Quantcast
Are you the publisher? Claim or contact us about this channel


Embed this content in your HTML

Search

Report adult content:

click to rate:

Account: (login)

More Channels


Showcase


Channel Catalog



Channel Description:

Karibuni Jamvini Wanajamii

older | 1 | .... | 1250 | 1251 | (Page 1252) | 1253 | 1254 | .... | 1897 | newer

    0 0


    Mwakilishi wa taasisi ya Rehema foundation ,Zuber akigawa chakula kwa ajili ya futari kwa wakazi wa Bagamoyo ikiwa ni sehemu ya msaada uliotolewa na taasisi yao kutoka kwa wanancha mbali mbali wa nchi ya Uturuki kwa kipindi hiki cha Ramadhani
    Mwenyekiti wa Taasisi ya Rehema ,Mustafa Diriel akigawa mifuko ya futari kwa wasiojiweza na wazee wa kijiji cha Kilomo Bagamoyo Pwani.Chakula hicho kimechangishwa na watu mbali mbali katika inchi ya Uturuki
    Mohamedd akimpatia mzee Miraji fuko lake la futari katika kipindi hiki cha mwezi Mtukufu wa Ramadhani
    Wafanyakazi wa taasisi ya Rehema Foundationi wakigawa mifuko ya chakula
    Mbunge wa Bagamoyo akiwa na timu mzima ya Taasisi ya Rehema na wakazi wa kilomo baada ya kupewa msaada huo.


    0 0

    Ambassador Mahiga flagged with SADC Secretariat together with members of SADC Organ with all SADC Elections Observation Mission in a group photo. SADC has deployed about 40 observers from 9 member states in this year's election. 
    Ambassador Mahiga in conversation with the United States Ambassador to the Kingdom of Lesotho H.E. Matthew T. Harrington after launching SEOM at AVANI Hotel in Maseru Lesotho. 
    Head of SADC Elections Observation Mission in Lesotho and Chairperson of the Ministerial Committee of the Organ Amb. Dr. Augustine Mahiga, delivering his statement during the launch of the mission recently in Maseru Lesotho. 



    INTERNATIONAL COMMUNITY APPLAUDS TANZANIA’s LEADERSHIP OF SADC ORGAN AND EFFORTS TO STABILIZE POLITICAL SITUATION IN LESOTHO

    Tanzania’s President Dr. John Pombe Magufuli has been applauded by the international community for his impeccable leadership of the SADC organ on politics, defense and security cooperation at this juncture when the community is ushering Lesotho into yet another National Parliamentary Election, the third within five years. 

    Representatives from international organizations operating within SADC region and Lesotho in particular including the United Nations and European Union have commended SADC urgent call to the incoming government for serious structural and constitutional reforms. 

    During the recent launch of SADC Electoral Observation Mission (SEOM) in Lesotho held in Maseru, Hon. Dr. Augustine Mahiga, Tanzania’s foreign Minister, Chairperson of the Ministerial Committee of the Organ and mission head reiterated SADC ‘s earlier mandate to the current government to undertake reforms in order to stabilize its political system and avoid a repeat of previous political crises. 

    While commending political parties for signing pledges to accept election results and Independent Electoral Commission of Lesotho (IEC) for its preparedness for the upcoming national elections, Ambassador Mahiga sends a strong message to Lesotho,

    “After three elections within less than five years the fatigued voters deserve a different and durable outcome. SADC will definitely take these pledges and commitments seriously in supporting the reform process in the Kingdom of Lesotho by the next government” said Ambassador Mahiga

    Briefing members of SADC Secretariat before the launch, Amb. Mahiga said that it is upon SADC that leaders of the next government of Lesotho be held accountable to carry out the reforms. 

    “Presedent Magufuli, our Chair of the Organ has given me clear instructions that we must work hard, together, and to make sure that this time around we are successful. The people of Lesotho have great expectations on us as SADC, let us not disappoint them” he remarked. 

    Similar message was shared at the launch with all stakeholders about the commitment of President Magufuli, to stabilize political situation in the Mountain Kingdom as well as in the SADC region. He said that the work of SADC mission in the country was mandated by President Magufuli and that several groups have been working tirelessly since April 2017 in Lesotho. Based on their observation and preliminary work, SADC is still of the view that major reforms are needed in the country and not just national elections.

    “It is evident from our extended presence on the ground in the Kingdom of Lesotho that the resolution of the political and security problems is not entirely predicated upon the elections and its outcomes, Clearly, there has to be stronger and time-bound commitment to broader reforms in the political, security and public sectors in order to stabilize the country” he added. 

    As Tanzania is about to finish its term as the head of this important organ of the community, Ambassador Mahiga said he is simply executing President Magufuli’s vision in Tanzania’s engagements in regional integration bodies. He said that Tanzania is of the view that SADC is stronger when there is integration and cooperation. But SADC cannot make full progress if one member is in political crisis. Three elections within five years do not just bring fatigue to voters, it disorient the badly-needed work force, preventing them to contribute effectively to daily economic activities but it also dwindle much-needed resources for the government. 

    In his speech, Ambassador Mahiga reminded the audience that as the continent celebrates fifty plus years of the African Unity, it is mind-boggling for Lesotho to still be pre-occupied with the basics of forming a stable government. 

    “Allow me to add that it is strange paradox indeed that on this 25th day of May, 2017 marking the historical occasion of the Commemoration of the founding of the Organisation of African Unity; when we should ordinarily be celebrating milestones in the advancement of our societies and the consolidation of our democratic institutions; we are still locked in protracted debates on the basic requirements of forming and stabilizing governments”.

    Commenting on SADC engagement in Lesotho, United Nations Development Program Deputy Resident Representative in Lesotho Ms. Christy Ahenkora said SADC intervention and follow up was badly needed for Lesotho to carry out reforms which will stabilize its political set up focusing on how coalition government should operate. 

    Similarly, the Head of the European Union Delegation in Lesotho noted with keen interest the strong message from Ambassador Mahiga during the lunch of the mission and commended the organization for playing its part in Lesotho. The delegation has not brought in observers this time around, but it will deploy EUPlus Diplomatic Watch of 42 officials. 

    An applaud was also given to Tanzania and SADC Mission by the American Ambassador to the Kingdom of Lesotho immediately after Hon. Mahiga's statement saying that candid observation by SEOM and deliberate efforts by SADC in Lesotho will bring about well-built democratic institutions and organization in the region.

    0 0

    Jumuiya ya Umoja wa Vijana wa Chama Cha Mapinduzi (UVCCM) Wilayani
    Simanjiro Mkoani Manyara, imeungana na wapenda maendeleo nchini
    kumpongeza Rais John Magufuli kwa hatua ya kuzuia usafirishaji mchanga
    wa madini (makinikia) nje ya nchi.

    Akizungumza na waandishi wa habari jana, Katibu wa UVCCM wilayani
    Simanjiro, Bakary Mwacha alisema hatua aliyochukua Rais Magufuli ni ya
    kupongezwa na kuungwa mkono na wapenda maendeleo nchini.

    Mwacha alisema kitendo hicho kinapaswa kupongezwa kwani kimeonyesha
    uzalendo na kulinda rasilimali za nchi na kuchukua hatua kwa viongozi
    wazembe waliosababisha hali hiyo.

    Alisema Rais Magufuli alipokuwa anatoa ahadi kwa wananchi kipindi
    anachoomba kura mwaka 2015, kuwa atakuwa mstari wa mbele kulinda
    maslahi ya Taifa ndivyo anavyofanya hivi sasa.“Ni muda mrefu nchi yetu imeibiwa kupitia madini hayo yaliyokuwa yanatoroshwa ila mara baada ya Rais Magufuli kuunda tume na kubaini madudu yaliyopo alikomesha jambo hilo,” alisema.

