Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 1379 | 1380 | (Page 1381) | 1382 | 1383 | .... | 1897 | newer

    0 0


























    0 0


    Na Benedict Liwenga-WHUSM.

    Waziri wa Habari, Utamaduni, Sanaa na Michezo, Mhe. Dkt. Harrison Mwakyembe amesema kwamba pindi Uwanja wa Taifa Dar es Salaam utakapokamilia kufanyiwa ukarabati atahakikisha anapatikana Mkandarasi Mpya mwenye vigezo na ambaye ataleta mabadiliko hususani katika utoaji tiketi kulingana na namba za viti vilivyopo ndani ya Uwanja huo.

    Kauli hiyo ameitoa jana Mkoani Mtwara wakati alipotembelea Uwanja wa Mpira wa Miguu wa Nangwanda ili kujionea miundombinu ya uwanja huo ikiwemo baadhi ya changamoto zinazoikabili kiwanja hicho.

    Dkt. Mwakyembe ameeleza kwamba, kumekuwa na changamoto ya kutofahamika idadi kamili ya watu wanaoingia ndani ya uwanja hali inayopelekea watu kukaa ovyo katika sehemu zisizo rasmi na wengine kulundikana nje ya uwanja wakati pesa za viingilio wamelipia ambapo ameweka wazi kuwa hali hiyo inasababishwa na urataibu mbovu wa utoaji tiketi.

    Akiongea na Uongozi wa Uwanja huo wa Nangwanda Mkoani hapo alisema kwamba, kwakuwa sasa Uwanja wa Taifa uko katika ukarabati, pindi utakapokamilika Mkandarasi mpya lazima apatikane ili pindi mtu anunuapo tiketi yake iendane na kiti chake atakachokaa na sio vinginevyo kwakuwa kwa kufanya hivyo kutasaidia kuboresha sura za viwanja nchini.

    “Napenda kusisitiza suala hili kuwa, ntahitaji apatikane Mkandarasi atakaetoa tiketi kulingana na siti atakayokaa mtazamaji wa mpira, kwasababu kumekuwa na kero kubwa katika utoaji tiketi hapo mwanzo jambo ambalo halileti sura nzuri kwa jamii”, alisema Dkt. Mwakyembe.

    Aliongeza kuwa Watanzania hawanabudi kuiga mifano ya nchi nyingine ambazo zimejidhatiti katika masuala ya utoaji tiketi wakati wa michezo.

    Sambamba na hayo, Waziri Mwakyembe ameupongeza uongozi wa uwanja huo kwa kazi kubwa wanayoifanya ya kuutunza uwanja wa Nangwanda huku akiaihidi kuzifikisha changamoto za uwanja huo katika Viongozi wa Juu wa Chama cha Mapinduzi (CCM) ili waweze kushirikiana kwa pamoja kuona namna ya kuzitatua.

    Uwanja wa Nagwanda ulianzishwa miaka ya 1980 ambapo awali ulikuwa ukiitwa jina la Uwanja wa Umoja Mtwara na baadaye kupewa jina la Uwanja wa Nagwanda lililotokana na jina la mtu maarufu wakati huo.
     Waziri wa Habari, Utamaduni, Sanaa na Michezo, Mhe. Dkt. Harrison Mwakyembe (aliyevaa kofia ya pama) akisalimiana na baadhi ya Viongozi wanaosimamia Uwanja wa Nangwanda Mtwara wakati alipofanya ziara kujionea changamoto katika uwanja huo 25 Septemba, 2017 Mkoani Mtwara.
    Waziri wa Habari, Utamaduni, Sanaa na Michezo, Mhe. Dkt. Harrison Mwakyembe (aliyevaa kofia ya pama) akiongea na baadhi ya Viongozi wanaosimamia Uwanja wa Nangwanda Mtwara wakati alipofanya ziara kujionea changamoto katika uwanja huo 25 Septemba, 2017 Mkoani Mtwara.
    Waziri wa Habari, Utamaduni, Sanaa na Michezo, Mhe. Dkt. Harrison Mwakyembe (aliyevaa kofia ya pama) akiangalia eneo la uwanja wa mpira wa miguu akiwa na baadhi ya Viongozi wanaosimamia Uwanja wa Nangwanda Mtwara wakati alipofanya ziara kujionea changamoto katika uwanja huo 25 Septemba, 2017 Mkoani Mtwara.PICHA ZOTE NA BENEDICT LIWENGA-WHUSM

    0 0

    Na Eleuteri Mangi, WHUSM, Mbulu

    Halmashauri zote nchini zimetakiwa kutenga maeneo ya michezo wakati wa kupanga mipango miji kwa matumizi bora ya ardhi katika maeneo yao.

    Wito huo umetolewa na Naibu Waziri wa Wizara ya Habari, Utamaduni, Sanaa na Michezo Anastazia Wambura alipokuwa akifunga fainali ya mashindano ya Jimbo Cup inayodhaminiwa na Mbunge wa Jimbo la Mbulu Vijijini Mhe. Mbunge wa Mbulu Vijijini, Flatei Massay iliyochezwa katika eneo la kata ya Dongobesh Wilaya ya Mbulu Mkoani wa Manyara.

    “Natoa wito kwa Halmashauri zote ikiwemo halmashauri yenu ya wilaya ya Mbulu wakati wa kupanga matumizi bora ya ardhi kwa ajili ya mipango miji mkumbuke kutenga maeneo ya michezo, Baraza la Michezo la Taifa litatoa mafunzo ya michezo na utaalam” alisema Naibu Waziri Wambura.

    Akikabidhi zawadi za washindi katika mashindano hayo ambao ni timu ya Qatajiring kutoka kijiji cha tumati ambao ni mshindi wa kwanza na timu ya Zahanati kutoka kijiji cha Diomati mshindi wa pili, Naibu Waziri Wambura amewahimiza wachezaji na wananchi kuthamini michezo kwa kuwa ni ajira, inaleta umoja na mshikamano miongoni mwa jamii.

    Dakika 90 za fainali hizo ziliisha kwa timu zote kufungana bao 2-2 na hatimaye timu ya Qatajiring iliibuka kidedea kwa ifunga timu ya Zahanati kwa penati 4-1.Akionesha umuhimu na umahiri wa wilaya ya Mbulu katika michezo, Naibu Waziri Wambura amesema wilaya hiyo imekuwa kitovu cha wanamichezo bora hasa mchezo wa riadha ambao wameiletea sifa Tanzania ndani na nje ya nchi.

    Wanamichezo hao ni pamoja na John Stephen Akhwari nguli mchezo wa riadha aliyeweka historia ya kimataifa aliyewahi kusema “Nchi yangu haikunituma kuanza mashindano, ilinituma kumaliza mashindano”Filbert Bai na wanaridha wengine.

    Aidha, Naibu Waziri Wambura amewashauri waandaaji wa mashindano hayo washirikishe pia mchezo wa netiboli ili kuwaendeleza watoto wa kike katika mchezo huo.Kwa upande wake mdhamini wa mashindano hayo Mbunge wa Mbulu Vijijini Flatei Massay amesema kuwa alivutiwa kuanzisha mashindano hayo ili vijana wajihusishe na michezo na kuboresha na kuendeleza afya zao na kuachana na masuala yanayoweza kupoteza maisha yao na nguvu kazi ya taifa

    Mashindano hayo yalishirikisha timu 24 kutoka Mbulu Vijijini tangu kuanzishwa kwa mwezi Julai mwaka huu na kufikia kilele Septemba 25 ambapo fainali ilichezwa katika viwanja vya Dongobesh na kushuhudiwa na viongozi mbalimbali na mashabiki lukuki kutoka maeneo yote ya halmashauri hiyo.
    Naibu Waziri wa Wizara ya Habari, Utamaduni, Sanaa na Michezo Anastazia Wambura akiongea na Wananchi wakati wa kuhitimisha fainali za Flatei Jimbo Cup wilayani Mbulu.
    Naibu Waziri wa Wizara ya Habari, Utamaduni, Sanaa na Michezo Anastazia Wambura (kulia) akimkabidhi nahodha wa timu ya Qatajiring zawadi mbalimbali mara baada ya kuibuka kidedea baada ya kuifunga timu ya Zahanati wakati wa fainali za Flatei Jimbo Cup wilayani Mbulu. Katikati ni mdhamini wa mashindano hayo Mbunge wa Mbulu Vijijini Flatei Massay.
    Mbunge wa Mbulu Vijijini Flatei Massay akiongea na Wananchi wakati wa kuhitimisha fainali za Flatei Jimbo Cup wilayani Mbulu.
    Naibu Waziri wa Wizara ya Habari, Utamaduni, Sanaa na Michezo Anastazia Wambura (aliyevaa miwani) akikagua timu za Qatajiring na timu ya Zahanati wakati wa fainali za Flatei Jimbo Cup wilayani Mbulu. Katikati ni mdhamini wa mashindano hayo Mbunge wa Mbulu Vijijini Flatei Massay.
    Baadhi ya mashabiki wakifuatilia fainali ya Flatei Jimbo Cup wilayani Mbulu kati ya timu za Qatajiring na timu Zahanati iliyochezwa katika kiwanja cha Dongobesh.Picha na Eleuteri Mangi,WHUSM, Mbulu

