Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 1510 | 1511 | (Page 1512) | 1513 | 1514 | .... | 1898 | newer

    0 0

    Waziri wa Maliasili na Utalii Dk. Hamisi Kigwangalla (kulia) akizungumza na Muwakilishi wa Benki ya Dunia nchini Tanzania, Daniel Mira-Salama ambaye pia ni Mratibu wa Mradi wa REGROW kwa ajili ya kusimamia maliasili na kuendeleza utalii wa Ukanda wa Kusini ofisini kwake mjini Dodoma leo Januari 06, 2018 ambapo wamejadili mambo mbalimbali ya kuboresha mradi huo wakati wa utekelezaji. 

    Miongoni mwa mambo waliyojadili ni kuboresha miundombinu ya barabara kuunganisha maeneo ya vivutio na miji ya ukanda huo pamoja na viwanja vya ndege ndani ya hifadhi viwe na hadhi na ubora wa kutua ndege kubwa ikiwemo za Air Tanzania. 

    "Nawapongeza kwa mradi huu ambao ni mzuri sana kwenye uhifadhi lakini una mapungufu kidogo kwenye biashara ya utalii jambo ambalo ni muhimu kuangaliwa ili uwe na tija zaidi kwa jamii na taifa kwa ujumla" alisema Dk. Kigwangalla.

    Alimuomba mratibu huyo kuona namna ya kubadilisha vipengele vya utekelezaji wa mradi huo ili uweze kuwa na tija zaidi hususan suala la miundombinu ya kuunganisha hifadhi mbalimbali za ukanda huo na miji ili kurahisisha usafiri wa kufikia vivutio hivyo kwa muda mfupi na kwa wakati.

    Kwa upande wake mratibu huyo alisema jambo hilo linajadilika na kwamba uendelezaji wa maeneo hayo ni mtambuka ukihusisha Wizara ya Ujenzi na Uchukuzi ambazo nazo zimeahidi kuboresha miundombinu ya maeneo hayo.

    Mradi wa REGROW unatarajiwa kuzinduliwa rasmi tarehe 12 Februari mwaka huu Mjini Iringa na Mhe. Makamu wa Rais, Samia Suluhu Hassan. Mwezi Agosti mwaka jana Serikali ya Tanzania ilisaini mkopo wa masharti nafuu wa Dola za Kimarekani Milioni 150 sawa na takriban bilioni 340 za Tanzania kwa ajili ya kuendeleza mradi huo.
    Waziri wa Maliasili na Utalii Dk. Hamisi Kigwangalla (katikati) akisisitiza jambo wakati wa mazungumzo na Muwakilishi wa Benki ya Dunia nchini Tanzania, Daniel Mira-Salama ambaye pia ni Mratibu wa Mradi wa REGROW kwa ajili ya kusimamia maliasili na kuendeleza utalii wa Ukanda wa Kusini ofisini kwake mjini Dodoma leo Januari 06, 2018 ambapo wamejadili mambo mbalimbali ya kuboresha mradi huo wakati wa utekelezaji. Kulia ni Naibu Katibu Mkuu wa Wizara hiyo, Dk. Aloyce Nzuki. 
    Waziri wa Maliasili na Utalii Dk. Hamisi Kigwangalla (kulia) akimsikiliza Muwakilishi wa Benki ya Dunia nchini Tanzania, Daniel Mira-Salama ambaye pia ni Mratibu wa Mradi wa REGROW kwa ajili ya kusimamia maliasili na kuendeleza utalii wa Ukanda wa Kusini ofisini kwake mjini Dodoma leo Januari 06, 2018 ambapo wamejadili mambo mbalimbali ya kuboresha mradi huo wakati wa utekelezaji. 
    Waziri wa Maliasili na Utalii Dk. Hamisi Kigwangalla (kulia) akiagana na Muwakilishi wa Benki ya Dunia nchini Tanzania, Daniel Mira-Salama ambaye pia ni Mratibu wa Mradi wa REGROW kwa ajili ya kusimamia maliasili na kuendeleza utalii wa Ukanda wa Kusini ofisini kwake mjini Dodoma leo Januari 06, 2018 baada ya kujadili mambo kadhaa ya kuboresha mradi huo wakati wa utekelezaji. Katikati ni Mratibu wa mradi huo kutoka Tanzania, Someni Mteleka. (PICHA NA HAMZA TEMBA-WMU)

    0 0

    Mkuu wa Majeshi ya Ulinzi Jenerali Venance Mabeyo akisalimiana na Wachezaji wa Timu ya Wanawake ya Klabu ya Gofu ya jeshi la ulinzi la Wananchi wa Tanzania ya Lugalo inayotarajia kushiriki mashindano ya Wazi ya Wanawake ya IBB nchini Nigeria Hivi karibuni
    Mkuu wa Majeshi ya Ulinzi Jenerali Venance Mabeyo akimkabidhi Bendera ya taifa Nahodha wa Timu ya Wanawake ya Klabu ya Gofu ya jeshi la ulinzi la Wananchi wa tanzania ya Lugalo inayotarajia kushiriki mashindano ya Wazi ya Wanawake ya IBB nchini Nigeria Hivi karibuni
    Mwenyekiti wa wa Chama cha Gofu nchini Joseph tango (Aliyesimama) akizungumza wakati wa Mkutano na Waandishi wa habari makao makuu ya jeshi Upanga ambapo Timu ya Wanawake ya Klabu ya jeshi ya Lugalo walikabidhidhwa bendera kwa Ajili ya kushiriki Michuano ya Wazi nchini Nigeria aliyeka Kushoto ni Mwenyekii wa Lugalo Brigedia Jenerali Michael Luwongo Mstaafu.
    Mkuu wa Majeshi ya Ulinzi Jenerali Venance Mabeyo akiwa katika Picha ya Pamoja na Wachezaji na Viongozi wa Klabu ya Gofu ya jeshi la ulinzi la Wananchi wa Tanzania ya Lugalo Wakuu wa Matawi na Wachezaji wanaotarajia kushiriki mashindano ya Wazi ya Wanawake ya IBB nchini Nigeria Hivi karibuni (Picha na Luteni Selemani Semunyu



    Na Luteni Selemani Semunyu JWTZ

    Mkuu wa Majeshi ya Ulinzi Jenerali Venance Mabeyo amewataka wachezaji wa Timu ya Wanawake ya Gofu ya Klabu ya Jeshi ya Lugalo kuhakikisha wanarejesha heshma ya jeshi kuwa kinara katika michezo na kuzalisha wachezaji bora wanaowakilisha nchi kwa mafaniko.

    Aliyasema hayo Makao Makuu ya jeshi Upanga Jijini Dar es Salaam wakati akiagana na wachezaji Sita wa Gofu wanaotarajia kuwakilisha nchi katika michuano ya wazi ya wanawake nchini Nigeria IBB Ladies Open Championship 2018 yanayaotarajia kufanyika hivi karibuni.

    Jenerali Mabeyo alisema kama ilivyokuwa katika Michezo ya Riadha na Ngumi sasa tunataka na kwenye gofu na kwa kuanza ni timu hii ya Gofu ya Wanawake kuhakikisha inarudi na ushindi mnono.

    “ Nikiwa mlezi wa Klabu naamini mtatuwakilisha vyema na Jeshi kwa ujumla tutaendelea kuwaunga mkono wachezaji wa Gofu na hata Michezo mingine kuhakikisha jeshi linaendelea kuwa kinara w michezo nchini na kuwa chachu kwa wengine” Alisema Jenerali Mabeyo.

    Aliongeza kuwa licha ya matumaini yake katika Gofu lakini pia katika Soka licha ya Mchezo huo kutawaliwa na simba na yanga lakini sasa walau mwanga unaonekana baada ya ya Timu ya Jeshi ya Green Worriorrs kuifurusha Timu ya Simba katika Michuano ya Kombe la Shirirkisho.

    “Ushindi ule ulikuwa Mwanzo mzuri wa kupunguza Ubabe wa Simba na Yanga na Ushabiki wa Simba na Yanga hata miongoni mwa Wachezaji hivyo nanyi kama mlivyofanya vyema katika mashindano Uganda sasa tunatarajia Ushindi toka Nigeria” Alisema Jenerali Mabeyo.

