RC MAKALLA APOKEA MSAADA WA MIFUKO 400 YA SARUJI KUTOKA AKIBA COMMERCIAL BANK

April 22, 2017, 11:55 pm

≫ Next: MEYA WA JIJI ISAYA MWITA ARIDHISHWA NA KASI YA UJENZI WA MRADI OCEAN ROAD.

≪ Previous: Prof. Kitila asaini kandarasi za zaidi ya bilioni 600 kupeleka maji Tabora na Shinyanga vijijini

Mkuu wa Mkoa wa Mbeya,Mh.Amos Makalla amepokea msaada wa mifuko 400 ya saruji,kutoka kwa Benki ya AKIBA Commercial Bank Ltd ,kwa ajili ya kusaidia ujenzi wa njia za Wagonjwa,yenye urefu wa mita 175 katika hospitali ya Mkoa wa Mbeya.

Akizungumza hayo jana jijini Mbeya wakati wa kupokea msaada huo,RC Makalla aliwashukuru Wadau hao kwa kujitolea na kulishughulikia ombi lake kwa haraka na kwa uzito wa juu kabisa.

"Nawashukuru sana Wadau AKIBA Commercial Bank Ltd , kwa kulishughulikia ombi langu hili, ambalo sikutarajia kama lingechukua muda mfupi hivi,nawashukuru sana na nawaomba msichoke na tuendelee kuijenga Mbeya yetu kwa pamoja",alisema Makalla.

Makala alisema kuwa kupitia kwa marafiki wa hospitali ya Mkoa,wanaoishi ndani na nje ya mkoa huo,kupitia harambee walioifanya hivi karibuni wamefanikiwa kukamilisha ujenzi wa mita 55 na na kuwa awamu ya pili inaendelea kwa ujenzi wa mita 175.

Mh.Makalla alisema kuwa katika awamu ya kwanza ya ujenzi huo,zilitumika fedha jumla ya shilingi milioni 600,kutokana na mahitaji kuwa makubwa ya ujenzi,ujenzi ukasimama. kwa sababu zilikuwa zikihitajika fedha nyingine kiasi cha shilingi milioni 55,ndipo wakachukua hatua za kuomba msaada zaidi kwa wadau ambao ni AKIBA Commercial Bank Ltd .

"Kukamilika kwa ujenzi huu kutaondoa tatizo la wagonjwa kupelekwa au kwenda wodini kwa taabu, kwani wakati wa mvua tatizo linakuwa kubwa ",alisema Mh Makalla.

Kwa upande wa Akiba Commercial Bank kupitia kwa Afisa Masoko na Uendeshaji Bi Dora Saria amesema waliguswa sana baada ya kuombwa na Mkuu wa Mkoa kutokana na wananchi kupata shida hasa wagonjwa kwenda wodini au kupeleka maiti kwenye chumba cha kuhifadhia maiti

Hivyo wao kama taasisi ya Benki waliguswa na jambo hilo,na wakachukua hatua ya kuchangia shilingi milioni 5 sawa na Mifuko 400 ya saruji na kuahidi kutoa Mafunzo na mikopo kwa wajasiriamali

Aidha Akiba wamevutiwa na jitihada za Mkuu wa Mkoa kuliweka jiji safi hivyo watatoa Vifaa vya usafi na kushiriki kufanya usafi mwisho wa mwezi huu.

Mkuu wa Mkoa wa Mbeya,Mh.Amos Makalla akikabidhiwa mifuko 400 ya saruji na Bi. Dora Saria ambaye ni Afisa Masoko wa Akiba Commercial Bank Jijini Mbeya.Na Mr.Pengo wa Globu ya jamii Mbeya

RC Makalla akitoa neno la shukrani mbele ya Viongozi na wafanyakazi wa Benki ya Akiba na Serikali kwa ujumla.

↧

MEYA WA JIJI ISAYA MWITA ARIDHISHWA NA KASI YA UJENZI WA MRADI OCEAN ROAD.

April 23, 2017, 7:10 am

≫ Next: HAFLA YA KUCHANGIA SERENGETI BOYS IJUMAA APRIL 28,2017

≪ Previous: RC MAKALLA APOKEA MSAADA WA MIFUKO 400 YA SARUJI KUTOKA AKIBA COMMERCIAL BANK

Mstahiki Meya wa jiji la Dar es Salaam Isaya Mwita akipata maelekezo kutoka kwa Mhandisi Mzawa baada ya kutembelea mradi huo.
Mstahiki Meya wa jiji la Dar es Salaam Isaya Mwita wa kwanza kushoto akiwa kwenye picha ya pamoja na wajumbe wa kamati ya mipango miji na kamati ya huduma ya jamii pamoja na watendaji wa Halmshauri ya jiji wakati alipofanya ziara ya kutembelea mradi wa kuhimili athari za mabadiliko ya tabia ya nchi pamoja na maboresho ya maeneo ya umma katika fukwe ya Ocean Road.
wakandarasi wakiwa kwenye ujenzi
Mstahiki Meya wa jiji la Dar es Salaam Isaya Mwita akikagua mradi.

Mhandisi Mzawa akimuelekeza jambo Mstahiki Meya wa jiji la Dar es Salaam Isaya Mwita wakipolikuwa kwenye eneo la mradi.

NA CHRISTINA MWAGALA,(OMJ) , Dar es Salaam.

MEYA wa jiji la Dar es Salaam Isaya Mwita ameridhishwa na kasi ya ujenzi wa mradi wa kuhimili athari za mabadiliko ya tabia nchi pamoja na maboresho ya maeneo ya umma katika fukwe ya Ocean Road.

Mradi huo ambao unatarajiwa kumalizika Oktoba mwaka huu, utakuwa ni mahususi kwa wakazi wa jiji la Dar es Salaam kwa ajili kutunza mazingira na kuepukana na mafuriko.

Alifafanua kwamba, mradi huo utahusisha ujenzi wa vyoo na mabenchi ya kupumzikia, utakuwa na jumla ya urefu wa mita 860 kuanzia Hospitali ya Agha-Khani kupitia viwanja vya Ikulu.

“Ukiangalia kwenye fukwe zetu hazina vyoo, hivyo kuwafanya watu wanaokuja kupumzika kukosa sehemu za kwenda kujihifadhi, jambo ambalo sio zuri, ukizingatia jiji letu linapokea wageni kutoka sehemu mbalimbali, ndio maana tumeamua kuleta mradi huu ili kuondoa aibu hii” alifafanua.

Katika ziara hiyo iliyofanyika hivi karibuni, Meya alisema kwamba maeneo ya kupumzikia katika jiji la Dar es Salaam sio rafiki kutokana na ukosefu wa miundombinu hivyo kukamilika kwa mradi huu kutaondoa baadhi ya changamoto zilizopo kwenye maeneo ya hayo.

“Jiji letu ukiangalia kimiundombinu haliko vizuri, mpangilio wake pia hauko vizuri, sasa inapotokea mabadiliko yoyote, wananchi hujikuta kwenye athari kubwa sana, hivyo kupitia mradi huu, utaondoa changamoto hizi” alisema Meya.

“ Ukienda kwenye majiji mengine, utakuta sehemu za fukwe kama hizi , watu wanapumzika, lakini pia ni chanzo cha mapato kwa jiji kwa sababu wanalipia, ila kwetu hapa, imekuwa ni jambo la kawaida, watu wakuja kupumzika kiholela, huu ndio muda wetu wa kulibadilisha jiji letu la Dar es Salaam” aliongeza.

Akizungumzia vikundi mbalimbali ambavyo vilipewa mikopo kwa ajili ya kujiendeleza, Meya Isaya alisisitiza kwamba, bado nafasi zipo kwa vikundi vingine vinavyohitaji mikopo kwa masharti ya uaminifu.

Alifafanua kwamba vikundi vyote ambavyo vitakidhi vigezo, vitapewa mikopo na kwamba lengo kubwa ni kuwakwamua wananchi kiuchumi kupitia vikundi ambavyo vimeamua kujitoa kwa ajili ya kupambana na umasikini.

↧

HAFLA YA KUCHANGIA SERENGETI BOYS IJUMAA APRIL 28,2017

April 23, 2017, 7:13 am

≫ Next: TAMISEMI YABARIKI MICHUANO YA COPA UMISSETA 2017 – COCA-COLA KUENDELEA NA UDHAMINI KAMA KAWA

≪ Previous: MEYA WA JIJI ISAYA MWITA ARIDHISHWA NA KASI YA UJENZI WA MRADI OCEAN ROAD.