    0 0

    Ujumbe kutoka Ofisi yaMakamu wa Rais ukiongozwa na Mkurugenzi wa Sera na Mipango Bi Ogenia Mpanduji wakimsikiliza Mmiliki wa Mgodi wa Sambaru uliopo wilayani Ikungi Mkoani Singida, Bwana Yusuf Mwandami walipofanya ziara ya kutembelea mgodi huo.
    Mkurugenzi Msaidizi Idara ya Mazingira Ofisi ya Makamu wa Rais,Bi Magdalena Mtenga akiuliza swali kwa mmiliki wa mgodi wa sambaru uliopo Ikungi Mkoani Singida mara baada ya ujumbe toka Ofisi ya Makamu wa Rais kutembelea mgodi huo wa mwisho katika picha ni Afisa madini kanda ya Singida aliyeongozana na ujumbe huo Bi. Sofia Omary.
    Mmiliki wa Mgodi mdogo wa dhahabu wa Sambaru uliopo Ikungi Bwana Yusuf Mwandami akitoa maelekezo kwa ujumbe huo juu ya mashine mbalimbalimbali zilizofungwa mgodini hapo zitakavyokua zinafanya kazi. Wa kwanza kulia ni Afisa madini kanda ya Singida aliyeongozana na ujumbe huo Bi. Sofia Omary.
    Ujumbe kutoka Ofisi ya Makamu wa rais ukiongozwa na Mkurugenzi wa sera na Mipango Bi Ogenia Mpanduji pamoja na Mkurugenzi Msaidizi-Mazingira Bi. Magdalena Mtenga wakipata maelezo juu ya uendeshaji wa mgodi mdogo wa dhahabu ulioko Ikungi Bwana Ahmed Magoma
    Mkurugenzi Msaidizi Idara ya Mazingira Bi Magdalena Mtenga (wa kwanza kulia) akimuuliza maswali Mmiliki wa mgodi mdogo wa dhahabu ulioko Ikungi mkoani Singida Bwana Ahmed Magoma wakati ya ziara ya Ujumbe toka Ofisi ya Makamu wa Rais ilipotembelea mgodi huo.

    0 0

    Mkuu wa Wilaya ya Tunduru Mkoani Ruvuja Juma Homera kushoto akipokea Cheki ya Shilingi Milioni moja kutoka kwa mkurugezi wa kampuni ya kuuza mafuta ya OIL COM mjini hapa kwa ajili ya kusaidia ujenzi wa Zahanati ya Kata ya Nakayaya mjini hapa. 

     Na Steven Augustino wa Ruvuma TV Tunduru

     SERIIKALI imewataka wadau mbalimbali wa maendeleo kujitokeza kusaidia ujenzi wa Kituo cha Afya cha Afya Nakayaya Mjini hapa na Kwamba baada ya kukamirika kwa ujenzi huo kituo hicho kitasaidia kupunguza msongamano katika Hospitali ya Serikali ya wilaya ya Tunduru. 

     Hayo yamesemwa na Mkuu wa Wilaya ya Tunduru Mkoani Ruvuma Juma Homera wakati akipokea msaada wa Shilingi Milioni 1,400,000 kutoka kwa mkurugenzi wa Kituo cha kuuza mafuta cha OIL COM Mjini hapa na kutolewa kwa kwamba msaada huo kutasaidia kukamirika kwa baadhi ya shughuli za ujenzi huo. Mkuu wa Wilaya ya Tunduru Juma Homera akionyesha Zahanati ya Kata ya Nakayaya ambayo inaendelea kujengwa. Aidha katika taarifa hiyo pia dc Homera ametumia nafasi hiyo kuwapongeza baadhi ya wadau wa maendeleo wa ndani la nje ya wilaya hiyo kwa kujitokeza na kumuunga mkono juhudi za Serikali katika ujenzi wa Kituo hicho kwa lengo la kuwasogezea huduma wananchi.

     Alisema pamoja na michango hiyo kutoka kwa wadau pia serikali inatengeneza utaratibu wa kuwashirikisha wananchi katika ujenzi huo ili nguvu kazi watakayo itoa iweze kusaidia kupunguza gharamaa za ujenzi.

     Tayali ujenzi Zahanati hiyo umekwisha anza na kukamilisha jengo la Utawala katika kituo hicho na kwamba hadi kukamilika kwa ujenzi wa majengo yote 8 yaliyopangwa kughalimu zaidi ya shilingi 419. Akizungumzia tukio hilo Mkurugenzi wa Kituo cha mafuta Cha OIL COM Bw. Ghulam Kalamal alisema kuwa msaada huo ni sehemu ya kampuni yake kurudisha faida iliyopata kutokana na biashara hiyo ili iweze kuhudumia jamii katika eneo hilo. 

     Kaimu Mganga Mkuu wa Wilaya Dkt. Goerge Chiwangu amesema kuwa zaidi ya Wagonjwa wanje 100 hufikana kupatiwa matibabu kwa siku huku kukiwa na kundi la kaati ya akina mama 15 na 20 ambao hufika hospitalini hapo kwa lengo la kijifungua. Hii hapa Video yake .

    0 0

    Basi la Tashriff lililokuwa likitokea Tanga – Dar es Salaam limeteketea kwa moto mchana wa leo katika eneo la Pongwe, Tanga. Kwa mujibu wa taarifa za awali chanzo cha moto huo hakijafahamika japo hakuna mtu aliyepoteza maisha

    Kikosi cha Zima Moto na Uokoaji Mkoani Tanga wakiendelea na zoezi la uokoaji na kuzima moto kwenye basi hilo.








    0 0

    Mkuu wa Mkoa wa Njombe Mhe. Christopher Ole Sendeka amezindua rasmi kuanza kwa zoezi la Usajili wa Vitambulisho vya Taifa kwa wananchi wa mkoa huo, zoezi ambalo linaendeshwa katika Wilaya zote za mkoa huo ambazo ni Ludewa, Njombe Mjini, Makete pamoja na Wanging’ombe.

    Akizungumza katika sherehe fupi ya uzinduzi wa zoezi hilo kimkoa Mhe. Ole Sendeka amewataka Wakuu Wote wa Wilaya, Wakurugenzi wa Halmashauri na Manispaa, Watendaji Kata na Wenyeviti na Watendaji wa Mitaa/Vijiji kushirikiana kwa karibu na Mamlaka ya Vitambulisho vya Taifa kufanishika zoezi hilo Msingi ili kutimiza malengo ya Serikali ya Kuwasajili Wananchi wake wote ifikapo Desemba 2018.

    Amesema manufaa ya Vitambulisho vya Taifa kwa wananchi ni mengi na hasa upatikanaji wa huduma kirahisi na kuimarisha ulinzi na Usalama wa nchi.zinduzi huo ulihudhuriwa na Wakuu wote wa Wilaya, kamati ya Ulinzi na Usalama ya Mkoa, Wakurugenzi wa Halmashauri na Manispaa za Mkoa wa Njombe, Viongozi wa dini na wananchi.

    Zoezi la Usajili katika Mkoa wa Njombe litahusisha uchukuaji na ujazaji wa fomu za maombi ya Vitambulisho, uchukuaji wa alama za Kibaiologia, saini ya kielektroniki, kupigwa picha na zoezi la uhakiki na mapingamizi litakalohusisha Kamati za Ulinzi na usalama na wananchi. Mkoa huo unategemea kusajili jumla ya Wananchi 426,083 kwa kipindi cha Miezi 2 kwa mpango maalumu ambao utahusisha usajili wa Mkupuo (Mass-Registration).

     kamati ya Ulinzi na Usalama Mkoa wa Njombe wakifuatilia kwa Karibu yale yaliyokuwa yakizungumzwa na Viongozi mbalimbali wa Mkoa wakati wa Uzinduzi wa zoezi la Usajili na Utambuzi linaloendela wakati huu Mkoani humo pamoja na Wilaya zake zote.