    Kwa Upande wa mwenyekiti wa Klabu hiyo Brigedia Jenerali Michael Luwongo Mstaafu aliwataja wachezaji hao kuwa ni Nahodha Ayne Magombe, Sara Denis , Sophia Mathius ,Hawa Wanyenche ,Christina Charles na Angel Eaton huku mkuu wa Msafara akiwa ni Kapten Japhet Masai.

    “ Nina matumaini makubwa na Kikosi hiki tunachokituma Nigeria naamini kitarejesha furaha kwa Klabu ,jeshi na Watanzania kwa ujumla ukizingatia uwezo Binafsi wa Wachezaji Mazoezi na Historia kutokana na michuano iliyotangulia” Alisema Brigedia Jenerali Mstaafu Luwongo.

    Kwa Upande wake mwenyekiti wa Chama cha Gofu nchini TGU Joseph tango amelipongeza jeshi la Ulinzi la wananchi wa Tanzania kwa jitihada katika kuendeleza michezo hasa mchezo wa gofu ambao klabu ya Lugalo imekuwa kielelezo.
    Aliomba mkuu wa majeshi ya ulinzi na Mlezi wa Klabu ya Lugalo kuendelea kuisaidia Klabu hiyo ambayo ndio klabu yenye mashindano mengi kwa mwaka ukilinganisha na Klabu nyingine nchini ikiwemo kusaidia utekelezaji wa Ujenzi wa Uwanja makao makuu ya nchi Dodoma.

    Mashindano hayo ya Siku Tatu yanatarajiwa kuanza Tarehe Nane Februari huku wachezaji kutoka nchi mbalimbali ikiwemo Kenya,Uganda, Zambia na Malawi wakitarajiwa kushiriki.

    0 0

     Waziri Mkuu, Kassim Majaliwa akiteta na Waziri wa Nchini, Ofisi ya Waziri Mkuu, Sera, Bunge, Kazi, Viana, Akira na Wende Ulemavu, Jenista Mhagama (kushoto)  na Waziri wa Nchi, Ofisi ya Makamu wa Rais, Mazingira na Muungano, January Makamba (katikati), Bungeni mjini Dodoma Februari 6, 2018. (Picha na Ofisi ya Waziri Mkuu)
     Waziri Mkuu, Kassim Majaliwa akizungumza  na Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Capt. George Mkuchika,  Bungeni mjini Dodoma, Februari 6, 2018.
     Waziri Mkuu, Kassim Majaliwa akizungumza na Mbunge wa Viti Maalum, Agness Marwa, Bungeni mjini Dodoma , Februari 6, 2017. 
     Waziri Mkuu, Kassim Majaliwa akizungumza na Mbunge wa Rombo, Joseph Selasini kwenye viwanja vya Bunge Mjini Dodoma Februari 6, 2018.
     Waziri Mkuu, Kassim Majaliwa akizungumza na Mbunge wa Nzega Mjini, Hussein Bashe kwenye viwanja vya Bunge Mjini Dodoma Februari 6, 2018.
     Waziri Mkuu, Kassim Majaliwa  akisalimiana na Mbunge wa Misungwi, Charles Kitwanga kwenye viwanja vya Bunge Mjini Dodoma Februari 6, 2018. 
    Waziri Mkuu, Kassim Majaliwa akizungumza na Mwanasheria Mkuu wa Serikali, Dkt. Adelardus Kilangi, Ofisini kwa Waziri Mkuu, Bungeni mjini Dodoma Februari 6, 2018. (Picha na Ofisi ya Waziri Mkuu)

    0 0

    RAIS Mtarajiwa wa Rotary International, Barry Rassin (kushoto) na mkewe Esther (kulia) wakilakiwa na District Governor aliyemaliza muda wake, Bwana Kenneth Mugisha, District Governor Mtarajiwa, Sharmila Bhatt pamoja na viongozi mbalimbali wa baada ya kuwasili Uwanja wa kimataifa wa Julius Nyerere (JNIA) Dar es Salaam Februari 5 2018, kwa ziara ya siku mbili kutembelea miradi mbalimbali ya Rotary Clubs jijini. Rais huyo atatembelea mradi wa 'Rotary Pediatric Oncology wodi iliyopo Hospitali ya Taifa ya Muhimbili, pia kupanda mti katika viwanja vya shule ya wasichana ya Jangwani hapo kwa lengo kuunga mkono mapinduzi ya kijani na utunzaji wa mazingira. #RIPEinD9211. (Picha na Robert Okanda Blogs)
    District Governor Mteule, Sharmila Bhatt akimpa muhtasari Rais Mteule wa Rotary International, Barry Rassin (kulia) alipowasili Uwanja wa kimataifa wa Julius Nyerere (JNIA) Dar es Salaam Februari 5 2018, kwa ziara ya siku mbili kutembelea miradi mbalimbali ya Rotary Clubs jijini. Rais huyo atatembelea mradi wa 'Rotary Pediatric Oncology wodi iliyopo Hospitali ya Taifa ya Muhimbili, pia kupanda mti katika viwanja vya shule ya wasichana ya Jangwani hapo kwa lengo kuunga mkono mapinduzi ya kijani na utunzaji wa mazingira. Pamoja nao ni District Governor, Bwana Kenneth Mugisha. 
    Baadhi ya viongozi wa Rotary Club wakiwa Uwanja wa kimataifa wa Julius Nyerere (JNIA) Dar es Salaam Februari 5 2018, wakati wa kumpokea Rais Mteule wa Rotary International Bary Rassin kwa ziara ya siku mbili kutembelea miradi mbalimbali ya Rotary Clubs jijini. Rais huyo atatembelea mradi wa 'Rotary Pediatric Oncology wodi iliyopo Hospitali ya Taifa ya Muhimbili, pia kupanda mti katika viwanja vya shule ya wasichana ya Jangwani hapo kwa lengo kuunga mkono mapinduzi ya kijani na utunzaji wa mazingira. 
    Rais Mteule wa Rotary International, Barry Rassin (kulia) akikaribishwa Past District Governor Jayesh Asher alipowasili Uwanja wa kimataifa wa Julius Nyerere (JNIA) Dar es Salaam Februari 5 2018, kwa ziara ya siku mbili kutembelea miradi mbalimbali ya Rotary Clubs jijini. Rais huyo atatembelea mradi wa 'Rotary Pediatric Oncology wodi iliyopo Hospitali ya Taifa ya Muhimbili, pia kupanda mti katika viwanja vya shule ya wasichana ya Jangwani hapo kwa lengo kuunga mkono mapinduzi ya kijani na utunzaji wa mazingira. 
    RAIS Mteule wa Rotary International, Barry Rassin (wa sita kulia) na mkewe Esther (kulia kwake) wakiwa katika picha ya pamoja na District Governor aliyemaliza muda wake, Bwana Kenneth Mugisha (wa nne kushoto), District Governor Mtarajiwa, Sharmila Bhatt (wa tano kulia) pamoja na viongozi mbalimbali wa baada ya kuwasili Uwanja wa kimataifa wa Julius Nyerere (JNIA) Dar es Salaam, kwa ziara ya siku mbili kutembelea miradi mbalimbali ya Rotary Clubs jijini. 


    RAIS Mteule wa Rotary International, Barry Rassin amewasili nchini Tanzania jana na kulakiwa na wenyeji wake District Governor, Bwana Kenneth Mugisha, District Governor Mteule, Sharmila Bhatt pamoja na viongozi mbalimbali wa baada ya kuwasili Uwanja wa kimataifa wa Julius Nyerere (JNIA) Dar es Salaam, kwa ziara ya siku mbili kutembelea miradi mbalimbali ya Rotary Clubs jijini. 

    Rais huyo aliyetumikia Rotary Club kwa Takribani Miaka 37 amewasili na kujionea baadhi ya miradi inayofadhiliwa na Taasisi hiyo hapa nchini hususani kwa jiji la Dar es Salaam, ambapo atakutana na vijana wadogo wa Club hiyo' Rotaractors' na kubadilishana nao mawazo kuwahamasisha kujitolea na kufanya shuguli mbalimbali za kijamii ili kuleta maendeleo chanya kwa umma.