    Hata hivyo, Mwacha alimpongeza Kaimu Katibu wa UVCCM Taifa, Shaka
    Hamdu Shaka kwa kutoa tamko la kumtetea na kumlinda kwa gharama yoyote
    Rais Magufuli kwa hatua ya kutekeleza mambo ya mabadilikoya kiuchumi
    kisiasa na kijamii. “Sisi jumuiya ya UVCCM wilayani Simanjiro tupo bega kwa bega katika kuhakikisha tunatekeleza na kuunga mkono yale yote yanayotamkwa na
    viongozi wetu wa UVCCM ngazi ya Taifa,” alisema Mwacha.

    Alisema anapongeza jitihada zinazofanywa na Shaka kufanya ziara zake
    za kuzunguka nchi nzima na kuzungumza kwenye vikao vya ndani kwani
    anaimarisha jumuiya hiyo na kuongeza mshikamano wa vijana.

    0 0

    Na Francis Dande


    Mradi wa Ujenzi wa Barabara inayounganisha Daraja la Nyerere na barabara inayotoka Kigamboni hadi Kibada unaotekelezwa kwa ubia kati ya Serikali na Shirika la Taifa la Hifadhi ya Jamii (NSSF), mradi huu wa ujenzi wa barabara yenye urefu wa kilometa 1.2 unatarajia kukamilika ndani ya kipindi cha miezi sita.

    Akizungumza  wakati wa uwekaji wa jiwe la Msingi wa Mkurugenzi Mkuu wa NSSF,Prof. Godius Kahyarara, amesema kuwa barabara hiyo itakuwa na njia sita pamoja na mzunguko (Round Abaout) wenye vipande vya barabara za mita 500 kwa kila kimoja, barabara hii itakuwa na uwezo wa kupitisha yenye uzito wa tani 55.

    'Aliongeza kuwa ili kutekeleza mradi huuNSSF tayari imetenga Shilingi bilioni 21 kwa ajili ya utekelezaji wa mradi huu'.

    Aidha alisema kuwa kukamilika kwa mradi huu kutasaidia wakazi wa Kigamboni kutumia barabara hii muda wote wa mwaka bila kuathiri mabadiliko ya hali ya hewa. Pia kutasaidia ukuaji wa viwanda kwa kusaidia usafirishaji wa bidhaa na malighafi.

    Barabara hiyo inajengwa na mkandarasi anayejenga barabara hii ndiye aliyejenga mradi mkubwa daraja la Nyerere na ameanza kazi toka Mei 26 mwaka huu na anatarajiwa kukamilisha ujenzi huo Novemba 25 mwaka.

    Naye Kiongozi wa mbio za Mwenge wa Uhuru Kitaifa, Amour Hamad Amour alisema kuwa kukamilika kwa ujenzi wa barabara hizo za kuunganganisha na daraja la Nyerere na barabara ya Kigamboni-Kibada Kigamboni kutatoa fursa kwa wakazi wa eneo la Kigamboni kuwa na usafiri wa uhakika kwa wakati wote.
     Jiwe la Msingi la mradi wa ujenzi wa Barabara ya Kiungo kati ya Daraja la Nyerere na Barabara ya Kigamboni-Kibada  lililowekwa na Kiongozi wa Mbio za Mwenge wa Uhuru Kitaifa, Amour Hamad Amour. (Picha na Francis Dande)
    Mkuu wa Wilaya ya Kigamboni akipokea Mwenge wa Uhuru kutoka kwa Mkuu wa Wilaya ya Kigamboni. 
      Mkurugenzi Mkuu wa NSSF, Prof. Godius Kahyarara, akitoa taarifa ya mradi wa ujenzi wa Barabara ya Kiungo kati ya Daraja la Nyerere na Barabara ya Kigamboni-Kibada yenye urefu wa kilometa 1.2 wakati kiongozi wa mbio za Mwenge wa Uhuru Kitaifa, Amour Hamad Amour alipoweka jiwe la Msingi.
     Kiongozi wa mbio za Mwenge wa Uhuru Kitaifa, Amour Hamad Amour, akizindua wa jiwe la Msingi la Ujenzi wa mradi wa Barabara ya Kiungo kati ya Daraja la Nyerere na Barabara ya Kigamboni-Kibada.
      Meneja Mradi wa Daraja la Kigamboni, Mhandisi Jamal Mruma (kushoto), akibadilishana mawazo Kiongozi wa Mbio za Mwenge wa Uhuru Kitaifa, Amour Hamad Amour (katikati) pamoja na Mkurugenzi Mkuu wa NSSF, Prof. Godius Kahyarara wakati wa uwekaji wa jiwe la Msingi la Mradi wa Ujenzi wa Barabara ya Kiungo kati ya Daraja la Nyerere na Barabara ya Kigamboni-Kibada.
    Kiongozi wa mbio za Mwenge wa Uhuru Kitaifa, Amour Hamad Amour (wa pili kulia) akiwa ameongozana na Meneja Mradi wa Daraja la Kigamboni, Mhandisi Jamal Mruma (kulia), wakati wa uzindua wa Mradi wa Ujenzi wa Barabara ya Kiungo kati ya Daraja la Nyerere na Barabara ya Kigamboni-Kibada.
    Meneja Mradi wa Daraja la Kigamboni, Mhandisi Jamal Mruma (kushoto), akibadilishana mawazo Kiongozi wa Mbiuo za Mwenge wa Uhuru Kitaifa, Amour Hamad Amour (katikati) pamoja na Mkurugenzi Mkuu wa NSSF, Prof. Godius Kahyarara wakati wa uwekaji wa jiwe la Msingi la Mradi wa Ujenzi wa Barabara ya Kiungo kati ya Daraja la Nyerere na Barabara ya Kigamboni-Kibada.
    Maofisa wa NSSF wakiwa katika hafla ya uwekaji wa jiwe la Msingi.
    Mkurugenzi Mkuu wa NSSF, Prof. Godius Kahyarara, akisalimiana na mmoja wa wakimbiza Mwenge wa Uhuru, Bahati Mwinuguta.
    Baadhi ya viongozi wa dini na taasisi wakiwa katika hafla hiyo.


     Maofisa wa NSSF wakiwa katika picha ya pamoja.
    Baadhi ya Menejimenti ya NSSF wakiwa katika hafla hiyo.
    Mkurugenzi Mkuu wa NSSF, Prof. Godius Kahyarara akiwa katika picha ya pamoja na baadhi ya maofisa wa NSSF.
    Kiongozi wa Mbio za Mwenge wa Uhuru Kitaifa, Amour Hamad Amour (katikati) akiwa katoka picha ya pamoja na Mkurugenzi Mkuu wa NSSF, Mkurugenzi Mkuu wa NSSF, Prof. Godius Kahyarara (kushoto kwake) baada ya kuweka jiwe la Msingi.
    Mkurugenzi Mkuu wa NSSF, Prof. Godius Kahyarara (kushoto), akizungumza na Mkurugenzi wa Halmashauri ya Manispaa ya Kigamboni, Stephen Katemba wakati wa uzinduzi wa mradi wa ujenzi wa Barabara inayounganisha Daraja la Nyerere na barabara inayotoka Kigamboni hadi Kibada.  

    0 0

    Na Daudi Manongi-MAELEZO, DODOMA.

    Serikali kupitia Wizara ya Kilimo,Mifugo na Uvuvi imeweka mikakati mbalimbali ili kukabiliana na upungufu wa maziwa nchini.