Shirikisho la Mpira wa Miguu Tanzania (TFF), limeandaa hafla maalumu ya kuchangisha fedha kwa ajili ya kampeni ya timu ya Serengeti Boys inayojiandaa kucheza fainali za kuwania Kombe la Afrika kwa vijana wenye umri chini ya miaka 17 nchini Gabon. Fainali hizi zitafanyika kufanyika kuanzia Mei 14 hadi 28, 2017.

TFF inatambua kuwa wadau mbalimbali wamekuwa wakichangia timu hiyo kupitia mitandao ya simu kama vile namba 0687 333 222 kadhalika Selcom kwa namba 22 33 44 pia kuweka fedha kwenye akaunti Na. 00 866 280 03 katika Benki ya Diamond Trust (DTB).

Sasa siku ya Ijumaa Aprili 28, 2017 TFF imeandaa hafla maalumu ya kupokea michango hiyo, lakini pia kuchangisha fedha zaidi maana lengo ni kukusanya shilingi bilioni moja (Sh. 1 Bil.) Hafla hiyo itafanyika kwenye Hoteli ya Serena, Dar es Salaam kuanzia saa moja jioni.

TFF imeamua kutumia fursa kuwakaribisha wawakilishi wa makundi mbalimbali ili wawasilishe michango yao na kumkabidhi mgeni rasmi.

Kwa kutambua michango mbalimbali ambayo imekusanywa kupitia makundi ya mitandao ya jamii kama WhattsApp, facebook hivyo TFF inaomba wawakilishi wa makundi yote ya mitandao ya jamii (admins) ambao wamekusanya michango hii wajiorodheshe ili wapate fursa ya kukabidhi michango ya makundi yao kwa mgeni rasmi katika hafla hii.

Admins hawa wanaombwa wajiorodheshe kwa kutuma email kwenda fdf@tff.or.tz, kwa kupiga simu 0787 176767 au kwa kutuma ujumbe mfupi kwenda 0787 176767 ambayo pia inapatikana kwenye mawasiliano ya WhattsApp.

Aidha wawakilishi wa makundi mengine kama idara za Serikali, mashirika ya umma na binafsi kadhalika watu binafsi ambao nao wamechangia nao pia tunaomba wajioredheshe ili wapewe fursa pia ya kukabidhi michango yao siku hiyo ya Ijumaa.

TFF inashukuru sana kwa ushirikiano.

Mungu Ibariki Tanzania

Mungu ibariki Serengeti Boys

↧

TAMISEMI YABARIKI MICHUANO YA COPA UMISSETA 2017 – COCA-COLA KUENDELEA NA UDHAMINI KAMA KAWA

April 23, 2017, 7:18 am

≫ Next: WAZIRI MWAKYEMBE AZINDUA MAELEZO ONLINE TV MJINI DODOMA

≪ Previous: HAFLA YA KUCHANGIA SERENGETI BOYS IJUMAA APRIL 28,2017

Naibu Waziri wa Tawala za Mikoa na SerikalizaMitaa (TAMISEMI), Mhe. Selemani Jafo akitoa hotuba ya ufunguzi kwa washiriki wa semina elekezi kwa Maafisa Elimu na Maafisa Michezo wa mikoa yote nchini, ikiwa ni maandalizi mahsusi ya uzinduzi rasmi wa mishindano ya michezo ya Copa UMISSETA 2017, ambapo kampuni ya vinywaji baridi ya Coca-Cola imeendelea kudhamini mashindano hayo.

Semina hiyo ilifanyika mwishoni mwa wiki Dodoma na kushirikisha wadau mbalimbali kutoka serikalini na Coca-Cola Tanzania. Ufunguzi rasmi wa michuano hii utafanyika katika uwanja wa Jamhuri, Dodoma siku ya Ijumaa Aprili 28, 2017.

Mkurugenzi wa Maendeleo ya Michezo wa Wizara ya Habari Utamaduni Sanaa na Michezo, Bw Yusuf Singo akizungumza na washiriki wa semina elekezi kwa Maafisa Elimu na Maafisa Michezo wa mikoa yote nchini, ikiwa ni maandalizi mahsusi ya uzinduzi rasmi wa wamishindano ya michezo ya Copa UMISSETA 2017, ambapo kampuni yavinywajibaridiya Coca-Cola imeendelea kudhamini mashindano hayo. Katikati ni Naibu Waziri wa Tawala za Mikoana SerikalizaMitaa (TAMISEMI), Mhe. Selemani Jafo akiwa pamoja na Afisa Msimamizi wa Copa Cola-Cola, Pamela Lugenge (kushoto). Semina hiyo ilifanyika mwishoni mwa wiki Dodoma na kushirikisha wadau mbalimbali kutoka serikalini na Coca-Cola Tanzania. Ufunguzi rasmi wa michuano hii utafanyika katika uwanja wa Jamhuri, Dodoma siku ya Ijumaa Aprili 28, 2017.

Afisa Msimamizi wa Copa Cola-Cola, Pamela Lugenge (kushoto) akizungumza na washiriki wa semina elekezi kwa Maafisa Elimu na Maafisa Michezo wa mikoa yote nchini, ikiwa ni maandalizi mahsusi ya uzinduzi rasmi wa mashindano ya michezo ya Copa UMISSETA 2017, ambapo kampuni ya vinywaji baridi ya Coca-Cola imeendelea kudhamini mashindano hayo.

Katikati ni Naibu Waziri wa Tawalaza Mikoa na Serikali za Mitaa (TAMISEMI), Mhe. Selemani Jafo akiwa pamoja na Mkurugenzi wa Maendeleo ya Michezo wa Wizara ya Habari Utamaduni Sanaa na Michezo, Bw Yusuf Singo (kulia). Semina hiyo ilifanyika mwishoni mwa wiki Dodoma na kushirikisha wadau mbalimbali kutoka serikalini na Coca-Cola Tanzania. Ufunguzi rasmi wa michuano hii utafanyika katika uwanja wa Jamhuri, Dodoma siku ya Ijumaa Aprili 28, 2017.

Naibu Waziri wa Tawala za Mikoa na Serikali za Mitaa (TAMISEMI), Mhe. Selemani Jafo akiteta na viongozi mara baada ya kumalizika kwa semina.

Meza kuu.

↧

WAZIRI MWAKYEMBE AZINDUA MAELEZO ONLINE TV MJINI DODOMA

April 23, 2017, 7:20 am

≫ Next: KIOO KIPYA "SINA KINYONGO" BY SALUM SIMBA

≪ Previous: TAMISEMI YABARIKI MICHUANO YA COPA UMISSETA 2017 – COCA-COLA KUENDELEA NA UDHAMINI KAMA KAWA

Waziri wa Habari,Utamaduni,Sanaa na Michezo Mhe,Harrison Mwakyembe,Naibu Waziri wake Anastazia Wambura,Katibu Mkuu Prof.Elisante Ole Gabriel na Mkurugenzi Mkuu Idara ya Habari-MAELEZO Dkt.Hassan Abbas wakifurahi mara baada ya kuzindua Televisheni ya mtandaoni ya Idara ya Habari-MAELEZO jana mjini Dodoma.
Waziri wa Habari,Utamaduni,Sanaa na Michezo Mhe,Harrison Mwakyembe akibonyeza kitufe kuzindua Televisheni ya mtandaoni ya Idara ya Habari-MAELEZO jana mjini Dodoma.Televisheni iyo itaonyesha kazi mbalimbali za Wizara,Taasisi na Idara za Serikali.Kulia kwake ni Naibu Waziri wa Wizara hiyo Mhe.Anastazia Wambura.
Waziri wa Habari,Utamaduni,Sanaa na Michezo Mhe,Harrison Mwakyembe akiangalia mahojiano yaliyofanyika kati ya Mkurugenzi wa Idara ya Maelezo Hassan Abbas na Makamu wa Rais Mhe.Samia Hassan Suluhu kuhusu maadhimisho ya Muungano yatakayofanyika mjini Dodoma.Mahojiano hayo ni ya kwanza kupitia televisheni ya mtandaoni ya Idara ya habari-MAELEZO.

