizi wa Bandari Nchini (TPA, Eng Karim Mattaka, akitoa maelezo kwa Waziri wa Ujenzi, Uchukuzi na Mawasiliano, Prof. Makame Mbarawa (wa pili kulia), kuhusu hatua za ujenzi wa gati ya Lindi, wakati Waziri huyo alipotembelea mradi kukagua maendeleo yake.
     Muonekano wa Gati mpya ya Bandari ya Lindi ambayo ujenzi wake umekamilika kwa asilimia zaidi ya  90. Gati hiyo imegharimu kiasi zaidi ya shilingi bilioni 3 ikiwa ni fedha za Serikali kwa asilimia 100.
    Waziri wa Ujenzi, Uchukuzi na Mawasiliano, Prof. Makame Mbarawa akipanda kwenye boti kuelelekea katika eneo la Kitunda mkoani Lindi, wakati akikagua maendeleo ya ujenzi wa maegesho ya kivuko Mkoani humo. Waziri Prof. Mbarawa amewahakikishia wakazi wa Mkoani humo kuwa kivuko hicho kitawasili na kuanza kutoa huduma mwishoni mwa wiki hii.
     Muonekano wa hatua ilipofikia Gati ya kuegeshea kivuko katika eneo la Kitunda Mkoani Lindi. Ujenzi wa Gati hiyo umefikia asilimia zaidi ya 90 na imejengwa kwa fedha za Serikali.
     Waziri wa Ujenzi, Uchukuzi na Mawasiliano, Prof. Makame Mbarawa (kushoto) akishiriki katika kuchanganya zege katika ujenzi wa barabara ya maegesho ya kivuko Mkoani Lindi, alipokagua maendeleo ya ujenzi wake.
    Waziri wa Ujenzi, Uchukuzi na Mawasiliano, Prof. Makame Mbarawa akiongea na wakazi wa Mkoani Lindi, mara baada ya kukagua maendeleo ya ujenzi maegesho ya Kivuko. Waziri Prof. Mbarawa amewahakikishia wakazi hao kuwa kivuko kitawasili katikatia ya wiki na kuanza kazi mwishoni mwa wiki.

    0 0




    Barclays Bank Tanzania Citizenship Manager, Hellen Siria (second left), talking to some University of Dar es Salaam (UDSM) students, during the official launch of elevate study skills progamme organized for 24 Barclays scholarship recipients at UDSM to equip them with needed skills in school and beyond. A brief occasion was held at the University’s Business School (UDBS) premises, in Dar es Salaam last Saturday. The Elevate Program is an international education company which has been training students to use the best-practice study skills and currently working with 150 South African Schools and 25 universities with scholarships in African countries.
    Elevate Education facilitator, Phehello Makgoe (left), giving a presentation on study and life skills to some University of Dar es Salaam (UDSM) students, during the official launch of elevate study skills progamme, organized by Barclays Bank Tanzania to 24 Barclays scholarship recipients at UDSM to equip them with needed skills in school and beyond. A brief occasion was held at the University’s Business School (UDBS) premises, in Dar es Salaam last Saturday.
    Some UDSM students, lecturers, elevate and Barclay’s officials posing for a souvenir photograph after the launching of elevate education programme AT University of Dar es Salaam Business School premises in Dar es Salaam (UDBS) last Saturday.


    24 Barclays Scholarship recipients from UDSM to take part in a training program to equip them with much needed skills.

    Dar es Salaam, Saturday 3 March 2018, Barclays Bank Tanzania Ltd has today launched the Elevate Programme for students from the University of Dar es Salaam –UDSM. The event was held at the University of Dar es Salaam Business School (UDBS).

    Speaking during the launch of the program, Barclays Bank Tanzania Ltd Citizenship Manager, Hellen Siria said that the Elevate Program is an award-winning international education company which has been training students to use the best-practice study skills for the last 16 years.

    ‘Elevate equips students with skills they need to succeed in school and beyond. It also trains teachers and parents/ guardians to ensure best-practice study behaviors are reinforced across the classroom and at home. The Elevate program works with more than 2,500 schools and 500,000 students each year and here in UDSM we are targeting 24 students’, said Siria.

    Siria added that they use three steps in identifying students to engage. She named the student needs assessment which includes conducting an online audit of students,’ use of independent learning skills and student engagements which guarantee a high level of engagement to maximize skill uptake and challenge negative perceptions of study skills.

    The elevate program will help students increase self-efficacy which fosters independent learning, increase student efficiency, motivation levels across the year, improve the caliber of student graduating from university and in addition will achieve a sustained behavior shift in students study habits and equip students with essential academic and non-academic skills that can assist with tertiary education and the transition into the work place.

    “Our aim is to change learning behavior and inspire students to achieve their goals which for many would lead in breaking the poverty cycle”. She continued “The elevate program will improve academic performances of students and it will also help offer employments to students to deliver the program for a second year”.