    Wakiwa kwenye Picha ya Pamoja ni Mkuu wa Mkoa wa njombe Mh. Christopher Ole Sendeka, Wakuu wa Wilaya za Njombe, kamati ya Ulinzi na Usalama Mkoa wa Njombe, Afisa Usajili Mkoa wa Njombe Ndugu. Odoyo Godwin Albetus pamoja na Paroko wa KKKT jimbo la Njombe.
    Mkuu wa Mkoa wa Njombe Mh. Christopher Ole Sendeka akihutubia Viongozi wa Mkoa na Wilaya pamoja na Wageni waalikwa katika shughuli ya Uzinduzi wa Zoezi la Usajili na Utambuzi Mkoani Njombe.
    Mkuu wa Wilaya ya Wanging’ombe Ndugu Ali Kasinge ambae alimuwakilisha Mwenyeji wa Uzinduzi huo, Mkuu wa Wilaya ya Njombe Bi. Lucy Msafiri, akimkaribisha Mkuu wa Mkoa pamoja na Viongozi wengine wa Mkoa na wageni waalikwa katika Uzinduzi wa Usajili na Utambuzi wa Vitambulisho vya Taifa lililofanyika Njombe Mijini.
    Afisa Usajili Mkoa wa Njombe Ndugu. Odoyo Godfrey Albetus akisoma Taarifa fupi ya zoezi la Usajili pamoja na Mpango kazi utaotumika kukamilisha zoezi hilo na kufikia Malengo tarajiwa ya Kusajili Wananchi 426,083 katika Mkoa huo wa Njombe.
    Mkuu wa Wilaya ya Ludewa Bi. Zaina Mlawa akizungumza na Viongozi mbalimbali wa Mkoa na Wilaya wakati wa Uzinduzi wa zoezi la Usajili na Utambuzi Mkoani Njombe.

    0 0

     Bwana Harusi Lusajo Sajent Mwangambaku (kushoto), akiwa katika pozi na mke wake Neema Stanley Matowe katika hafla yake ya ndoa iliyofanyika Ukumbi wa Mirando Sinza jijini Dar es Salaam juzi. Bwana harusi anatoka Tukuyu mkoani Mbeya na Bibi Harusi anatoka Mkoa wa Morogoro.
    Wapambe wa maharusi hao wakiwa kwenye pozi. Kulia ni Bwana Yohana na mkewe Bi. Jenifa Yohana.
    Maharusi  wakiwa na wapambe wao.
     Mama wa bwana harusi akichukua msosi.
     Msanii wa kujitegemea akitoa burudani.
     Maharusi wakiserebuka kwa raha zao na wafanyakazi wenzao 
    wa Serena Hoteli.
     Mziki ukiendelea.
     Mserebuko ukiendelea.
     Bwana harusi akiwa amepozi na mama yake,  Hilda Mulinde. Da kumbe harusi ni tamu.




     Sherehe ikiendelea.
     Wacheza shoo wakionesha umahiri wa kucheza kabla ya maharusi kuingia ukumbini.
     Maharusi wakiwa na Kulwa na Dotto Mwaibale katika 
    sherehe hiyo.
     Maharusi wakiingia ukumbini.
     Shoo ikifanyika.
     Kamati ikienda kujitambulisha.
     Mwenyekiti wa Kamati ya harusi hiyo, Desdery Dotto akizungumza.
     Mama wa bwana harusi akisalimia wageni waalikwa.
     Maharusi wakikata keki.
     Mke akimlisha  keki na mmewe.
     Mme akimlisha keki mkewe
     Mama na mkwewe wakikumbatiana kwa furaha.
     Shampeni zikifunguliwa.
     Mume na mke wakinyweshana mvinyo.
     Wageni waalikwa wakiwapongeza maharusi.
     Dereva wa maharusi hao,  Mariam Mkumbukwa kutoka Europcar akiwa na furaha katika hafla hiyo.
     Picha ya pamoja hiyo.
    Wafanyakazi wa Hoteli ya Serena wakiwa katika picha ya pamoja na maharusi hao.

    0 0

    Waziri wa Habari, Utamaduni, Sanaa na Michezo,
    Mhe. Dkt. Harrison Mwakyembe akiongea na Wakazi wa Wilaya ya Tandahimba Mkoani Mtwara (hawapo pichani) wakati wa Uzinduzi wa Mpango wa Usajili na Utoaji Vyeti kwa Watoto waliochini ya Umri Miaka Mitano kwa Mikoa ya Lindi na Mtwara leo 26 Septemba, 2017.PICHA 3
    Waziri wa Habari, Utamaduni, Sanaa na Michezo, Mhe. Dkt. Harrison Mwakyembe akikata utepe katika Kitabu cha Usajili pamoja na Simu kuashiria Uzinduzi wa Mpango wa Usajili na Utoaji Vyeti kwa Watoto waliochini ya Umri Miaka Mitano kwa Mikoa ya Lindi na Mtwara leo 26 Septemba, 2017.PICHA 4
    Waziri wa Habari, Utamaduni, Sanaa na Michezo, Mhe. Dkt. Harrison Mwakyembe akiwa katika picha ya pamoja na Wadau mbalimbali wanaosaidia Mpango wa Usajili na Utoaji Vyeti kwa Watoto waliochini ya Umri Miaka Mitano mara baada ya kuuzindua leo Wialayani Tandahimba, Mkoani Mtwara, 26 Septemba, 2017.PICHA 5
    Waziri wa Habari, Utamaduni, Sanaa na Michezo, Mhe. Dkt. Harrison Mwakyembe (aliyevaa kofia ya pama) akiwakabidhi vyeti Wazazi kwa niaba ya watoto wao wenye umri chini ya miaka mitano wakati wa Uzinduzi wa Mpango wa Usajili na Utoaji Vyeti kwa Watoto waliochini ya Umri Miaka Mitano leo Wilayani Tandahimba, Mkoani Mtwara 26 Septemba, 2017.
    PICHA ZOTE NA BENEDICT LIWENGA-WHUSM
    ………………
    Na Benedict Liwenga-WHUSM.
    Waziri wa Habari, Utamaduni, Sanaa na Michezo, Mhe. Dkt. Harrison Mwakyembe kwa niaba ya Waziri wa Katiba na Sheria, Mhe. Prof. John Palamagamba amezindua Mpango wa Usajili na Utoaji Vyeti kwa Watoto waliochini ya Umri Miaka Mitano kwa Mikoa ya Mtwara na Lindi.
    Uzinduzi huo umefanyika leo katika Viwanja vya Matogolo Wilayani Tandahimba Mkoani Mtwara ukiwa na lengo la kuwasajili watoto waliochini ya umri miaka mitano pamoja na kuwapatia vyeti ambavyo vitawasaidia kutambulika kwao na kisha kupewa nyaraka za uthibitisho yaani  vyeti vya kuzaliwa.
    Waziri Mwakyembe amesema kwamba, katika kupanga maendeleo ya nchi kunahitajika takwimu sahihi za matukio muhimu za Watanzania ambazo zinaelezea taarifa zao za kuzaliwa ikiwemo za vifo kwakuwa takwimu hizo zinasaidia kujua mahitaji ya wananchi katika sekta mbalimbali ikiwemo afya, elimu, lishe pamoja na sehemu nyinginezo.
    “Mpango huu utaondoa utegemezi wa takwimu za kuhisia, takwimu za kukadilia ndugu zangu mfumo tulionao sasa unategemea Sensa ambayo hufanyika kila baada ya miaka 10, na matukio bado yanatokea, hivyo kutumia Mpango huu kutasaidia kupata takwimu sahihi na halisi za Watanzania wote”, alisema, Dkt. Mwakyembe.
    Ameongeza kuwa, Mikoa ya Lindi na Mtwara itanufaika na mpango huo kwakuwa Serikali itakuwa inatambua mahitaji halisi ya wananchi kupitia taarifa zitakazochukuliwa za uandikishaji wa watoto hao, huku akisisitiza kuwa, anaamini kwamba mikoa hiyo itakuwa chachu ya kuongezeka kwa idadi ya watoto watakaoandikishwa kama ilivyofanyika katika baadhi ya mikoa mingine ya Tanzania.

    0 0

    Makamu wa Jamhuri ya Muungano wa Tanzania Mheshimiwa Samia Suluhu Hassan leo amkutana na kufanya mazungumzo na Mkurugenzi Mkazi wa Benki ya Dunia nchini Bi. Bella Bird, Ikulu jijini Dar es Salaam.

    Makamu wa Rais na Mkurugenzi huyo  walizungumzia masuala mbalimbali ya Lishe kwa akina Mama na namna ukosefu wa lishe bora unavyopelekea vifo vya akina mama na watoto wakati na baada ya kujifungua.

    Aidha wamesisitiza suala la Elimu ya Lishe Bora kwa wakina mama hao ili kukabiliana na tatizo.