    Rotary Club ina takribani matawi 38 ambapo nane kati ya hayo yapo Dar es Salaam. Rais Rassin anatokea Rotary Club ya Mashariki Nassau, Jimbo jipya la Nchini Bahamasi ambapo ni msomi wa taalum ya maswala ya afya na Utawala wa Tiba kutoka Chuo kikuu cha Florida Nchini Marekani.

    0 0


    Na Chalila Kibuda, Globu ya Jamii

    TANZANIA na China zimeamua kushirikiana kwa lengo la kukuza soko la utalii nchini.

    Hivyo imeelezwa watu maarufu na mashuhuri wa nchi ya China akiwamo mwigizaji maarufu wa nchi hiyo Maododo atakuwa miongoni mwa watakaokuja kutembelea vivutio vya utalii vilivyopo.Hatua inakuja kipindi ambacho kumekuwa na uchache wa watalii wa kutoka China kuja Tanzania,hivyo moja ya mkakati wa kuongeza watalii hao ni kuweka ushirikiano kwenye eneo la utalii.

    Akizungumza katika mkutano ulioandaliwa na Ubalozi wa China kwa kushirikiana na Bodi ya Utalii Nchini (TTB) uliofanyika leo Dar es salaam, Mwenyekiti wa Bodi ya Utalii Tanzania (TTB), Jaji Mstaafu Thomas Mihayo amesema uhusiano wa China na Tanzania ni wa muhimu sana.

    Amefafanua kuwa wana wanampango wa kubadilisha mfumo ili Wachina waingie kwa wingi nchini na kuboresha soko la utalii nchini China.Amesema fursa ya Wachina kushirikiana katika utalii i ni nzuri hasa  ikitumika ipasavyo."Kwani wamepata nafasi ya kuwatumia watu maarufu kutoka nchini China ili kusaidia kutangaza utalii wa Tanzania na moja ya watu maarufu watakaotumika kama mabalozi wa kutangaza Utalii ni muigizaji maarufu kutoka China.

    " Anayejulikana kwa jina maarufu la 'Maudodo' pamoja na Mhifadhi wa Mazingira na Wanyamapori na Mtafiti wa Sokwe Mtu Sokwe wa Mkoa wa Kigoma ,Dk. Jane Goodal,"amesema.Amefafanua kuwa wameamua kutumia wazo hilo kwa sababu wana mvuto kwenye jamii.Jaji Mstaafu Mihayo ameongeza bodi ya utalii nchini iko tayari kushirikiana bega kwa bega na China ili kufikisha soko la utalii mbali na kuwa la kimataifa.Amesema Tanzania ina kila aina ya vivutio vya kipekee ilivyojaliwa na ni vya asili kabisa.

    Kwa upande wa Katibu Mkuu wa Maliasili na Utalii, Meja Jenerali Gaudence Milanzi amesema wameamua kushirikiana na China kwa sababu China ni watu wanaosafiri sana duniani kote."Hivyo hivyo itasaidia kwa kiasi kikubwa kuutangaza na kutengeneza soko la utalii nchini," amesema.

    Milanzi ameipongeza China kwa kupiga marufuku bidhaa zinazotengenezwa kwa kutumia malighafi ya meno ya Ndovu(Tembo) na faru kwani  ni jambo jema na itasaidia kwa kiasi kikubwa kupunguza ujangili."Tunaomba nchi nyingine nazo kuiga walichokifanya China kwa lengo la kukabiliana na ujangili," amesema.

    Amesema Wachina wanatalii nchi mbalimbali lakini Tanzania wana asilimia moja katika kufanya utalii,hivyo ushirikiano huo lazima uendane na utalii.
     Katibu Mkuu wa Maliasili na Utalii, Meja Jenerali Gaudence Milanzi akizungumza wakati akifungua  mkutano wa ushirikiano kati ya Tanzania na China katika sekta ya Utalii jijini Dar es Salaam.
     Mwenyekiti wa Bodi ya Utalii, Jaji Mstaafu Thomas Miyayo akizungumza kuhusiana na utalii nchini wakati wa mkutano wa ushirikiano kati ya Tanzania na China katika sekta ya Utalii uliofanyika leo jijini Dar es Salaam.
     Mhifadhi wa Mazingira na Wanyamapori  na Mtafiti wa Sokwe Mtu  Sokwe wa Mkoa wa Kigoma ,Dk. Jane Goodal akizungumza kuhusiana na Utalii nchini leo jijini Dar es Salaam.
     Katibu Mkuu wa Maliasili na Utalii, Meja Jenerali Gaudence Milanzi akiwa katika picha ya pamoja na wa vatendaji wa TTB wadau wa Utalii wa China.
     Msanii Maarufu nchini China, Nanping Liu akikabidhi zawadi Mhifadhi wa Mazingira na Wanyamapori  na Mtafiti wa Sokwe Mtu  Sokwe wa Mkoa wa Kigoma, Dk. Jane Goodal katika Mkutano wa Utalii jijini Dar es Salaam.
    Baadhi ya wadau wakiwa katika mkutano wa wadau utalii kati ya Tanzania na China leo jijini Dar es Salaam.

    0 0

    RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akikata utepe kuashiria kulifungua jengo jipya la Mahakama ya Wilaya Mwanakwerekwe Unguja,kushoto Waziri Nchi Ofisi ya Rais Katiba Sheria na Utumishi wa Umma na Utawala Bora, Mhe.Haroun Ali Suleiman na kulia Jaji Mkuu wa Zanzibar Mhe. Omar Makungu na Makamu wa Pili wa Rais wa Zanzibar Balozi Seif Ali Iddi
    RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akimsikiliza Jaji Mkuu wa Zanzibar Mhe. Omar Othman Makungu akitowa maelezo wakati wa uzinduzi huo ya jengo jipya la mahakama ya Wilaya Mwanakwerekwe Unguja.

    BAADHI ya Wageni waalikwa wakifuatilia hafla ya uzinduzi wa Jengo jipya la Mahakama ya Wilaya Mwanakwerekwe Unguja wakati wa uzinduzi wake
    BAADHI ya Wanafunzi wa Skuli ya Sekondari ya Mwanakwerekwe Zanzibar wakifuatilia hutuba ya Rais wa Zanzibar na Mwenyekiti wa Baraza la Mapinduzi wakati wa hafla ya uzinduzi wa jengo hilo jipya baada ya ukarabati wake mkubwa
    KAIMU Mrajis wa Mahakama Zanzibar Mhe Yessaya Kayange akitowa maelezo ya kitaalamu ya ujenzi wa jengo hilo la Mahakama ya Wilaya Mwanakwerekwe wakati wa hafla ya ufunguzi wake.
    BAADHI ya Majaji na Mahakimu wa Mahakama za Zanzibar wakifuatilia hutuba ya Rais wa Zanzibar na Mwenyekiti wa Baraza la Mapinduzi Dk. Ali Mohamed Shein, akihutubia wakati wa hafla hiyo ya ufunguzi wa jengo hilo
    WAZIRI wa Nchi Ofisi ya Rais Katiba Sheria Utumishi wa Umma na Utawala Bora Zanzibar, Mhe. Haroun Ali Suleiman akizungumza wakati wa hafla ya uzinduzi wa jengo jipya la Mahakama ya Wilaya Mwanakwerekwe Zanzibar.
    JAJI Mkuu wa Zanzibar Mhe. Omar Othman Makungu akizungumza wakati wa uzinduzi wa Jengo jipya la Mahakama ya Wilaya Mwanakwerekwe Zanzibar kabla ya kumkaribisha Rais wa Zanzibar na Mwenyekiti wa Baraza la Mapinduzi Dk. Ali Mohamed Shein,kuhutubia hadhara hiyo
    RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akihutubia wakati wa hafla ya uzinduzi wa Jengo la Mahakama ya Wilaya Mwamakwerekwe Zanzibar
    RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, Makamu wa Pili wa Rais wa Zanzibar Balozi Seif Ali Iddi na Jaji Mkuu wa Zanzibar Mhe. Omar Othman Makungu, wakiwa katika picha ya pamoja na Wanafunzi wa Skuli ya Sekondari Mwanakwerekwe Unguja
    RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, Makamu wa Pili wa Rais wa Zanzibar Balozi Seif Ali Iddi na Jaji Mkuu wa Zanzibar Mhe. Omar Othman Makungu, wakiwa katika picha ya pamoja na Wafanyakazi wa Mahakama ya Wilaya ya Mwanakwerekwe Zanzibar baada ya uzinduzi wa jengo hilo.(Picha na Ikulu
    RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein, akisalimiana na Jaji Mkuu wa Zanzibar Mhe Omar Othman Makungu, alipowasili katika viwanja vya jengo la Mahakama ya Wilaya Mwanakwerekwe Wilaya ya Magharibi A. Unguja

    0 0

    Tarehe 24 - 26/01/2018 Mh. Naibu Waziri wa Nishati, Subira Mgalu ametembelea na kukagua utekelezaji wa Miradi ya umeme vijijini (REA II & REA III) kwenye jumla ya vijiji 18 katika wilaya za ROMBO, MWANGA NA SAME Mkoani Kilimanjaro.