    The Elevate program is currently working with 150 South African Schools and 25 universities with scholarships in African countries. In addition, the Elevate program has conducted workshops to more than 25,000 students and presented three conferences for over 100 teachers across South Africa.



    0 0

    ASIA Idarus Khamsin maarufu kwa jina la Mama wa Mitindo amepokea tuzo ya Lifetime achievement award kutoka kwa designers na models wa Tanzania.

    Sherehe za kupewa tuzo hiyo zilifanyika Jumapili ya wiki iliyopita kwenye ukumbi wa King Solomon jijini Dar es Salaam ambapo tuzo hiyo pia amepewa kwa kutambua namna alivyokuwa mstari wa mbele kuandaa majukwaaa yanayotoa fursa wanamitindo kutangaza vipaji vyao.

    Akizungumza baada ya kupewa tuzo hiyo ya kutambua mchango wake kwenye tasnia ya mitindo, Mama wa Mitindo pamoja na mambo mengine amewashukuru sana wanawe.

    Amefafanua amewashukuru kwa sababu ya kumthamini na kuona kwamba alikuwa Mama asiechagua wa kumsaidia."Nitaendelea kuwa pamoja nanyi kwa kuhakikisha nawashauri hasa kuzingatia maadili mema katika mavazi na tasnia nzima,"amesema Mama wa Mitindo.

    Wanamitindo na wabunifu wa mavazi waliondaa sherehe na tuzo hiyo wameongozwa na Martin Kadinda,Alabama King, Agusta Masaki, Nelson,Ommystlishy na Rukia Walele ambapo wamesema wamevutiwa na wataendelea kutambua mchango wa Mama Mitindo katika tasnia hiyo.
     ASIA Idarus Khamsin maarufu kwa jina la Mama wa Mitindo akiwa katika picha ya pamoha na designers na models wa Tanzania.
     ASIA Idarus Khamsin maarufu kwa jina la Mama wa Mitindo aakionesha tuzo ya Lifetime achievement award aliyopewa na designers na models wa Tanzania.
     ASIA Idarus Khamsin maarufu kwa jina la Mama wa Mitindo kwa pamoja akifurahia na designers na models wa Tanzania mara baada kukabidhiwa tuzo ya Lifetime achievement award 
      ASIA Idarus Khamsin maarufu kwa jina la Mama wa Mitindo akimshukuri mmoja wa Waandaji wa hafla hiyo Martin Kadinda

    0 0

    Na Jumbe Ismailly -HANANG . 


    ALIYEKUWA diwani wa kata ya Gihandu,wilayani Hanang,Mkoani Manyara kwa tiketi ya Chama cha ACT Wazalendo,Mathayo Samuhenda amejiuzulu udiwani wa kata hiyo na kujiunga na Chama Chama Mapinduzi (CCM)

    Akitangaza azma yake hiyo ya kujiuzulu katika nafasi yake ya udiwani wa kata hiyo kwenye mkutano wa hadhara uliofanyika katika viwanja vya shule ya msingi Gihandu,Samuhenda alisisitiza kwamba aliamua kujiuzulu na kuwaacha wapiga kura wake siyo kwa njia ya ukatili bali alifikia maamuzi hayo kwa lengo la kuwaunganisha wananchi wote wa kata hiyo.  

    Aidha alifafanua kwamba katika kipindi cha zaidi ya miaka miwili sasa wananchi wa kata hiyo wana matatizo ya upatikanaji wa huduma ya maji safi na salama kutokana na wanasiasa kutumia mtaji huo kuomba kura.
    “Inatosha wanasiasa sisi tutumie shida ya maji ili tuoate kura tuondoke,inatosha..na watu wa Gihandu nawaomba sana hiyo ikiletwa kama sehemu ya mnada mzuri tu wa mtu kujinadi mkataeni inatosha tumeumia vya kutosha.”alisisitiza Samuhenda. 

    Hata hivyo diwani huyo aliyejiuzulu aliweka bayana kwamba umefika wakati sasa kwa wanasiasa kubadili ajenda za kupatia kura za Gihandu na isiwe upatikanaji wa huduma ya maji safi na salama kwani hiyo sasa imekuwa ni kejeli

    Akimpokea diwani huyo,Mwenyekiti wa CCM Mkoa wa Manyara,Simon Lulu alikemea tabia ya baadhi ya viongozi wa kisiasa wanaoendeleza makundi licha ya kuwa hivi sasa siyo wakati wa kumpeni na badala yake aliwataka kuvunja makundi hayo na kusisitiza juu ya utekelezaji wa miradi ya maendeleo kwenye maeneo yao.

    Hata hivyo Mwenyekiti huyo alisisitiza pia kwamba suala la kuvunja makundi siyo la hiyari bali ni la lazima kutokana na makundi hayo baadhi ya wanachama mchana wanakuwa CCM huku usiku wanatumikia Vyama vya upinzani.