    Makamu wa Rais aliishukuru Benki ya Dunia kwa  kuwasaidia wakina mama wa Kitanzania na kuitaka iendelee kufanya hivyo hasa wakati huu ambapo nchi inaenda kwenye uchumi wa viwanda.​
     Makamu wa Rais wa Jamhuri ya Muungano wa Tanzania Mhe. Samia Suluhu Hassan akiwa kwenye picha ya pamoja na Mkurugenzi Mkazi wa Benki ya Dunia nchini Bi. Bella Bird mara baada ya kumaliza mazungumzo ofisini kwake Ikulu, jijini Dar es Salaam. (Picha na Makamu wa Rais)
     Makamu wa Rais wa Jamhuri ya Muungano wa Tanzania Mhe. Samia Suluhu Hassan akizungumza na Mkurugenzi Mkazi wa Benki ya Dunia nchini Bi. Bella Bird ambaye alimtembelea Makamu wa Rais ofisini kwake Ikulu, jijini Dar es Salaam. (Picha na Makamu wa Rais)
    Makamu wa Rais wa Jamhuri ya Muungano wa Tanzania Mhe. Samia Suluhu  Hassan akimkaribisha ofisini kwake Mkurugenzi Mkazi wa Benki ya Dunia nchini Bi. Bella Bird. (Picha na Ofisi ya Makamu wa Rais)

    0 0

    Kamishna Jenerali wa Uhamiaji Dk. Anna P. Makakala akisalimiana na baadhi ya Maofisa wa Uhamiaji wanaofanya kazi katika Kituo cha Uhamiaji cha Mtukula mkoa wa Kagera alipofanya ziara kukagua Mpaka wa Tanzania na Uganda ili kujionea utekelezaji wa majukumu ya Idara yake katika Mpaka huo.
    Kamishna Jenerali wa Uhamiaji Dk. Anna P. Makakala akikagua Mpaka wa Tanzania na Uganda katika Kituo cha Mpakani cha Mtukula mkoa wa Kagera, Katikati ni Kamishna wa Udhibiti wa Mipaka Samuel Magweiga ambaye ameambatana na Dk. Makakala katika ziara hiyo inayolenga kufanya ukaguzi katika Mpaka wa Tanzania na Uganda ili kujionea utekelezaji wa majukumu ya Idara yake katika Mpaka huo.

    Kamishna Jenerali wa Uhamiaji Dk. Anna P. Makakala wa pili kushoto akimsikiliza mmoja kati ya wafanyakazi wa Kiwanda cha Sukari cha Kagera alipotembelea kiwanda hicho ili kujionea shughuli za uzalishaji wa sukari ambapo alisisitiza dhana ya Uhamiaji na Maendeleo. Dk. Makakala ameambatana na Maafisa mbalimbali wa Idara ya Uhamiaji Makao Makuu.
    Kamishna Jenerali wa Uhamiaji Dk. Anna P. Makakala akimsikiliza Meneja Msaidizi wa Kiwanda cha Sukari cha Kagera Bw. REO B.M alipotembelea Kiwanda hicho. Dk Makakala amewasisitiza Watendaji Wakuu wa Kiwanda hicho kuhakikisha wanafuata Sheria za Uhamiaji mara wanapoajiri wageni kutoka nje ya nchi. Kamishna Jenerali wa Uhamiaji Dk. Makakala yupo Mkoani Kagera kwa ajili ya kufanya Ukaguzi katika Mpaka wa Tanzania na Uganda ili kujionea utekelezaji wa majukumu ya Idara ya Uhamiaji. 
    Kamishna Jenerali wa Uhamiaji Dk. Anna P. Makakala akimkabidhi kipeperushi chenye taarifa mbalimbali za huduma zinazotolewa na Idara ya Uhamiaji Nchini, Mkuu wa wilaya ya Bukoba aliyepokea kwa niaba ya Mkuu wa Mkoa wa Kagera mara baada ya Kamishna Jenerali Dk. Makakala kutembelea Ofisi hiyo akiwa ziarani Mkoa wa Kagera kukagua mpaka wa Tanzania na Uganda.(Picha zote na Wizara ya Mambo ya Ndani ya Nchi)

    Imetolewa na
    Kitengo cha Mawasiliano ya Serikali
    Wizara ya Mambo ya Ndani ya Nchi.

    0 0

    Mwenyekiti na mjumne wa kamati ya maandalizi ya tamasha la 11 la Wanawake Wajasiriamali(MOWE) Bi.Anna Matinde akieleza jambo kwa waandishi wa habari(hawapo pichani) kulia ni Mwenyekiti wa Umoja wa Wanawake Wajasiriamali Bi.Zubeda Lous na kushoto ni mjumbe wa Umoja huo wakati wa utambulisho wa tamasha na semina kubwa ya 11 litakalofanyika katika viwanja vya mnazi mmoja Jijini Dar es Salaam kuanzia tarehe 24-30 oktoba ,2017 utambulisho huo ulifanyika hivi leo katika ukumbi wa Idara ya Habari-MAELEZO Jijini Dar es Salaam.

    Mjumbe wa Umoja wa Wanawake Wajasiriamali (MOWE) Bi.Zubeda Sembo akisisitiza jambo kwa waandishi wa habari (hawapo pichani) kushoto ni Katibu wa Umoja huo Bi. Naomi Kamba na kutoka kulia ni mjumbe wa MOWE wakati wa utambulisho wa tamasha na semina kubwa ya 11 litakalofanyika viwanja vya mnazi mmoja Jijini Dar es Salaa kuanzia tarehe 24-30 oktoba ,2017 utambulisho huo ulifanyika hivi leo katika ukumbi wa Idara ya Habari-MAELEZO Jijini Dar es Salaam.
    Picha na Paschal Dotto-MAELEZO

    Na.Neema Mathias –MAELEZO.

    Umoja wa wanawake wajasiriamali (MOWE) wameandaa tamasha la 11 kwa wajasiriamali litakalofanyika kuanzia tarehe 24-30 oktoba , 2017 katika viwanja wa mnazi mmoja Jijini Dar es Salaam lengo ikiwa ni kupanua wigo wa masoko pamoja na kuonyesha bidhaa na fursa mbalimbali za kijasiriamali zinazopatikana hapa nchini.

    Akizungumza na waandishi wa habari Jijini Dar es Salaam, Mwenyekiti wa kamati ya tamasha hilo, Bi. Zubeda Kiluwa amesema kuwa, tamasha hilo litakuwa na kauli mbiu isemayo‘Mwanamke mjasiriamali funguka shiriki kujenga Tanzania ya viwanda’

    “Tunawaalika wanawake wote popote walipo kushiriki maadhimisho na maonyesho haya kwani yatawahusiha wadau mbalimbali wa maendeleo ya wanawake, Wizara pamoja na taasisi za serikali na mashirika binafsi,”alisema Kiluwa.

    Tamasha hilo litafunguliwa na Waziri wa Viwanda, Biashara na Uwekezaji Mhe. Charles Mwaijage ambapo wadau watakaoshiriki kutoa elimu za kijasiriamali katika tamasha hilo ni pamoja na Wakala wa Usajili Biashara na utoaji leseni (BRELA), TRA, GSM, SIDO, TBS, TFDA pamoja na wawakilishi kutoka katika benki mbalimbali ambao kupitia semina hiyo watatoa elimu juu ya ujasiriamali.

    Aidha Bi.kiluwa ameleza kuwa gharama zitakazotozwa kwa wajasiriamali watakaoshiriki katika maadhimisho hayo ni shillingi 50,000 kila mmoja, na kwa yeyote atakayeshiriki kwaajili ya uzinduzi, ununuzi na kujionea bidhaa mbalimbali hawatatozwa gharama yoyote.

    Kwa upande wake mjumbe wa kamati ya tamasha hilo Bi.Anna Matinde amaesema kuwa tamasha hilo halitawahusisha wajasiriamali peke yake bali litawahusisha watu wote lengo likiwa ni kubadilishana mawazo ya kimaendeleo katika kuunga mkono sera ya Tanzania ya viwanda.

    “Tanzania itajengwa na watu wengi, kupitiwa mawazo ya wajasiriamali na wale wasio wajasiriamali watapata kujua mambo mbalimbali juu ya elimu ya ujasiriamali, namna ya kujiajiri na kuondokana na wimbi la ukosefu wa ajira,” alifafanua Bi. Matinde.

    Aidha Bi. Matinde amefafanua kuwa tamasha hilo halitowahusisha wanawake pekeyake bali hata wanaume wenye fursa mbalimbali za ujasiriamali wanakaribishwa kutangaza kazi zao na kujipatia elimu itakayotolewa .