Waziri wa Habari,Utamaduni, Sanaa na Michezo Mhe.Harrison Mwakyembe akizungumza na menejimenti ya Wizara ya Habari,Utamaduni,Sanaa na Michezo(Hawapo Pichani) na kuipongeza Idara ya habari kwa kuwa wabunifu.Kulia kwake ni Naibu Waziri wake Anastazia Wambura,Katibu Mkuu Prof.Elisante Ole Gabriel na Mkurugenzi Mkuu Idara ya Habari-MAELEZO Dkt.Hassan Abbas. Picha na Daudi Manongi-MAELEZO,DODOMA.

Na Daudi Manongi-MAELEZO.

Waziri wa Habari,Utamaduni,Sanaa na Michezo Mhe,Harrison Mwakyembe ameipongeza Idara ya Habari-MAELEZO kwa ubunifu mkubwa katika kuitangaza Serikali. ameyasema hayo jana mjini Dodoma wakati akizindua televisheni ya mtandaoni ya Idara ya Habari-MAELEZO inayoitwa MAELEZOTV.

“Napenda nichukue fursa hii kwa kuwapongeza Idara ya Habari kwa kazi nzuri mnayoifanya katika Wizara hii,nawapongeza kwa ubunifu mkubwa na leo tunazindua Televisheni ya mtandaoni ya Idara hii kwa mara ya kwanza katika historia ya Wizara yetu na Idara ya Maelezo kwa ujumla kuwa na” Alisema Waziri Mwakyembe.

Amesema kuwa kwa kazi ya kwanza ambayo imeonekana katika televisheni hiyo imeonyesha weledi wa hali ya juu na kuwataka viongozi wengine wa Wizara hiyo kuiga mfano mzuri na kuwa wabunifu na kusisitiza kuwa nchi yetu ina vipaji na ubunifu wa hali ya juu ikiwemo timu yetu ya Vijana ya Serengeti Boys na n.k

Kwa upande wake Mkurugenzi wa Idara ya Habari-MAELEZO,amesema kuanzishwa kwa televisheni hii ya mtandaoni itasaidia kwa kiasi kikubwa Serikali katika kutangaza matamko mbalimbali na uzinduzi wake wa mapema utasaidia kufikisha taarifa mbalimbali kwa jamii husika.

“Sisi kama Serikali tumekuwa makini katika kuimarisha mawasiliano kati yetu na wananchi na hii televisheni ya mtandaoni itatusaidia kwa kiasi kikubwa kufanikisha dhima ya Serikali ya awamu ya tano katika kutekeleza kazi zake”,Aliongeza Dkt Abbas.

Mbali na hayo amesema kuwa kipindi cha kwanza kabisa kuwekwa katika televisheni hii itakuwa mahojiano ya maadhimisho ya sherehe za miaka 53 ya muungano waliyofanya na Makamu wa Rais ya Jamhuri ya Muungano Mhe.Samia Hassan Suluhu.

↧

KIOO KIPYA "SINA KINYONGO" BY SALUM SIMBA

April 23, 2017, 7:25 am

≫ Next: UZINDUZI WA MRADI WA GARI 8 ZA CCM JIMBO LA MFENESINI UNGUJA

≪ Previous: WAZIRI MWAKYEMBE AZINDUA MAELEZO ONLINE TV MJINI DODOMA

↧

UZINDUZI WA MRADI WA GARI 8 ZA CCM JIMBO LA MFENESINI UNGUJA

April 23, 2017, 11:00 am

≫ Next: PINI MPYA YA PETTY BARAKA - KAZI YA MOYO

≪ Previous: KIOO KIPYA "SINA KINYONGO" BY SALUM SIMBA

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Mhe.Dk.Ali Mohamed Shein (katikati) akikata utepe kuashiria uzinduzi wa Mradi wa Gari Nane(8) ya CCM aina ya Dyna ikiwa ni ahadi ya Mbunge wa CCM wa Jimbo la Mfenesini Col.Mstaafu Masoud Khamis (wa pili kulia) katika viwanja vya Z. Ocean Hotel iliyopo kihinani Wilaya ya Magharibi Jimbo la Mfenesini leo.

Gari nane (8) aina ya Dyna zilizonunuliwa na Mbunge wa Jimbo la Mfenesini Mhe.Col.Mstaafu Masoud Khamis ambazo leo amezikabidhi kwa Chama cha Mapinduzi CCM zitakazotumika na kutoa huduma katika Matawi ya Chama cha CCM katika jimbo hilo,ambazo zimegharimu jumla ya shilingi za kitanzania Millioni Mia moja na Tisiini na Mbili,[Picha na Ikulu] 23/o4/2017.

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Mhe.Dk.Ali Mohamed Shein akisalimiana na Mbunge wa Jimbo la Mfenesini Mhe.Col.Mstaafu Masoud Khamis alipowasili katika viwanja vya Z. Ocean Hoteli iliyopo Kihinani Jimbo la Mfenesini leo katika sherehe za Uzinduzi wa Mradi wa Gari nane (8) za Chama cha Mapinduzi CCM ikiwa ni ahadi ya Mbunge wa jimbo hilo, [Picha na Ikulu] 23/o4/2017.

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Mhe.Dk.Ali Mohamed Shein akiwapungia mkono wanaCCM wa Jimbo la Mfenesini wakati alipowasili katika viwanja vya Z. Ocean Hoteli iliyopo Kihinani Jimbo la Mfenesini Wilaya ya Magharibi leo katika sherehe za Uzinduzi wza Mradi wa Gari nane(8) za CCM zilizotolewa na Mbunge wa jimbo hilo Col.Mstaafu Masoud Khamis,ikiwa ni ahadi ya kwa Wananchi,

Baadhi ya Viongozi na Wanachama wa Chama cha Mapinduzi Jimbo la Mfenesini wakimsikiliza Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Mhe.Dk.Ali Mohamed Shein alipokuwa akizungumza katika sherehe za Uzinduzi wa Mradi wa Gari Nane (8)za CCM zilizokabidhiwa leo kwa Rais ikiwa ni ahadi ya Mbunge wa jimbo hilo Col.Mstaafu Masoud Khamis,ikiwa ni ahadi ya kwa Wananchi hafla iliyofanyika katika ukumbi wa Z. Ocean Hoteli iliyopo kihinani Jimbo la Mfenesini,

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Mhe.Dk.Ali Mohamed Shein akipokea kadi za Gari Nane (8) aina ya Dayna ambazo Rais amezindua Mradi huo wa CCM zitakazotumika katika Matawi ya Chama Jimbo la Mfenesini,Gari hizo ini ahadi aliyoitoa Mbunge Mhe.Col.Mstaafu Masoud Khamis katika ukumbi wa Hoteli ya Z. Ocean iliyopo kihinani Jimbo la Mfenesini leo katika sherehe Jimboni humo,

Rais wa Zanzibar na Mwenyekiti wa Baraza la Mapinduzi pia Makamo Mwenyekiti wa CCM Zanzibar Mhe.Dk.Ali Mohamed Shein alipokuwa akitoa hutuba yake wakati sherehe ya Uzinduzi wa Mradi wa Gari 8 za Chama cha Mapinduzi CCM zilizotolewa na Mbunge wa Jimbo la Mfenesini Col.Mstaafu Maoud Khamis ikiwa ni ahadi yake aliyoitoa kwa jimbo,hafla hiyo ilifanyika leo katika ukumbi wa Z.Ocean Kihinani Wialaya nya Magharibi Unguja, [Picha na Ikulu] 23/o4/2017.

↧

PINI MPYA YA PETTY BARAKA - KAZI YA MOYO

April 23, 2017, 11:03 am

≫ Next: KAMPUNI YA AGGREY&CLIFFORD YANG'ARA KIMATAIFA

≪ Previous: UZINDUZI WA MRADI WA GARI 8 ZA CCM JIMBO LA MFENESINI UNGUJA

Ninao hapa wimbo mpya wa Petty Baraka unaitwa Kazi ya Moyo iliyotengezwa Studio ya Pamoja Records ya Nas B

Petty Baraka ni msanii anayefanya kazi nzuri ya muziki,awali alikuwa Mabatini jijini Mwanza sasa anapatikana Temeke jijini Dar es salaam,wasiliana naye kwa simu namba 0653 710 388

Petty Baraka anawaalika wapenzi wa muziki kumpokea kwa mikono miwili ili kutimiza ndoto zake katika muziki.