    Mwenyekiti wa CCM Wilaya ya Hanang,Methew Darema alimpongeza diwani huyo kwa kitendo chake cha ujasiri cha kujiuzulu nafasi aliyokuwa nayo pamoja na kwamba ni hivi karibuni alitembelewa na kiongozi wake wa kitaifa kwa lengo la kuhamasisha watu kujiunga na chama hicho.

    Kwa upande wake baadhi ya wananchi wa Kijiji cha Gihandu,Stephano Ngudu alisema mwaka 2008 kila mwananchi alichangia shilingi 86,500/= kwa ajili ya ujenzi wa shule ya sekondari na Hosteli mbili,lakini mpaka leo hakuna ujenzi wowote wa majengo hayo uliokamilika na fedha walizochanga hawajarudishiwa.
     Ni Mbunge wa Jimbo la Hanang,Mkoani Manyara,DK.Mary Nagu (wa kwanza kutoka kushoto) akimpongeza aliyekuwa diwani wa Kata ya Gihandu,Mathayo Semuhenda mara baada ya kutangaza azma yake ya kujiunga na CCM.
     Mwenyekiti wa CCM Mkoa wa Manyara,Simon Lulu akipokea kadi ya Chama Cha ACT Wazalebdo kutoka kwa aliyekuwa diwani wa kata ya Gihandu,Mathayo Semuhenda.
     Aliyekuwa diwani wa kata ya Gihandu kwa tiketi ya ACT Wazalendo,MATHAYO SEMUHENDA akipokea kadi ya CCM baada ya kutangaza azma yake ya kujiunga na CCM.
     baadhi ya viongozi wa chama cha mapinduzi (CCM) wa wilaya na Mkoa wa Manyara wakishiriki kikamilifu pamoja na wanachama wapya kula kiapo cha uadilifu baada ya kuwakabidhi kadi za chama wanachama wapya wa chama hicho.
    Aliyekuwa diwani wa kata ya Gihandu,Mathayo Semuhenda akila kiapo cha uadilifu mara baada ya kukabidhiwa kadi ya chama cha mapinduzi(ccm)

    0 0


    Naibu Waziri wa Madini, Doto Biteko amezikumbusha Kampuni za Madini nchini kuhakikisha suala la mahusiano na jamii linapewa kipaumbele ili kuboresha utendaji wa shughuli zao.

    Amesema hayo Machi 5, 2018 Mkoani Geita alipokutana na wawakilishi wa Kampuni ya OreCorp Tanzania Limited yenye Leseni ya Utafiti ambayo inatarajia kuanzisha shughuli za uchimbaji mkubwa wa dhahabu kwenye eneo la Nyanzaga, Wilayani Sengerema.

    Katika mkutano huo uliofanyikia kwenye Ofisi za Madini, masuala mbalimbali ya shughuli za uchimbaji madini yalijadiliwa na msisitizo ukiwa kuhakikisha suala la uboreshaji wa mahusiano na jamii zinazozunguka miradi linapewa kipaumbele.

    Biteko alisema uboreshaji wa mahusiano na jamii ni kwa faida ya kampuni kwani kufanya hivyo kutasaidia kuepuka migogoro isiyo ya lazima na hivyo kuboresha utendaji kazi na kuwa na uzalishaji wenye tija.

    Aidha, awali kabla ya kukutana na kampuni hiyo, Biteko alikutana na Kamishna Msaidizi wa Madini Kanda ya Ziwa Viktoria Magharibi, Mhandisi Yahya Samamba na Afisa Madini Mkoa wa Geita, Mhandisi Ally Maganga.

    Naibu Waziri Biteko atahitimisha ziara yake hapo baadaye leo hii Machi 6, 2018 kwa kutembelea machimbo ya dhahabu ya Nyang'wale na kuzungumza na wachimbaji kwenye machimbo hayo.
     Naibu Waziri wa Madini, Doto Biteko akizungumza wakati wa kikao na wawakilishi wa Kampuni ya OreCorp Tanzania Limited (hawapo pichani) walipokutana kwenye Ofisi za Afisa Madini Mkoa wa Geita.
     Naibu Waziri wa Madini, Doto Biteko (mbele katikati) akizungumza na wawakilishi wa Kampuni ya Ore Corp Tanzania Ltd.  
     Naibu Waziri wa Madini, Doto Biteko (katikati) akijadiliana jambo na Kamishna Msaidizi wa Madini Kanda ya Ziwa Viktoria Magharibi, Mhandisi Yahya Samamba (kulia). Kushoto ni Afisa Madini Mkoa wa Geita Mhandisi Ally Maganga.
    Naibu Waziri wa Madini, Doto Biteko (kushoto) akizungumza wakati wa kikao na Kampuni ya OreCorp (T) Ltd. Katikati ni Kamishna Msaidizi wa Madini Kanda ya Ziwa Viktoria Magharibi, Mhandisi Yahya Samamba akifuatiwa na Makamu wa Rais Uwekezaji na Uendeshaji wa kampuni hiyo, Henk Diederichs.