    0 0


    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla mapema jana Mei 28.2017 amekabidhi gari maalum la kubebea wagonjwa (Ambulance) na vifaa vya Hospitali ikiwmo vitanda na Magodoro katika Hospitali ya Wilaya ya Mkuranga, Mkoani Pwani.
    Dkt. Kigwangalla ambaye alikuwa mgeni rasmi katika tukio hilo, mbali na kukabidhi gari hilo la wagonjwa na vifaa hivyo vya Hospitali kwa uongozi wa Hospitali na Wilaya akiwemo Mkuu wa Wilaya na Mbunge wa Jimbo hilo, aliweza kufanya ukaguzi wa ghafla kujionea mazingira ya Hospitali hiyo na kubaini mapungufu mbalimbali ambayoo ametoa maagizo kupatiwa ufumbuzi kabla ya kuchukuliwa hatua kwa uongozi wa Hospitali hiyo.
    Miongoni mwa changamoto hizo alizobaini katika Hospitali hiyo ni pamoja na kuwa na mfumo mbovu wa uhifadhi wa taka, pamoja na uchafu katika wodi ya wazazi jambo ambalo linaweza kusababisha hatari ya maambukizi kwa Wagonjwa na wahudumu wenyewe wa Afya.
    Awali wakati wa kukabidhi gari hilo ambalo limenunuliwa kwa nguvu ya Madiwani kwa kushirikiana na wadau mbalimbali pamoja na Mbunge wa jimbo hilo la Mkuranga, Abdallah Ulega aliwataka kulitumia kwa uangalifu wa hali juu huku likitakiwa kufanya shughuli zilizokusudiwa katika kusaidia wananchi wake.
    “Nimesikia kileo chenu ambacho ni kupatiwa mashine ya X-Ray na na vifaa vingine muhimu. Wizara yetu inalishughulikia hilo na tunawaomba muwe na imani na Mbunge wenu ambaye amekuwa akinisisitiza juu ya jambo hilo. Hospitali ya Mkuranga ni moja wapo ambayo itafaidika na msaada wa vifaa ikiwemo mashine hiyo ya X-Ray” alisema Dkt. Kigwangalla wakati akizungumza na wananchi mbalimbali ambao pia walipata fursa ya kuuliza maswali katika tukio hilo.
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akisaini kitabu cha wageni katika ofisi ya Mkuu wa Wilaya ya Mkuranga wakati alipofika hapo kuelekea katika tuko la sherehe ya kukabidhi gari la wagonjwa na vifaa vya hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla amsikiliza Mbunge wa Mkuranga Mh. Abdallah Ulega katika ofisi ya Mkuu wa Wilaya ya Mkuranga wakati alipofika hapo kuelekea katika tuko la sherehe ya kukabidhi gari la wagonjwa na vifaa vya hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akitoka katika ofisi ya Mkuu wa Wilaya ya Mkuranga wakati alipofika hapo kuelekea katika tuko la sherehe ya kukabidhi gari la wagonjwa na vifaa vya hospitali ya Wilaya ya Mkuranga
    Baadhi ya wazee wa Mkuranga
    Mkurugenzi wa Wilaya ya Mkuranga akisoma taarifa
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akizungumza katika tuko la sherehe ya kukabidhi gari la wagonjwa na vifaa vya hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akizungumza katika tuko la sherehe ya kukabidhi gari la wagonjwa na vifaa vya hospitali ya Wilaya ya Mkuranga
    Baadhi ya wananchi walipata fursa ya kuuliza mswali na kutoa kero zao
    Baadhi ya wananchi walipata fursa ya kuuliza mswali na kutoa kero zao
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akikabidhi vifaa vya hospitali katika tuko la sherehe hizo za kukabidhi gari la wagonjwa na vifaa vya hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akikata utepe wakati wa kukaabidhi gari la wagonjwa hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akiwa ndani ya gari la wagonjwa hospitali ya Wilaya ya Mkuranga mara baada ya kulikabidhi
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akikagua masuala ndani ya wodi ya wanawakehospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akikagua masuala ndani ya wodi ya wanawake hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akitoa maelezo kwa viongizi wa Wilaya baada ya kukuta hali ya uchafu katika maeneo hayo ya wodi ya wanawake hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akito maelezo namna ya chumba cha upasuaji kinatakiwa kirekebishwe kufuata taratibu zake hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akitoa maelezo namna ya mlango wa kuingilia chumba cha upasuaji kutokukidhi viwango hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akiwa katika viunga vya hospitali ya Wilaya ya Mkuranga
    Gari hilo la wagonjwa lililokabidhiwa
    Baadhi ya vifaa hivyo vilivuokabidhiwa
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akipatiwa maelezo na Mkurugezi wa Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla akifanya hitimisho wakati akizungumza na waandishi wa Habarimara baada ya kumalizika kwa shughuli ya kukabidhi gari la wagonjwa na vifaa vya hospitali hiyo ya Wilaya ya Mkuranga, mapema jana Mei 28.2017.
    KAWAIDA:
    Dkt. Kigwangalla akabidhi gari la wagonjwa na vifaa vya hospitali ya Wilaya ya Mkuranga
    Naibu waziri wa Afya, Maendeleo ya Jamii, Jinsia, Wazee na Watoto, Mh. Dk. Hamisi Kigwangalla mapema jana Mei 28.2017 amekabidhi gari maalum la kubebea wagonjwa (Ambulance) na vifaa vya Hospitali ikiwmo vitanda na Magodoro katika Hospitali ya Wilaya ya Mkuranga, Mkoani Pwani.
    Dkt. Kigwangalla ambaye alikuwa mgeni rasmi katika tukio hilo, mbali na kukabidhi gari hilo la wagonjwa na vifaa hivyo vya Hospitali kwa uongozi wa Hospitali na Wilaya akiwemo Mkuu wa Wilaya na Mbunge wa Jimbo hilo, aliweza kufanya ukaguzi wa ghafla kujionea mazingira ya Hospitali hiyo na kubaini mapungufu mbalimbali ambayoo ametoa maagizo kupatiwa ufumbuzi kabla ya kuchukuliwa hatua kwa uongozi wa Hospitali hiyo.
    Miongoni mwa changamoto hizo alizobaini katika Hospitali hiyo ni pamoja na kuwa na mfumo mbovu wa uhifadhi wa taka, pamoja na uchafu katika wodi ya wazazi jambo ambalo linaweza kusababisha hatari ya maambukizi kwa Wagonjwa na wahudumu wenyewe wa Afya.
    Awali wakati wa kukabidhi gari hilo ambalo limenunuliwa kwa nguvu ya Madiwani kwa kushirikiana na wadau mbalimbali pamoja na Mbunge wa jimbo hilo la Mkuranga, Abdallah Ulega aliwataka kulitumia kwa uangalifu wa hali juu huku likitakiwa kufanya shughuli zilizokusudiwa katika kusaidia wananchi wake.
    “Nimesikia kileo chenu ambacho ni kupatiwa mashine ya X-Ray na na vifaa vingine muhimu. Wizara yetu inalishughulikia hilo na tunawaomba muwe na imani na Mbunge wenu ambaye amekuwa akinisisitiza juu ya jambo hilo. Hospitali ya Mkuranga ni moja wapo ambayo itafaidika na msaada wa vifaa ikiwemo mashine hiyo ya X-Ray” alisema Dkt. Kigwangalla wakati akizungumza na wananchi mbalimbali ambao pia walipata fursa ya kuuliza maswali katika tukio hilo.

    0 0

     
    Mkurugenzi Msaidi wa Ushiririkiano wa Kiufundi kutoka Ofisi ya Rais, Menejimenti ya Utumishi wa Umma na Utawala Bora Bw. Msafiri Marwa akimkabidhi zawadi kijana wa Kijapan aliyemaliza muda wake wa kujitolea hapa nchini Bw. Yusuke Sakakibara.
    Mkurugenzi Msaidi wa Ushiririkiano wa Kiufundi kutoka Ofisi ya Rais, Menejimenti ya Utumishi wa Umma na Utawala Bora Bw. Msafiri Marwa akimkabidhi zawadi kijana wa Kijapan aliyemaliza muda wake wa kujitolea hapa nchini Kyoko Tada katika hafla ya kuwaaga vijana watatu wa kijapan waliomaliza muda wao wa kujitolea hapa nchini iliyofanyika leo jijini Dar es Salaam.
    Mratibu wa vijana wa kujitolea Kutoka JICA nchini Tanzania Bw. Ichiro Owa (kulia) akielezea jambo wakati wa hafla ya kuwaaga vijana waliomaliza muda wao wa kujitolea hapa nchini kutoka Japan iliyofanyika leo jijini Dar es Salaam. Kushoto ni mmoja wa waliokuwa wakijitolea Kyoko Tada.
    Baadhi ya Raia wa Japan waliokuwa wakijitolea nchini kupitia Shirika la Kimataifa la Maendeleo la Japan (JICA) wakiwa katika hafla ya kuwaaga baada ya kumaliza muda wao leo jijini Dar es Salaam. Kutoka kulia ni Yusuke Sakakibara akiifanya Wilayani Masasi, Shu Sato, Kyoko Tada Mratibu wa vijana wa kujitolea Kutoka JICA nchinI Tanzania Bw. Ichiro Owa mara baada ya hafla kuwaga leo jijini Dar es Salaam.
    Picha na: Paschal Dotto – MAELEZO


    Na.Thobias Robert- MAELEZO.