    Katika ziara hiyo Naibu Waziri aliongea na wananchi, pia kutambulisha wakandarasi wa miradi ambapo aliwaagiza wakandarasi waepuke kurudia makosa yaliyojitokeza awali na kuhakikisha wanakamilisha kazi ndani ya muda uliopangwa.

    Pia Katika ziara hiyo Mh. Naibu waziri alitembelea bwawa la kuzalisha umeme la NYUMBA YA MUNGU kujionea shughuli za uzalishaji.

    Mh Naibu waziri amemaliza ziara yake 26/01/2018 saa 12:00 jioni na kuelekea mkoani TANGA.

    RCRO KILIMANJARO.

    Mh. Naibu Waziri wa Nishati, Subira Mgalu akiwaeleza wananchi wa kijiji cha Mkisha kuhusu kifaa kijulikanacho kama UMETA (REDY BODY) kifaa hicho hutumika kama mbadala wa kusuka mifumo ya waya (wiring) ndani ya nyumba. Aliyeshika kifaa hicho ni Afisa uhusiano TANESCO KILIMANJARO Bw. Samuel Mandari.

     Mh. Naibu Waziri wa Nishati, Subira Mgalu akiwasikiliza wanakijiji na kueleza uhitaji wa huduma ya umeme.

    Wanakijiji wakimsikiliza Mh. Naibu Waziri wa Nishati, Subira Mgalu (hayupo pichani) akieleza uhitaji wa huduma ya umeme.


    Mh. Naibu Waziri wa Nishati, Subira Mgalu, Mkuu wa wilaya ya Same Mh. Rosemary Senyamule, Kamati ya Ulinzi na usalama wilaya, wakiwa na viongozi wa TANESCO MKOA wa Kilimanjaro walipo tembelea Kijiji cha Vunta wilayani Same.


    0 0

    Katibu wa umoja wa wanawake wa Ccm (UWT) wilaya ya Kilolo Judith Laizer akiongea na baadhi ya viongozi ,walimu na wanafunzi wa shule ya msingi Isoliwaya wakatika wa kukabidhi msaada huo kwa ajili ya kujengea vyoo ya walimu wa shule hiyo
    Katibu wa umoja wa wanawake wa Ccm (UWT) wilaya ya Kilolo Judith Laizer akiwa ameambatana na baadhi ya viongozi wa chama hicho Leah Moto na Nancy Nyalusi walikuwa kwenye ziara ya kusherekea miaka 41 ya chama cha mapinduzi 
    Hili ni moja ya jengo lashule ya msingi Ilula iliyopo katika tarafa ya mazombe wilayani kilolo mkoani Iringa 
    Baadhi ya viongozi wa chama cha mapinduzi wilaya ya kilolo wakiwa katika kusherekea miaka 41 ya kuzaliwa chama chao kwa kufanya shughuli za kijamiii




    Na Fredy Mgunda,Iringa. 

    WALIMU wa shule ya msingi Ilula na Isoliwaya zilizoko katika kata ya Ilula Wilaya ya Kilolo wanakabiriwa na magonjwa ya Mlipuko kwa kukabiliwa na changomoto ya choo.

    Shule hizo zilizotenganishwa baada idadi kubwa ya wanafunzi, walimu 49 wanalazimika kutumia choo Chenye matundu mawili hali inayohatarisha usalama wa afya zao.

    Akizungumza mbele ya Katibu wa umoja wa wanawake wa Ccm (UWT) wilaya ya Kilolo Judith Laizer, mwalimu Msaidizi wa shule ya Msingi Isoliwaya, Huruma Mbena alisema hali hiyo inahatarisha afya za walimu kutokana na changamoto hiyo.

    Mbena alisema kuwa baada ya shule hizo kutenganishwa vyoo vya walimu vilibaki kwa shule ya Ilula hivyo kutokana na idadi kubwa ya walimu wanalazimika kutumia vyoo hivyo licha ya kutotosheleza kutokana na idadi kubwa ya walimu.

    Aidha alisema kuwa shule hiyo inakabiliwa na changamoto ya nyumba za walimu ambao hadi sasa walimu 21 wanaishi katika nyumba za kupanga hali inayowaletea ugumu wa maisha zaidi.Alisema kuwa changamoto nyingine wanayokabiliana nayo ni ukosefu wa ofisi za walimu na ofisi ya mwalimu mkuu na kulazimika kutumia moja ya darasa kama ofisi na kupunguza idadi ya madarasa.

    Akijibia hoja zilizopo kwenye risala Katibu wa umoja wa wanawake wa Ccm (UWT) wilaya ya Kilolo Judith Laizer alisema kuwa umoja huo umewaleta mifuko ya saruji kumi na tano (15) na bati saba kwa ajili ya kusaidia kujenga vyoo vya walimu ili kupunguza adhabu wanayoipata.

    “Kweli ukikosa huduma ya choo bora walimu hawezi kuwa huru kufundisha wanafunzi maana anaenda chooni huku akijua kuwa wanafunzi wake wanamtazama kwa mtazamo tofauti na ukizingatia maisha ambayo wanaishi majumbani kwao” alisema Laizer

    Laizer alisema kuwa changamoto nyingine kama ukosefu wa nyumba za walimu,upungufu wa vyumba nane vya madarasa na ukosefu wa ofisi ya walimu atazifikisha kwa viongozi wa wilaya na kwa mbunge wa jimbo hilo Vennace Mwamoto.

    “Hizi changamoto zenu zinatatulika kwa kuzingatia kuwa vingozi wa wilaya hii ni wachapakazi na waadilifu kuwatumikia wananchi nauhakika kuwa watakuja hapa na kuzitafutia ufumbuzi hizi changamoto kwa kuwa nitazifikisha kama nilivyozichukua hapa” akisema Laizer

    Lakini Laizer aliwataka viongozi wa bodi ya shule hilyo kuhakikisha kuwa wanafanya kazi kwa ukaribu na wazazi wa shule hiyo kwa kuhakikisha wanaanza ujenzi wa nyumba za walimu pamoja na kujenga vyumba vya madarasa na mwishoni mbunge na halmshauri watamalizia sehemu iliyobaki.

    “Naombeni nyie viongozi kufanya kazi kwa ukaribu na viongozi hao bila kuwashirikisha walimu kwa kuwa Rais wa jamhuri ya muungano wa Tanzania Dr John Pombe Magufuli kama alivyoagiza kuwa elimu bure bila malipo” alisema Laizer

    Laizer aliwapongeza walimu wa shule hiyo kwa kufanya kazi kubwa ya kufaulisha kwa wastani unaolidhisha na kuwaomba kuongeza bidii kufundisha huku wakibuni mbinu mpya za ufundishaji.

    0 0


    Waziri wa mambo ya ndani nchini,Dkt Mwigulu Nchemba leo ameongoza oparesheni ya kuteketeza jumla ya ekari sita za bangi zilizokuwa zimelimwa katikati ya msitu ndani ya kijiji cha Engalaoni wilayani Arumeru mkoani Arusha.