    0 0

    Machi 06, 2018, Dar es Salaam. Taxify imetangaza punguzo la asilimia 50 kwa bei ya bajaji zake jijini Dar es Salaam ikiwa ni sehemu ya kuwavutia watumiaji wa huduma hiyo na kuwapa nafasi ya kutumia huduma zake.

    Kampuni hiyo inayokuwa kwa kasi barani Ulaya na Afrika kupitia huduma zake mbalimbali za usafirishaji kwa kutumia teknolojia, imetangaza punguzo la asilimia 50 kuanzia Februari 28 kwa watumiaji wa Application yake ya ‘Taxify Bajaji’ ambapo wateja watalipa Shilingi 150 kwa kilometa na Shilingi 50 kwa dakika huku nauli ya kuanzia safari ikiwa Shilingi 300 kuanzia Jumatano Februari 28. Gharama ya nauli ya chini kabisa ikiwa Shilingi 1,000.

    Wakati wa uzinduzi wa huduma hiyo mpya ya Usafir wa Bajaji kwa kutumia teknolojia wiki mbili zilizopita Taxify ilikuwa ikitoza malipo ya Shilingi 350 kwa kilomita, Shilingi 75 kwa kila dakika inayotumiwa katika safari, pamoja nauli ya chini ya shilingi 750.

    "Punguzo la asilimia 50 kwa wakazi wa jiji la Dar es Salaam hususani kwa wale wote wanaopenda kutumia usafiri huu kwa safari fupi mjini ni hatua kubwa," alisema Remmy Eseka, Meneja Uendeshaji Taxify Tanzania.

    Eseka alifafanua jinsi ambavyo watumiaji wa huduma hiyo watakavyokuwa wakilipa nauli zao pindi wanapofanya safari zao katika baadhi ya maeneo maarufu jijini Dar es Salaam baada ya kutolewa kwa ofa ya punguzo la asilimia 50. "Huduma mpya ya Taxify Bajaji itatoza Shilingi 1,400 tu kutoka Makumbusho kwenda Sinza, Shilingi 1,800 kutoka Ubungo kwenda Mwenge na Shilingi 2,500 kutoka Tangi Bovu kwenda Mlimani City" alisema Eseka.

    Akijibu swali, kuhusu mabadiliko ya bei iwapo kama yatawaathiri madereva wa bajaji wanaofanya kazi hiyo jijini hapa. Eseka alisema, "Tutawafidia madereva kwa kuwapa bonasi ili kuhakikisha kipato chao kinabaki kuwa kizuri, hivyo hawataathirika na punguzo hili la bei."

    Taxify imeendelea kuwa maarufu jijini Dar es Salaam ikiwa ni miezi mitatu tu sasa tangu kampuni hiyo tanzu ya Estonia izunduliwe jijini hapa, lakini hadi sasa imekwisha zindua huduma zake mbili jijini Dar es salaam ambazo zipo katika programu za usafiri za Kampuni hiyo, kitu ambacho ni kinawafanya waweze kuongoza katika ushindani na kuwa kampuni ya usafirishaji kwa mtandao inayopendwa katika soko na wateja wake. 

    Pia bei za sasa za huduma ya Usafiri wa Taxi kupitia programu ya Taxify zina punguzo la asilimia 25, huku nauli kwa kilometa ikiwa ni Shilingi 560, Shilingi 110 kwa dakika na nauli ya kuanzia Safari ikiwa ni kiasi cha Shilingi 1,200 na bei ya chini ya Safari ikiwa ni Shilingi 3,000.

    0 0

    Na Chalila Kibuda, Globu ya Jamii

    SHIRIKISHO la Vyama vya Wafanyakazi Tanzania(TUCTA) limesema
    litatumia kongamano la Siku ya wanawake linalotarajiwa kufanyika
    kesho  kujadili nafasi ya mwanamke na namna ya kutatua changamoto
    zinazowakabili maeneo ya kazi.

    Akizungumza jana, Mwenyekiti wa Kamati ya Wanawake wa TUCTA,
    Rehema Ludaga amesema kongamano litafanyika jijini Dar es Salaam
    ikiwa ni siku moja kabla ya kilele cha Siku ya Wanawake Duniani
    ambayo ni Machi 8 ya kila mwaka.

    "Tutatumia kongamano letu la Machi 7(kesho) kujadili mambo
    mbalimbali yanayowakabili wanawake kwenye maeneo ya kazi na moja
    ya mjadala utahusu namna ya kuangalia changamoto zilizopo na  nini
    kifanyike kukabiliana nazo au kuziondoa kabisa"amesema Ludaga.

    Kuhusu kauli mbiu ya mwaka huu kwenye maadhimisho ya siku ya
    mwanamke duniani inasema hivi "Tathimini ya Unyanyasaji wa kijinsia
    mahala pakazi".