    Serikali imelipongeza Shirika la Maendeleo la Kimataifa la Japan (JICA) kwa ushirikiano wake na Tanzania katika miradi mbalimbali ya maendeleo hasa katika sekta za Kilimo Afya na Maendeleo ya Jamii kwa kutumia wataalam na uzoefu kutoka Japan.

    Pongezi hizo zimetolewa Jijini Dar es Salaam leo na Mkurugenzi Msaidizi wa ushirikiano wa kiufundi kutoka Ofisi ya Rais Menejimenti ya Utumishi wa Umma na Utawala Bora, Bw.Msafiri Marwa alipokuwa akiwaaga vijana wa kijapani waliokuwa wanajitolea katika sekta ya Kilimo na Maendeleo ya jamii hapa nchini.

    “Serikali ya Japan kupitia shirika lake la JICA imekuwa na ushirikiano wa muda mrefu na serikali ya Tanzania katika sekta mbalimbali kama vile kuwajengea uwezo Watanzania kupitia ufadhili wa masomo ya elimu ya juu nchini Japan na kuleta watu wa kujitolea katika miradi ya maendeleo hapa nchini,” alieleza Bw. Marwa.

    Aidha, Bw.Marwa ambaye alimuwakilisha Naibu Katibu Mkuu Utumishi Bi. Suzani Mlawi aliipongeza Japan kwa kutumia rasilimali watu pamoja na rasilimali fedha kupitia JICA kufadhili utoaji wa huduma za kijamii jambo ambalo ni kipimo cha ushirikiano kati ya nchi hizi mbili.

    Amewapongeza vijana wa kijapan kwa kazi nzuri waliyoifanya hapa nchini katika kipindi chote cha miaka miwili ya kuwahudumia watanzania hasa katika sekta ya Kilimo na Afya.

    “Kwa niaba ya serikali niwapongeze vijana wote mliokuja hapa nchini kwa kufanya kazi na jamii ya Watanzania, mmefanya kazi kwa jitihada kubwa wakati mwingine katika mazingira magumu, niwahakikishie kuwa serikali ya Tanzania itaendelea kuimarisha mazingira ya ushirikiano ili kuendeleza uhusiano ” alifafanua Marwa.

    Mkurugenzi huyo pia aliwakumbusha vijana hao kuwa mabalozi wazuri nchini Japani na mataifa mengine watakayokwenda ili kuwavutiwa wawekezaji na watalii kuja kuwekeza katika shughuli za maendeleo pamoja na kuleta watalii wengi kwani Tanzania ina vivutio vingi vya utalii, mazingira rafiki kwa wageni na amani ya kutosha.

    Kwa upande wake, Mratibu wa kundi la vijana wa kujitolea kutoka JICA Bw.Ichiro Owa alisema kuwa, anaipongeza serikali ya Tanzania kwa kuwapokea na kuwapa ushirikiano na ulinzi wa kutosha vijana waliokuja kujitolea katika shughuli za maendeleo kwa siku zote ambazo wamekuwa hapa nchini.

    “Mpango wetu kwa sasa ni kuleta vijana wengi zaidi wa kujitolea kwasababu ya ushirikiano tulioupata kutoka kwa serikali ya Tanzania ni mzuri kwani tumefurahia usalama amani na utulivu pamoja na ukarimu wa watanzania ” alifafanua Bw. Owa.

    Mratibu huyo wa vijana wa kujitolea kutoka Japan alisema ushirikiano kati ya nchi yake na Tanzania ni wa kihistoria na umekuwa wa manufaa kwa pande zote mbili, aliongeza kuwa kwa mwaka huu, JICA ina jumla ya vijana 40 wanaojitolea na matarajio yao ni kuongeza vijana kati ya 60 hadi 70 kwa mwaka ujao.

    Vijana wa kujitolea walioagwa katika hafla hiyo ni pamoja na Kyoko Tada aliyekuwa akifanya kazi ya Uuguzi katika Hospitali ya Taifa ya Muhimbili, Shu Sato aliyekuwa katika Ofisi ya Kilimo Wilaya ya Siha Mkoani Kilimanjaro na Yusuke Sakakibara aliyekuwa anafanya kazi ya maendeleo ya jamii katika Wilaya ya Masasi.

    JICA ilianza mpango wake wa kuleta vijana wa kujitolea katika shughuli mbalimbali za maendeleo mwaka 1967 ambapo takwimu zinaonyesha kuwa tangu kuja kwa kundi la kwanza kutoka Japani idadi imeongezeka kufikia vijana 1,568.

    0 0






      





















    0 0

    Naibu Waziri Ofisi ya Rais, Tamisemi Selemani Jafo akikagua upanuzi wa Hospitali ya Tumbi.
    Naibu Waziri Ofisi ya Rais, Tamisemi Selemani Jafo akitoa maagizo kwa uongozi wa mkoa wa Pwani na watendaji wakuu wa Shirika la Elimu Kibaha ambao Hospitali ya Tumbi ipo chini yao.
    Naibu Waziri Ofisi ya Rais, Tamisemi Selemani Jafo akikagua ramani ya upanuzi wa jengo la hospitali ya Tumbi Kibaha.
    Naibu Waziri Ofisi ya Rais, Tamisemi Selemani Jafo akimsalimiana na mgonjwa ambaye ni mlemavu wa viungo katika Hospitali ya Tumbi.
    Naibu Waziri Ofisi ya Rais, Tamisemi Selemani Jafo akipata maelezo kutoka kwa mganga mkuu wa hospitali ya Rufaa ya Tumbi iliyopo mkoani Pwani.


    Naibu Waziri wa Nchi, Ofisi ya Rais, Tamisemi ameutaka Uongozi wa Shirika la Elimu Kibaha na Ofisi ya Katibu Tawala wa Mkoa wa Pwani kukaa pamoja na kufanya Maamuzi ya haraka ndani ya wiki moja wafikie makubaliano ya uendelezaji wa ujenzi wa jengo jipya la upanuzi wa hospital ya Tumbi ambayo ni hospitali ya Rufaa ya mkoa wa Pwani.

    Jafo ameoneshwa kukerwa na ugoigoi wa kufanya maamuzi unaoendelea licha ya serikali kupeleka fedha kiasi cha sh.milioni 685 katika mwaka wa fedha 2016/2017 lakini mpaka sasa wameshindwa kufanya Maamuzi.

    Naibu Waziri Jafo amesema kitendo hicho kinachelewesha kuwapatia huduma bora wananchi.Kutokana na hali hiyo, Jafo amewaonya watendaji hao na kuagiza hadi wiki ijayo wawe wamekamilisha mkataba wa makubaliano na ujenzi uanze mara moja.

    Upanuzi wa hospitali ya Tumbi unalenga kuimarisha miundombinu ili hospitali hiyo iweze kutoa huduma bora kwa wananchi mbalimbali wa mkoa wa pwani na mikoa mingine hapa nchini kwani kwa muda mrefu hospitali hiyo imekuwa ikipokea wagonjwa wengi kwa siku ikihusisha pia majeruhi wengi wanao pata ajali katika barabara ya Morogoro.

    0 0


    0 0

    Mwenyekiti wa Kamati ya Bunge ya Miundombinu Prof. Norman Sigalla King akisisitiza jambo wakati wa ziara ya Kamati ya kukagua maendeleo ya ujenzi wa mnara wa TTCL kwenye kijiji cha Sanga Itinje kilichopo Kata ya Itinje wilaya ya Meatu mkoani Simiyu. Kushoto kwa Mwenyekiti ni Mtendaji Mkuu wa Mfuko wa Mawasiliano kwa Wote Eng. Peter Ulanga.


    Mkuu wa Mkoa wa Mwanza Bwana John Mongella akiongea kuhusu mchango wa mifumo ya mawasiliano katika kuongeza kasi ya ukusanyaji wa mapato ya Serikali mbele ya Kamati ya Bunge ya Miundombinu na watendaji wa kampuni za simu wa mkoani Mwanza (hawapo pichani) wakati wa ziara ya Kamati hiyo ya kukagua ujenzi wa minara, ufikishaji na upatikanaji wa huduma za mawasiliano vijijini mkoani Mwanza. Aliyeketi ni Mwenyekiti wa Kamati ya Bunge ya Miundombinu Prof. Norman Sigalla King. 