    Mwigulu akishirikiana na kamanda wa jeshi la polisi mkoani Arusha,(RPC)Charles Mkumbo pamoja na vikosi vya askari wa jeshi la polisi mkoani hapa walilazimika kuacha magari yao njiani na kutembea umbali wa kilomita 5 milimani kufika katikati ya msitu huo ambapo wamiliki wa mashamba hayo walitokomea kusikojulikana.

    Akizungumza na waandishi wa habari wakati wa zoezi hilo Mwigulu alisema kwamba serikali itaendelea na oparesheni pande zote za nchi na haitasita kuwakamata wahusika wote na kutaifisha magari yatakayotumika kusafirisha bangi.

    Akizungumza na askari waliokuwa wakishiriki katika zoezi hilo Mwigulu mbali na kuwapongeza kwa kazi wanayofanya lakini aliwambia kwamba pamoja na kufanikiwa kuteketeza madawa ya kulevya yanayolimwa mashambani lakini waongeze juhudi pia katika kupambana na madawa ya kulevya yanayotengenezwa viwandani.
    Waziri wa mambo ya ndani nchini,Dkt Mwigulu Nchemba leo ameongoza oparesheni ya kuteketeza jumla ya ekari sita za bangi zilizokuwa zimelimwa katikati ya msitu ndani ya kijiji cha Engalaoni wilayani Arumeru mkoani Arusha.

    Waziri wa mambo ya ndani nchini,Dkt Mwigulu Nchemba leo ameongoza oparesheni ya kuteketeza jumla ya ekari sita za bangi zilizokuwa zimelimwa katikati ya msitu ndani ya kijiji cha Engalaoni wilayani Arumeru mkoani Arusha.

    0 0

    Mwanasheria Mkuu wa Serikali Dk. Adelardus Kilangi amekutana na kufanya mazungumzo na Waziri Mkuu Mhe. Kassim Majaliwa mjini Dodoma hapo jana, ikiwa ni sehemu ya ratiba yake ya kujitambulisha kwa viongozi mbalimbali mara baada ya kuapishwa Bungeni mwanzoni mwa wiki. Picha kwa hisani ya PMO.

    0 0

     
     Waziri wa Nchi, Ofisi ya Rais, Tamisemi Selemani Jafo akizungumza na walimu na wanafunzi wa shule ya msingi Mwandege.

     Waziri wa Nchi, Ofisi ya Rais, Tamisemi Selemani Jafo akizungumza na walimu na wanafunzi wa shule ya msingi Mwandege.

     Waziri wa Nchi, Ofisi ya Rais, Tamisemi Selemani Jafo akitoa maagizo kwa viongozi wa wilaya ya Mkuranga juu ya ujenzi wa madarasa ya shule ya msingi Mwandege.

     Waziri wa Nchi, Ofisi ya Rais, Tamisemi Selemani Jafo akikagua matofali yaliyoandaliwa kwa ajili ya kuanza ujenzi wa shule mpya ya Kipara Mpakani.

    Wanafunzi wa shule ya msingi Mwandege wakimsikiliza Waziri wa Nchi, Ofisi ya Rais, Tamisemi Selemani Jafo alipo watembelea shuleni hapo.

      ....................................................................

    Waziri wa Nchi Ofisi ya Rais,Tawala za Mikoa na Serikali za Mitaa(TAMISEMI) Mhe.Selemani Jafo amemuagiza Mkuu wa wilaya ya Mkuranga na Mkurugenzi wa Halmashauri ya wilaya hiyo kuanza ujenzi wa madarasa haraka iwezekanavyo katika shule ya msingi Mwandege ili kuondoa msongamano wa wanafunzi madarasani.


    Agizo hilo amelitoa leo baada ya kutembelea katika Shule hiyo yenye zaidi ya wanafunzi 3700 ambapo kati yao wanafunzi zaidi ya 560 ni darasa la kwanza pekee. 


    Amesema kutokana na hamasa kubwa ya jamii kuwapeleka watoto kujiunga na elimu ya msingi kwa kutumia fursa ya elimu ya msingi bila malipo kumesababisha msongamano wa wanafunzi shuleni hapo.


    Aidha Waziri Jafo amewaangiza viongozi hao wa wilaya kuweka mikakati ya haraka ili kuondoa kero ya vyumba vya madarasa na madawati shuleni hapo.Kadhalika, Jafo ameagiza ujenzi wa shule mpya katika eneo la Kipara Mpaka ambalo lipo jirani na  shule ya mwandege sambamba na kukamilisha shule mpya ya Chatembo ili kupunguza idadi kubwa ya wanafunzi waliopo kwenye shule hiyo.


    Amesema baada ya shule hizo kujengwa wanafunzi hao watatawanywa katika maeneo hayo mapya.Katika kupunguza kero hiyo ya upungufu wa nyumba vya madarasa,  Waziri Jafo amewapa hamasa walimu kwamba serikali itapeleka fedha ndani ya wiki hii ili ujenzi wa vyumba vitatu vya madarasa uanze haraka iwezekanavyo. 


    “Ifikapo Machi 6, mwaka huu vyumba vya madarasa viwe vimekamilika na nawaonya Ofisi ya mkuu wa wilaya na Ofisi ya mkurugenzi kuacha malumbano yasiyo na maana ambayo yanarudisha nyumba upelekaji wa huduma za jamii kwa wananchi,”amesisitiza Jafo


    Katika ziara hiyo, Jafo amewaomba viongozi na wananchi wa wilaya ya Mkuranga wamuunge mkono Mbunge wa Jimbo hilo Mhe. Abdallah Ulega kwani anajituma sana kwa ajili ya kuwaletea maendeleo wananchi wa Mkuranga.


    0 0

       
    Waziri wa Nchi,Ofisi ya Rais TAMISEMI Selemani Jafo akizungumza  na wananchi wa kijiji cha Mkamba wilayani mkuranga


     Waziri wa Nchi,Ofisi ya Rais TAMISEMI Selemani Jafo akiwa na baadhi ya viongozi wa Mkuranga na mkoa wa Pwani akifanya ukaguzi wa bonde korofi la mkuruili linalo unganisha barabara ya mkamba kwenda Msanga.
    Waziri wa Nchi,Ofisi ya Rais TAMISEMI Selemani Jafo akikagua utoaji wa huduma za afya katika kituo cha afya Mkamba.

    Waziri wa Nchi,Ofisi ya Rais TAMISEMI Selemani Jafo  akiwa na baadhi ya viongozi walio shiriki ukaguzi wa barabara ya mkamba kwenda Msanga ambayo inahitaji matengenezo makubwa
    ............................................................
    Wananchi wa kata ya Mkamba wilayani Mkuranga wameishukuru serikali kuwa kuwapatia fedha za kuboresha kituo chao cha afya. 

    Shukrani hizo zimetolewa na wananchi hao wakati wa ziara ya Waziri wa Nchi Ofisi ya Rais TAMISEMI Selemani Jafo alipotembelea kijijini hapo.

    Akizungumza na wananchi wa kata ya Mkamba Waziri Jafo amewapongeza wananchi hao kwa kuanza maandalizi ya ujenzi wa miundombinu itakayojengwa na fedha hizo zilizo tolewa na serikali. 

    Jafo amempongeza mbunge wa Jimbo hilo Mhe. Abdullahi Ulega kwa kupeleka kilio cha wananchi wa Mkamba hadi serikali kufanya maamuzi ya kupeleka milioni 400 za ujenzi wa miundombinu na milioni 300 zingine zimepelekwa MSD kwaajili ya ununuzi wa vifaa. 

    Aidha, Jafo amewaagiza viongozi wa Mkuranga kwenda kujifunza katika kituo cha afya Maneromango kilichopo wilayani Kisarawe ili waone jinsi matumizi ya force account yalivyoleta manufaa katika ujenzi wa vituo vya afya hapa  nchini.

    Baada ya kikao na wananchi wa Mkamba Waziri Jafo alifanya ukaguzi wa barabara inayounganisha wilaya ya Mkuranga na wilaya ya Kisarawe kupitia bonde la Mkuruili na amewaagiza mameneja wa TARURA wa wilaya ya  Mkuranga na wilaya ya Kisarawe kukaa pamoja kuiwekea mikakati barabara hiyo ili wananchi wa maeneo hayo waweze kuunganishwa vyema.