Sikiliza wimbo Kazi ya Moyo ya Petty Baraka hapa chini

↧

KAMPUNI YA AGGREY&CLIFFORD YANG'ARA KIMATAIFA

April 23, 2017, 8:46 pm

≫ Next: Nicholaus Mlasu azoa milioni 10 za Biko ‘Nguvu ya Buku’

≪ Previous: PINI MPYA YA PETTY BARAKA - KAZI YA MOYO

*Yatambulishwa kwenye orodha ya makampuni bora ya matangazo duniani 2017 Taasisi ya kimataifa ya masuala yanayohusiana na makampuni ya matangazo duniani ya thenetworkone ya nchini Uingerezaimetoa jarida lake la “The World’s Leading Independent Agencies”la mwaka 2017 mwishoni mwa wiki hiiambapo kampuni ya matangazo ya biashara na ushauri wa masoko nchini Tanzania ya Aggrey&Clifford, imetangazwa katika orodha ya makampuni bora duniani kutokana na mchango mkubwa inaotoa kukuza sekta hiyo.

Aggrey&Clifford, imechomoza miongoni mwa makampuni 12 duniani, matatupekee ndiyo yakitokea barani Afrika,yanayotoa mchango mkubwa katika kukuza sekta ya matangazo ya kibiashara na makala yake kuhusiana na umuhimu wa makampuni ya biashara kufanya ubunifu wa chapa zake za biashara,kuzilinda na kuziendeleza imechapishwa kwenye jarida hilo ambalo limeanza kuuzwa nchini Ungereza na pia likipatikana kwa njia ya mtandao kupitia tovuti ya leadingindependents.com.

Makala hiyo imeeleza kwa kina jinsi makampuni mengi yanayowekeza biashara zake barani Afrika yamekuwa na mtindo wa kunakili chapa za mataifa ya nje ya Afrika na mara nyingi kutumia matangazo ya biashara yaliyotengenezwa kwenye nchi hizo ambayo hayaendi sambamba na mazingira na masoko ya bara la Afrika.

Kupitia makala hiyo makampuni ya biashara barani Afrika yanashauriwa kuhakikisha yanafanya utafiti wa masoko na kuyaelewa vizuri badala ya kutumia chapa na matangazo yaliyotengenezwa kwa kulenga masoko ya sehemu nyingine. Afisa Mtendaji Mkuu wa Aggrey&Clifford, Rashid Tenga, akiongea kuhusu mafanikio haya alisema “Tunajivunia kuona kampuni yetu inafanya vizuri nje ya mipaka ya bara la Afrika katika ngazi ya kidunia, kwa kuingia katika World’s Leading Independent Agencies na ni moja ya hatua ya mafanikio katika kipindi cha miaka 8 tangia kampuni ianzishwe.

Hatua hii inadhihirisha kuwa makampuni ya kitanzania na Afrika yanayo fursa ya kufanya vizuri katika ngazi ya kimataifa kama ambavyo imetokea.” Tenga alisema Aggrey&Clifford, ambayo inafanya kazi na makampuni makubwa nchini na ukanda wa Afrika Mashariki, itaendelea kutoa huduma bora za matangazo ya biashara na ukuzaji wa chapa za biashara za kitanzania na kutoa ushauri.

Aggrey&Clifford yenye makao yake makuu jijini Dar es Salaam ikiwa na matawi katika nchi za Uganda (Kampala) na Rwanda (Kigali), mbali na huduma za matangazo ya biashara na ukuzaji chapa inatoa huduma mbalimbali za ushauri na ukuzaji wa huduma za makampuni ya biashara na Mashirika yasio ya kibiashara.

↧

Nicholaus Mlasu azoa milioni 10 za Biko ‘Nguvu ya Buku’

April 23, 2017, 11:33 pm

≫ Next: KARIAKOO FAMILY DEVELOPMENT FOUNDATION CHAPATA UONGOZI MPYA

≪ Previous: KAMPUNI YA AGGREY&CLIFFORD YANG'ARA KIMATAIFA

Msanii wa nyota wa filamu Tanzania, Kajala Masanja kulia, akichezesha droo ya pili ya kuwania Sh Milioni 10 ya mchezo wa Bahati Nasibu ya Biko 'Nguvu ya Buku' iliyochezeshwa jijini Dar es Salaam ambapo mshindi wake Nicholaus Mlasu kutoka Ukonga Mombasa, Ilala alinyakua kitita hicho na kuhudhuriwa na Mwakilishi wa Bodi ya Michezo ya Kubahatisha Tanzania, Jehud Ngolo mwenye kitabu mkoni. Katikati ni mshindi wa Biko wa wiki iliyopita, Christopher Mgaya. Picha na Mpiga Picha Wetu.

Na Mandishi Wetu, Dar es Salaam

DROO ya pili ya wiki kutafutwa mshindi wa shindano la Bahati Nasibu ya Biko ‘Ijue Nguvu ya Buku’ ya kuwania Sh Milioni 10 imefanyika leo asubuhi huku mkazi wa Ukonga Mombasa, Ilala, jijini Dar es Salaam, ameibuka na ushindi huo na kuwa mtu wa pili kufaidika na mamilioni ya Biko, baada ya Christopher Mgaya kushinda wikiiliyopita na kukabidhiwa mamilioni yake.

Picha nyingine Kajala Masanja akimtangaza mshindi wa Biko wa wiki hii Nicholaus Mlasu kunyakua Sh Milioni 10 za Biko katika droo hiyo.

Mshindi huyo amepatikana katika droo iliyochezeshwa jana na Balozi wa Biko, Kajala Masanja pamoja na mwakilishi wa Bodi ya Michezo ya Kubahatisha Tanzania, Jehud Ngolo pamoja na Mgaya mshindi wa wiki iliyopita.

Kajala Masanja na mwakilishi wa Bodi ya Michezo ya Kubahatisha Tanzania kwenye notebook mkononi pamoja na mshindi wa wiki iliyopita, Chiristopher Mgaya wakiisoma namba ya mshindi wa wiki hii ambaye bwana Nicholaus Mlasu alitangazwa mshindi.

Akizungumza katika droo hiyo, Meneja Masoko wa Biko, Goodhope Heaven, alisema kwamba ni furaha yao kubwa kuona wamempata mshindi mwingine aliyeshinda Sh Milioni 10 kutoka kwenye shindano lao linalofanyika kila mwisho wa wiki.

Alisema bahati nasibu ya Biko imezidi kujizolea umaarufu mkubwa kwa siku chache kutokana na urahisi wake wa kucheza pamoja na kutumia muda mdogo kulipa washindi wake, hususan wa zawazi za papo kwa papo zinazopatikana baada ya kucheza kwa kufanya miamala ya kifedha kwa simu za Vodacom, Tigo na Airtel Money.

“Ni rahisi kucheza Biko kwa sababu mtu anafanya muamala kwenye simu yake kuanzia Sh 1000 ambapo kwanza katika kipengele cha lipa bili, atakwenda kuingiza namba ya kampuni ambayo ni 505050 kisha ataweka 2456 kama namba yetu ya kumbukumbu.

“Baada ya kufanya hivyo mteja atapokea ujumbe wa maandishi katika simu yake kumjulisha hatua aliyofikia baada ya kucheza na tunashauri wateja wacheze biko mara nyingi ili wajiwekee nafasi nzuri ya kushinda kuanzia Sh 5000, 10,000, 20,000, 50,000, 100,000, 500,000 na Milioni 1,000,000 kama zawadi zetu za papo kwa hapo, pamoja kupata nafasi ya kuingia kwenye droo ya wiki kuwania donge nono la Sh Milioni kumi (10,000,000) ambalo leo ndugu yetu Mlasu ameibuka na ushindi huo mnono,” Alisema Heaven na kumpongeza mshindi wao pamoja na kuwataka Watanzania wajitokeze kwa wingi kuwania mamilioni ya Biko.

Naye Mwakilishi wa Bodi ya Michezo ya Kubahatisha, Jehud Ngolo alisema kwamba ni hatua nzuri kuona washindi wa Biko wanapatikana kila wiki sambamba na kupokea zawadi zao haraka.