    Meneja wa TTCL mkoa wa Shinyanga Bwana Abdallah Lugage akitoa taarifa kwa Kamati ya Bunge ya Miundombinu kuhusu maendeleo ya ujenzi wa mnara wa kampuni hiyo kwenye kijiji cha Sanga Intinje kilichopo kata ya Intinje wilaya ya Meatu mkoani Simiyu. Wa tatu kushoto ni Mwenyekiti wa Kamati hiyo Prof. Norman Sigalla King.
    Wajumbe wa Kamati ya Bunge ya Miundombinu, watendaji wa Mfuko wa Mawasiliano kwa Wote, wafanyakazi wa TTCL na wanakijiji wakiwa kwenye picha ya pamoja wakati wa ziara ya Kamati hiyo ya kukagua maendeleo ya ujenzi wa mnara wa kampuni hiyo kwenye kijiji cha Sanga Intinje kata ya Intinje iliyopo wilaya ya Meatu mkoani Simiyu.


    Serikali ya Awamu ya Tano ya Jamhuri ya Muungano wa Tanzania inayoongozwa na Dkt. John Pombe Magufuli imesisitiza kwa taasisi za Serikali, sekta binafsi na wananchi kwa ujumla kulipa kodi kwa wakati ili nchi iweze kuongeza mapato yake kwa lengo la kukuza uchumi, kujenga miundombinu ya barabara, reli, bandari, mawasiliano, kuboresha utoaji wa huduma za kijamii na kuweza kuwatumika wananchi.

    Hayo yameelezwa na Mwenyekiti wa Kamati ya Bunge ya Miundombinu Mhe. Prof. Norman Sigalla wakati wa ziara ya Kamati yake ya kukagua ujenzi wa minara, ufikishaji na upatikanaji wa huduma za mawasiliano vijijini na kwenye maeneo yasiyo na mvuto wa kibishara kwenye mikoa ya kanda ya ziwa ya Mwanza na Mara ambapo Serikali imetoa ruzuku kwa makampuni ya simu za mkononi ili ziweze kutoa huduma za mawasiliano kwa wananchi kupitia Mfuko wa Mawasiliao kwa Wote (UCSAF) ulio chini ya Wizara ya Ujenzi, Uchukuzi na Mawasiliano.

    Ameongeza kuwa Kamati yake inasimamia sekta ya miundombinu yote nchini ikiwa ni pamoja na miundombinu ya mawasiliano ambayo inategemewa na Serikali katika kukuza uchumi na kuiwezesha nchi yetu kufikia uchumi wa kati na kuwa nchi ya viwanda. Prof. Norman Sigalla King amesema kuwa miundombinu na huduma za mawasiliano ni moja ya nguzo kuu za ukuaji wa uchumi, inachochea maendeleo ya taifa letu na kuiwezesha Serikali kuhudumia wananchi wake kwa haraka, wakati, kwa ufanisi na kupunguza gharama za Serikali kuwahudumia wananchi na kuokoa muda. “Serikali imepeleka fedha nyingi kwa ajili ya miundombinu mbalimbali ya nchi yetu kupitia Wizara hii kwenye bajeti ya Serikali ya mwaka wa fedha wa 2017/2018 ili nchi iweze kusonga mbele”, amesema Prof. Norman Sigalla King.

    Naye Mkuu wa Mkoa wa Mwanza Bwana John Mongela ameieleza Kamati hiyo kuwa mifumo ya mawasiliano imeiwezesha Serikali ya Mkoa wake kuongeza makusanyo ya mapato katika Halmashauri za mkoa huo kutoka chini ya asilimia 46 kwa mwaka wa fedha uliopita na kufikia asilimia 70 kwa mwaka huu wa fedha ambapo Halmashauri hizo zinatumia zaidi ya asilimia 70 ya makusanyo hayo kuendesha miradi ya maendeleo na kutekeleza majukumu mengine ya mkoa. 

    “Suala la mawasiliano duniani popote pale ni nyeti sana kwa kuwa shughuli zote zinafanywa na mawasiliano kama vile miamala ya kifedha, ulinzi na usalama wa raia na mali zake ambapo katika ngazi ya Mkoa tumedhibiti kwa kiwango kikubwa ulinzi na usalama wa raia wetu na hali ya mawasiliano kwenye mkoa wetu ni nzuri na tuna Mkongo wa Taifa wa Mawasiliano,” amesema Mongella. Ameongeza kuwa Mkoa huu ni mkoa wa pili kwa ukubwa wa idadi ya watu na ni mkoa wa pili ambao unaongoza kwa kuchangia kwa kiasi kikubwa mapato na ukuaji wa uchumi wa taifa letu.
    Naye Mtendaji Mkuu wa Mfuko wa Mawasiliano kwa Wote (UCSAF) Eng. Peter Ulanga amesema kuwa Mfuko umetoa ruzuku kwa kampuni za simu za mkononi ili kufikisha huduma za mawasiliano kwenye mikoa ya kanda ya ziwa na visiwa vyake takribani 36 vilivyopo kwenye kanda hii ili waweze kutumia mawasiliano kwa ajili ya ulinzi na usalama na shughuli nyingine za kiuchumi na kijamii. 

    Ameongeza kuwa kupitia Halotel, UCSAF imepeleka mawasiliano kwenye vijiji 78 vilivyopo kanda ya ziwa na ziara hii inatusaidia kupata maoni ya wadau na kukusanya changamoto ambazo zitasaidia kuboresha jukumu la UCSAF la kufikisha huduma za mawasiliano vijijini na maeneo yasiyo na mvuto wa kibiashara nchini nzima.

    Mtaalamu wa miundombinu wa kampuni ya simu ya Halotel wa Mkoa wa Mwanza na Simiyu Bwana Emmanuel Masanja amesema kuwa kampuni yao inajenga minara kwa kukodisha au kupewa ardhi na mamlaka za serikali za vijiji kwa ajili ya ujenzi wa minara hivyo wanaishukuru Serikali kuwapatia ruzuku ya kufikisha mawasiliano vijijini.

    Ameongeza kuwa baadhi wa watu wanazuia maendeleo ya ujenzi wa minara kwenye baadhi ya maeneo vijijini ambapo yanasababisha migogoro ambayo inachukua muda mrefu kukamilishwa hivyo kuchelewesha ujenzi wa minara na ufikishaji wa huduma za mawasiliano vijijini.

    Bwana Masanja amesema kuwa kampuni yao wanaiomba Serikali iwasaidie kusimamia upatikanaji wa ardhi kwa ajili ya ujenzi wa minara ya mawasiliano kwenye ngazi ya Halmashauri zote nchi nzima ili kuwawezesha wakandarasi kujenga minara kwa wakati ili kuharakisha jitahada za Serikali ya Awamu ya Tano Jamhuri ya Muungano wa Tanzania kufikisha huduma za mawasiliano kwenye vijiji vyote nchi nzima na maeneo yasiyokuwa na mvuto wa kibiashara.

    Aidha Mkurugenzi wa Kanda ya Ziwa wa kampuni ya TIGO Bwana Ally Maswanya ameishukuru Serikali kwa kuwapatia ruzuku ya kujenga minara na kufikisha huduma za mawasiliano vijijini kwa kuwa kampuni zetu zinafanya biashara hivyo haikuwa rahisi kwa kampuni za simu za mkononi kuwekeza bali UCSAF imetuwezesha kusambaza mawasiliano vijijini. Vile vile ameiomba Serikali kuwasaidia kufikisha umeme kwenye minara kupitia Wakala wa Nishati ya Umeme Vijijini (REA) kwa kuwa inawapa changamoto ya kuongeza gharama za kuendesha minara hiyo na umeme wa jua hautoshelezi.

    Ameongeza kuwa sisi kama kampuni ya Halotel tunapata ushirikiano mkubwa kutoka ofisi za Wakuu wa Mikoa na wilaya kwenye maeneo mbalimbali nchini kwa ajili ya kujenga minara bali changamoto ipo kwenye ngazi za Halmashauri za upatikanaji wa ardhi na utatuzi wa migogoro ya ardhi na ukosefu wa ushirikiano wa kutosha kutoka kwa mamlaka husika ili kufanikisha ufikishaji na upatikanaji wa huduma za mawasiliano vijijini.

    Mwenyekiti Prof. Sigalla amesema kuwa nguzo za uchumi mojawapo ni miundombinu kwa maana ya barabara, bandari, reli na mawasiliano na ndiyo maana serikali imepeleka fedha nyingi kwenye bajeti ya mwaka wa fedha wa 2017/18. Ametoa rai kwa wananchi kuwa watoe ulinzi kwenye minara yote ya mawasiliano nchini kwa kuwa Serikali inatumia kodi za wananchi kujenga minara. 

