JIACHIE

CHADEMA YATIKISA, NI MABOMU YA MACHOZI KILA MAHALI, OFISI, MADUKA YAFUNGWA.

MAANDAMANO ya amani yaliyokuwa yameandaliwa na chama cha demokrasia na maendeleo(chadema) yamegeuka shubiri kwa wakazi wa jiji la Mwanza baada ya kuibuka mapambano makali baina ya waandamanaji hao na jeshi la polisi mkoani Mwanza na kusababisha polisi kutumia nguvu kuwatawanya wafuasi wa chama hicho.

Maandamano hayo ya amani ambayo yalianzia katika eneo la Buzuruga nje kidogo ya jiji la Mwanza yalikuw ayakiongozwa na wabunge Highness Kiwia wa Ilemela pamoja na Ezekiel Wenje kuelekea katika viwanja vya Furahisha yalilenga kumshinikiza Mkuu wa Mkoa wa Mwanza Ernest Ndikilo kutoa barua zinazodaiwa kuandikwa na ofisi ya Waziri Mkuu Tamisemi kuwarejesha madiwani watatu waliotimuliwa katika Manispaa ya Ilemela kutokana na kushindwa kuhudhuria vikao vitatu mfululizo.

Polisi wenye silaha pamoja na askari kanzu walianza kutanda katika eneo hilo la Furahisha wakiongozwa na Mkuu wa upelelezi wa makosa ya jinai Mkoa wa Mwanza RCO Konyo ambaye alikuwa akitumia gari lenye namba za usajili DK 068EXV aina ya Toyota Land Cruiser

Maandamano hayo ambayo awali yalionekana kana kwamba yangelimalizika salama yaliwasili katika viwanja vya Furahisha majira ya saa 5.38 huku yakiongozwa na gari la polisi lenye namba za usajili za nchi ya Uganda 779 UAG likiwa nimesheheni polisi wenye silaha nzito ikiwa ni pamoja na mabomu ya machozi na bunduki pamoja na askari kadhaa ambao walikuwa katikati ya maandamano hayo.

Baada ya maandamano hayo kuwasili katika viwanja vya Furahisha kwa amani,waandamani hao ambao walikuwa na mabango mbalimbali yaliyosomeka kuwa ‘Matata hatutaki uendelee kuwa Meya wa Ilemela rudia kazi yako ya awali, na jingine Jaji Sumari tumechoka kuahirisha mara kw amara kesi dhidi ya Matata na jingine lililosomeka kuwa RD Ndikilo tunahitaji barua za kurejeshwa kwa madiwani wetu.

Hata hivyo tofauti na ilivyokuwa imetangazwa kuwa maandamano hayo ya amani yangelipokelewa na Mkuu wa Mkoa wa Mwanza Ernest Ndikilo,hakukuwa na kiongozi yoyote wa Serikali ambaye alikuwepo uwanjani hapo kupokea maandamano hayo.

Kufuatia kutoonekana kwa kiongozi yoyote wa Serikali,viongozi wa chadema pamoja na wabunge wao walikutana kwa faragha kwa dakika kadhaa kwa ajili ya kujua hatima ya maandamano hayo ambapo Mbunge wa Nyamagana Ezekiel Wenje alipanda jukwaani saa 6.45 na kuwaeleza maelfu ya waandamanaji kuwa wameamua kumtuma Mbunge wa Ilemela Highnes Kiwia kwenda ofisini kwa Mkuu wa Mkoa wa Mwanza kuchukua majibu kwa ajili ya kuwaletea wananchi walioandamana juu ya hatima ya madiwani hao.

HABARI KWA HISANI YA GSENGO.BLOGSPOT.COM

Makamu wa Pili wa Rais Balozi Sefu Ali Iddi, akikata utepe kuashiria uzinduzi rasmin wa maabara ya mafunzo ya TEHAMA Chuo Kikuu Huria Tawi la Zanzibar, huko Beit rasi nje kidogo ya Mji wa Zanziabr.

Makamu Mkuu wa Chuo Kikuu Huria Tanzania Prof. Tolly Mbwette akimpa maelezo Makamu wa Pili wa Rais Balozi Sefu Ali Iddi, kuhusu shughuli za mafunzo wanayoendeshwa chuoni hapo.

Baadhi ya wanafunzi wanaosoma chuo Kikuu Huria Kituo cha Zanzibar wakiwa kwenye chumba cha Komputa .

Mkurugenzi wa Kituo cha Uratibu cha Zanzibar cha Chuo kikuu huria cha Tanzania Yusuph Mussa akitoa maelezo mafupi ya Kituo hicho, , huko Beit rasi nje kidogo ya Mji wa Zanziabr.