    0 0

    Mkuu wa Wilaya ya Kondoa Mh. Sezaria Makota amesema hatowafumbia macho wale wote wenye nia ya kuishusha wilaya ya Kondoa kielimu kwa kuvuruga kwa makusudi mikakati ya kuinua elimu wilayani humu.

    Aliyasema hayo wakati wa kikao cha wadau wa elimu wa Halmashauri ya Mji Kondoa kilichofanyika katika ukumbi wa Kondoa Irangi hivi karibuni na kuhudhuriwa na wadau mbalimbali wa elimu ili kujadili changamoto na  mikakati ya kuinua elimu ndani ya Wilaya ya Kondoa.

    Alisema kuwa katika utawala wake hatoruhusu elimu kushuka kwani matokeo ya darasa la saba mwaka jana wilaya imeshuka kiwastani ukilinganisha na mwaka juzi ambapo wilaya ilikuwa na wastani wa asilimia 80 na mwaka jana imeshuka na kufikia asilimia 71 hivyo viongozi wajipange kusimamia elimu ili kuhakikisha ufaulu unapanda.

    Aidha aliwaagiza maafisa elimu kumpelekea mipango yao ili kuona jinsi gani wanainua elimu na kutaka viongozi wa Halmashauri kuacha migogoro na kutekeleza mipango kwa vitendo ili kufikia mafanikio katika elimu.

    Wakiongea wadau mbalimbali waliojitokeza walisema kuwa changamoto kubwa ya kushusha ufaulu katika wilaya ni upungufu wa walimu, wazazi kutokuwa na mwamko wa elimu, kukosekana kwa mafunzo kwa walimu, kutolipa madai ya walimu mapema na utoro wa wanafunzi kutokana na kutoelewa masomo.

    Hata hivyo Mwenyekiti wa Halmashauri ya Mji Kondoa Mh. Hamza Mafita alifafanua kuwa Halmashauri inaendelea kujipanga kuboresha sekta ya walimu kwa kuwapatia motisha walimu na kuwapatia gari Idara ya Elimu ili waweze kufanya ufuatiliaji wa elimu na kuwaagiza Waheshimiwa Madiwani kuweka elimu kuwa agenda ya kudumu katika vikao vya kata.

    Akifunga kikao hicho Mbunge wa Kondoa Mjini Mh. Edwin Sannda alisema kuwa viongozi wanawajibu wa kuwabadilisha wazazi ili wawe na utamaduni wa kupenda elimu ikiwa ni pamoja na kuzingatia maadili kwa wanafunzi, walimu na watumishi kwani kwa kufanya hivyo elimu itapanda kwani changamoto zilizopo ni za nchi nzima.

    Kikao cha wadau wa Elimu kilifanyika hivi karibuni wilayani Kondoa kwa ajili ya kubaini, kujadili changamoto na kuweka mikakati ya kuinua elimu ambapo pia walimu mbalimbali wa Shule za Masingi waliofaulisha kwa alama A kwa somo walipewa zawadi ikiwemo shule tano zilizofanya vizuri na shule tano zilizofanya vibaya.
    Mkuu wa Shule ya Sekondari Kwapakacha Mwalimu Pantaleo akisoma barua katika kikao cha wadau wa elimu iliyoandikwa na mwanafunzi wa kidato cha pili akielezea sababu za kutaka kuacha shule.
      Mwenyekiti wa Halmashauri ya Mji Kondoa akimwelekeza Mwalimu Mkuu wa Shule ya Msingi Tungufu kupandisha ufaulu baada ya kupokea cheti cha shule yenye ufaulu duni Wilayani katika kikao cha wadau wa elimu kilichofanyika katika ukumbi wa Kondoa Irangi hivi karibuni.
     Katibu Tawala Wilaya ya Kondoa, Winnie Kijazi akimpa zawadi mmoja ya walimu waliofaulisha kwa alama A katika mtihani wa darasa la saba mwaka 2017 kwenye kikao cha wadau wa elimu.

    0 0

    Jeshi la Zimamoto na Uokoaji Mkoani Arusha limemkabidhi vifaa vya kuzimia moto (fire extenguisher’s) sita mkuu wa Mkoa wa Arusha, Mrisho Gambo kwa niaba ya Rais wa Jamhuri ya Muungano wa Tanzania, Dkt. John Pombe Magufuli kwa ajili ya nyumba za polisi zilizojengwa mkoani humo.

    Akikabidhi vifaa hivyo kamanda wa Jeshi la Zimamoto na Uokoaji Mkoa wa Arusha Kamanda, Kennedy Komba amesema Jeshi hilo lina wajibu wa kuhakikisha ujenzi wa nyumba za makazi unazingatia vigezo vyote vya usalama, wao kama Jeshi wanaunga mkono jitihada za Rais Magufuli katika kuhakakikisha makazi ya askari polisi yanakua bora.

    “Sisi kama Jeshi la Zimamoto na uokoaji mkoa wa Arusha tunaunga mkono jitihada za Amiri Jeshi Rais Magufuli sambamba na wadau wengine waliochangia ujenzi katika kuhakikisha nyumba hizi mpya za askari ambazo ziliungua moto miezi michache iliyopita zinakua salama kwa kuweka vizima moto katika kila nyumba kama matakwa ya usalama yanavyohitaji” alisema Kamanda Komba.

    Naye Mkuu wa Mkoa wa Arusha Mrisho Gambo alipongeza sana jeshi hilo kwa kuonyesha moyo wa kujali jitihada za Rais Magufuli na wao kufanya kitu ambacho kinatuma ujumbe kwa jamii juu ya umuhimu wa kuzingatia usalama dhidi ya Majanga ya Moto.

    “Kwakweli nimefurahi sana kupokea hizi fire extinguishers kwaajili ya nyumba zetu za polisi pia tunafurahi kuona hata taasisi za serikali zikishirikiana na Mhe Rais kufanikisha mradi huu,pia uwekaji wa vifaa hivi unatukumbusha hata sisi tunapojenga nyumba zetu ni muhimu sana kukumbuka kuweka vifaa vya tahadhari kwani kinga ni bora kuliko tiba” alinukuliwa Gambo.

    Ujenzi wa nyumba hizo 31 kwaajili ya makazi ya askari polisi umetokana na janga la moto lililosababisha jumla ya kaya 13 za askari katika kituo kikuu cha Polisi mkoani Arusha kupoteza makazi na mali miezi michache iliyopita.Mradi huu wa nyumba za polisi umegharimu zaidi ya shilingi milioni 540 ambapo shilijngi milioni 260 zimetolewa na Rais Magufuli.

    0 0

    Mwishoni mwa wiki Naibu Waziri wa Nishati, Subira Mgalu ametembelea na kukagua utekelezaji wa Miradi ya umeme vijijini (REA II & REA III) kwenye jumla ya vijiji 18 katika wilaya za ROMBO, MWANGA NA SAME Mkoani Kilimanjaro.

    Katika ziara hiyo Naibu Waziri aliongea na wananchi, pia kutambulisha wakandarasi wa miradi ambapo aliwaagiza wakandarasi waepuke kurudia makosa yaliyojitokeza awali na kuhakikisha wanakamilisha kazi ndani ya muda uliopangwa.

    Pia Katika ziara hiyo Mh. Naibu waziri alitembelea bwawa la kuzalisha umeme la NYUMBA YA MUNGU kujionea shughuli za uzalishaji.Naibu waziri amemaliza ziara yake Januari 26/2018 na kuelekea jijini TANGA.
    Naibu Waziri wa Nishati, Subira Mgalu akiwaeleza wananchi wa kijiji cha Mkisha kuhusu kifaa kijulikanacho kama UMETA (REDY BODY) kifaa hicho hutumika kama mbadala wa kusuka mifumo ya waya (wiring) ndani ya nyumba. Aliyeshika kifaa hicho ni Afisa uhusiano TANESCO KILIMANJARO Bw. Samuel Mandari.
    Naibu Waziri wa Nishati, Subira Mgalu akizungumza na wanakijiji na kueleza uhitaji wa huduma ya umeme.