    Hayo yamesemwa na Waziri wa Kilimo,Mifugo na Uvuvi Mhe.Dk Charles Tizeba wakati akijibu swali la Mbunge wa Wete Mhe.Mbarouk Salum Ali leo Bungeni MJini Dodoma katika Kikao cha thelathini na sita cha bunge la 11.

    “Nakubaliana na Mhe.Mbunge kuwa Tanzania ina idadi kubwa ya mifugo lakini bado kuna upungufu wa maziwa,ambapo takwimu za makadirio za mwaka 2016 zinaonyesha lita bilioni 2.09 za maziwa zilizalishwa na unywaji wa maziwa kwa mtu kwa mwaka ulifikia lita 47 ukilinganisha na lita 200 zinazopendekezwa na Shirika la chakula Duniani(FAO)”,Alisema Mhe.Tizeba

    Aidha kati ya Ngombe milioni 28.4, Ngombe rasmi wa maziwa ni 782,995 tu sawa na asilimia 3 ya Ng’ombe wote.Aidha kati ya mbuzi milioni 16.7 ni mbuzi rasmi takribani 50,000 ndio wa maziwa ambao ni asilimia 0.3 ya mbuzi wote.

    Amezitaja jitihada ambazo Serikali imechukua ili kukabiliana na upungufu wa maziwa nchini ni pamoja na kumarisha mashamba ya kuzalisha mifugo ya Serikali (LMU’s) ili kuongeza idadi ya Ng’ombe wenye uwezo wa kuzalisha maziwa kwa wingi.

    Aidha Serikali imeanzisha vituo vya uhimilishaji katika kanda 6 hapa nchini ambazo ni kanda ya Ziwa(Mwanza),kanda ya Magharibi(katavi),Kanda ya kati(Dodoma),Kanda ya Mashariki(Kibaha),Kanda ya Kusini(Lindi) na Kanda ya Nyanda za Juu Kusini(Mbeya) kwa lengo la kutoa huduma ya uhilimishaji wa Ng’ombe wa Maziwa walioko kwenye maeneo hayo pamoja na Ng’ombe wa Asili ili kuzalisha idadi kubwa ya Ng’ombe wa Maziwa.

    Amehimiza kuwa Jitihada hizi zitawezesha idadi ya Ng’ombe wa Maziwa kufikia milioni 2.9 ifikapo mwaka 2021/22 ambao pamoja na ng’ombe wa asili wataweza kuzalisha lita bilioni 3.8 za maziwa.

    “Serikali inaendelea kuhamasisha sekta binafsi na wadau wengine wa maendeleo kuwekeza katika uzalishaji wa mitamba ya maziwa na mashamba ya ng’ombe wa maziwa kwa lengo la kuongeza uzalishaji wa maziwa hapa nchini”,Aliongeza Mhe.Tizeba

    0 0


    Na Bakari Madjeshi, Globu ya Jamii

    Mashindano yanayoitwa European Youth Film Competition yamezinduliwa rasmi leo, May 29, 2017 ambapo yatafanyika nchini Tanzania kwa mara ya kwanza.

    Mashindano hayo yameandaliwa na Umoja wa Ulaya (EU) na washirika nchi za Netherlands, United Kingdom, Ubalozi wa Ufaransa, Alliance Française, British Councils pamoja na Bodi ya Filamu nchini Tanzania.

    Akizungumza na Waandishi wa Habari jijini Dar es Salaam, Afisa Habari wa Umoja wa Ulaya (EU), Susanne Mbise amesema katika shindano hilo vijana watapata fursa ya kuzungumzia mijadala ya maendeleo wakati watakapokuwa wakizungumzia Suala la Ongezeko la idadi ya watu nchini Tanzania, Afrika na Duniani. Swali likiwa Je suala hilo ni changamoto au fursa ya maendeleo?

    "Ndani ya Filamu za dakika 5 au 10 Washiriki wanatakiwa kuandaa Filamu ya aina yoyote, iwe 'Documentary', Maigizo lakini iwe dakika 5 au 10 katika Maudhui hayo", amesema Mbise.

    Mbise amesema kuwa Kati ya vijana hao wenye umri kati ya miaka 18-35 watashindana na Washindi wa tano bora watakwenda kwenye Mashindano makubwa.

    Kwa upande wa Bodi ya Filamu nchini, Afisa Uhusiano na Mawasiliano wa Bodi hiyo, Abuu Kimario amewapongeza Umoja wa Ulaya kwa kuandaa Mashindano hayo, kwani yamekuja siku muafaka, kutokana na Soko la Filamu linapanda na kushuka.

    Naye Mratibu wa Mashindano hayo, Moses Saka amesema kuwa mshindi wa kwanza katika Shindano hilo atazawadiwa kiasi cha Shilingi Milioni 7, mshindi wa pili Sh. Milioni 5, na mshindi wa tatu Sh. Milioni 3 za Kitanzania.
     Afisa Habari wa Umoja wa Ulaya (EU), Sussane Mbise (katikati) akizungumza na Waandishi wa Habari kuhusiana na Mashindano ya European Youth Film Competition (EYFM) yanayozinduliwa May 29. Kulia ni Afisa Uhusiano na Mawasiliano wa Bodi ya Filamu nchini, Abuu Kimario, Kushoto ni Mratibu wa Shindano hilo, Moses Saka.

    0 0

      Kamshina wa Polisi nchini Simon Sirro akiandaliwa kwenda kula kiapo  mbele ya  Rais Jamhuri ya Muungano wa Tanzania Dkt. John Pombe Magufuli  kuwa Kamshina Jenerali wa Polisi nchini  leo Mei 29,2017 Ikulu jijini Dar es salaam
     Rais Jamhuri ya Muungano wa Tanzania Dkt. John Pombe Magufuli akimvua cheo cha Kamishna wa Polisi Simon Sirro na kumvalisha cheo cha Kamishna Generali wa Jeshi la polisi nchini leo Mei 29,2017 Ikulu jijini Dar es salaam
     Rais Jamhuri ya Muungano wa Tanzania Dkt. John Pombe Magufuli akimuapisha Mkuu wa Jeshi la Polisi Mteule, Kamishna wa Polisi Simon Sirro kuwa Kamishna Generali wa Jeshi la Polisi Nchini Mei 29,2017 Ikulu jijini Dar es salaam
     Rais Jamhuri ya Muungano wa Tanzania Dkt. John Pombe Magufuli akimkabidhi nyenzo za kufanyia kazi Kamshina Jenerali wa Polisi nchini Simon Sirro mara baada ya kumuapisha Mei 29,2017 Ikulu jijini Dar es salaam
      Kamshina Jenerali wa Polisi nchini Simon Sirro akila kiapo cha maadili ya utumishi wa Umma mara baada ya kumuapisha  na Rais Jamhuri ya Muungano wa Tanzania Dkt. John Pombe Magufuli  kuwa Kamshina Jenerali wa Polisi nchini Mei 29,2017 Ikulu jijini Dar es salaam
     Rais Jamhuri ya Muungano wa Tanzania Dkt. John Pombe Magufuli, makamu wa Rais Mhe. Samia suluhu Hassan, Waziri wa mambo ya Ndani Mhe. Mwigulu Nchemba, Kaimu Jaji Mkuu Profesa na Katibu Mkuu Kiongozi Balozi John Kijazi wakiwa katika picha ya pamoja na Kamshina Jenerali wa Polisi nchini Simon Sirro pamoja na aliyekuwa IGP Ernest Mangu
     Rais Jamhuri ya Muungano wa Tanzania Dkt. John Pombe Magufuli, makamu wa Rais Mhe. Samia suluhu Hassan, Waziri wa mambo ya Ndani Mhe. Mwigulu Nchemba,  Kaimu Jaji Mkuu wa Tanzania Mhe. Jaji Prof. Ibrahim Hamis Juma, Katibu Mkuu Kiongozi Balozi John Kijazi wakiwa katika picha ya pamoja na Kamshina Jenerali wa Polisi nchini Simon Sirro pamoja na aliyekuwa IGP Ernest Mangu pamoja na Makamishna wa Polisi
      Rais Jamhuri ya Muungano wa Tanzania Dkt. John Pombe Magufuli, makamu wa Rais Mhe. Samia suluhu Hassan, Waziri wa mambo ya Ndani Mhe. Mwigulu Nchemba,  Kaimu Jaji Mkuu wa Tanzania Mhe. Jaji Prof. Ibrahim Hamis Juma, Katibu Mkuu Kiongozi Balozi John Kijazi wakiwa katika picha ya pamoja na Kamshina Jenerali wa Polisi nchini Simon Sirro pamoja na aliyekuwa IGP Ernest Mangu pamoja na Makamishna wa Polisi na maafisa waandamizi
    Rais Jamhuri ya Muungano wa Tanzania Dkt. John Pombe Magufuli akiwa na Kamshina Jenerali wa Polisi nchini Simon Sirro pamoja na aliyekuwa IGP Ernest Mangu. Picha na IKULU.