    Ameongeza kuwa wananchi watumie fursa ya mawasiliano kwa maendeleo na kujenga uchumi wao na maendeleo ya taifa. Pia ameyaomba makampuni ya simu yote nchini ambayo yamepatiwa ardhi na serikali ya kijiji na kujenga minara irudishe faida kwa wananchi wa eneo husika kwa kuwapatia fedha au huduma za kijamii.

    Amesisitiza kuwa kampuni za mawasiliano zitumie fedha waliyopewa na Serikali kujenga minara na kufikisha huduma za mawasiliano vijijini kwa wakati kwa kuwa ucheleweshaji wa kutekeleza jukumu hilo unawanyima wananchi haki ya kupata huduma za mawasiliano. Pia ameongeza kuwa kwa namna yoyte ile kampuni haziwezi kulipa gharama za ucheleweshaji wa kujenga minara hiyo na upatikanaji wa huduma za mawasiliano kwa wananchi na Serikali kwa ujumla. “Maendeleo ni vita, ukipewa ruzuku na Serikali ya kujenga minara na ukichelewesha ni hasara; hakikisheni mnakimbizana kukamilisha jukumu hilo kwa wakati,” amesema Prof. Norman Sigalla King.

    Aidha, ametoa rai kwa kampuni za simu zinazopatiwa ardhi bure na Serikali za vijiji mbalimbali nchini kote kutoa fedha kwa vijiji hivyo sehemu ya fedha wanazopata ili vijiji viweze kunufaika na uwepo wa minara hiyo kwa kuwa kampuni zinafanya biashara. 

    Ametanabaisha kuwa minara haina madhara kwa wananchi ukilinganisha na usikilizaji wa simu za mkononi kwa muda mrefu zaidi ya dakika tisa. Amewatahadhirisha wananchi kuwa wananchi wasikilize simu kwa muda mfupi na isizidi dakika tisa.

    “wananchi watumie vifaa vya kusikiliza simu masikioni kwa wale ambao wanasikiliza simu kwa muda mrefu na minara inayowekwa na UCSAF ni salama na tumieni simu kwa maendeleo chanya,” amesema Prof. Norman Sigalla King. Pia ameipongeza Wizara kwa kazi kubwa inayofanya ya kujenga na kusimamia miundombinu iliyopo kwenye sekta ya ujenzi, uchukuzi na mawasiliano.

    Imetolewa na Kitengo cha Mawasiliano Serikalini, Wizara ya Ujenzi, Uchukuzi na Mawasiliano

    0 0

    TIMU ya African Sports “Wanakimanumanu”imepata msaada wa vifaa vya michezo kwa ajili ya kujiandaa na michuano ya Ligi daraja la pili itakayoanza kutimua vumbi.

    Vifaa hivyo ambavyo ni seti ya viatu vilitolewa juzi na Mbunge wa Jimbo la Tanga (CUF) Alhaj Mussa Mbaruku katika halfa iliyofanyika kwenye viwanja wa CCM Mkwakwani mjini Tanga

    Akizungumza mara baada ya kukabidhi vifaa hivyo,Mbunge Mussa alisema ameamua kutoa vifaa hivyo ili kuweza kuihamasisha kufanya vizuri katika mashindano hayo na hatimaye kuweza kurudi ilipotoka.Alisema licha ya timu hiyo kushuka daraja hivi sasa wanapaswa  kujiimarisha na kucheza kwa umakini mkubwa ili kuweza kucheza michuano ya ngazi za juu.

    “Mimi ni Mbunge lakini pia ni mwana michezo hivyo nitahakikisha nazisapoti timu za mkoa huu kwa lengo la kurejea kwenye makali yao ya zamani kwani michezo ni ajira “Alisema.Nay kwa upande wake,Mweka Hazina wa timu hiyo,Sad Juma alimshukuru mbunge huyo kwa kutoa vifaa hivyo ambavyo vitasaidia timu hiyo kuondokana na uhaba uliokuwepo.

    “Kama unavyojua sisi tulikuwa na uhaba wa vifaa vya michezo hususani viatu na nyenginevyo hivyo alichotupa mbunge tunamshukuru lakini tutakuwa nawe bega kwa bega “Alisema.Hata hivyo alisema hivi sasa wanaendelea na maandalizi kwa ajili ya kujiwinda na mashindano hayo wakiwa na kikosi imara ambacho kimedhamiria kupata mafanikio.
    Habari kwa hisani ya Blog ya Kijamii ya Tanga Raha.
    Mbunge wa Jimbo la Tanga (CUF) Alhaj Mussa Mbaruku kushoto akimkabidhi viatu Mweka Hazina wa timu ya African
    Sports,Sad Juma kwa ajili ya kujiandaa na michuano ya Ligi Daraja la pili makabidhiano hayo yalifanyika uwanja wa CCM mkwakwani mjini Tanga
    Mbunge wa Jimbo la Tanga (CUF) Alhaj Mussa Mbaruku kushoto akimkabidhi viatu Mweka Hazina wa timu ya African Sports,Sad Juma kwa ajili ya kujiandaa na michuano ya Ligi Daraja la pili makabidhiano hayo yalifanyika uwanja wa CCM mkwakwani mjini Tanga
    Mbunge wa Jimbo la Tanga (CUF) Alhaj Mussa Mbaruku akisalimiana na wachezaji wa timu ya Jang'ombe ya Zanzibar ambao wameweka kambi mkoani Tanga wakati alipokwenda kukabidhi vifaa kwa timu ya African Sports.

    0 0

    Executive Director at the Sahara Group, Tonye Cole has said the industrialisation of Africa in the next decade must be owned and led by Africans with key support from the private sector as well as regional and multilateral organisations.

    Citing the need for a robust “digital infrastructure”, Cole urged African leaders to commit to having a digital highway that connects the various nations. “It will form the basis upon which everything else will thrive.

     It will unleash jobs for our teeming youths, deliver education to the uttermost corners of the continent, connect farmers and entrepreneurs to the world, deliver healthcare to remote locations and inspire electrification projects across borders."

    Cole who is also co-founder of the leading African energy conglomerate represented the Private Sector on a panel during a session on Africa at the recently concluded 72nd United Nations General Assembly in New York.

    Themed: “Third Industrial Development Decade for Africa (IDDA3, 2016-2025): From political commitments to actions on the ground,” the session sought to address, among others, the environmental, social and economic challenges and opportunities that the continent faces in its quest for sustainable development.

    According to Cole, a strategic digital revolution would also expose abuse and injustice, enhance law enforcement and justice, address inequality and transparency, build strong institutions and foster partnerships towards actualising sustainable development. 

    "The digital revolution can help develop stronger institutions as well as civil society groups. It can enhance law enforcement and good governance and be a critical component in ensuring free and fair elections," he added.

    In 2016 the United Nations Industrial Development Organisation (UNIDO) proclaimed the decade 2016-2025 as IDDA3 following a United Nations General Assembly resolution - signalling the need for collaborative efforts geared towards ensuring the continent fits into plans aimed at realising the 17 SDGs by 2030. Cole highlighted the continent’s youthful population, agriculture and education as avenues that can be explored to foster development in Africa. 

    He said Sahara Group's corporate responsibility interventions show that people empowerment is critical to achieving industrialisation. “As we push for industrialisation, let us remember that the foundation for the most successful industry in any society is human capital. It is the educated mind, equipped heart, enhanced intellect and free soul that will come up with ideas that impact society, inventions that liberate humanity and solutions that better our world,” he stated. 

    Cole concluded by remarking that the industrialisation of Africa in the next decade should be a global agenda. "Africa is core and central to achieving the 2030 SDGs and if those goals are to be achieved, it cannot be done without the successful implementation of IDDA3."

    The Panel was moderated by CNN News anchor Zain Asher. Introductory remarks were given by Li Yong, Director General, UNIDO, and Ms. Amina Mohammed, former Minister for Environment of the Federal Republic of Nigeria and Deputy Secretary General of the United Nations.

    Speakers on the panel included H.E. Mr Edgar Lungu, President of Zambia, H.E. Mr Hailemariam Desalegn, Prime Minister of Ethiopia and H.E. Mr. Mokgweetsi Masisi, Vice-President of Botswana, amongst many other notable dignitaries.

    Key messages ranged from forging strong partnerships amongst stakeholders of IDDA3, to building resilient infrastructure, promoting inclusivity, establishing sustainable industrialisation and fostering collaboration and innovation amongst African countries.

older | 1 | .... | 1379 | 1380 | (Page 1381) | 1382 | 1383 | .... | 1897 | newer