    Kwa upande wa Katibu Mkuu wa TUCTA, Dk.Yahya Msigwa amesema
    kila mwaka wanafanya kongamano ila kupata mawazo ya wanawake
    kwa lengo la kuboresha mahali pakazi na mgeni rasmi kwenye
    kongamano anatarajiwa kuwa Mkuu wa Wilaya ya Ilala Dar es Salaam
    Sophia Mjema.
    Mwenyekiti wa Kamati ya Wanawake wa Shirikisho la Vyama vya Wafanyakazi (TUCTA), Rehema Ludaga akizungumza kuhusiana na Kongamano siku ya wanawake, jijini Dar es Salaam.
    Katibu Mkuu wa TUCTA, Dk. Yahya Msigwa akizungumza na kuhusiana na utaratibu wa TUCTA kuandaa kongamano la wanawake.

    0 0

    Chemba ya biashara, viwanda na kilimo (TCCIA) mwezi huu imeandaa mkutano wa wanachama wake pamoja na wafanyabiashara kwa ujumla. Mkutano huu ambao umebatizwa jiina la TCCIA breakfast utajadili mambo kadhaa ikiwemo; Urahisishaji wa biashara za kimataifa kupitia Benki, Fursa zitokanazo na makubaliano kati ya TCCIA na Chemba ya China, Fursa katika biashara ya bomba la mafuta na pia uboreshaji wa mazingira ya biashara. 
    Akizungumzia mkutano huo Afisa Mkuu wa TCCIA Gotfrid Muganda alisema " huu ni mwendelezo wa ujengaji uwezo na kuwapa fursa wanachama wake na wafanyabiashara wa Tanzania". Pia TCCIA inalenga kurahisisha ufanyaji wa biashara kati ya China na Tanzania unaolenga kuondoa kabisa utapeli ambao baadhi ya wafanyabiashara wanakumbana nao. Mwaka jana TCCIA ilifanya mikutano kama hiyo mingi kwa mafanikio.

    Pia Leo hii Afisa Mtendaji Mkuu wa TCCIA Ndugu Muganda alikutana na mwambata wa ubalozi wa Algeria Nchini Tanzania na kuzungumzia ushirikiano kati ya Tanzania na Algeria. Kupitia mkutano huo Ubalozi wa Algeria umetoa mwaliko wa maonyesho ya kibiashara Nchini Algeria yaitwayo Algeria International Fair mwezi wa tano Mwaka 2018. Mkutano wa breakfast umedhaminiwa na Azania Bank, Air Tanzania na Zurich Insurance

    0 0

    Muonekano wa jengo jipya la Benki ya CRDB tawi la Mlandizi mkoani Pwani.
    Baadhi ya wateja wa benki ya CRDB tawi la Mlandizi wakipata huduma za kifedha katika tawi hilo.
    Meneja wa Tawi jipya la Benki ya CRDB la Mlandizi mkoani Pwani, Twahibu Likungwala (kushoto), akitoa maelezo kwa mteja wa benki hiyo aliyefika tawini hapo jana namna anavyoweza kunufaika na akaunti maalum ya Wanawake (Malkia Akaunti).
    Ufafanuzi kuhusu huduma za Kifedha katika Tawi la Mlandizi.
     Mteja wa Benki ya CRDB akipata ufafanuzi wa huduma mbalimbali zinazotolewa na benki hiyo kutoka kwa Meneja wa Tawi jipya la Benki ya CRDB la Mlandizi mkoani Pwani, Twahibu Likungwalakwa (kulia).
    Ofisa Masoko wa Benki ya CRDB, Cassian Nombo (katikati), akimuhudumia mmoja wa wateja waliofika katika tawi la Benki ya CRDB la Mlandizi mkoani Pwani kupata huduma za kifedha.
    Ofisa Masoko wa Benki ya CRDB, Getrud Mwani akimfungulia akaunti mpya mteja wa Benki ya CRDB katika tawi linalotembea la benki hiyo (Mobile Branch), kwa wakazi wa Mlandizi mkoani Pwani.
    Huduma zikiendelea.
     Ofisa wa Benki ya CRDB, Husna Seif (kulia), akimwandikisha mkazi wa Mlandizi alipofika katika tawi linalotembea la benki hiyo Mlandizi mkoani Pwani.
     Wateja wa Benki ya CRDB wakiwa wamejitokeza katika gari maalum kufungua akaunti ya benki hiyo.
    Ofisa Masoko wa Benki ya CRDB, Vicent Lulenga (kushoto), akimfungulia akaunti mteja  mpya wa benki hiyo katika tawi linalotembea (Mobile Branch), Kibaha mkoani Pwani.  
    Ofisa Masoko wa Benki ya CRDB, Rehema Issa (kushoto), akimfungulia akaunti mpya mteja wa benki hiyo Kibaha mkoani Pwani.
    Ofisa Masoko wa Benki ya CRDB, Vicent Lulenga (kushoto),  akimuunganisha na huduma ya SimBanking mteja mpya aliyefungua akaunti ya benki hiyo mjini Kibaha. 
    Ofisa wa Benki ya CRDB, Omary Kilima akimpa maelekezo mteja wa benki hiyo kabla ya kufungua akaunti. 
     Ofisa Masoko wa Benki ya CRDB, Rehema Issa (kushoto), akimfungulia akaunti mpya mteja wa benki hiyo Kibaha mkoani Pwani.
     Wateja wakipata huduma katika Benki ya CRDB tawi la Kibamba. 
     Meneja wa Benki ya CRDB tawi la Kibamba, Anitha Mafumiko.
    Tawi la Benki ya CRDB-Kibamba.