    0 0

    Mkurugenzi Utumishi na Uendeshaji Wizara ya Afya Ramadhan Khamis Juma akimkabidhi cheti cha utumishi bora aliekuwa Mkuu wa Kitengo cha kusambaza dawa Zanzibar Abdalla Suleiman ambae amestaafu kazi kwa mujibu wa sheria.
    Aliekuwa Mkuu wa Kitengo cha kusambaza dawa Zanzibar Abdalla Suleiman akiwapa mkono wa kwaheri wafanyakazi wenzake katika sherehe za kumuaga, wa kwanza (kushoto) Mkurugenzi wa Bohari Kuu ya dawa Zahran Ali Hamad na (kati) Mkurugenzi Utumishi na Uendeshaji Wizara ya Afya Ramadhan Khamis Juma. 
    Picha ya pamoja ya mstaafu wa Bohari Kuu Abdalla Suleiman akiwa na mke wake Dkt. Aza Said (kulia) waliokaa na baadhi ya wafanyakazi wa Bohari kuu ya dawa na Ofisi ya Mfamasia Mkuu katika sherehe za kumuaga zilizofanyika Bohari Kuu ya dawa Maruhubi.

    Picha na Makame Mshenga.

    0 0

    Katibu Mkuu wa Chama Cha Mapinduzi, Ndg Abdulrahman Kinana akutana na Balozi wa Jamhuri ya Korea kusini hapa nchini Mhe Song Geum-Young alipomtembelea kwa ajili ya mazungumzo katika Ofisi Ndogo ya Makao Makuu ya CCM, Lumumba jijini Dar es salaam, leo Mei 29, 2017.

    Katika mazungumzo yao, wamehimiza suala la kuboresha mahusiano baina ya Jamhuri ya Korea Kusini na Tanzania pamoja na kuzungumzia ushirikiano wa muda mrefu katika kufanikisha miradi mbalimbali ya maendeleo hapa nchini.
     Katibu Mkuu wa Chama Cha Mapinduzi, Ndg Abdulrahman Kinana akimsikiliza Balozi wa Jamhuri ya Korea kusini hapa nchini Mhe Song Geum-Young alipomtembelea kwa ajili ya mazungumzo katika Ofisi Ndogo ya Makao Makuu ya CCM, Lumumba jijini Dar es salaam, leo Mei 29, 2017.
      Katibu Mkuu wa Chama Cha Mapinduzi, Ndg Abdulrahman Kinana akizungumza jambo na Balozi wa Jamhuri ya Korea kusini hapa nchini Mhe Song Geum-Young alipomtembelea kwa ajili ya mazungumzo katika Ofisi Ndogo ya Makao Makuu ya CCM, Lumumba jijini Dar es salaam, leo Mei 29, 2017.
      Katibu Mkuu wa Chama Cha Mapinduzi, Ndg Abdulrahman Kinana akimkaribisha Balozi wa Jamhuri ya Korea kusini hapa nchini Mhe Song Geum-Young alipomtembelea kwa ajili ya mazungumzo katika Ofisi Ndogo ya Makao Makuu ya CCM, Lumumba jijini Dar es salaam, leo Mei 29, 2017.

    0 0
  • 05/29/17--06:59: CUF NGOMA BADO NZITO
  • Na Karama Kenyunko, blogu ya jamii.

    Bodi ya Wadhamini ya CUF kupitia wakili wao, Hashimu Mziray leo imewasilisha kusudio la kukata rufaa kupinga uamuazi uliotolewa na mahakama ya Hakimu Mkazi Kisutu uliotupilia mbali kesi yao sababu CUF haina Bodi ya wadhamini.

    Bodi hiyo inapinga uamuzi wa uliotolewa mahakamani hapo na Hakimu Mkazi Mkuu, Wilbard Mashauri ambapo maombi yao dhidi ya Mbunge wa Kaliua, Magdalena Sakaya (CUF), Mbunge wa Mtwara Mjini, Maftah Nachuma(CUF) na wenzao sita yakuomba mahakama iwazuie kwa muda kujihusisha katika masuala ya uongozi na kufanya mikutano ya chama.

    Wakili wa bodi ya Wadhamini ya CUF, Hashimu Mziray amesema wamewasilisha kusudio hilo la kukata rufaa kupinga uamuzi uliotolewa na hakimu Mashauri kwa kuwa si kweli kuwa CUF haina bodi ya wadhamini.Amedai kuwa CUF IPO hai, inawabunge, madiwani, majengo, wanachama na kwamba msajili wa vyama vya siasa hajakifuta.

    ameongeza Hakimu Mkazi Mkuu, Wilbard Mashauri hakulielewa tangazo la Wakala wa Vizazi na Vifo (Rita) na kuiomba Mahakama Kuu itengue maamuzi ya Hakimu Mashauri kwa kuwa ni batili.Mei 21 mwaka huu, Hakimu Mashauri alitoa uamuzi wa kuitupilia mbali kesi hiyo baada ya kusikiliza pande zote mbili.

    Akitoa uamuzi huo, Hakimu Mashauri alisema Joram Bashange ambaye aliapa katika kiapo kuwa ni Katibu wa Bodi ya Wadhamini ya CUF aliapa uongo kwa sababu bodi hiyo ilisha isha muda wake na kwamba pande zote mbili wana maombi RITA ya kuomba usajili.ameongeza kuwa Bashange ni Katibu wa Bodi ya Wadhamini ya CUF na kwamba yeye binafsi ndiye atabeba gharama za kesi. 

    Katika kesi hiyo Sakaya na wenzake walikuwa wakiwakilishwa na Wakili, Mashaka Ngole huku bodi ya Wadhamini ya CUF ikiwakilishwa na Wakili Hashimu Mziray.

    Katika pingamizi wajibu maombi wanadai maombi hayawezi kusikilizwa katika mahakama hiyo kwa sababu yanashughulikiwa katika maombi namba 23/2016 yaliyopo Mahakama Kuu.Wanadai mwombaji hana miguu ya kusimamia kufungua kesi dhidi ya wajibu maombi, maombi hayo hayana msingi kwa kushindwa kubainisha jina la mwandishi wa masuala ya fedha hivyo wanaiomba mahakama kuyatupilia mbali maombi hayo kwa gharama.