    Wanakijiji wakimsikiliza Naibu Waziri wa Nishati, Subira Mgalu (hayupo pichani) akieleza uhitaji wa huduma ya umeme.Mh. Naibu Waziri wa Nishati, Subira Mgalu, Mkuu wa wilaya ya Same Mh. Rosemary Senyamule, Kamati ya Ulinzi na usalama wilaya, wakiwa na viongozi wa TANESCO MKOA wa Kilimanjaro walipo tembelea Kijiji cha Vunta wilayani Same.


    0 0

    Na Lukelo Mshaura- Njombe.

    Baraza la madiwani la Halmashauri ya wilaya ya Njombe limepitisha mapendekezo ya rasimu ya bajeti ya mwaka wa fedha 2018/2019 wilayani hapa.

    Katika mapendekezo hayo baraza hilo limepitisha kiasi cha zaidi ya bilioni 25.2  kutumika katika kutekeleza shughuli mbalimbali kwenye Halmashauri ya Wilaya ya Njombe kwa kipindi cha mwaka wa fedha 2018/2019.

    Akisoma mpango na rasimu ya  bajeti  kwenye kikao cha baraza la madiwani ,Mkurugenzi mtendaji wa Halmashauri ya Wilaya ya Njombe, Bi Monica Kwiluhya alivitaja vyanzo vya kufanikisha bajeti hiyo kuwa ni Serikali Kuu, wafadhili, mapato ya ndani, uchangiaji wa huduma za afya, uchangiaji wa ada kidato cha tano na sita pamoja na mchango wa jamii kwenye miradi ya maendeleo.

    Akiainisha mchanganuo wa vyanzo hivyo  Bi Kwiluhya alibainisha kuwa Serikali kuu inatarajiwa kuchangia kiasi cha bilioni 20.179, wafadhili bilioni 2.965, mapato ya ndani halisi bilioni 1,439, uchangiaji huduma za afya  zaidi ya milioni 140, uchangiaji ada ya kidato cha tano na sita milioni 42 huku mchango wa jamii kwenye miradi ya maendeleo ukiwa ni kiasi cha milioni 520.

    Bi kwiluhya alifafanua kuwa  mwaka wa fedha 2018/2019 Halmashauri ya wilaya ya Njombe imekadiria kutumia zaidi ya bilioni tano ( 5) kwa ajili ya kutekeleza miradi ya maendeleo kwenye maeneo mbalimbali ya Halmashauri.

    “Kwa sasa Halmashauri ya Wilaya ya Njombe haina hospitali ya wilaya kutokana na Halmashauri hii kugawanyika katika halmashauri tatu hivyo tumeweka maombi maalumu kwa ajili ya ujenzi wa Hospitali kiasi cha bilioni mbili  ambazo ni fedha za awamu ya kwanza” alisema Bi Kwiluhya.
    Aliongeza kuwa katika kufanikisha hilo tayari Halmashauri imetenga bajeti ya milioni 180 kupitia mapato yake ya  ndani kwa ajili ya kuanza ujenzi wa Hospitali ya wilaya itakayojengwa katika Kata ya Matembwe wilayani Njombe.

    Aliyataja maeneo ya kipaumbele kuwa ni miradi ya maendeleo itakayoleta matokeo ya haraka (Quick Wins) ambayo itasaidia kuinua uchumi, kurejesha asilimia 20 ya mapato ya ndani kwenye vijiji, pamoja na kuboresha huduma mbalimbali za jamii.

    Maandalizi ya mpango na bajeti wa Halmashauri ya Wilaya Njombe umeanza katika ngazi za vijiji ambapo jamii imeshiriki katika kuibua miradi na kujadiliwa katika mikutano mbalimbali kuanzia ngazi ya kijiji.
    Sambamba na hilo bajeti hiyo imeandaliwa kwa kuzingatia  Utekelezaji wa Malengo Makubwa ya Dira ya Maendeleo ya taifa mwaka 2025, Malengo ya maendeleo endelevu kidunia 2016-2030, Mpango wa maendeleo wa Taifa wa miaka mitano 2016/2017-2020/2021 pamoja na muongozo wa uandaaji wa bajeti ya mwaka 2018/2019.

    Miongozo mingine iliyozingatiwa wakati wa uandaaji wa bajeti ni Hotuba ya Rais wa Jamhuri hya Muungano wa Tanzania wakati akilizindua bunge la 11 la Jamhuri ya Muungano wa Tanzania tarehe 20,  Novemba 2015, Mpango mkakati wa Halmashauri wa miaka mitano (2016/2017-2020/2021), mipango shirikishi ya jamii kwa kutumia dhana ya Fursa na vikwazo kwa Maendeleo (O&OD) pamoja maelekezo  yaliyotolewa katika Ilani ya chama cha Mapinduzi (CCM) ya mwaka 2015
     Mkurugenzi Mtendaji wa Halmashauri ya wilaya ya Njombe, Bi Monica Kwiluhya akiwasilisha mapendekezo ya mpango na bajeti wa Halmshauri ya wilaya ya Njombe wa mwaka 2018/2019.
    Madiwani wa Halmashauri ya wilaya ya Njombe wakifuatilia mjadala wa mapendekezo ya  bajeti ya halmashauri hiyo ya mwaka wa fedha 2018/2019

    0 0

     Kaimu Mkurugenzi Mkuu wa Mamlaka ya Elimu Tanzania (TEA), Graceana Shirima (wa pili kushoto) akikagua shughuli ya ukarabati katika Shule ya Sekondari ya Dodoma baada ya kuzindua rasmi kazi hiyo. TEA imetoa zaidi ya Shilingi milioni 900 kwa ajili ya ukarabati huo. Kushoto ni Mkurugenzi wa Manispaa ya Dodoma Godwin Kunambi na kulia ni Mhandisi Lupakisyo Mwalwiba ambaye ni Meneja Miradi kutoka Chuo cha Sayansi na Teknolojia Mbeya (MUST)  ambaye ndiyo Mtaalamu Mshauri. 
    Kaimu Mkurugenzi Mkuu wa TEA Graceana Shirima (kushoto) akikagua maeneo mbalimbali yanayofanyiwa ukarabati katika Shule ya Sekondari ya Bihawana iliyopo Halmashauri ya Manispaa ya Dodoma jana mara baada ya kufanya uzinduzi rasmi wa kazi hiyo. TEA imetoa zaidi ya Shilingi Bilioni 1.2 kwa ajili ya kuikarabati Shule hiyo.
     Ukarabati ukiendelea katika Shule ya Sekondari ya Dodoma

    Na Ramadhani Juma, Ofisi ya Mkurugenzi 
    SERIKALI kupitia Mamlaka ya Elimu Tanzania (TEA) imetoa zaidi ya shilingi Bilioni 2.1 kwa ajili ya kukarabati Shule za Sekondari za Bihawana na Dodoma zilizopo Manispaa ya Dodoma ikiwa ni sehemu ya utekezaji wa mpango wa Serikali wa kuzifanyia ukarabati mkubwa Shule kongwe Nchini.

    Kati ya Fedha hizo, zaidi ya Shilingi Bilioni 1.2 zitatumika kukarabati Shule ya Sekondari ya Bihawana pekee na zaidi ya Shilingi Milioni 900 zitatumika katika Shule ya Sekondari ya Dodoma.

    Akizungumza wakati wa uzinduzi rasmi wa kazi ya ukarabati katika shule hizo jana, Kaimu Mkurugenzi Mkuu wa TEA Graceana Shirima alisema kuwa, shughuli ya ukarabati ilitanguliwa na upembuzi yakinifu wa hali halisi ya mahitaji ya ukarabati uliofanywa na mtaalamu mshauri ambaye ni Chuo cha Sayansi na Teknolojia Mbeya (MUST).

    “Baada ya upembuzi yakinifu, maeneo ya kipaumbele katika ukarabati kwa awamu hii itahusisha Madarasa, maabara, bwalo na jiko,  vyoo, na mifumo ya umeme, mifumo ya TEHAMA na mifumo na maji safi na maji taka” alisema Shirima.

    Alisema  awamu hii ya ukarabati inatarajiwa  kukamilika ndani ya kipindi cha  miezi minne, na awamu nyingine za ukarabati zitatekelezwa kulingana na upatikanaji wa fedha.