    0 0

    Serikali  imesema itaendelea kushirikiana na sekta binafsi katika  kupunguza vifo vya watoto wachanga ili kufikia malengo ya mpango mkakati wa mwaka 2030.

    Kauli hiyo imetolewa leo jijini Dar es Salaam na Dkt. Mariam Kalomo kutoka Wizara ya Afya , Maendeleo ya Jamii, Jinsia, Wazee na Watoto alipokua akizungumza katika hafla ya kupokea msaada wa vifaa tiba kutoka Taasisi ya Vodacom ambavyo vimetolewa kwa ajili ya watoto wachanga ambao wamezaliwa kabla ya wakati  katika Hospitali ya Taifa Muhimbili (MNH).

    Dkt. Kalomo ambaye amemuwakilisha Naibu Waziri wa Afya Dkt . Faustine Ndugulile amesema mikakati ya kupunguza vifo vya watoto wachanga haiwezi kuwa endelevu bila kushirikiana na wadau wa sekta ya afya pamoja na wadau wa sekta binafsi.

    ‘‘Nichukuke fursa hii kuwapongeza na kuwashukuru Vodacom Foundation kwa kuona umuhimu na uhitaji wa kuwasaida watoto wachanga kwani msaada huu sio tu utarahisisha utendaji wa wahudumu wetu lakini pia utasaidia kuokoa maisha ya watoto wachanga na watoto wanaozaliwa kabla ya muda.’’amesema Dkt. Kalomo.

    Awali akizungumza kwa niaba ya Mkurugenzi Mtendaji wa Hospitali ya Taifa Muhimbili (MNH) Prof. Lawrence Museru, Kaimu Mkurugenzi wa Uuuguzi na Ukunga MNH, Sista Zuhura Mawona  amesema takwimu zinaonyesha kuwa Tanzania imejitahidi kupunguza vifo vya watoto kulinganisha na makubaliano  yaliyowekwa kimataifa.

     ‘’Kwa mujibu wa  takwimu za mwaka 2015 vifo vya watoto wachanga viko katika kiwango cha 18.8-21/1000 kati ya watoto walio hai,  vifo vya watoto wachanga vinachangia kiwango cha asilimia 40 katika takwimu za vifo vya watoto wote walioko chini ya miaka mitano’’ amefafanua Sista Zuhura.

    Akisisitiza amesema katika Kitengo  cha watoto wachanga  Muhimbili, vifo vya watoto hao vipo katika asilimia 18.8 hivyo imelazimu kutafuta mikakati ya kupambana na tatizo hilo.

    Amesema MNH imedhamiria kuendelea kutoa huduma  kwa uadilifu ambapo  imeanzisha mfumo wa uongozi ambao umetengeneza muongozo wa kuboresha utendaji  mara kwa mara, pia Hospitali ya Taifa ya Muhimbili inafanya kazi kwa ushirikiano na serikali pamoja na wadau wengine katika kuhakikisha inatoa huduma bora kwa watoto wachanga.

    Kupitia ushirikiano huo  Muhimbili  imeboresha kitengo cha watoto wachanga pamoja na kujenga wodi za uangalizi maalumu ambayo itaweza kupokea  watoto 15 kwa  wakati mmoja, hii ni pamoja na kuwepo kwa vifaa vyenye ufanisi mkubwa kama mashine za kusaidia katika upumuaji- (CPAP).

    Vifaa  vilivyotolewa ni mashine za kuvuna hewa ya oxygen-2, mashine za kutoa unyevunyevu, mashine 5  za kuwezesha upumuaji –CPAP, mashine 5 za kulishia na kuwekea dawa, dawa 10 za kukomaza mapafu, nepi za watoto pakiti 50 na  kanga pea  50. Vifaa hivyo vitasaidia kuongeza ufanisi  katika matibabu ya watoto wachanga  ambao wamezaliwa kabla ya wakati .