    Maombi hayo yaliyowasilishwa chini ya hati ya dharura ni dhidi ya wajibu maombi Sakaya, Nachuma, Thomas Malima, Omar Masoud, Abdul Kambaya, Salama Masoud, Zainabu Mndolwa na Jaffari Mneke.

    Bodi ya wadhamini ilikuwa inaomba mahakama itoe zuio la muda kuwazuia wajibu maombi, mawakala wao au watu wao wowote kujihusisha katika masuala yoyote ya uongozi au kufanya mikutano ya chama hicho, hadi maombi yao hayo yatakaposikilizwa kwa pande zote husika.Wakili Mziray aliomba maombi hayo yasikilizwe kwa haraka kwa madai kwamba wajibu maombi wanataka kujiingiza katika kufanya mikutano ya chama hicho, wakati hawana uwezo wa kufanya hivyo.

    Bodi hiyo ya wadhamini ya CUF iliamua kufungua kesi hiyo mahakamani hapo siku moja baada ya Mwenyekiti wa chama hicho, Profesa Ibrahimu Lipumba, kutangaza kutengua nafasi tano za wakurugenzi wa chama hicho na kutangaza majina mapya.

    0 0

    Na Humphrey Shao, Globu ya Jamii 

    Mtandao wa Mashirika yanayopinga ndoa za utotoni wameitaka serikali kuweka mfumo madhubuti utakaowawezesha wanafuzni wa kike kuendelea kufurahia haki yao ya kupata elimu bora mara baada ya kujifungua.

    Akitoa tamko hilo Mwenyekiti wa mtandao huo, Valerian Msoka amesema Serikali ,wabunge na wadau wengine kujikita katika kupambana na changamoto zinazopelekea mimba za utotoni ikiwemo ubovu wa miundombinu ya elimu kukosekana kwa elimu bora ya afya ya uzazi.

    “Mtandao wa kupinga ndoa za utotoni unaamini kuwa Tanzania ina uongozi na wawakilishi wanaojali maslahi ya wananchi ambapo watoto wa kike ni miongoni mwa hao . Na ni kwa sababu hiyo mtandao una imani kuwa sauti yao itsikilizwa kwani wasichana hawa wanaopoteza masomo kutokana na mimba ni sehemu ya nguvu kazi muhimu ya msingi na yenye tija kufikia Tanzania ya Viwanda” amesema Msoka.

    Msoka amemaliza kwa kusema kuwa utafiti wa kitaifa kuhusu Vichocheo na madhara ya ndoa za utotoni nchini Tanzania uliofanywa mwaka 2016 umebaini kuwa wasichana wana uelewa mdogo juu ya afya ya uzazi.

    Mwenyekiti wa Mtandao wa kutetea wadada wadogo, Valerian Msoka 
    Mwenyekiti wa Tamwa , Eda Sanga akizungumza juu ya kuwaomba wabunge kutunga sheria kuwasaidia watoto wanaopata mimba mashuleni 
    Mkurugenzi wa Tawla nchini ,Tike Mwambipile akizungumza wakati wa kutoa tamko hilo .
    Mkurugenzi wa Shirika la Watoto, Koshuma Mtengeti akizungumza juu ya tamko hilo
    Waandishi wa habari wakifatilia mkutano huo 
    Baadhi ya wanachama wa tasisi mbalimbali zisizo za kiserikali wakiwa katika mkutano huo
    Waandishi na wana harakati wakisikiliza tamko hilo kwa makini

    0 0

    Na Chalila Kibuda ,Globu ya  Jamii
    Hospitali ya Wilaya ya Mkuranga inakabiliwa na changamoto mbalimbali kutokana kuanzishwa kwake kulianzia katika zahanati.
    Hayo ameyasema na Naibu Waziri wa Afya, Maendeleo ya Jamii, Jinsia Wazee na Watoto, Dk. Hamisi Kigwangala wakati alipofanya ziara katika Hospitali ya Wilaya ya  Mkuranga,  amesema Hospitali ya Mkuranga kuanzia majengo kuwa mbalimbali tofauti na inavyotakiwa.
    Amesema katika ziara hiyo amesema hata mfumo wa kuhifadhi taka katika hospitali hiyo hauko sawa pamoja  na hali ya usafi katika wodi ya wazazi.
    Dk.Kigwangala amesema kutokana na mazingira yaliyopo katika hospitali itachukua hatua katika kuiweka hospitali hiyo kwenye .ubora mzuri.
    Aidha amesema Mbunge wa Mkuranga, Abdallah Ulega amekuwa bega kwa bega na hospitali ya  Mkuranga  ikiwa ni pamoja na kutafuta wadau katika kusaidia hospitali katika maeneo mbalimbali.
    Dk. Kigwangala amesema kuwa Mganga Mkuu wa Hospitali  kujitoa katika kufanya masuala mengine bila kusubiri serikali kuu ikiwa ni pamoja na kutenga siku ya kufanaya  usafi katika hospitali hiyo.
    Nae Mbunge wa  Mkuranga , Abdallah Ulega amesema ziara ya Naibu Waziri huyo itazaa matunda kwa hospitali ya Mkuranga kuwa na sifa ya hospitali ya Wilaya.
    Amesema  watakuwa na utaratibu wa kufanya usafi kwa mara moja kwa wiki hali ambayo inaweza kuleta mabadiliko katika hospitali hiyo.
     Naibu Waziri wa Afya, Maendeleo ya Jamii , Jinsia Wazee na Watoto, Dk. Hamis Kigwangalla akizungumza na watendaji wa Hospitali ya Wilaya ya Mkuranga na Halmashauri wakati ziara yake katika Hospitali hiyo. .(picha zote na Emmanuel Massaka,Globu ya Jamii).
     Mkuu wa Wilaya ya Mkuranga, Filberto Sanga akizungumza na watendaji wa Hospitali ya Wilaya ya Mkuranga na Halmashauri katika ziara ya Naibu Waziri wa Afya, Maendeleo ya Jamii , Jinsia Wazee na Watoto, Dk. Hamisi Kigwangala.
     Mbunge wa Mkuranga, Abdallah Ulega akitoa neno la shukurani kwa Naibu Waziri wa Afya, Maendeleo ya Jamii , Jinsia Wazee na Watoto, Dk. Hamisi Kigwangala kufanya ziara katika hospitali hiyo.
     Naibu Waziri wa Afya, Maendeleo ya Jamii , Jinsia Wazee na Watoto, Dk. Hamisi Kigwangala akikabidhi gari la wagonjwa na vifaa kwa  Uongozi wa Wilaya ya Mkuranga
     Naibu Waziri wa Afya, Maendeleo ya Jamii , Jinsia Wazee na Watoto, Dk. Hamisi Kigwangala akitembelea na kukagua wodi mbalimbali katika Hospitali ya Wilaya ya Mkuranga katika ziara yake aliyofanya katika Hospitali hiyo. (Picha zote na Emmanuel Massaka,Globu ya Jamii).
     Sehemu ya vifaa vilivyokabidhiwa katika Hospitali ya Mkuranga.

    0 0

    ​Na Ramadhani Ali – Maelezo Zanzibar

    Serikali ya Mapinduzi ya Zanzibar imepiga marufuku utaratibu wa kufutarishana na kupeana chakula kilichotayarishwa nyumba moja kwenda nyengine katika mwezi huu wa Ramadhani baada ya kubainika kuwepo kwa mripuko wa maradhi ya Kipindupindu katika maeneo mbali mbali ya Zanzibar.

    Akizungumza na waandishi wa habari Makao Makuu ya Wizara ya Afya Mnazimmoja, Kaimu Waziri wa Wizara hiyo Riziki Pembe Juma alisema lengo la Serikali kuweka marufuku hiyo ni kujaribu kudhibiti maradhi hayo yasisambae zaidi.