Balozi Seif Ali Iddi akiwahutubia wananchi baada ya uzinduzi wa maabara ya mafunzo ya TEHAMA kwenye kituo cha Uratibu cha Zanzibar huko Beit el ras nje kidogo ya Mji wa Zanzibar.

Wahaziri na Wakurugenzi mbalimbali wakiwa kwenye picha ya pamoja na mgeni rasmin mara baada ya uzinduzi wa maabara ya mafunzo ya TEHAMA Chuo Kikuu Huria Tawi la Zanzibar, huko Beit rasi nje kidogo ya Mji wa Zanziabr.

(Picha na Makame Mshenga wa Maelezo-Zanzibar).

========= ======= ========

Na Khadija Khamis na Miza Othman –Melezo Zanzibar .

Makamu wa pili wa Rais wa Zanzibar Balozi Seif Ali IDDI amewata wananchi kutumia fursa iliyotolea na Chuo Kikuu Huria Tanzania kujiendeleza zaidi kwa mafunzo yanayotolewa na Chuo hicho kwani kutawajengea uwezo wa kupata taaluma, maarifa, utambuzi pamoja na kuchanganuwa masuala mbali mbali yatakayosaidia katika kupanga na kutekeleza mipango ya maendeleo

Ameyaeleza hayo alipokuwa akizinduwa Maabara ya Mafunzo ya TEHAMA katika Chuo Kikuu Huria cha Tanzania Kituo cha Uratibu cha Zanzibar kilichopo Beit el ras.

Balozi Seif amewataka wananchi kutumia fursa ya kujifunza masomo ya TEHAMA kutokana umuhimu wake hasa wakati huu wa mabadiliko makubwa ya Sayanasi na Teknolojia duniani.

Amesema Serikali hivi sasa inaendelea na ujenzi wa mkongo wa Taifa ambao lengo lake ni kuunganisha Wilaya zote Zanzibar na pia kuunganishwa na mtandao wa kimataifa ambao huunganisha nchi zote ulimwenguni.

“Bila shaka wengi wetu tumeshasikia kuhusu Mkongo wa Taifa wa mawasiliano kwa kutumia kompyuta ambayo ujenzi wake unaendelea nchini kote”, alisema Balozi Seif Ali Idd.

Ameongeza kuwa zoezi hilo litakapo kamilika thamani na manufaa ya Mkongo wa Taifa yataonekana endapo wananchi watakuwa na ujuzi wa kutumia TEHEMA.

Balozi Seif aliupongeza uongozi wa Chuo Kikuu huria cha Tanzania kwa kasi kubwa ya maendeleo inayopiga katika kusambaza elimu kwa watanzania.

“Elimu ndio silaha kubwa katika masisha hivyo juhudi hizi ni za kulindwa, kupongezwa na kujengewa mazingira mazuri ya kuboreshwa kila inapohitajika badala ya kuzibeza kwa sababu wanaofaidika ni Wazanzibari,”alisisitiza balozi Seif Ali Iddi.

Nae Makamu Mkuu wa Chuo Kikuu Huria cha Tanzania Profesa Tollys. A. Mbwette amesema ni vyema wafanyakazi kutumia fursa ya huduma za Chuo hicho kwa kujiendeleza ili waweze kunufaika na mafunzo yanayotolewa ambayo yatawasaidia katika kurahisisha utekelezaji wa kazi pamoja na kuongeza ufanisi.

Amesema lengo la kuanzisha kwa mafunzo ya TEHAMA hapa Zanzibar ni kuwasaidia wananchi kwenda sambamba na ukuaji wa matumizi ya Sayansi na Teknolojia.

“Mafunzo haya ya matumizi ya TEHAMA yatakayotolewa na Kituo cha Uratibu cha Chuo Kikuu Huria cha Tanzania yamelenga katika kuwahamasisha watu mbali mbali waliopo Zanzibar ili kupata maendeleo ya haraka katika matumizi ya Teknolojia,” alisema Makamu Mkuu wa Chuo.

Chuo cha Kikuu Huria cha Tanzania kimeanzishwa mnamo mwaka 1993 hadi oktoba 2012 jumla ya wahitimu 14,288 ambao kati yao 6075 wamehitimu vyeti na stashahada , 6655 Shahada ya kwanza 1558 walihitimu masomo ya Uzamili, Uzamivu na Shahada za udaktari za heshima.

IMETOLEWA NA HABARI MAELEZO ZANZIBAR.

Latest Images