      Dkt. Mariam Kalomo kutoka Wizara ya Afya, Maendeleo ya Jamii, Jinsia, Wazee na Watoto akipokea misaada mbalimbali ikiwamo vifaa tiba pamoja na kanga kutoka Vodacom Foundation kwa niaba ya Naibu Waziri wa Afya, Dkt. Faustine Ndugulile. Misaada hiyo imetolewa kwa ajili ya kuwasaidia watoto katika Hospitali ya Taifa Muhimbili (MNH) ambao wanazaliwa kabla ya wakati.
     Kaimu Mkurugenzi wa Huduma za Uuguzi na Ukunga katika Hospitali ya Taifa Muhimbili (MNH), Sister Zuhura Mawona ambaye amemwakilisha Mkurugenzi Mkuu wa Muhimbili, Profesa Lawrence Museru akizungumza kabla ya misaada hiyo kukabidhiwa katika hospitali hiyo leo.  
     Baadhi ya wafanyakazi wa Vodacom wakiwa kwenye hafla hiyo leo.
      Daktari Bingwa wa Watoto, Dkt. Martha Mkonyi akitoa maelezo kuhusu matumizi ya vifaa tiba katika hafla hiyo.
     Dkt. Mariam Kalomo kutoka Wizara ya Afya, Maendeleo ya Jamii, Jinsia, Wazee na Watoto akiwa katika picha ya pamoja na wafanyakazi wa Muhimbili pamoja na Vodacom.


    0 0

    Wafanyakazi TBL walivyoshiriki Kilimanjaro Marathon 2018
    Idadi kubwa ya wafanyakazi kutoka kampuni ya TBL Group wameshiriki mbio za Kili Marathon zilizofanyika mkoani Kilimanjaro.Mashindano haya maarufu duniani yanadhaminiwa na kampuni hiyo kupitia bia yake ya Kilimanjaro Premier Lager.
    Mwaka huu TBL Group imekuja na ajenda ya kuwezesha na kuhamasisha  upandaji mti katika maeneo yanayozunguka mlima Kilimanjaro ili kulinda mazingira,ambapo kwa kushirikiana na taasisi  ya Kilimanjaro Project, inatarajia kupanda miti 100,000.
    Uhamasishaji wa mradi huu umeanza kutekelezwa wakati wa mashindano ya Kili Marathon yaliyofanyika mwishoni mwa wiki iliyopita.
     Baadhi ya wafanyakazi wa TBL Group wakipongezana baada ya kumalizika mashindano ya Kili Marathon
    Moja ya vibanda  vyenye vipeperushi vya kampeni ya kupanda miti na maelezo vilivyokuwa  vimewekwa mitaa mbalimbali ya mji wa Moshi
     

    0 0

     Corporate executives jointly display the just-launched the Barclays Africa Financial Markets Index in Dar es Salaam yesterday. From right are Barclays Bank Tanzania (BBT) Managing Director, Abdi Mohamed, BBT Director for Corporate and Investment Banking, Esther Maruma, Dar es Salaam Stock Exchange Chief Executive Officer, Moremi Marwa, Barclays Head of Africa Trading, Corporate and Investment Banking, George Asante and Barclays Africa Chief Economist and Head of Research, Jeff Gable.
    Barclays Bank Tanzania (BBT) Managing Director, Abdi Mohamed (left), and a Bank of Tanzania (BoT) Acting Director Financial Markets,  Emmanuel Akaro, exchange views during the official launch of Barclays Africa Financial Markets Index in Dar es Salaam today.


    A survey of the stock markets of 17 African countries by Barclays Africa Group has rated Tanzania’s financial markets 11th overall with a score of 44% in the continent ahead of the likes Morocco (42 %,) Ivory Coast (41%) and Egypt (39%). South Africa with a score of 92% was ranked first.

    The Africa Financial Markets Index (AFMI) advocates for the expansion and deepening of financial markets across the continent. The Index measures six pillars namely: depth and breadth per instrument or product that can be traded; access to foreign exchange; market transparency, tax and regulations; macro economic opportunity; legality and enforceability. The index measured and tracked 40 indicators across the six pillars.

    “The Index provides countries with valuable insights and tools to improve the state of their financial markets,” said Abdi Mohamed, Managing Director, Barclays Bank Tanzania. “By broadening and deepening their understanding of the requirements of local and international investors, Africa’s leaders can develop robust markets – a prime condition for sustainable, inclusive growth,” he added.

    Tanzania scored second highest ranking in East Africa in Market transparency, tax and regulatory environment pillar, ahead of Uganda, Kenya, Ghana and Morocco. It outpaced some Western African peers in the market depth pillar, which focussed on areas such as the range of financial products, currencies and hedging options available and capacity of local investors’ parameters.

    The survey however challenged Tanzania to improve on its accessibility to foreign exchange and its increase in capital controls which have contributed to low scores within in the report. Improving the regulatory and policy environment is a prerequisite for attracting foreign capital,” said Mr. Asante. “The inaugural Barclays Africa Group Financial Markets Index is an important barometer measuring the progress and potential of Africa’s financial markets.”

    “African financial markets have traditionally suffered from a lack of depth relative to other regions,” said George Asante, the Barclays Head of Africa Trading, Corporate Investment Banking “This”, he added, “has been a key factor holding back the ability of firms and investors within and beyond the continent to exploit expansion opportunities.”