    Alizitaja hatua nyengine ambazo Serikali imechukua ni kuzuia uuzwaji holela wa vyakula vya kupika na vya majimaji katika maeneo yasiyorasmi na kuwashauri wananchi kuchemsha maji ya kunywa ama kuyatia dawa ya klorini, kukosha vizuri matunda na mboga za majani kwa maji yaliyochemshwa.

    Alisema uchunguzi uliofanywa kwa wagonjwa waliolazwa kwa sababu  ya  kuharisha na kutapika katika vituo vya afya na hospitali mbali mbali umebainisha kuwepo ugonjwa wa kipindupindu aina ya Ogawa 01.

    Waziri Riziki ameweka wazi kupokewa wagonjwa 23 waliopatikana na vimelea vya ugonjwa wa kipindupindu na tayari Wizara ya afya imefungua kambi maalum ya matibabu katika eneo la Chumbuni.

    Aliyataja maeneo yaliyoathirika zaidi na ugonjwa huo ni Wilaya za Mjini na Magharibi hasa katika Shehia ya Kinuni, Darajabovu, Mtoni Kidatu, Chumbuni, Mwanakwerekwe, Fuoni na Kwarara.

    Hata hivyo Kaimu Waziri wa Afya amethibitisha kuwa hadi sasa hajapatikana mgonjwa kutoka kwenye maeneo ya ukanda wa pwani na zile kanda za utalii au kwenye hoteli za kitalii na Kisiwa cha Pemba.

    Amewaomba wananchi kuimarisha usafi katika maeneo wanayoishi na watakaona dalili za ugonjwa huo wakimbilie vituo vya afya huku Serikali imejipanga kwa dawa na wafanyakazi na kutoa elimu ya afya katika kukabiliana na maradhi hayo .

    Mkurugenzi Kinga na Elimu ya Afya Dkt. Fadhil Abdalla amewasisitiza wafanyabiashara wadogo wadogo kufuata taratibu zilizowekwa na Wizara ikiwemo kupima afya kabla ya kuanza biashara na kuandaa mazingira mazuri ya sehemu watakazofanyia biashara zao.
    Kaimu Waziri wa Afya Riziki Pembe Juma akizungumza na waandishi wa habari kuhusu mripuko wa maradhi ya kipindupindu Zanzibar huko Makao Makuu ya Wizara ya afya Mnazimmoja Mjini Zanzibar.
    Mkurugenzi Kinga na Elimu ya Afya Zanzibar Dkt. Fadhil Mohd Abdalla akijibu masuala  yaliyoulizwa na waandishi wa habari katika mkutano huo.
    Picha na Makame Mshenga.
    Waandishi wa habari kutoka vyombo mbali mbali vya Serikali na binafsi wakimsikiliza Kaimu Waziri wa Afya Zanzibar katika mkutano uliofanyika Wizara ya Afya Mnazimmoja Mjini Zanzibar.

    0 0

     Afisa Uhusiano wa Shirika la Maendeleo ya Petroli Tanzania (TPDC) Augustino Kasale kulia akimueleza jambo  Waziri wa Viwanda,Biashara na Uwekezaji,Charles Mwijage kushoto wakati alipofungua maonyesho ya tano ya Kimataifa ya Biashara yanayofanyika kwenye viwanja vya Mwahako Jijini Tanga.
     Mwanasheria Mwandamizi wa Shirika la Maendeleo ya Petroli nchini Tanzania (TPDC), Kelvin Gadi wakati akizungumza na waandishi wa habari kwenye banda lao ambalo lipo eneo la mwahako jijini Tanga kunakofanyika maonyesho ya tano ya biashara kimataifa.
     Afisa Uhusiano wa Shirika la Maendeleo ya Petroli Tanzania (TPDC) Augustino Kasale akizungumza na waandishi wa habari leo

    MRADI wa Bomba la Mafuta Mkoani Tanga umefikia kwenye hatua ya wataalamu kukagua njia itakayopitisha miundombinu ya bomba la mafuta kutoka Hoima nchini Uganda hadi Bandari ya Tanga.

    Hatua hiyo imekuja baada ya serikali ya Tanzania na Uganda kutiliana saini ya mkataba baina ya nchi na nchi (Iga) kukamilika.

    Hayo yalisemwa leo na Mwanasheria Mwandamizi wa Shirika la Maendeleo ya Petroli nchini Tanzania (TPDC), Kelvin Gadi wakati akizungumza na waandishi wa habari kwenye banda lao ambalo lipo eneo la mwahako jijini Tanga kunakofanyika maonyesho ya tano ya biashara kimataifa.

    Alisema tayari wameshafanya maamuzi yameshakamilika wataalamu wanafanya tathimi ya udongo katika njia ambayo bomba hilo litapita kwa taarifa ya awali njia iliyopatikana upana mita 200 na baadae watalaamu wataipunguza mpaka 100.

    Awali akizungumza kuhusiana na mradi huo, Afisa Uhusiano wa Shirika hilo, Augustino Kasale alisema mradi huo utapita katika mikoa nane ya Tanzania na kuzalisha ajira 10000 za kudumu na muda mfupi.

    Alizitaja fursa ambazo zitakuwa moja kwa moja ni hutoaji huduma wakati wa ujenzi, ajira za muda mfupi na moja kwa moja, fursa za usafirishaji ikiwemo kuufungua mkoa wa Tanga kiuchumi.

    “Hivyo hivi sasa wananchi wa mkoa wa Tanga wanapaswa kujiandaa na ujio wa Bomba la Mafura ghafi kutoka hoima nchini Uganda hadi Mkoani Tanga “Alisema.

    Habari kwa Hisani ya Blog ya Kijamii ya Tanga Raha.


    0 0


    Naibu Waziri wa Ofisi ya Rais, Tamisemi Selemani Jafo akizungumza na wananchi wa Tarafa ya Chole katika kituo cha Afya Chole. 
    FO2
    Gari la wagonjwa lilokabidhiwa katika Kituo cha Afya cha Chole
    FO3
    Naibu Waziri wa Ofisi ya Rais, Tamisemi Selemani Jafo akiwa katika picha ya pamoja na wataalam wa Kituo cha Afya Chole pamoja na viongozi mbalimbali wa Halmashauri ya Wilaya ya Kisarawe mara baada ya Kukabidhi gari la wagonjwa.
    FO4
    Jengo la Zahanati ya Visiga
    ………………………………………………..
    Naibu Waziri wa Nchi,Ofisi ya Rais, Tamisemi Selemani Jafo amewapongeza viongozi wote pamoja na wananchi wa wilaya ya kisarawe katika ujenzi wa zahanati Mpya 11 pamoja na wodi 2 za wazazi.Jafo ambaye pia ni Mbunge wa Jimbo la Kisarawe alitoa pongezi hizo alipokuwa akifanya ukaguzi wa miradi mbalimbali ya maendeleo jimboni Kisarawe.

    Ujenzi huo unafanyika kupitia fedha za mfuko wa jimbo ambazo zimetumika kununua saruji na mabati na pia  fedha kutoka Halmashauri ya wilaya ya kisarawe na michango ya wananchi. 

    Akiweka jiwe la msingi katika ujenzi wa zahanati ya visiga, Jafo alipongeza wananchi wa visiga kwa kuunga mkono juhudi ya serikali ya awamu ya tano katika kujileta maendeleo.