    Kwa upande wake, Mkurugenzi wa Halmashauri ya Manispaa ya Dodoma Godwin Kunambi aliishukuru Mamlaka ya Elimu kwa kuzipatia Shule za Manispaa hiyo Fedha nyingi kwa ajili ya ukarabati huku akitolea mfano wa Shule ya Wasichana ya Msalato ambayo ilishafanyiwa ukarabati mkubwa mwaka uliopita.

    Kunambi aliahidi kuwa, Manispaa ya Dodoma  ambaye ndiye mmiliki wa Shule hizo itasimamia kwa karibu kila hatua ya kazi hiyo.

    Baadhi ya Wanafunzi wa Shule zinazofanyiwa ukarabati wamepongeza hatua ya Serikali ya kutekeleza mpango huo na kwamba itawaboresha mazingira ya kujifunzia ikiwa ni pamoja na uimarishaji wa miundombinu muhimu kama umeme, maji, na mabweni.

    Mamlaka ya Elimu Tanzania (TEA), kwa kushirikiana na Wizara ya Elimu, Sayansi na Teknolojia inatekeleza Mpango kabambe wa ukarabati wa Shule kongwe 89 za Sekondari Nchini ambao unafanyika kwa awamu.


    0 0


    0 0


    0 0

    Mkurugenzi wa Idara ya Habari na Msemaji Mkuu wa Serikali, Dk. Hassan Abbasi akifafanua jambo kwa waandishi wa habari wakati akitoa taarifa ya utekelezaji wa ahadi mbalimbali za Serikali mapema hii leo jijini Dar es Salaam.
    Mkurugenzi wa Idara ya Habari na Msemaji Mkuu wa Serikali, Dk. Hassan Abbasi (kulia) akisisitiza jambo kwa waandishi wa habari wakati akitoa taarifa ya utekelezaji wa ahadi mbalimbali za Serikali mapema hii leo jijini Dar es Salaam.Picha na Eliphace Marwa – Maelezo



    Na. Immaculate Makilika- MAELEZO

    Orodha ya Hali ya Demokrasia Duniani (2017 Democracy Index) iliyozinduliwa Februari 2, mwaka huu na kuchapishwa na jarida kongwe na mashuhuri duniani la The Economist imeitaja Tanzania kuwa nchi ya kwanza katika maswala ya Utawala Bora kwenye ukanda wa Afrika Mashariki.

    Akizungumza na waandishi wa habari jijini Dar es salaam leo, Mkurugenzi wa Idara ya Habari – MAELEZO na Msemaji Mkuu wa Serikali Dkt. Hassan Abbasi alisema kuwa Tanzania kuwa nchi ya kwanza kwenye masuala ya Utawala bora imeweza kusaidia ukuaji wa Uchumi wake.

    “Utawala Bora ni kigezo muhimu cha ukuaji wa uchumi na hata ustawi wa jamii, kama ambavyo Orodha ya Hali ya Demokrasia Duniani iliyotolewa na jarida kongwe na mashuhuri duniani la The Economist imeitaja Tanzania ni ya kwanza katika ukanda wa EAC, ikifuatiwa na nchi za Kenya, Uganda, Rwanda, Burundi na DRC. 

    Pia, ripoti ya Foresight Afrika na taarifa ya Uchumi ya Benki ya Dunia vyote vimeitaja Tanzania kuwa katika nchi tano Bora za Afrika ambazo uchumi wake unakua kwa kasi katika mwaka 2018, nchi hizo ni Ghana, Ethiopia, Kodivaa , Senegali na Tanzania”.

    Aidha, Dkt. Abbasi alisema kuwa ukuaji huo wa uchumi ni dhamira isiyoyumba ya Serikali ya Awamu ya Tano chini ya Dkt. John Pombe Magufuli, ikiwa ni pamoja na kuhakikisha uchumi mkuu unaendelea kujiakisi katika maisha ya watanzania kupitia utoaji wa huduma kwa wananchi na kuboresha sekta mbalimbali.

    Katika sekta ya Afya, Dkt. Abbasi alisema kuwa pamoja na ujenzi wa vituo vya afya unaoendelea nchi nzima na uboreshaji wa hospitali, Serikali imetenga bajeti ya dawa na vifaa tiba kutoka Bilioni 31 mwaka 2015 hadi Bilioni 269. Aidha, bajeti ya sasa imewezesha Serikali kuboresha usambazaji wa dawa hadi kufikia asilimia 86 ya uhakika wa kupatikana dawa muhimu.

    Bajeti hiyo imewezesha ukarabati wa wodi 5 za ICU na kuongezwa vitanda kutoka 21 mpaka 75, kununua mashine mpya za CT-Scan yenye uwezo mkubwa imenunuliwa katika hospitali ya Muhimbili na Taasisi ya Mifupa na Mishipa ya fahamu (MOI) zenye uwezo mkubwa ambapo wastani wa wagonjwa wanaopimwa imepanda kutoka 20 hadi 50 kwa siku.

    Vifaa vingine vilivyonunuliwa ni pamoja na mashine 14 za upasuaji (diathermy machines) na mashine za kuchuja damu kwa ajili ya wagonjwa wa figo zipatazo 25 na kuongeza uwezo wa kuhudumia wagonjwa kutoka 68 kwa siku hadi 126. 

    Uboreshaji huo wa sekta ya afya umeifanya Muhimbili kuwa hospitali ya kwanza ya umma katika ukanda wa Afrika Mashariki kutoa huduma za juu za kibingwa hasa oparesheni ya kuweka vifaa vya kusaidia kusikia ambapo watoto 5 waliokuwa awali hawasikii kabisa walifanyiwa oparesheni mwaka jana na kusikia kwa mara ya kwanza katika maisha yao. Wengine 6 wamefanyiwa wiki iliyopita. 

    Katika sekta ya Sekta, Msemaji huyo wa Serikali alisema kuwa lengo la Serikali ni kufikisha huduma ya maji kwa asilimia 85 vijijini ifikapo mwaka 2020 kutoka asilimia 67.7 mwaka 2015, makao makuu ya mikoa asilimia 95, Dar es Salaam asilimia 95 na miji mikuu ya wilaya asilimia 90 ifikapo 2020. 

    Ambapo hadi sasa kwa ujumla kuna takribani miradi 1,423 imekamilika na kuna vituo vya maji 117,190 vyenye uwezo wa kuhudumia watu milioni 29 sawa na asilimia 79. Katika miaka hii miwili pekee zaidi ya miradi 388 ilikamilishwa.

    Dkt. Abbasi, anafafanua kuwa katika usambazaji wa umeme mijini na vijijini kazi imeendelea kwa kasi kubwa. Katika kutekeleza Mradi wa REA III, kiasi cha shilingi bilioni 985.9 zitatumika kuwafikishia wananchi umeme katika programu maalum iliyoanza kutekelezwa.

    Alisititiza kuwa, “Serikali ya Awamu ya Tano inayoongozwa na Rais Dkt. John Pombe Magufuli, imedhamiria kutatua changamoto mbalimbali zinazowakabili wananchi si tu kwa maneno bali kwa vitendo, mfano namna ambavyo Serikali imeongeza wigo wa barabara vijijini na mijini, pamoja na kuundwa kwa wakala maalum (TARURA) ambao utajikita zaidi katika kuharakisha ujenzi wa barabara za vijijini”

    Aliongeza kuwa mwaka huu Serikali inakusudia kutekeleza upanuzi wa njia za mwendokasi jijini Dar es Salaam kwenda njia za barabara ya Kilwa kwenda Mbagala yenye urefu wa kilomita 19 na barabara ya Uhuru kwenda Gongolamboto yenye urefu wa kilomita 23.9.

    Aidha, Dkt Abbasi amewakumbusha watanzania kuwa wazalendo, kuunga mkono jitihada za Serikali kufanya kazi kwa bidii, kama ambavyo Serikali ya Awamu ya Tano inasisitiza wananchi kufanyakazi ili kuijenga Tanzania uitakayo.

older | 1 | .... | 1510 | 1511 | (Page 1512) | 1513 | 1514 | .... | 1898 | newer