“Bodi tunafarijika kwa sababu wale washindi wanapopatikana hupokea malipo yao kwa haraka hivyo wanaweza kuzitumia fedha zao katika mambo ya kimaendeleo na kujikwamua kiuchumi kwa kupitia mchezo wa Biko, hivyo nawaomba Watanzania waendelee kucheza biko ili wapate nafasi ya kuvuna fedha mbalimbali kwa kupitia bahati nasibu ya Biko,” alisema.

Naye mshindi wa Sh Milioni 10, Nicholaus Mlasu, alipokea simu ya ushindi kwa furaha na kusema amefurahishwa kwa sababu alikuwa akicheza Biko kwa malengo ya kushinda sambamba na kumuomba Mungu atimize maombi yake ili azoe mamilioni ya Biko.

Nimefurahi sana kwa kushinda Biko, namshukuru Mungu kwa kuniona maana sasa nimeweza kuibuka na mamilioni hayo ambayo nitayatumia vizuri maana ndio malengo yangu ya kucheza Biko kila siku ili niweze kushinda donge nono, alisema Mlasu.

Bahati nasibu ya Biko Ijue Nguvu ya Buku imezidi kushika kasi huku tayari ikiwa imeshamkabidhi mshindi wake wa kwanza Christopher Mgaya Sh Milioni 10 zake wiki iliyopita sambamba na kupewa elimu ya fedha kutoka benki ya NMB, Makao Makuu jijini Dar es Salaam.

↧

KARIAKOO FAMILY DEVELOPMENT FOUNDATION CHAPATA UONGOZI MPYA

April 23, 2017, 11:35 pm

≫ Next: JOKATE MWEGELO ATEULIWA KUWA KAIMU KATIBU HAMASA NA CHIPUKIZI UVCCM

≪ Previous: Nicholaus Mlasu azoa milioni 10 za Biko ‘Nguvu ya Buku’

Wanachama wa chama cha Kariakoo Family Development Foundation (KFDF) wamejipatia uongozi mpya baada ya kufanya mkutano mkuu wa uchaguzi siku ya Jumapili Aprili 23, 2017 katika ukumbi wa shule ya Msingi ya Jamhuri jijini Dar es salaam. Jumla ya wanachama hai na halali 41 walishirki katika uchaguzi huo, ambapo wanachama 23 walikuwepo ukumbini na wanachama 18 waishio nje ya nchi walipiga kura kwa njia ya mtandao.

Bw. Alkarim Bhanji alishinda nafasi ya Uenyekiti akiwa mgombea pekee, wakati Bw. Mohamed Irapo alinyakua nafasi ya Makamu Mwenyekiti. Katibu Mkuu wa kipindi cha mpito Bw. Wahid Abdulghafoor aliweza kutetea kiti chake akiwa mgombea pekee. Nafasi ya Katibu Mkuu msaidizi imechukuliwa na Bw. Fabian Kimongw wakati Bw. Bakari Simba ametetea tena nafasi ya Mweka Hazina Msaidizi aliyokuwa akishika wakati wa kipindi cha mpito.

Katika uchaguzi huo uliokuwa umesimamiwa vyema na Katibu Mkuu wa klabu ya michezo ya Saigon, Bw. Boi Juma, jumla ya wajumbe watano kati ya sita wanaotakiwa kikatiba walichaguliwa. Hao ni Bw. Shaaban Kessy Mtambo, Bw. Abdallah Kizua, Bw. Idrissa Jumbe, Bi. Sophia Muccadam na Bi. Salma King.

Kwa mujibu wa Katibu Mkuu wa KFDF Bw. Wahid Abdulghafoor, nafasi mbili za Mweka Hazina na Mjumbe mmoja zilizo wazi baada ya kutotokea mgombea zitajazwa baadaye katika uchaguzi mdogo.

KFDF ni chama kinachojumuisha wananchi wanaoishi ama waliopata kuishi eneo lote Kariakoo, dhumuni kuu likiwa ni kuwaunganisha upya na kufanya shughuli za kijamii kimaendeleo kwa lengo la kudumisha na kuendeleza umoja, mshikamano na undugu uliokuwepo miongoni mwa wakaazi wa eneo hilo maarufu la jiji la Dar es salaam toka enzi za mababu.
Msimamizi wa uchaguzi Bw. Boi Juma (mwenye bahasha mkononi) akipata picha ya pamoja na safu mpya ya uongozi wa KFDF pamoja na wanachama waliopo nchini baada ya kuhitimisha zoezi hilo siku ya Jumapili Aprili 23, 2017 katika ukumbi wa shule ya Msingi ya Jamhuri jijini Dar es salaam

Msimamizi wa uchaguzi Bw. Boi Juma (kati) akipata picha ya pamoja na safu mpya ya uongozi wa KFDF siku ya Jumapili Aprili 23, 2017 katika ukumbi wa shule ya Msingi ya Jamhuri jijini Dar es salaam.

Kwa taarifa kamili BOFYA HAPA

↧

JOKATE MWEGELO ATEULIWA KUWA KAIMU KATIBU HAMASA NA CHIPUKIZI UVCCM

April 24, 2017, 12:16 am

≫ Next: MASHINDANO YA MEI MOSI KITAIFA YAZINDULIWA MJINI MOSHI

≪ Previous: KARIAKOO FAMILY DEVELOPMENT FOUNDATION CHAPATA UONGOZI MPYA

Ndugu zangu, vijana wenzangu wa Chama Cha Mapinduzi (UVCCM) na vijana wote wenye mapenzi mema na chama chetu na Watanzania wote kwa ujumla.

Nitangulie kwa kuwashukuru kamati ya utekelezaji ya UVCCM TAIFA kwa kuonyesha mapenzi makubwa na imani kubwa kwangu kwa kukubali kuniteua ku-kaimu nafasi ya Katibu wa UHamasa na Chipukizi.

Imani yenu kwangu inabaki kuwa deni na chachu ya kujitoa kwa nguvu zote, kwa akili zote kuitumikia vizuri nafasi hii. Mwenyezi Mungu anisaidie.

Pili, kama ilivyo alama ya kwenye nembo ya jumuia yetu, ile alama ya mwenge wa uhuru. Mwenge wa Uhuru unaashiria nuru na mwanga. Mwenge huu unamulika nchini na nje ya mipaka ili kuleta matumaini pale ambapo kuna kukata tamaa, upendo pale kwenye chuki na heshima pale penye dharau- hii nimenukuu.

Hivyo sifa kuu ya mwenge wetu wa uhuru kwenye nembo ya jumuiya yetu ya vijana ni kutoa mwanga, na sifa kuu ya mwanga ni kuweza kutokomeza giza na kutoa tumaini. Hivyo sisi kama vijana tunategemewa kuwa tumaini. Sisi kama vijana tunategemewa kuonyesha si tu njia bali kuwa tumaini kwamba taifa lilioasisiwa na waasisi wa nchi hii "our founding fathers" lipo katika mikono salama.

Na hatuishii hapo bali jukumu la kuleta tumaini hili liko kwenye sehemu sahihi kupitia jumuiya ya Umoja wa Vijana wa Chama chetu Cha Mapinduzi. Sehemu pekee ambapo viongozi wa sasa na baadae hupikwa vilivyo kuweza kuitumikia nchi yetu kwa weledi na uadilifu uliotukuka. Hivyo basi ni lazima kutengeneza taswira itakayowapa hamu vijana wa Tanzania kutamani kuwa sehemu ya UVCCM. Ni lazima tuwe wabunifu na kuvutia vijana wengi zaidi ili kupanua wigo wetu pia.

Tatu, hii nafasi niliopewa ni ya uwakilishi tu sio yangu, mimi nawakilisha tu vijana milioni nne na ushee amabao ni wanachama wa jumuiya hii. Walikuwepo viongozi kwenye nafasi hii kabla yangu na watakuja wengine baada yangu. Hivyo basi natoa rai tushirikiane, tufanye kazi wote tujenge jumuiya hii kwa umoja wetu. Nahitaji sana maoni na ushirikiano wenu. Ni muda jumuiya yetu iendane na nyakati za sasa ili tusipoteze watu na vile vile watu wasiachwe nyuma katika harakati zetu hizi. Na hasa katika kipindi hiki tunavyojiandaa na uchaguzi wa ndani ya chama.

Nne, hivi karibuni tutazindua njia ya kisasa na kampeni itakayosaidia kurahisisha upatikanaji wa habari ndani ya jumuiya yetu. Naomba mkae tayari kupokea mapinduzi hayo ambayo ni ya kwanza ndani ya Chama chetu cha Mapinduzi (CCM).