    Aliwaomba viongozi wote waendelee na moyo huo huo wa mshikamano ili kufanikisha utekelezaji wa ilani ya uchaguzi ya CCM 2015.Katika hatua nyingine, Wananchi wa Tarafa ya Chole wilayani Kisarawe wameishukuru serikali ya awamu ya tano baada ya Mbunge wa jimbo la Kisarawe na Naibu Waziri wa Nchi  Ofisi ya Rais Tamisemi kukabidhi gari la wagonjwa aina ya Toyota Landcruiser kwa Kituo cha Afya chole. 

    Wananchi hao waliishukuru serikali na Mbunge wao kwa jitihada kubwa zinazofanywa katika kuwaletea maendeleo ikiwemo kushughulikia matatizo ya afya.

    Tarafa hiyo ina kata tatu ambapo wananchi wake walikuwa hawana gari ya wagonjwa na hivyo kukabiliwa na changamoto hasa akina mama wanapotaka kwenda kujifungua katika hospitali ya wilaya ya Kisarawe ambayo ipo umbali wa zaidi ya kilomita 100.

    Wananchi hao walisema serikali imedhihirisha wazi kuwajali wananchi hao walioteseka kwa muda mrefu huku wakifurahia mipango ya serikali ya kukarabati Kituo cha Afya  Chole kwa kujenga Jengo Maalum la Upasuaji pamoja na kuliwekea vifaa vyote, na ujenzi wa wodi za wagonjwa mradi unaotarajiwa kugharimu wastani wa shilingi milioni 700.

    Mmoja wa wananchi hao, Mama Makwega alimshukuru sana mbunge Jafo na kumwagia sifa Rais Magufuli kwa kuwajali wananchi wote nchini Tanzania.

    0 0

    Na  Ashraf Said, Globu ya jamii.

    Tasisi ya Femina Hip imeanzisha kampeni yake mpya inayokwenda kwa jina la Nguvu ya Binti ili kumsaidia msichana anapokuwa katika siku zake .

    Akizungumza na waandishi wa habari Jijini Dar es Salaam leo, Lydia Charles amesema kuwa Femina Hip imezindua kampeni ya Nguvu ya Binti ambayo itawakilishwa na wasichana wenye historia,Tabia, na uzoefu tofauti .

    “ timu mpya ya nguvu ya binti itakuwa na sauti ya wasichana wote nchini Tanzania , wakichimbua , Kujadili na kujaribu kutatua changamoto na vikwazo mbalimbali kwa pamoja” amesema.

    Amesema kuwa wasichana hao watakuwa mawakili kwa mambo ya kijamii, Kiuchumi na kisiasa.

    Ameliza kwa kusema kuwa Femina Hip pamoja na wasichana wa kundi hilo wanamini kwamba ni lazima kufanya kazi pamoja , kufunguka na kuzungumza kuhusiana na hedhi ,maumivu wakati wa hedhi , Usafi wa miiko inayousishwa na hedhi kwa kushirikisha walimu , wazazi, walezi na Wanaume pia .
     Mratibuwa programu ya Nguvu ya Binti , Lydia Charles akizungumza na Waandishi wa Habari juu ya mpango wao wa kuwawezesha wanawake wanapokuwa katika siku zao leo katika ofisi zao  katika eneo la Mikocheni jijini Dar es Salaam.
     Mwakilishi wa Kays Hygien, Sauda Simba akizungumzia kuhusu kampuni  ya Femina  iliyodhamini programu hiyo
    Sehemu ya Waandishi wa wakufuatilia mkutano

    0 0



    Mjumbe wa Kamati Kuu ya CCM, Mwenyekiti wa Jumuia ya Wazazi Alhaj Abdalla Bulembo akizungumza na Wajumbe wa Halmashauri Kuu ya CCM wa Wilaya za Uyui na Tabora mjini, Viongozi wa CCM na watendaji wa Serikali, katika Uwanja wa Ali Hassan Mwinyi, akiwa katika ziara ya kikazi katika mkoa wa Tabora, leo.

     Pamoja na kuzungumzia taratibu za uchaguzi ndani ya unaoendelea katika ngazi za mashina, Bulembo amewataka wana CCM, kutambua kuwa sare za CCM zina thamani kubwa kwa kuwa ni za Chama tawala hivyo wazivae hata wanapokuwa wanakwenda kutafuta huduma katika maeneo muhimu, Amewataka pia madiwani kuhakikisha Halmashauri za wilaya zao zinatoa mgawo wa asilimia kumi fedha kutoka mapato yao, kwa ajili ya kuwapatika vijana na kina mama kwa ajili ya mikopo kwa kuwa utaratibu huo upo kisheria.
    " Ndugu Bulembo Kazi hii ya Ukuu wa mkoa naipenda sana, hasa kwa sababu nasimamia ilani ya Chama changu, kwa niaba ya Wananchi wa mkoa huu, mpelekee Salaam, Mwenyetiki wetu, Rais Dk Magufuli, kwamba Tabora tunampongeza kwa kazi nzuri anazofanya, mwambie tuna imani naye na tutazidi kumuunga mkono", akisema, Mkuu wa Mkoa wa Tabora Aggry Mwanri alipotambulishwa kwenye kikao hicho
    Wajumbe wakionyesha bashasha na furaha kwenye kikao hicho
    Mkuu wa mkoa wa Tabora Aggry Mwanri akimtambulisha Mkuu wa Wilaya ya Tabora mjini, Mwalimu Queen Mwanshinga Mlozi, wakati wa mkutano huo
    Mkuu huyo wa Wilaya ya Tabora mjini akisalimia kabla ya kuangusha kigeregere cha aina yake ambacho kilisababisha wajumbe kushangilia kwa uhodari wake
    Kisha Mkuu huyo wa Wilaya ya Tabora mjini akahakinikiza kigeregere chake kwa kupiga magiti
    Katibu wa Siasa na Oganaizesheni wa Jumuia ya Wazazi Makao Makuu, Ndugu Mgaya akisalimia wananchi baada ya kutambulishwa kwenye kikao hicho
    Msaidizi wa Mwenyekiti wa Jumuia ya Wazazi, Ndugu Kalolo akisalimia baada ya kutambulishwa
    Kishaa arindima kwa wimbo wa hamasa wa kabila la Wanyamwezi na baadaye kuporomosha mashairi yaliyosababishwa wajumbe kulipuka kumshangilia
    Wajumbe wakiwa wamesimama wakati Mchungaji Elias Mbagatwa alipokuwa akitoa dua maalum ya kumuombea Mwenyekiti wa CCM Rais Dk John Magufuli Mungu amjalie kuendelea kuchapa kazi na afya njema, wakati wa kikao hicho
    Mchuangaji Elias akiendelea na dua hiyo. Kushoto ni Mjumbe wa Kati Kuu ya CCM, Mwenyekiti wa Jumuia ya Wazazi Ndugu Bulembo