    The Barclays Africa Group Financial Markets Index was produced by the Official Monetary and Financial Institutions Forum (OMFIF) in association with Barclays Africa Group Ltd in the course of last year. The Index ranked the maturity, openness and accessibility of the 17 financial markets in Africa, based on both qualitative and quantitative criteria. Development of local investor capacity and ability to attract foreign capital were also key points of focus.

    Institutions surveyed emphasized the importance of increasing small and medium-sized enterprises’ access to financial markets, including through dedicated market segments, as a vital means of deepening markets. “While many African countries are implementing a growing number of national policy frameworks for market development, there are still several challenges we are facing,” said Abdi Mohamed, Barclays Bank Tanzania Managing Director.




    0 0

    Naibu Waziri wa Madini Mhe Doto Mashaka Biteko akiwaeleza wachimbaji wadogo wa madini ya dhahabu katika Kijiji cha Bululu, kilichopo katika Kata ya Nyamtukuza Wilaya ya Nyang'wale Mkoani Geita juu ya umuhimu wa kufuata taratibu na sheria katika uchimbaji, Jana 6 Machi 2018. Picha Zote Na Mathias Canal-Wazo Huru Blog
    Wachimbaji wadogo wa madini ya dhahabu katika Kijiji cha Bululu, kilichopo katika Kata ya Nyamtukuza wakimsikiliza kwa makini Naibu Waziri wa Madini Mhe Doto Mashaka Biteko wakati akiwa katika ziara ya kikazi Wilaya ya Nyang'wale Mkoani Geita, Jana 6 Machi 2018.
    Naibu Waziri wa Madini Mhe Doto Mashaka Biteko akiwaeleza akisisitiza jambo wakati aliokuwa akihutubia wananchi wakati akiwa katika ziara ya kikazi Wilaya ya Nyang'wale Mkoani Geita, Jana 6 Machi 2018.
    Naibu Waziri wa Madini Mhe Doto Mashaka Biteko (Kulia) na Mbunge wa Jimbo la Nyang'wale Mhe Hussein Nassor Amari Kasu (Kulia) wakisikiliza kero za wananchi wakati wa ziara ya kikazi Wilaa ya Nyang'wale Mkoani Geita, Jana 6 Machi 2018.

    Na Mathias Canal, Geita

    Serikali imesema kuwa imedhamiria kuwanufaisha wananchi wake kupitia rasilimali za nchi hususani sekta ya Madini hivyo jukumu la Wachimbaji hao ni kufuata maelekezo ya serikali ikiwemo taratibu na sheria katika uchimbaji.


    Naibu Waziri wa Madini Mhe Doto Mashaka Biteko ametoa rai hiyo Jana 6 Machi 2018 wakati akizungumza na wachimhaji wadogo katika Kijiji cha Bululu, kilichopo katika Kata ya Nyamtukuza Wilaya ya Nyang'wale Mkoani Geita.


    Alisema kuwa Serikali tayari imetenga maeneo maalumu kwa wachimbaji wadogo katika mkoa wa Geita na maeneo mengi nchini huku akisisitiza kuwa kuna leseni za utafiti na uchimbaji mdogo 20 ambazo zinaisha muda wake 30 Machi mwaka huu katika Wilaya ya Nyang'wale hivyo wananchi wanapaswa kuwa wavumilivu katika kipindi hicho kwani serikali inatazama namna ya kuwapatia wachimbaji wadogo baadhi ya maeneo hayo.


    Mhe Biteko alisisitiza hayo wakati akijibu maswali ya wachimbaji wadogo waliohudhuria mkutano wa hadhara na kuiomba serikali kuwapatia maeneo rasmi kwa ajili ya uchimbaji kwani katika kipindi kirefu wamekuwa wakizuiwa kuchimba katika maeneo mbalimbali ambayo yana leseni za uchimbaji.


    Alisema kuwa serikali itatoa leseni kwa ajili ya maeneo ya uchimbaji lakini haitatoa leseni hizo kwa mtu mmoja mmoja badala yake amewasihi wachimbaji hao kuanzisha vikundi ili kupatiwa leseni hizo.


    Mhe Biteko pia alimuagiza Mkuu wa Wilaya ya Nyang'wwale Mkoani Geita Mhe Hamim Gwiyama kuitisha kikao ndani ya wiki moja kwa kuwaalika wananchi wote wenyewe vikundi ili kuwaelekeza namna bora ya kufanya kazi za uchimbaji kwa kufuata taratibu na sheria.


    Aidha, amewataka Wachimbaji hao Mara baada ya kupewa maeneo ya uchimbaji kuwa waaminifu kwa serikali yao kwa kulipa kodi ili kuiwezesha serikali kuboresha huduma za maendeleo ikiwemo sekta ya Afya, elimu na miundombinu.


    MWISHO.

older | 1 | .... | 1533 | 1534 | (Page 1535) | 1536 | 1537 | .... | 1897 | newer