Kuelekea sherehe za Muungano tarehe 26/04/2017, ambapo kwa mara ya kwanza yatafanyika katika makao makuu ya nchi, Dodoma. Nawakaribisha tumuunge mkono Rais wetu Mheshimiwa John Pombe Joseph Magufuli kwa kushiriki katika mazoezi asubuhi na kisha matembezi yatakayo hitimishwa kwenye uwanja wa Jamhuri, Dodoma. Taarifa rasmi itatoka hivi punde.

Nihitimisha kwa kuwashukuru wote walionipongeza na kunitakia kheri katika utumishi huu. Katika falsafa za ubuntu - umuntu ngumuntu ngabantu, tunasema "I am because we are".

Nawataki kazi njema,

Wenu Katika Utumishi,

Jokate Mwegelo.
K/Katibu Hamasa na Chipukizi.
Kidumu Chama Cha Mapinduzi (CCM).

Hapa Kazi Tu!

↧

MASHINDANO YA MEI MOSI KITAIFA YAZINDULIWA MJINI MOSHI

April 24, 2017, 12:28 am

≫ Next: Serikali yalaani kitendo cha kuumizwa wanahabari

≪ Previous: JOKATE MWEGELO ATEULIWA KUWA KAIMU KATIBU HAMASA NA CHIPUKIZI UVCCM

Timu ya Watumishi wa Shirika la Maendeleo ya Petroli Tanzania (TPDC) wakiingia uwanjani kwa maandamano wakati wa uzinduzi wa mashindano ya Mei Mosi kitaifa yanayofanyika mjini Moshi.

Timu ya Mamlaka ya Hifadhi ya Ngorongoro wakiingia uwanjani .

Timu ya Wizara ya Uchukuzi wakingia uwanjani.

Timu za Mashirika na Taasisi mbalimbali wakiwa wamebeba mabango wakati wa ufunguzi rasmi wa mashindano ya Mei Mosi yanayofanyika kitaifa mjini Moshi.

Katibu Mkuu wa Kamati ya Mashindano ya Mei Mosi kitaifa ,Awadi Safari akizungumza wakati wa ufunguzi rasmi wa mashindano hayo uliodfanyika katika uwanja wa Chuo Kikuu cha Ushirika Moshi.

Kaimu Mwenyekiti wa kamati ya Mashinano ya Mei Mosi Kitaifa ,Joyce Benjamini akisoma hotuba yake wakati wa ufunguzi rasmi wa mashindano hayo katika uwanja wa Chuo Kikuu cha Ushirika mjini Moshi.

Mgeni rasmi katika ufunguzi rasmi wa mashindano hayo ,Mkuu wa wilaya ya Moshi,Kippi Warioba akitoa hotuba ya ufunguzi wa mashindano hayo.

Mkuu wa wilaya ya Moshi,Kippi Warioba (aliyevaa suti) akiongozana na Kaimu Mwenyekiti wa kamati ya mashindano ya Mei Mosi kitaifa ,Joyce Benjamin kwa ajili ya ukaguzi wa timu zinazoshiriki mashindano hayo.

Mwamuzi wa Kike ,Salma akimtamburisha Mkuu wa wilaya timu mbalimbali zilizopo pamoja na kumkaribisha kwa ajili ya ukaguzi.

Mkuu wa wilaya ya Moshi,Kippi Warioba akisalimiana na wachezaji wa timu ya RAS Kilimanjaro.

Mkuu wa wilaya ya Moshi,Kippi Warioba akisalimiana na wachezaji wa timu ya Geita Gold Mining.

Mkuu wa wilaya ya Moshi,Kippi Warioba akisalimiana na wachezaji wa Netiboli wa timu ya RAS Kilimanjaro.

Mkuu wa wilaya ya Moshi,Kippi Warioba akipiga mpira kuashiria uzinduzi rasmi wa mashindano ya Mei Mosi kitaifa yanayofanyika katika uwanja wa Chuo Kikuu cha Ushirika mjini Moshi.

Timu ya soka ya Geita Gold Mining wakiwa katika picha ya pamoja kabla ya kuanza kwa mchezo dhidi ya RAS -Kilimanjaro .

Timu ya soka ya RAS -Kilimanjaro kikiwa katika picha ya pamoja kabla ya kuanza mchezo wake dhidi ya Geita Gold Mining ,mchezo ulimalizika kwa timu ya RAS-Kilimanjaro kuchomoza na ushindi wa bao 1-0.

Kikosi cha timu ya TPDC kikiwa katika picha ya pamoja kabla ya mchezo wake dhidi ya timu ya Halmashauri ya wilaya ya Hai.

Kikosi cha timu ya Halmashari ya wilaya ya Hai kikiwa katika picha ya pamoja kabla ya mchezo wake dhidi ya TPDC mchezo uliomalizika kwa TPDC kuchomoza na ushindi wa bao 1-0.

Mshambuliaji Tumaini Masue wa timu ya Chuo Kiku cha Ushirika Moshi,akijaribu kumpita mlinzi wa timu ya RAS -Kilimanjaro mchezo ambao timu ya Ushirika ilichomoza na ushindi wa bao 2-1.

Wachezaji wa timu ya TPDC na Halmashauri ya wilaya ya Hai,wakichuana vikali .

Mchezo mwingine ulikua ni netiboli ambapo ,timu zimekuwa zikichuana vikali kuwania umalkia wa mchezo huo.

Timu za TPDC na MUHAS zikimenyana katika mchezo wa kuvuta Kamba ,mchezo ulimalizika kwa TPDC kushinda mhezo huo baada ya kuwavuta wenzao kwa awamu mbili.

Na Dixon Busagaga wa Globu ya Jamii,Kanda ya Kaskazini.

KAMATI ya Mashindano ya Mei Mosi ,imeonya timu za Mashirika kutumia wanamichezo wasio watumishi (Watumishi Bandia ) katika mashindano hayo huku ikitangaza kutoa adhabu kali kwa taasisi ama mashirika yatakayobainika kuwatumia wachezaji hao.

Kwa mujibu wa kanuni za mashindano hayo ambayo hufanyika katikamkoa ambao siku kuu ya Wanyakazi Duniani hufanyika kitaifa, timu zitakazo bainika kufanya udanganyifu zitafikwa na rungu la kufungiwa mwaka mmoja kutoshiriki mashindano hayo pamoja na faini ya kiasi cha sh 500,000.

Mbali na adhabu hiyo kwa timu iliyofanya udanganyifu ,pia viongoz wa timu husika watafungiwa kwa muda wa miaka miwili kushiriki mashindano ya Mei mosi ,adhabu itakayoenda sambamba na nakala ya barua kwa waajili wa viongozi hao ya kuonesha namna watumishi hao si waaminifu.

Katibu Mkuu wa Kamati ya Mashindano hayo yanayofanyika katika uwanja wa Chuo Kikuu Cha Ushirika Moshi (MoCu) baada ya kuzinduliwa jana ,Hawad Safari alisema ili kutoa uhakiki kamati imetoa maelekezo kwa wanamichezo wafike na vitamburisho vya kazi,Fomu inayoonesha mshahara pamoja na kadi ya bima ya afya.

Alisema mashindano hayo yanahusisha timu kutoka katika mashirikisho manne ambayo ni Shirikisho la Michezo ya Mashirika ya Uma (SHIMUTA),Shirikisho la Michezo la Wizara na Idara za Serikali Tanzania (SHIMIWI ) ,BAMATA na Shirikisho la Michezo Serikali za Mitaa (SHIMISEMITA).

Safari alisema hadi sasa jumla ya timu 14 kutoka taasisi na mashirika mbalilimbali zimewasili mjini hapa kwa ajili ya kushindana katika michezo mbalimbali ikiwemo mpira wa miguu,Netiboli,Kuvuta kamba ,Mbio za baiskeli ,Marathoni pamoja na michezo ya jadi kama Bao ,Drafti na Karata.

Akizungumza wakati wa ufunguzi rasmi wa mashindano hayo uliotanguliwa na maandamano kwa timu shiriki,Mkuu wa wilaya ya Moshi,Kippi Warioba alisema zipo taarifa kuwa baadhi ya viongozi wa taasisi na mashirika wamezuia kushiriki michezo hiyo licha ya kwamba timu zao zilikwisha fanya maandalizi.