    Sheikh Hussein Mkamilwa wa Bakwata mkoani Tabora akiomba dua ya kubariki kikao kabla hakijaanza
    Mwenyekiti wa CCM wilaya ya Uyui Mussa Ntmizi akifungua kikao hicho
    Mwenyekiti wa CCM Wilaya ya Uyui Mussa Ntimizi akimkabidi Ndugu Bulembo zawadi ya asali
    Mwenyekiti wa CCM mkoa wa Tabora, Hassan Wakasubi akitoa maelezo ya matumizi sahihi ya asali kwa Ndugu Bulembo
    Kikao kikiwa kimefurika wajumbe, wakati Ndugu Bulembo akizungumza
    Wajumbe wa kikao hicho akifuatilia kwa makini
    Mjumbe wa Kamati Kuu ya CCM, Mwenyekiti wa Jumuia ya Wazazi Alhaj Abdalla Bulembo akizungumza na Wajumbe wa Halmashauri Kuu ya CCM wa Wilaya za Uyui na Tabora mjini, Viongozi wa CCM na watendaji wa Serikali, katika Uwanja wa Ali Hassan Mwinyi, akiwa katika ziara ya kikazi katika mkoa wa Tabora, leo.
    Mjumbe wa Kamati Kuu ya CCM, Mwenyekiti wa Jumuia ya Wazazi Alhaj Abdalla Bulembo akizungumza na Wajumbe wa Halmashauri Kuu ya CCM wa Wilaya za Uyui na Tabora mjini, Viongozi wa CCM na watendaji wa Serikali, katika Uwanja wa Ali Hassan Mwinyi, akiwa katika ziara ya kikazi katika mkoa wa Tabora, leo.
    Madiwani wa Tabora mjini wakishangilia
    Mjumbe wa Kamati Kuu ya CCM, Mwenyekiti wa Jumuia ya Wazazi Alhaj Abdalla Bulembo akisisitiza jambo wakati akizungumza na Wajumbe wa Halmashauri Kuu ya CCM wa Wilaya za Uyui na Tabora mjini, Viongozi wa CCM na watendaji wa Serikali, katika Uwanja wa Ali Hassan Mwinyi, akiwa katika ziara ya kikazi katika mkoa wa Tabora, leo.
    Ndugu Bulemo akisisitiza jambo
    Madiwani wa Uyui wakisimama kuulizwa maswali na ndugu Bulembo
    Mmoja wa wajumbe akifuatilia kwa makini kila kinachoendelea kwenye mkutano huo



    Mjumbe wa Kamati Kuu ya CCM, Mwenyekiti wa Jumuia ya Wazazi Alhaj Abdalla Bulembo akitoa ufafanuzi na kutoa maelekezo au maagizokuhusu maswali na kero zilizoulizwa na wajumbe kwenye kikao hicho, leo. Picha zote na Bashir Nkoromo

    0 0

    Waziri wa Kilimo Mifugo na Uvuvi Mhandisi Dk. Charles J. Tizeba (MB) amezindua Mwongozo na Wasifu wa Kilimo Kinachohimili Mabadiliko ya Tabianchi. Tukio hilo limefanyika katika ukumbi wa Wizara katika makao makuu mjini Dodoma.

    Uzinduzi huo umefanyika wakiwepo washiriki na wadau mbalimbali wa maendeleo ikiongozwa na DK. Fred Kafeero, Mwakilishi Mkazi wa FAO, Dk. Sebastian Grey, Mwakilishi wa CIAT. 

    Wengine waliokuwepo ni Mwenyekiti wa Kamati ya Kudumu ya Bunge ya Kilimo Maji na Mazingira, Mheshimiwa Dk. Mary Nagu (MB), na Mwenyekiti wa Kamati ya Kudumu ya Bunge ya Ardhi, Maliasili na Utalii, Mheshimiwa Atashasta Nditiye (MB). 

    Washiriki wengine walikuwa ni wadau wa kilimo hapa nchini kama vile taasisi zisizo za kiserikali, sekta binafsi ambazo wanashirikiana na serikali katika maendeleo ya kilimo hususan kinachohimili mabadiliko ya tabianchi.

    0 0

    Mkurugenzi wa Jiji la Arusha Bw Athuman Kihamia amekataa kamati ya watu 4 mbele ya Baraza la madiwani wa Jiji la Arusha iliyokuwa imepangwa kwa ajili ya kuchunguza mgogoro wa maduka hayo 396 yalipo stand ndogo Jiji la Arusha kwa kile alichosema kuwa wananchi bado wanawatuhumu madiwani wengi kuwa chanza cha migogoro hiyo.

    Mkurugenzi huyo amesema kuwa binafsi haoni sababu za msingi za uwepo wa kamati hiyo badala yake ana hofu ya kuingizwa siasa katika jambo hilo.

    Kuhusu wajenzi wa vibanda vya maduka stand ndogo,  mkurugenzi wa jiji la Arusha Bw Athumani Kihamia amewataka madiwani kutokuweka maneno ya kisiasa katika swala hilo la kimaendeleo ambapo mpaka sasa mgogoro wa maduka hayo takribani 396 upo katika mahakama ya ardhi jiji la Arusha.

    Aidha pia mkurugenzi wa jiji la Arusha ameongeza kwa kusema kuwa mapato makubwa ya jiji la Arusha yalikuwa yanakusanywa kupitia maduka hayo takribani 1196 hapa jijini maduka hayo ambayo yapo maene ya Stand ndogo,Soko kuu,Kilombero na kijenge ambapo halmashauri ilikuwa inakusanya shilingi Bilioni 1.2 kwa mwaka kitu ambacho kwasasa ameeleza kuwa mapato hayo yanaweeza kupungua kutoka na mgogoro wa maduka 396 yalipo maeneo ya Stand ndogo jijini Arusha na kubaki maduka 800 yanayo tegemewa na halmashauri hiyo ya jiji la Arusha

    Diwani wa kata ya Olasiti Bw Alex Mart ameeleza kuwa katika utatuzi wa migogoro ya wananchi inahitajika umoja na ushirikiano wa viongozi wote kuwa kitu kimoja pasipo kujali itikadi ya vyama vyao pamoja na nyazifa walizo nazo badala yake busara itumike katika utatuzi wa migogoro hiyo.
     

    0 0

    Watumishi wa halmashauri ya Jiji La ARUSHA Kwa kushirikana na Mkurugenzi wao Bwana Athumani Juma Kihamia wamechangia kiasi cha shilingi Milioni 14 kwenye ibada ya harambee ya kuchangia maendeleo ya mtaa iliyofanyika katika kanisa la KKKT  usharika wa Enaboishu halmashauri ya Arusha .

    Katika Ibada hiyo ya harambee ya kuchangia maendeleo mtaa wa Loruvani ambapo mgeni Rasmi alikuwa Mkurugenzi Kihamia amesindikizwa na watumishi pamoja na wadau wake wa karibu  wamechangia Fedha hizo kwa ajili ya kuwatia waumini wa kanisa hilo kwa ajili ya maendeleo yao.

    Ibada hiyo ya aina yake ambayo kila Mtumishi alitoa mchango wake papo kwa papo na wengine kwa kuahadi wamesema kuwa wamependezwa na tabia ya Mkurugenzi wao anavyowapa ushirikiano  na Moyo wa Upendo na si kazini tu bali na nje ya kazi ndiyo mana wakamsindikiza katika ibada hiyo.
    Hata hivyo amewataka Watanzania kushirikiana katika shughuli mbalimbali za maendeleo bila kujali dini ,kabila ,au Rangi anayotoka.

    Kihamia amesema kuwa jamii inapokuwa na ushiriano mzuri hata Mungu anawasaidia watu na kusisitiza suala La Amani ambalo ndiyo msingi Mkubwa katika kuabudu.

    Naye mchungaji wa kanisa hilo la KKKT Mchungaji Prosper Kinyaha amemuombea maombi maalum mkurugenzi Kihamia Mungu aendelee kumbariki kwa moyo wake wa ushirikiano na upendo wa kuchangia michango hiyo kwa kushirikana na wadau aliokuja nao.

    Katika hafla hiyo mkurugenzi Kihamia alikutana na walimu wake waliomfundisha katika shule ya sekondari magamba Boys iliyoko wilayani Lushoto kwa kipindi 1986 mpaka 1992 ambapo wameshangaa kumuona mwanafunzi wao ambaye kwasasa ni kiongozi wa jiji la arusha na kusema kuwa alikuwa ni moja ya mwanafunzi msikivu kwa walimu wake.

older | 1 | .... | 1250 | 1251 | (Page 1252) | 1253 | 1254 | .... | 1897 | newer