“Nivitake vyama vyama vya wafanyakazi kufuatilia suala hili ,kwa nini wafanyakazi hawashiriki katika michezo hasa hii ya Mei Mosi Kitaifa ….nchi yetu imekuwa haipigi hatua kwenye eneo hili ni kwa sababu ya viongozi hawa wasiopenda michezo mahala pa kazi”alisema Warioba.

Awali akitoa hotuba yake Kaimu Mwenyekiti wa kamati ya Mashindano hayo Joyce Benjamini alisema Mashindano hayo yamelenga kuongeza ushirikiano mwema kwa wafanyakazi katika maeneo yao ya kazi huku akitoa rai kwa viongozi kutenga bajeti kwa ajili ya mashindano hayo.

Timu zinazo shiriki mashindano hayo ni pamoja na Wizara ya Uchukuzi,Mamlaka ya Ustawishaji Makao Makao –CDA Dodoma,Ofisi ya Rais Ikulu,Shirika la Maendeleo ya Petrol Tanzania (TPDC) na Chuo Kikuu cha Afya na Sayansi Shirikishi Muhimbili (MUHAS).

Timu nyingine ni Chuo Kikuu cha Ushirika Moshi (MoCU),Halimashauri ya wilaya ya Hai,Halmahauri ya wilaya ya Moshi ,Halmashauri ya Manispaa ya Moshi,Ofisi ya katibu tawala mkoa wa Kilimanjaro,Geita Gold Mining,Mamlaka ya Hifadhi ya taifa ya Ngorongoro na TAMISEMI.

Katika michezo ya awali timu ya soka ya TPDC ilifanikiwa kuchomoza na ushindi baada ya kuiadhibu timu ya Halmashauri ya wilaya ya Hai kwa bao moja kwa sifuri huku timu ya Chuo Kikuu cha Ushirika ikitakata mbele ya timu ya Ras –Kilimanjaro kwa jumla ya ba 2 kwa 1.

↧

Serikali yalaani kitendo cha kuumizwa wanahabari

April 24, 2017, 12:44 am

≫ Next: VIJUSO MAGAZETI YA LEO JUMATATU APRIL 24,2017

≪ Previous: MASHINDANO YA MEI MOSI KITAIFA YAZINDULIWA MJINI MOSHI

UMUHIMU WA JAMII KULINDA HAKI NA USALAMA WA WANAHABARI

Dodoma, Jumatatu, April 24, 2017:

Serikali imepokea kwa masikitiko taarifa za kushambuliwa na kujeruhiwa baadhi ya waandishi wa habari katika mvutano uliotokea juzi jijini Dar es Salaam kati ya wafuasi wa pande mbili zinazokinzana za Chama cha Wananchi (CUF). Tumechukua muda kidogo kulifuatilia suala hili na kubaini licha ya baadhi yao kujeruhiwa na kuripoti polisi, wapo waandishi ambao vifaa vyao vya kazi pia vililengwa katika shambulizi hilo.

Tunachukua fursa hii kulaani kitendo cha kuumizwa wanahabari tena waliokuwa wamealikwa kuhudhuria mkutano huo. Ifahamike kuwa uandishi wa habari ni taaluma adhimu na nadhifu inayopaswa kuheshimiwa, kuenziwa, kulindwa na kutoingizwa katika migogoro ya pande zinazofarakana katika jamii.

Kifungu cha 7 (1) (a) cha Sheria ya Huduma za Habari Na. 12 ya mwaka 2016 kinaainisha uhuru wa wanahabari katika kukusanya habari kwa muktadha wa kuwepo katika maeneo ya matukio kama hakuna sababu nyingine za kuzuiwa. Misingi ya uhuru huu wa kitaaluma pia imesisitizwa katika Ibara za 18 ya Katiba ya Jamhuri ya Muungano wa Tanzania, 1977 na 19 ya Mkataba wa Kimataifa wa Haki za Kiraia na Kisiasa wa mwaka 1966 ambao nchi yetu imeuridhia.

Tunawatakia nafuu ya haraka wanahabari waliojeruhiwa na wenzao wengine waliopatwa na jakamoyo katika tukio hilo. Kwa kuwa suala hili tayari limeripotiwa polisi, tunawaomba wadau wote wa habari na wanasiasa kwa sasa kutulia na kuviachia vyombo husika vilifanyiekazi ili hatua stahiki za kisheria zichukuliwe.

Imetolewa na:

Dkt. Hassan Abbasi

Mkurugenzi, Idara ya Habari-MAELEZO na Msemaji Mkuu wa Serikali

↧

VIJUSO MAGAZETI YA LEO JUMATATU APRIL 24,2017

April 24, 2017, 12:46 am

≫ Next: WAUGUZI HOSPITALI YA TAIFA MUHIMBILI WASHEREHEKEA GET TOGETHER PARTY 2017

≪ Previous: Serikali yalaani kitendo cha kuumizwa wanahabari

↧

WAUGUZI HOSPITALI YA TAIFA MUHIMBILI WASHEREHEKEA GET TOGETHER PARTY 2017

April 24, 2017, 1:17 am

≫ Next: MASHAMBA YA MPUNGA YA MBARALI NA KAPUNGA YAPEWA ONYO KALI NA KIKOSI KAZI CHA KITAIFA CHA MTO RUAHA.

≪ Previous: VIJUSO MAGAZETI YA LEO JUMATATU APRIL 24,2017

Baadhi ya wanakamati wakiwa katika picha ya pamoja wakiongozwa na Mwenyekiti wa kamati hiyo, Segla Mgaya (wa tano kushoto) ambaye ni Afisa Muuguzi wa hospitali hiyo
Mkurugenzi wa Uuguzi Hospitali ya Taifa Muhimbili (MNH, Agnes Mtawa akizungumza na wauguzi hao wakati wa kusheherehekea Get Together Party 2017 iliyofanyika Dar es Salaam jana April 22, katika Ukumbi wa Navy Beach Kigamboni ambapo alipata nafasi ya kuanza kutowa salamu kutoka kwa Mkurugenzi Mtendaji wa Hospitali hiyo, Profesa Lawrence Museru kwakutofika,

Mtawa alisema, pokeeni salamkutoka kwa mpendwa wetu Mkurugenzi, anawasalimia sana na kuwatakia heri katika sherehe hii na amesema Mungu akitupa uzima mwakani anaomba taarifa apate mapema iliaweze kuserebuka nasi na kwakumalizia salamu hizo alisema pia naomba mpoke salam zake
Mkurugenzi wa Uuguzi Hospitali ya Taifa Muhimbili, Agnes Mtawa (kushoto) akipokea Ua kutoka kwa mtunza hazina wa Kamati hiyo, Matilda Mrina ambaye ni Afisa Mkuu Msaidizi Daraja la Kwanza .

Baadhi ya Wakuu wa Idara na wauguzi wa Hospitali ya Taifa Muhimbili wakiwa katika Gari kuelekea katika kusheherekea sherehe yao iliyofanyika Navy Beach Kigamboni Dar es Salaam jana

Mkurugenzi wa Uuguzi Hospitali ya Taifa Muhimbili, Agnes Mtawa akizindua mchezo wa mazoezi kwa kuruka kamba mbele ya Wauguzi (pichani hawapo) wakati wa kusheherehekea, Get Together Party 2017 iliyofanyika Dar es Salaam jana April 22, 2017 katika Ukumbi wa Navy Beach Kigamboni , ambapo kulikuwa na michezo mbalimbali ya kuchangamsha mwili ikiwemo, kuruka kamba, kucheza karata, kuogele, kucheza mpira na Burudani ya nyimbo mbalimbali kutoka kwa kikundi cha wasanii cha wauguzi kutoka Hospitali ya Taifa Muhimbili, michezo hiyo iliyoratibiwa na Mwenyekiti wa Kamati hiyo, Segla Mgaya.

HABARI ZAIDI BOFYA HAPA

↧

MASHAMBA YA MPUNGA YA MBARALI NA KAPUNGA YAPEWA ONYO KALI NA KIKOSI KAZI CHA KITAIFA CHA MTO RUAHA.

April 24, 2017, 1:36 am

≫ Next: UFAFANUZI KUHUSU USALAMA WA MAFUTA YA ULEZI

≪ Previous: WAUGUZI HOSPITALI YA TAIFA MUHIMBILI WASHEREHEKEA GET TOGETHER PARTY 2017

Kampuni inayojishughukisha na kilimo cha Mpunga ijulikanayo kwa jina la Highland Estates iliyopo wilayani Mbarali mkoani Mbeya imepewa agizo na Kikosi kazi cha Kitaifa cha kunusuru ikolojia ya mto Ruaha kilichoko mkoa wa Mbeya kuwa ndani ya mwezi mmoja wahakikikishe wamesafisha mifereji yote inayozunguka ndani ya shamba lao kwa kujenga upya miundombinu inayopoteza maji , kung'oa magugu maji na nyasi zote zilizoota katika mifereji ya matoleo ya maji ndani ya shamba hilo kwani inazuia maji kupita kwa urahisi kuelekea Mto ruaha kama inavyotakiwa. Pia wametakiwa kuanza taratibu za kupatiwa cheti cha ukaguzi wa athari za mazingira kitoka Baraza lau Usimamizi wa mazingira (NEMC).

Akiongea katika ziara hiyo Mwenyekiti wa kikosi kazi hiko Bwana Richard Muyungi alisema Uongozi wa shamba hilo wafanye juhudi za ziada kutunza mazingira yote yanayozunguka shamba hilo na kuhakikisha maji yanapita kwa urahisi katika mifereji ya matoleo ya kupeleka maji mto Ruaha Mkuu. "Tunawapa mwezi mmoja mfanye ukarabati na mrekebishe hali ya usafi katika mifereji ya shamba lenu baada ya muda huo tutarudi kwa ajili ya kukagua." Alisema Muyungi

Kikosi kazi hiko pia kilitembelea katika shamba la Mwekezaji lililopo wilaya ya Mbarali Mkoani Mbeya lijulikanalo kama Kapunga Rice Project. Kikosi kiliona matumizi mabaya ya maji kwa kuyachepusha bila vibali kunakofanywa na Wananchi walio maeneo ya jirani. Badala ya mifereji ya maji iliyopo shambani hapo kurudisha maji mto Ruaha Mkuu.

Maeneo mengi ya mifereji ya kutolea maji katika shamba hilo na kupeleka mtoni yamezibwa kwa viroba na udongo ili maji yasiende mto Ruaha. Kikosi kazi kilielekeza Kamuni michepusho yote ya maji ifungwe mara moja na Kampuni isimamie na kugharamia shughuli hiyo. Maagizo hayo yote yametakiwa kukamilika mpaka siku ya jumanne ya tarehe 25 Aprili 2017.

Kikosi kazi hiko cha Kitaifa kilichopo Mkoani Mbeya bado kipo katika ziara ya kutembelea sehemu mbalimbali ili kujua, kufahamu, kuona na kupata maoni mbalimbali ya Wananchi ni nini haswa kinachosababisha maji kutokuingia katika mto Ruaha ili kutoa suluhisho la kudumu.

Mfereji wa kutolea maji kupeleka mto Ruaha Mkuu ulioko ndani ya Shamba la Mpunga la Kapunga ukiwa umejengewa tuta ili kutopitisha maji hayo kuelkea mto Ruaha kama inavyotakiwa

Magugu na nyasi zikionekana katika mfereji wa kupitishia maji katika shamba la Mbarali ambapo magugu hayo huzuia maji kutopita kwa urahisi.

Mwenyekiti wa kikosi kazi cha Kitaiaf cha kunusuru ikolojia ya Mto Ruaha Bwana Ricahrd Muyungi akitoa maelekezo na maagizo kwa Wamiliki wa mashamba ya mpunga ya Highland Estates juu ya wanachotakiwa kufanya baada ya shamba alo kukutwa chafu sana na mifereji yao yote imejaa magugu maji.

↧

UFAFANUZI KUHUSU USALAMA WA MAFUTA YA ULEZI

April 24, 2017, 4:23 am

≫ Next: WANAFUNZI WA TANZANIA KUTOKA CHUO KIKUU CHA ISTAMBUL UTURUKI WAHEREHEKEA MIAKA 53 YA MUUNGANO

≪ Previous: MASHAMBA YA MPUNGA YA MBARALI NA KAPUNGA YAPEWA ONYO KALI NA KIKOSI KAZI CHA KITAIFA CHA MTO RUAHA.

↧

WANAFUNZI WA TANZANIA KUTOKA CHUO KIKUU CHA ISTAMBUL UTURUKI WAHEREHEKEA MIAKA 53 YA MUUNGANO

April 24, 2017, 4:49 am

≫ Next: MSAJILI WA VYAMA VYA SIASA ALAANI VURUGU ZILIZOTOKEA KATIKA MKUTANO WA WANAOSEMEKANA KUWA NI VIONGOZI WA CUF NA WAANDISHI WA HABARI

≪ Previous: UFAFANUZI KUHUSU USALAMA WA MAFUTA YA ULEZI

Wanafunzi wa Tanzania wanaosoma Chuo Kukuu cha (Istanbul Technical University (ITU)uturuki wakisherekea siku ya muungano jana mjini Istanbul mjini Istambul , sherehe hizo zimefanyika ikiwa ni kuadhimisha miaka 53 ya Muungano wa Tanganyika na Zanzibar ambapo walishiriki katika michezo mbalimbali na burudani fuatilia matukio ya picha chini ili kujua sherehe zilivyokuwa.

(Photos by Doreen Mlote, Engineering Student ITU ) .

↧

MSAJILI WA VYAMA VYA SIASA ALAANI VURUGU ZILIZOTOKEA KATIKA MKUTANO WA WANAOSEMEKANA KUWA NI VIONGOZI WA CUF NA WAANDISHI WA HABARI

April 24, 2017, 5:13 am

≫ Next: MKUU WA WILAYA MKURANGA AFUNGUA MAFUNZO YA KILIMO BORA

≪ Previous: WANAFUNZI WA TANZANIA KUTOKA CHUO KIKUU CHA ISTAMBUL UTURUKI WAHEREHEKEA MIAKA 53 YA MUUNGANO

Nimesoma na kuona katika vyombo mbalimbali vya habari kuhusu vurugu zilizotokea tarehe 22 Aprili, 2017 katika hoteli ya Vina, Mabibo hapa Dar es salaam, zinazosemekana kuhusisha wanachama wa CUF.

Ni ukweli usiopingika kuwa, suala la mgogoro wa uongozi katika chama cha CUF lipo mahakamani, lakini nikiwa msimamizi wa Sheria ya Vyama vya Siasa na kutambuliwa na jamii kuwa ni mlezi wa vyama vya siasa; nimelazimika kuwasihi wadau wa siasa hususani wanachama wa chama cha CUF, kutambua kwamba, kuwapo kwa shauri mahakamani siyo fursa ya kufanya vitendo vya uvunjifu wa amani, kwani jambo hili ni uvunjifu wa sheria na linaleta sura mbaya kwa jamii.

Hivyo, ninalaani vurugu hizo, ambazo zilionekana kuvunja amani na utulivu na watu kuumizwa, tofauti na tunu zetu za taifa za amani na utulivu. Pia, nawaasa wanachama wa CUF pamoja na tofauti walizonazo, madhali masuala haya yapo mahakamani hebu tuheshimu utawala wa Sheria.

Ofisi ya Msajili wa Vyama vya Siasa na hata Jeshi la Polisi lipo kushughulikia malalamiko yoyote yanayohusu uendeshaji na shughuli za chama chochote cha siasa. Hivyo, hakuna haja ya wanachama wa chama cha CUF kukiuka taratibu za kuendesha chama hicho au kujichukulia Sheria mkononi.

Aidha, ninaviasa vyama vya siasa kuelewa kuwa havipo juu ya Sheria, vinapaswa kuheshimu na kufuata Sheria za nchi, ikiwamo kutunza amani na utulivu tulionao.

Mwisho, ninaomba vyombo vya ulinzi na usalama katika nchi yetu kulifanyia kazi tukio hilo, ili wahusika wafahamike na kuchukuliwa hatua za kisheria. Kwa upande wa Ofisi ya Msajili wa Vyama vya Siasa inayosimamia utekelezaji wa Sheria ya Vyama vya Siasa, haitasita kuchukua hatua stahiki kwa mujibu wa Sheria.

Jaji Francis S.K. Mutungi

MSAJILI WA VYAMA VYA SIASA

24 Aprili, 2017.

↧

Latest Images